 |
 |
 |
||
|
|
|
||
 |
|
 |
|
|||||||
 |
|
|
أدوات الموضوع | انواع عرض الموضوع |
06-12-2004, 09:36 PM
|
#1 (permalink) |
|
مسافر فعال
تاريخ التسجيل: Dec 2004
الدولة: Riyad
رقم العضوية :16552
المشاركات: 93
|
رحلتي من طنجة الى اسبانيا - تجربة رائعة و بعض التفاصيل
بناءآ على طلب اخوي الكبير مره مره ( تميم ) , راح اذكر بعض التفاصيل عن رحلتي من طنجة الى اسبانيا و كيفية الحصول على الفيزا ,,
الفيزا تاخذها من السفاره الايطاليه ( شينقن ) , طبعآ تقدر تدخل فيها اي دولة ضمن الاتحاد الاوروبي , و اذا سالتوني ليش الايطاليه , لانها تقريبآ اسهل طلبات و اسرع وقت للإستلام. بعض السفارات تعقد الامور و تطلب كشف حساب من البنك و غيره , الايطالية تطلب صورتين و تعريف و 250 ريال تقريبآ , والنموذج الوكالة بتخليك توقع بس و هم يعبون البيانات المطلوبة. ( اسبوع الى 9 ايام والفيزا بوسط الجواز , انا عارف انها كثير بس بعد الاحداث الاخيرة صارت قليلة مقارنة بسفارات اخرى ). من طنجة , اغلب الوكالات السياحيه تبيع تذاكر الفيري ( السفينه ), الشركة الناقلة اسمها اظن اظن اذا ماني غلطان( كوماريت ) , سعرها على ما اذكر حدود 50 او 60 دولار , يعني مبلغ بسيط مقابل الاستمتاع بالسفرعن طريق البحر و مشاهدة اسبانيا. انا طلعت طنجة لهذا الغرض , جلست يوم واحد في طنجة , سكنت في فندق انتركونتيننتال , كان سعر الغرفة حول 500 درهم , الاوتيل قديم بصراحة , ما يبت بأي صلة لسلسلة فنادق انتركونتيننتال العالمية , بس نظيف ماشي حاله. اليوم الثاني رحت للميناء علشان اركب السفينة , نزلني الطاكسي و نزل معي السواق , قال الا اشيل الشنطة , و الا في و جهنا واحد لابس مدني قال عطني التذكرة و انا اخلص لك الامور بدال ما تصف طابور , طبعآ انا على بالي ان الرجال موظف في المينا , و اعطيه التذكرة و الجواز ( من الغباء المستشري في راسي طبعآ والا مفروض اتاكد قبل ما اعطيه ) , و جا بيشيل الشنطة من السواق , و هي اللي تقب بين الاثنين  , تطاقوا على الشنطة ( عشان المقسوم ), وانا اللي اخذ التذكرة و الجواز من الرجال و اخلي الشنطة معهم  , المهم اللي فاز في المعركة جاب الشنطة  ( مش سواق الطاكسي اكيد ) , جيت عند الجوازات , قال الموظف عندك فيزا دخول اسبانيا ؟ قلت عندك في الجواز , دورها و لقاها . جيت العسكري اللي بعده  , قال الباسبورت لو سمحت , قلت تفضل , قلب في الجواز شوي , قال انت موظف ؟ ( قلت في خاطري بدينا الحين الحركات اللي ما لها داعي , خلني اقول طالب عشان اخلص ) , قلت له انا طالب , قال ما عندك دراسة ( كان وقتها سبتمبر و الاجازة خلصت من اسبوع او اسبوعين ), قلت لأ ما عندي ( هو بس يبغى يفتح اي موضوع عشان اللي بالي بالكم ) , قال ليش بلدكم ما تفتح جامعات عندنا ؟ ( اغرب سؤال يوجه لي في حياتي ) , قلت و الله ياخوي اسأل وزير التعليم , وبعدين الشباب عندنا ما لقوا قبول في الجامعات عشان يسوون جامعات في المغرب. المهم الرجال ما ارتاح لي مرررررره . و نطلع في السفينة , السفينه متوسطة الحجم , فيها عدد 2 مطاعم , 1 او 2 كوفي شوب , سوق حرة تقبل عملات اجنبية فقط ( يوجد صرافة عملات داخل السفينه ), حليوه بصراحه , اول ما مشت السفينه , حسيت اني ماني متوازن , بس بعد 5 دقايق يصير الوضع طبيعي و ممتاز , يعني ما تحس ان السفينه تمشي , تقدر تطلع لسطح السفينه اذا حبيت تتفرج , او تجلس في اي مكان داخل السفينه و تتفرج من النوافذ , كان يوم مطر  , بس اروع تجربة ممكن تمر فيها . اخذنا تقريبآ,,, تقريبآ ساعتين و شوي مرت زي الهوى. السفينه كان اسمها ( بسم الله ) , و وحده ثانيه شفتها اسمها ( المنصور ).الغلطة التي لا تغتفر , واللي عانيت بسببها , هي اني ما عملت حجوزات سكن في اسبانبا , كان المفروض اني اسوي حجز سكن من الرياض او من طنجة على الاقل , طبعآ السفينه نزلتنا في الجزيره الخضراء او زي ما يسمونها الخزيراس ( تقريبآ ).اول ما طلعت من الميناء , مشيآ على الاقدام  , لقيت وكالات سياحية بالهبل , صافينهم جنب بعض , قلت ممتاز , الحين اضبط حجز اوتيل من هنا , و ادخل الاول , قلت لو سمحت ودي اسوي حجز اوتيل في ماربيا , قال ما فيه امكانية fully booked, يا راجل ! , طيب مالقا ,قال fully booked , قلت لا ذا ماهو بصاحي , وش ذا المدينتين اللي ما فيها متر في متر مرقد للفقير لله , و اروح الثاني و الثالث نفس الكلام , الرابع و القى واحد اسباني شباب , و شرحت له الموضوع , قال شوف انا باحاول اساعدك , اخذ كتيب الفنادق , و قام يتصل عليهم واحد واحد , و انا قاعد اتأمل الناس اللي رايحه و اللي جايه من الميناء , ما لكم علي يمين ان المسكين قعد حوالي 3 ساعات و هو يدور , قال لقيت لك في ماربيا غرفه اربع اسره ( جمع سرير ) و بتطلع عليك الليله بحوالي 500 دولار , !!!! اربع سراير وانا لحالي و 500 دولار !!!! ( قلت في خاطري هذا عنبر سجن ذا ماهوب غرفة فندق ). قلت له و غير ذا الحل , قال فيه غرفة في توريمولينوس ( مدينة او قرية تقع بين ملقا و ماربيا , تبعد نص ساعة عن ماربيا و نص ساعة عن ملقا بالباص , يعني في النص بينهم ), لكن الغرفة بتفضى بكره , قلت طيب و اليوم وش اسوي بعمري , قال تنام اليوم في الخزيراس , احجز لك غرفة في اوتيل اسمه المار قريب من هنا تقدر تروح له مشي , قلت بكم الليله ؟ قال 40 دولار ( نجمتين يمكن ) , قلت تدري ! الله المستعان , اتفقنا , طيب و الفندق اللي في توريمولينوس بكم ؟ قال اسمه جورجيو المار - 3 نجوم و باعطيك 3 ليالي 140 دولار ( زين اللي ما دفعني قيمة المكالمات , مسكين شاغل التليفون عشاني ساعتين يدور لي سكن , والله انه نشمي ذاك الاسباني ) , قلت والله اسعار طيبة ذي بس خوفي من توريمولينوس وش تطلع !! يمكن تطلع كأيبه و الا مش سياحيه , قال لا , هي سياحيه بس اصغر من ملقا و ماربيا . اخذت الشنطه و رحت فندق المار , فندق اقل من عادي , الغرفه اذا تمططت حكت اكواعي في الجدران من ضيقها  . طلعت اتمشى في الخزيراس , مدينة موحشة في الليل , فيها كثير من الهومليس ( homeless ) يعني مشردين في الشوارع من جنسية عربية !!! ما ارتحت للتمشية و