المشاركة الأصلية كتبت بواسطة fahad31

تسلمين اليازي وكل عام وانتي بالف خير ...

يعني مثل ماتوقعت .. التركيز اكثر كان في المنطقه الخارجيه اكثر من فخامة التاثيث . وانا قلت

حاجه اول ما شفت الرابط حق الاوتيل .. وهي

ان المنتجع يشبه في ( مميزاته ) الكمبنسكي ..

يعني عندك ترانزيت او إجازه يومين لا تتعدى .....

--- الكمبنسكي ( مول و سكي ومطاعم وسينما ) وممكن اضيف الكراون بلازا او الانتر ( فيستيفال )

--- او اتلانتس ( استجمام والعاب الماء )


تحياتي لك ..

المشاركة الأصلية كتبت بواسطة a_alsaeed

هلا أخوي The Watcher

اسمح والأخت اليازي اتلقف في هالسؤال فقط

الاكواريوم : هو الحوض الرئيسي الكبير واللي يحتوي على أسماك الخليج العربي وهو حوض عملاق وبإمكان أي شخص مشاهدته مجاناً وهو ماسبب الزحمة في الفندق.. الاكواريوم هذا تطل عليه الغرف التي تحتوي على اطلالة الاكواريوم وايضا تطل يطل عليه أحد المطاعم .. يعني تقدر تشوف بوضوح وانت تطالع الاكواريوم ان في الجهة المقابلة لك في الطرف الاخر طابقين فوق تبين لك الغرف المطلة على داخل الاكواريوم وتحتها تكون اطلالة المطعم وطاولاته..وبصراحة فيه اسماك رائعة ولولا المحافظه عليه وعلى البيئة البحرية كان نزلت بمسدسي حق البحر وماخليت هامور فيه "" ألحين بتقولون اني دموي ولكن من حبي للهامور وأكله ماقدر اقاوم اشوفه عينك عينك يسبح قدامي ""... هذا بالنسبة للأكواريوم..

اللوست شامبرز أو الغرف المفقودة: هي عبارة عن مممم والله شنو اترجمها بالعربي خخخ عبارة عن متاهة او غرف مصممة بطريقة توحي بالغموض وتحتوي على عدة أحواض مغلقة تحتوي على أسماك وأحياء بحرية عديدة كما يوجد حوضين مفتوحين يحتويان على الستار فيش وخيار البحر بحيث يستطيع الزوار مسكها واللعب معها .. والدخول الى اللوست شامبرز غير مجاني للزوار .. يوجد تماثيل وتصاميم لمخلوقات مثل الموجودة في لعبة دوووم ومثل مخلوقات الفضاء خلال تجولك في الغرف المظلمة حيث ان إلاضاءة تكون خافتة ومصدر الاضاءة الرئيسي يكون من الاحواض..

أتمنى ان تكون اجابتي وافية لك وتقبل تحياتي ولقافتي خخخخ