 |
 |
 |
||
|
|
|
||
 |
|
 |
|
|||||||
| بوابة الشرقية تخص المناطق الشرقية-تقارير - استفسارات.. |
 |
|
|
أدوات الموضوع | انواع عرض الموضوع |
|
|
23-10-2008, 12:08 AM
|
#1 (permalink) |
|
مسافر متالق
تاريخ التسجيل: Aug 2003
الدولة: الرياض
رقم العضوية :860
المشاركات: 601
|
(للمشاركة) صور منتجع الهوليدي إن بالخبر
السلام عليكم
هذي يا إخواني صور التقطتها من منتجع الهوليدي إن نهاية الأسبوع الماضي . والمنتجع معروف وسبق الحديث عنه في المنتدى ومن باب المشاركة أحببت إضافة هذا الموضوع .. الأسعار : 2013ريال للشاليه ، أخذنا ثلاث شاليهات بمجموع 6037، الشاليه يتكون من ( غرفتين ، ودورة مياه ، صالة ، طاولة طعام ) . الملاحظات : المنتجع بدون شك مرتب ونظيف من ناحية الوحدات السكنية أو المسابح ، لكن مشكلته احتواءه على دورة مياه وحدة ، والغرفة الثانية واضح أنها ملفقة  والأسعار مبالغ فيها بصراحة ..وإليكم الصور.. ((( لدي مشكلة في الجهاز ولم أستطلع إدراج الصور ، وهي موجودة في ألبوم خاص ))) إليكم الرابط : منتجع الهوليدي إن بالخبر - معرض الصور السياحية - العرب المسافرون والسلام عليكم ورحمة الله وبركاته |
|
|
|
23-10-2008, 09:04 AM
|
#3 (permalink) |
|
مسافر متميز
تاريخ التسجيل: Jul 2005
رقم العضوية :39219
المشاركات: 233
|
فعلا المنتجع حلو وهادي...لكن مبالغ في اسعارة...انا اخذت فية غرفة بصراحة روعة جدا وكانت ب 350 ريال
طبعا السعر هذا بناء على عرض كنت حاصل علية من اول... وجيتة ابي احجز في العيد قالي الموظف الغرف ب 800 مع الفطور ولا زم الحجز ما يقل عن 3 ايام يعني 2400 ريال المنتجح فعلا جميل... ولكن هناك ملاحظة واحب انبة كل زوار المنتجع والساكنين فية..... انتبهوا يا شباب...ووياشابات ترى العمالة الويترز اللي يقدمون الطلبات على المسح والكفتيريا الخارجية بنقالية يعني حرامية من بتقلاديش...انا جيتهم في رمضان السنة هذى انا وزوجتي الساعة 1 صباحا... وطلبت المنيو طالع في يدي وطالع في الطاولة ؟؟ انا مستغرب ويش هالنظرات..شوي ويقول صديق.. الحين ساعة 2 كلوا سكر انت فية تاخير ؟؟؟؟ اثاري ابو الشباب ما شاف ساعة بيدي ولا جوال على الطاولة وقام يلعب لعبتة..قلت له اذا انا اعطيك فلوس بخشيش.. يجيب طلب..قال يجيب..ما في ش الخوف ....صديق انا جيب منيو ..انا جيب طلب..ما في مشكلة...ووو... المهم قلت يالله روح جيب شيشة ويروح ويجي بعد ربع ساعة..مادري شكله مجهزها بغرفة المدير..ويجيني وهو قاعد يشفط فيها ويتعمد اني اشوفة وانواع التسحيب من صميم قلبة وما وصل الا والراس محروق...  يعني ...ما يتوبون ولا يتغيرون ابد البنقالي بنقالي وبصراحة انا شفت القروب كذا ولاحطت عليهم التاخير في تلبية الطلبات..وكذلك الدفاشة فيهم حدث ولا حرج...يجيك ينظف الطاولات اللي جنبك وكانك على راسة انواع التسحيب والازعاج الله لا يوريكم... وهذي نصيحتي لكم يا شباب...لا تعطي بخشيش الا برضاك ومن مزاجك انت ولا تخليهم يجبرونك على كذا وانت الحق وياك..طالب بحقك ولو كان بسيط فهو لك |