رجعت للفندق . في النهار البلد حلوة يعني البحر و الطبيعة , بس الهومليس حتى في النهار موجودين و بكثرة !!! في الصباح الباكر , الساعه 8 , رحت محطة الباصات, قريبة من فندق المار 200 متر , اخذت تذكرة الباص بحوالي 10 دولار تقريبآ او اقل يمكن , و نمشي على طريق ساحلي , على يمينك البحر , و على يسارك جبال خضرا و طبيعه مرة حلوه , لون الشمس كان غير اللي نشوفها في الخليج , يعني كان الوقت صبح و تحس انك عصر. الباص كان يوقف عند كل مدينه دقايق و يمشي , مرينا على ماربيا , و وصلنا توريمولينوس , اخذت تاكسي و على الفندق , احسن شوي من المار بس ما يبعد عنه في الصغر , بس الفندق فيه حركة عالم , اوروبيين بالهبل و عدد الغرف الظاهر كبير مرة , يعني تحس ان معك ناس , في اللوبي و المطعم . التلفزيون اللي في الغرفة ما يشتغل الا بهلل, يعني فلوس معدن ( coins )  , يعني اللي بيروح هالفندق ياخذ معه كيس هلل  . ( كل 45 دقيقة لازم تحط فيه هلل حوالي 1 ريال او ما شابه. باختصار المدينه سياحيه من الطراز الاول , شواطىء نظيفة و مليانه عالم , مطاعم اكلها حلو , محلات هدايا و ماركات عالمية , امان امان امان امان مرررررررة , يعني تمشي الساعة 4 او 5 الصبح ما عندك اي اشكال ( اروح مشي من الفندق الى البحر و المطاعم و اماكن السهر , يعني موقع الفندق كان ممتاز حقيقة ) . الناس طيبة بس مشكلة اللغه شوي كانت عائق , يعني مره شفت اعلانات لمصارعة الثيران في مكان يبعد عن توريمولينوس حوالي 25 دقيقة بالباص , و رحت الكشك اللي يبيع تذاكر الباص عشان اسأل عن الباص اللي يروح لمكان المصارعة متى يطلع و اخر باص يرجع من هناك خفت ابلش و ماقدر ارجع من هناك , اللي تبيع ما تتكلم الا اسباني , حاولت افهمها بالانجليزي لكن عصبت  و قالت بالاسباني ( اللي بعده - طابور طبعآ ) . ما قدرت اروح اشوف مصارعة الثيران وقلت اعوضها في الرياض , اشوف مصارعة اخواني انا طولت عليكم صح ( والله اسف ) , المهم رابع يوم و اخذ الباص و عليك يا الجزيرة الخضراء , و اخذ السفينه على طنجة ديرة ابن بطوطة  ,,,,,يا رب تكون تجربتي مفيدة للي يحب يطلع من طنجة الى اسبانيا , و سامحوني على الإطالة ,,,, أفوكادو ,,,,,, |
|
|
07-12-2004, 06:36 PM
|
#2 (permalink) |
|
مسافر متميز
تاريخ التسجيل: Aug 2003
الدولة: الشرقيه وقلبي هاوي الشرقيه
رقم العضوية :963
المشاركات: 427
|
رد: رحلتي من طنجة الى اسبانيا - تجربة رائعة و بعض التفاصيل
هههههههههههههههههههههههههههه
هههههههههههههههههههههههههههههه الحين تبي تعلمني انك ما فهمت اسباني الا هالجمله هذي فهمتها قالت بالاسباني ( اللي بعده - طابور طبعآ ) هههههههههههههههههههههههههههههههههههههههههههههه ما علينا صراحه موضوع اكثر من رائع ويعطيك الفع عافيه واثنين كرتون مازولا على الموضوع الحلو والي فيه من معلومات بالهبل وابشر بالي ياخذك بالونيتةحقه ويوديك اسبانيا ونيت يمشي في البحر بس شوف اي وقت يناسبك ونروح وفي رعتنا نجيب ثور صغير نحططه في المنتدى تحفه ههههههههههههههههههههههه شاكر لك اخوي مره ثانيه على الموضوع الحلو 
|
|
|
|
07-12-2004, 06:50 PM
|
#3 (permalink) |
|
مسافر فعال
تاريخ التسجيل: Dec 2004
الدولة: Riyad
رقم العضوية :16552
المشاركات: 93
|
رد: رحلتي من طنجة الى اسبانيا - تجربة رائعة و بعض التفاصيل
هلا هلا والله بشليويح ,,, مشكور يالغالي على المرور و التعليق ,,,, بس باقول لك شي ,,,, الديرة ذيك ما يبغى لها ونيت ,,,,, والله يا هي ديرة مشي ,,,,, نزل وزني 4 كيلو في 4 ايام ,,,,, تنفخت رجولي من المشي ,,,,, وديرة تسوق يعني فيه شغلات كثير اسعارها معقولة ,,,,, و ازيدك من الشعر هوم , ال ِatm متوفرة و تعطي فلوس زيادة (تطلب 1000 تعطيك 1500 ) ( الحق قبل يصلحونها )
|
|
|
|
07-12-2004, 11:01 PM
|
#4 (permalink) |
|
مستشار المغرب
تاريخ التسجيل: May 2004
الدولة: جده
رقم العضوية :4219
المشاركات: 1,421
|
رد: رحلتي من طنجة الى اسبانيا - تجربة رائعة و بعض التفاصيل
هههههههههههههههههههههههههههه
ياخي موضوعك رهيب ورحلتك ارهب والاجمل من هذا وذاك اسلوبك وخفة دمك والحقيقة احنا كسبناك فعلا كسبناك عضو خفيف الظل ومتميز في اسلوبك وطريقتك .. وياحظنا فيك .. لا وتقول اعذروني على اللخبطة وتوني مستجد ومادري ايش .. طلعت محترف بس يامفتري وين اليوم الثاني والثالث ليش ماقلت ايش سويت فيها على طول طيران لليوم الرابع .. مانسمحلك الا وتقولنا ايش سويت في اليومين هادي وين رحت والمواقف وبعدين وين الصور ؟؟؟ بالنسبة للراجل اللي سألك عن الجامعات ترى للمعلومية توجد جامعة الاخوين في مدينة افران وهي جامعة سعودية اعتقد تبرع بها الامير عبدالله من باب التعاون التعليمي بين البلدين اكرر شكري واصراري على طلبي على فكره : باركولي كتبت الان المشاركة رقم 100 .. عقبال المشاركة رقم 1000 بوجود الجميع .. شكرا التعديل الأخير تم بواسطة مسئول ; 07-12-2004 الساعة 11:07 PM سبب آخر: اضافة |
|
|
|
08-12-2004, 12:19 AM
|
#5 (permalink) |
|
خبير سفر المغرب
 
تاريخ التسجيل: Jul 2004
رقم العضوية :12640
المشاركات: 3,269
|
رد: رحلتي من طنجة الى اسبانيا - تجربة رائعة و بعض التفاصيل
أخي الكريم avocado
مرحبا فيك في المنتدى ، رووووعه اخوي روعه ، الموضوع مهم للجميع ، والسرد مايبله مدح الأخوان كفو من هالناحيه ، انت بصراحه مكسب لنا ، مشكور جدا .كل tmeem بركه اللي خلاك تعزم وتكتب ، شكرا أخي tmeem  لي صديق يعمل في شركه النقل البحري بين المغرب واسبانيا ، وفعلا مثل ما وصفت انت الرجال يمدح بالرحله ، ويعزمني ، وكنت متردد ، الحين خلاص بلبي دعوته . |
|
|
|
08-12-2004, 01:57 AM
|
#6 (permalink) |
|
مسافر فعال
تاريخ التسجيل: Dec 2004
الدولة: Riyad
رقم العضوية :16552
المشاركات: 93
|
رد: رحلتي من طنجة الى اسبانيا - تجربة رائعة و بعض التفاصيل