|
|
|
|
24-10-2008, 09:33 PM
|
#5 (permalink) |
|
مسافرجديد
تاريخ التسجيل: Jul 2006
رقم العضوية :104345
المشاركات: 37
|
صور رائعه اخ عبد العزيز الموضوع جا في وقته بصراحه قبل قليل كنت أفكر اقضي الويك اند الجاي هناك مع المدادم الجو جميل ولا يفوت وسمعت ان جلسات المطعم رايقه على البحر ياليت من يعطينا تفاصيل أكثر وش الزين عندهم وايش الشين جوهر خيو معلومات طيبه تشكر عليها سؤال على الطاير الي فهمت منك إذا جا البنقالي يتلزق أديه بالشلووت؟       |
|
|
|
|
24-10-2008, 10:00 PM
|
#6 (permalink) |
 
تاريخ التسجيل: May 2008
الدولة: افطر بامريكا واتغدا بالهند واتعشا بايطاليا وانوم باالرياض الله لايحرمني منها ومن غبارها
رقم العضوية :188477
المشاركات: 2,674
|
بصراحه مبالغ بسعره مشكور على التقرير
ويعتبر من افضل شاليهات الشرقيه نظافه ماااشفت شي مميز بالاثاااااااااث بس يمكن عشان اسمه  |
|
|
|
|
24-10-2008, 11:56 PM
|
#8 (permalink) |
|
مسافر فعال
تاريخ التسجيل: Jun 2008
رقم العضوية :193263
المشاركات: 93
|
منتجع رائع
بس مشكلته يوم الجمعه ماهو لك والسبب دخول افراد الشركات وعوائلهم وهم من جنسيات معينه وهات يا حجز للطاولات اللي جنب المسابح والمشكله انهم يضايقونك حتى في الشاليهات ويجون قدامك وياخذون الطاولات والكراسي وهات ياشوي وهات يا وساخه كلمت الرسبشن اكثر من مره لكن ماحولك احد |
|
|
|
|
25-10-2008, 08:26 AM
|
#9 (permalink) |
|
مسافر متميز
تاريخ التسجيل: Jul 2005
رقم العضوية :39219
المشاركات: 233
|
الاخ...alkhalegy تحية طيبة..انا اقصد اذا رحت المنتجع حاول
تمر على الريسبشن والمطعم واسالهم عن اوقات الخدمة الخارجية ( حول بركة السباحة) متى تبداء ومتى تنتهي... وهكذا يكون عندك علم. فاذا رحت واخذت لك طاولة على المسبح واردت ان تطلب وجاك البنقالي وسوالك فيها فيلم هندي...الهين كلوا سكر الهين زحمة وووو...تاكد انه يدور على البخشيش. ارجوا اكون جاوبتك...تقبل تحياتي. |
|
|
|
|
25-10-2008, 08:32 AM
|
#10 (permalink) |
|
مسافر متميز
تاريخ التسجيل: Jul 2005
رقم العضوية :39219
المشاركات: 233
|
الاخ alktheri ...تحية طيبة...فعلا كلامك صحيح100%
انا ماقدرت القى مكان الا رابع ايام العيد على المسبح.. وعموم الشاليهات تشوفها كانك رايح كورنيش الخبر.. واهل الشاليهات...مساكين ..راحت عليهم الجلسة والجوا الرومنسي. |
|
|
|
|
12-01-2009, 12:06 AM
|
#11 (permalink) |
|
مسافر متالق
تاريخ التسجيل: Aug 2003
الدولة: الرياض
رقم العضوية :860
المشاركات: 601
|
شكراً يا أخي ( مسمار ) جهدك مشكور وبارك الله فيك ..
أخي الكريم ( جوهر ) .. فعلاً العاملين ليسوا بالمستوى المطلوب والخدمة بطيئة جداً جداً ، نحن وصلنا وأنزلونا في ثلاث شاليهات متجاورة ولكن أحدها بدوووون تكييف !! واضطررنا لتغييره فلم تعد الشاليهات متصلة الأخ الكريم ( دحومي ) الشكر لك على ردك وشرف لي ذلك . الأخ الكريم ( الخليجي ) الحمد لله أن الموضوع نفعك ، وهذا ما كنت أتمناه .. شكرا لردك الأخت الكريمة ( نوف ) ..شكراً لردك ، والسعر مبالغ فيه مثلما قلت ، ولكنه أفضل منتجع في الهاف مون !! الأخت الكريمة ( بينك روز ) .. شكراً لردك ، لا أظن أن ألفي ريال قليلة في مثل هذه الأماكن العادية ..!! وشكراً لردك مرة أخرى . الأخ ( الكثيري ) شكراً لردك .. لكني لم ألاحظ شيئاً مما ذكرت قد يكون ذلك في أوقات أخرى في غير وقت إقامتي .. وللأمانة العاملون حريصون على تنظيف الشاطئ . شكراً لكم إخواني على الردود وأعتذر أشد الاعتذار عن التأخر في الرد .. والسلام عليكم |
|
|
|
|
12-01-2009, 08:27 AM
|
#12 (permalink) |
|
مسافر متميز
تاريخ التسجيل: May 2004
الدولة: USA
رقم العضوية :3887
المشاركات: 355
|
ويستمر مسلسل إستغلال الشعب السعودي المغلوب على أمره وهو الجاني الأول والأخير لأنه سمح لمثل هذه
المنتجعات الإستغلالية وكثير عليها إسم منتجع بإستغلاله !! ياناس ياعالم ياهوه معليش يمكن متوتر بس والله يحق لي !!! مع كامل احترامي وشكري لصاحب الموضوع بس ابي افهم 2000 ريال في يوم واحد على الخياس اللي فوق!!!!!!! انا قريت الرقم صح ولا عندي عمى أرقام !! يعني 533 دولار على ليلة وحدة في هالمنتجع الخايس !!!!!! انا قلت يمكن مسبح خاص وبيتش خاص وبرضوا غالي ياشيخ ياعالم فتحوا عيونكم والله العظيم ملعوب عليكم !!!! اللي يسمع هالسعر يقول بس يطل على الدانوب ولا الراين ولا تشوف جبال الألب مع الشباك !! ولا على شلالات نياغرا !!! ولا في نيويورك على التايم سكوير بالنص !! ولا على الشانزليزيه!! على الهافمووووون الهاااااافمووووون يعني بحر خايس اتحدى ابن أمه يسبح على راحته بدون مايتجرح ولا يجيه جلي فيش ياجماعة شوفوا لون البحر كيف رايح فيها !!!! حرام عليكم !!! ااااه بس ااااه ويقولون ليه مانتطور ويصير عندنا فنادق ومنتجعات زي الناس !!!! اكيد ماراح نصير زي الناس يعني لو اني مكان الهوليدي ان ليش ابطور لاقي عندي سذج مع احترامي للجميع يدفعون اي سعر احطه يدفعون رفعه الى 800 ريال حاضرين ابو عراب !! رفعه الف برضوا الدفيعة موجودة !! 2000 لايهمك موجودين ارفع بس سعرك ارفع !! ولاتزين ولاتطور ولا شبر وصدقني بيجونك على ودنهم !!! يالله ياعزيزي صاحب الموضوع يبدوا لي والله العالم انك ماتحب السفر للخارج وأنا أحترم رغبتك لكن اتق الله نفسك !! انت وغيرك من هاللي يدفعون بدون حساب وبدون تفكير !! الله يرزقكم ويهنيكم !! لكن والله حرام عليك حرام عليك تدفع هالمبلغ هنا صدقني ان هذا أخيس منتجع بحري تابع للهوليدي ان في العالم !!! والله اتق الله ، وأنصحك أنصحك نصيحة لوجه الله سافر برى واتق الله في أهلك وودهم لماليزيا الهند البحرين اقل الخير ودهم اوروبا والله ثم والله اني مستعد وقادر بإذن الله اصلح لك برنامج في اوروبا السعر اللي دفعته على هالخياس يسكنك في مكان جنة عند هذا ولمدة 5 ايام !!!!!! جنة لمدة خمسة أيام !!!! مش خياس ولمدة يوم !!!! حرام عليكم والله حرام ادور شي يسوى رحت وراجعت الصور،، هذا كنا اول نجي نشيش فيه وهونا حتى شيشته خايسه اااااااااااااه يالقهر ويقولون منتجع !!! منتجع خمس نجوم وحاط لي ينغالية !!!!!! يالهوووووي والله مساكين السعوديين!!! وأكرر لك نصيحتي لوجه الله أن تسافر للخارج وتدفع فلوسك في يستاهل !!! لاتزعل مني ولاتضايق وأتمنى يتسع صدرك لكلامي أنا ماقلت شي غلط وودي أعطيك معلومة بسيطة يمكن أنت تعرفها ويمكن ماتعرفها :  هذي صورة التايم سكوير في نيويورك ويعتبر من أغلى وأشهر أماكن السياحة في العالم صدقني مستعد القى لك فندق في هالمكان الخيالي ب 400 دولار وخمس نجوم بعد !!!  