والله إنك عسل يا مسئول و اسلوبك يجيب 70 عافية ,,,,, الف شكر على المرور و الاضافه بخصوص جامعة الاخوين,,, و الف مبروك على المشاركة رقم 100 ( مفروض نسوي لك إحتفال بالمئوية ) ,,,,, بالنسبة لتفاصيل باقي الايام , لأن المدينة صغيرة و عدد الايام قليل ما كان الوضع يساعد عشان الواحد يبحث و يدور ,,,, انا كان تركيزي على البحر والاسواق و الاكل اكثر شي ,,,,, كنت اروح الشاطي و اكرمكم الله احذف النعول و امشي حافي ,,, امشي من اول الشاطي لييين اخره ,,, ادخل في البحر لين يوصل نص سيقاني ,,,,, و اكمل مشي علي طول الشاطي
,,,,, ارجولي غايصه في التراب و المويه بااااااارده ( متعة مستحيل يتخيلها الا اللي جربها ) ,,,,,, بالنسبة لموضوع الصور ,,,, انا صورت صور كثيرة الحقيقة ,, لكن المشكلة اني راز خشتي في الصور كلها ,,, يعني لو بصور البحر لازم أطمر فيه و اخليهم يصوروني ,,,, ما ينفع ,,, ذبحت السياح والاسبان كل شوي لو سمحت صورني لو سمحت صورني ,,,,, ما صدوقوا اني اسافر و يفتكون مني ,,,, اما موضوع المواقف ,,,, اتذكر يوم كنت في الباص طالع من الخزيراس الى توريمولينوس ( يا طول اسمها طولاه يطفش ) ,, بالصدفة طلع اللي جنبي عربي !! و انا اللي استانس ,, صار لي 24 ساعة ما تكلمت مع احد بغيت انسى الكلام ,,, تعرف لحالي ,,,, و اسولف مع الرجال ,,, قلت له انت سايح والا تشتغل هنا ؟ قال انا دكتور متنقل ,,, قلت كيف يعني دكتور متنقل ؟ قال انا دكتور اسنان اتنقل من بلد الى بلد ,,, المهم بعد السوالف الرجال قال في خاطره ورى ما استفيد من ذا الدبشه ,,, قال شوف ,,, وش رايك اضبط لك اسنانك !! قلت له تضبط سنوني في الباص !!!! قال ايه عادي ,, تلميع بس و عدتي في الشنطة اللي معي ,, قلت له واللي معنا في الباص يتفرجون علي وانا فاغر افمي وانت طالع فوق الكرسي اللي يشوفك يقول بتفك برغي !! ما يصلح يا خوي ,,, الرجال يوم شاف ما مني فايدة قلب وجهه ,,, يعني الا يصلح سنوني و الا بيزعل علي و يخنفر ,,,, المهم طنشته ,,, و هو طنشني ,,,, بعد نص ساعة من القطيعه ,,, قال لي شوف فوق شوف ,,,, و انا اطل في السماء و الغيوم ,,, قلت له وش اشوف ,, الغيوم ,,, قال لا ,,, شوف الطيور اللي فوق ,, قلت له طيور تطير عادي يعني ,,, قال هذي الطيور اللي تشوفها هي الطيور اللي تشترونها في ديرتكم بمئات الالاف ( يقولها بحقد ! ) ,,, هذي صقور ! ,,, قلت والله يا صديقي اغلى طير شريته في حياتي قيمته 7 ريال ( دو ) و مذبوح جاهز ,, مالي في الصقور و لا حتى حمام قلاب مادري سحاب ,,, و من بعدها عطاني ظهره و سحب السفير ,,, قطع الارسال بالمره وانا ما كرهت ,,لا تزعل مني اخوي المسئول اذا ما قدرت البي بعض طلباتك ,,, الجايات بعوضك ان شاء الله ,,, و الف شكر لك . أفوكادو ,,,,,, |
|
|
|
08-12-2004, 09:31 AM
|
#8 (permalink) |
|
مشرف سابق
تاريخ التسجيل: Apr 2003
رقم العضوية :208
المشاركات: 1,401
|
رد: رحلتي من طنجة الى اسبانيا - تجربة رائعة و بعض التفاصيل
أخي avocado
، فعلا مبدع وأسلوب رائع ، و سفره ، وأكيد أنك خبير جديد للبوابة والقادم أفضل ، وبصراحة بعض كلماتك وطريقة أسلوبك الرائع في الكتابة ، وبإنتظار جديدك عزيزي ، وربي يوفقك.تقبل تحياتي المسافر |
|
|
|
08-12-2004, 06:36 PM
|
#9 (permalink) |
|
مسافر فعال