هذي لاس فيغاس يالغالي !! والله ثم والله انك ممكن تسكن في أي فندق على هالشارع بأسعار تتراوح من 50 دولار إلى 160 دولار إذا كثر !!!!! ملاحظ 50 الى 160 دولار بس لليلة الوحدة... خلك معي شوي شيك المصيبة هذي:  ولسا ....  وهذا المنظر من الغرفة:  وخلك معي ثانية  هذا البحر ولك عليه زي منت شايف مهوب صافي زي الهافمون !!!!!!!!!!!!!!!!!!!!! اه يالقهر يالهافمون وبعد.....  وجلسة خاصة ساترة مايشوفكم الا ربكم على راحتك وكل كوخ او كوندو له كرسيين بر محد يشوفكم ...... تدري عاد هالطبيعة هالجنة هالجمال بكم !!!!! لاحظ انك دافع 533 دولار على الخياس اللي فوق!! هذا يالغالي فندق سوفوتيل في بورا بورا وقيمة الليلة فيه كمعدل = 491 دولار !!!!!!!! هههههههههههه والله من القهر اضحك يعني من جد شر البلية مايضحك .... الهوليدي ان أغلى بأ ربعين دولار تقريبا صدقتوني عرفتوا الان؟؟ يوم اقول ملعوب علينا وانا حنا يالسعوديين من أسذج خلق الله وانا ترى ماخرجت عن الأدب وولاقلت شي غلط ،، ابي اوضح ان حنا ياناس ملعوب علينا والسبب في استمرار الإستخفاف فينا انا فيه ناس تدفع!!!! بيجيني واحد ويقول ياخي اللي رازقه الله ومنعم عليه خل يمتع نفسه ويدفع وش خسران انت!!!! اقول صح كلامك!! لكن صدقني انا اعرف وانتم تعرفون ان اللي منعم الله عليهم ورازقهم ماشاء الله لا اله الا الله يقدرون قيمة الريال ويعرفون وين يصرفون ومافيه أمل يفكر يجي لها الأماكن الي في هالفمون الله يديم النعمة بس!!! المشكلة من يروح لهالمنتجعات الخايسة!!! ويشجعها !!! الناس المحافظين اللي مايحبون السفر برى وللأسف مايدرون ان فيه برى ارخص وانظف وارقى وأستر بعد!!!! وممكن شريحة بسيطة من الميسورين يجي ويجربه ويمشي ،، وممكن شركات كذا أو متعاقدين لكن كسياحة وتمشية ،، أهل السفر والسياحة فعلا يعرفون كيف ان هنا في وقاحة في الإستغلال لايمكن تنطلي عليهم... نسيت حاجة وحدة،،، الملحقية الثقافية تحذر اطلاب المبتعثين اللي بيجون امريكا من عدم السكن في واشنطن بسبب الإرتفاع الهئل في الأسعار بمناسبة احتفالات تنصيب الرئيس الجديد اوباما وتذكر الملحقية أن أسعار الغرف في الفنادق قد تصل الى 500 دولار لليلة الواحدة !!!!!!! وين ؟؟؟ وين ياناس؟؟ وين ياسعوديين ؟؟؟ في واشنطن قريب من البيت الأبيض والكابيتول والكونغرس والشغلات هذي كلها !!!! مش على منتجع خايس في يوم عادي جدا جدا جدا وحولك بنغالية ....... يالهوي استغفر الله واتوب اليه.... |
|
|
|
|
12-01-2009, 10:27 AM
|
#13 (permalink) |
|
مسافر فعال
تاريخ التسجيل: Aug 2005
رقم العضوية :41892
المشاركات: 126
|
فارس تميم
فدييييييييييييييييييييييييييييتك والله كلامك رائع وفي الصميم الله يعطيك العافيه وبالعكس هذا الكلام الصحيح والواقعي وحاشاك ما قلت اي شي غلط يعطيك مليوووووووووون عافيه ( خاطري اسافر معك والله ) |
|
|
|
|
12-01-2009, 11:42 AM
|
#14 (permalink) | |
|
مسافر متميز
تاريخ التسجيل: May 2004
الدولة: USA
رقم العضوية :3887
المشاركات: 355
|
اقتباس:
الرائع والله انت والصراحة أشكرك لأني الحقيقة اندهشت ان فيه بعض الأعضاء يقولون السعر طبيعي والمنتجع يستاهل!!! ياشيخ روووووووووح ها حرام عليه اسم منتجع !! انت شوف تعليقات الأعضاء وخذلك على سبيل المثال: العاملين ليسوا بالمستوى المطلوب والخدمة بطيئة جداً جداً ، نحن وصلنا وأنزلونا في ثلاث شاليهات متجاورة ولكن أحدها بدوووون تكييف !! ياحبيبي بدوون تكييف هاه!! ومسمينه منتجع والله المفروض يسمى مستنقع مهوب منتجع انا ماقدرت القى مكان الا رابع ايام العيد على المسبح خوش عيد والله ، والله ماخربهم الا حنا ياجماعة في مقولة مشهورة افهموها لو مرة دعوهــــــــا لهـــــــم فاذا رحت واخذت لك طاولة على المسبح واردت ان تطلب وجاك البنقالي وسوالك فيها فيلم هندي...الهين كلوا سكر الهين زحمة وووو...تاكد انه يدور على البخشيش. لاتعليق وجيتة ابي احجز في العيد قالي الموظف الغرف ب 800 مع الفطور ولا زم الحجز ما يقل عن 3 ايام يعني 2400 ريال امووت واعرف وش القانون اللي يقول لازم تحجز 3 ايام!!!! يعني عيني عينك استغلال ياناس اصحوا ارحمونا بطلوا تقارير عن هالمستنقعات القذرة!!!! وش الإستغلال هذا!! والله ثم والله اروح لدبي او البحرين اصرف لي مليووون الف مرة ياخي رح قطر رح الكويت والله ارخص وازينوافضل وانظف ويعاملونك كآدمي مش زي هنا يعاملونك زيك زي اي صراف بنك بيطلعون اللي يقدرون عليه .. انتبهوا يا شباب...ووياشابات ترى العمالة الويترز اللي يقدمون الطلبات على المسح والكفتيريا الخارجية بنقالية يعني حرامية من بتقلاديش من تعلم؟؟ ابي افهم متى العالم بتصحى والله اشرف لك تستاجر لك خيمة في السفانية وتستانس انت واهلك ... التاخير في تلبية الطلبات..وكذلك الدفاشة فيهم حدث ولا حرج...يجيك ينظف الطاولات اللي جنبك وكانك على راسة انواع التسحيب والازعاج الله لا يوريكم... برضوا لاتعليق مشكلته يوم الجمعه ماهو لك والسبب دخول افراد الشركات وعوائلهم وهم من جنسيات معينه وهات يا حجز للطاولات اللي جنب المسابح والمشكله انهم يضايقونك حتى في الشاليهات ويجون قدامك وياخذون الطاولات والكراسي وهات ياشوي وهات يا وساخه كلمت الرسبشن اكثر من مره لكن ماحولك احد بعد!! يعني شين وقوي !! يحق له فيه ناس جاهزه تدفع الله يهنيهم بالسياحة الداخلية وطبعا مافي امل كسعودي اتكالي غير فعال ان احد يكلم او يراسل الهيدكوارتر ويرسال شركة هوليدي ان ويسوي شكوى!!! أنتم تدرون لو احد يشتكي ويقولهم على اللي صاير قسما بالله ممكن يطيرون كل الإدارة والله مافضيت ولا ان كان تفرغت لهم،، الموفمبيك اللي في بريدة بإيميل واحد من الشباب لمديرهم في دبي غيروا فطورهم السيء لفطور ما أقدر أوصفه شي خيالي وقدموا لنا ديسكاونت واعتذار لأنهم عالم تخاف على اسمهم بس عندنا مافيه احد يشكي وياحلينا مساكين نروح ونصور ونقول الله منتجع حلو ....الله يصبرنا بس.... وشكرا لك اخوي ابو سلمان |
|
|
|
|
|
12-01-2009, 10:35 AM
|
#15 (permalink) |
|
مسافر متميز
تاريخ التسجيل: May 2006
الدولة: بلاد الحرمين
رقم العضوية :80873
المشاركات: 446
|
و الله يا انت كلته يا فارس تميم بقراطيسة...ما تسوى علية!!
اوافقك على جزء من اللي ذكرته ان السعودي للأسف ينلعب عليه و بسهولة بس عشانه داافع داافع.. و ترا لو الشاليه وصل ل3500 لليله بتلقى اللي يدفع... طبعا السبب الوحيد ورا هالمبالغه في الاسعار هو عدم وجود البديل؟؟!! يعني مالك الا خشمك لو هو عوج!!! و ينكم يا حماية المستهلك؟؟ |
|
|
|
|
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 05:41 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||