تاريخ التسجيل: Dec 2004
الدولة: Riyad
رقم العضوية :16552
المشاركات: 93
|
رد: رحلتي من طنجة الى اسبانيا - تجربة رائعة و بعض التفاصيل
حياك الله يا المسافر ,,,, مشرفنا الغالي ,,, ما ادري وش يصير لي اذا شفت او سمعت كلمة مشرف ,,,, تجيني ام الركب
 ,,,,, الظاهر العقدة من ايام المدرسة ,,,  بصراحة بوابة المغرب من افضل الابواب في المنتدى و الفضل اكيد يرجع لك كمشرف و للاعضاء اللي ما يبخلون على احد بأي معلومة ,,,, و هذا شجعني على التسجيل في المنتدى و المشاركة مع باقي الاخوان في زيادة تألق البوابة ,,, شاكر لك مرورك و تعليقك اخوي المسافر ,,,,
|
|
|
|
09-12-2004, 01:17 AM
|
#10 (permalink) |
|
مسافر خبير
تاريخ التسجيل: Jan 2004
الدولة: KSA
رقم العضوية :1493
المشاركات: 3,948
|
رد: رحلتي من طنجة الى اسبانيا - تجربة رائعة و بعض التفاصيل
اخي الظرييييف مره مره avocado ...
شكرأ اخي على التقرير الشامل والوافي عن رحله بحريه ينتظر الجميع قرائتها وتجربتها والآن اخي وضحت الطريق للجميع وجزيت خيرأ ... اخي وكما ذكر مشرفنا العزيز اننا كسبنا خبير في ارض الاطلس .. اقدم لك جزيل الشكر وخالص امتناني ...
|
|
|
|
09-12-2004, 03:57 AM
|
#11 (permalink) |
|
مسافر فعال
تاريخ التسجيل: Dec 2004
الدولة: Riyad
رقم العضوية :16552
المشاركات: 93
|
رد: رحلتي من طنجة الى اسبانيا - تجربة رائعة و بعض التفاصيل
الف شكر اخوي العزيز جدآ جدآ تميم ,,,, إطرائك و تشجيعك السابق كان حافز لي اني اجرب ادخل بهالمشاركة البسيطة ,,,, و اتمنى تكون المحاولة عند حسن ظن الجميع ,,,,
|
|
|
|
09-12-2004, 11:20 PM
|
#12 (permalink) |
|
مسافر خبير
تاريخ التسجيل: Jan 2004
الدولة: KSA
رقم العضوية :1493
المشاركات: 3,948
|
رد: رحلتي من طنجة الى اسبانيا - تجربة رائعة و بعض التفاصيل
لاشكر على واجب اخي avocado ...
محاوله واعره واطروحه جد مفيده واشكرك على المشاركه وافادة الجميع من خبرتك ومشاهداتك .. حييت اخي بين اخوانك ... تحياتي .. |
|
|
|
10-12-2004, 01:36 PM
|
#13 (permalink) |
|
وسام العضو النشيط
 تاريخ التسجيل: Jul 2003
الدولة: الرياض
رقم العضوية :568
المشاركات: 18,460
|
رد: رحلتي من طنجة الى اسبانيا - تجربة رائعة و بعض التفاصيل
أفوكادو
مبدع انت أعجبني التلفزيون بالهلل هههههههههه وبالنسبه لطبيب الأسنان ذكرتني بسوريا أسلوبك في السرد رائع وننتظر الجديد منك ولا تختصر خذ راحتك
|
|
|
|
10-12-2004, 03:29 PM
|
#15 (permalink) | |
|
مسافر فعال
تاريخ التسجيل: Dec 2004
الدولة: Riyad
رقم العضوية :16552
المشاركات: 93
|
رد: رحلتي من طنجة الى اسبانيا - تجربة رائعة و بعض التفاصيل
اقتباس:
مرحبا اخوي مهاجر ,,, حياك الله و شكرآ على مرورك ,,, قرائتك للموضوع تشريف الحقيقة ,,, و على فكرة انت حليت اللغز ( طبيب الاسنان سوري فعلآ ) ,,,, الف شكر ,,,أفوكادو ,,,, |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 09:55 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||