 |
 |
 |
||
|
|
|
||
 |
|
 |
|
|||||||
| بوابـــة السفر إلى تايلاند Thailand : في هذا المنتدى يتم تزويد المستخدم بالتقارير المصورة الخاصة بتايلاند بالإضافة الى مكتبة صور خاصة. |
 |
|
|
أدوات الموضوع | انواع عرض الموضوع |
|
|
19-09-2008, 04:20 PM
|
#1 (permalink) |
|
مسافر خبير
تاريخ التسجيل: May 2008
الدولة: وطني حبيبي الكويت
رقم العضوية :188657
المشاركات: 3,751
|
₪۩ ۞…§۞ ۩₪»رحلتي لتايلند مع النمر الأسود«₪۩ ۞§…۞ ۩₪
بسم الله الرحمن الرحيم
السفره العجيبه والغريبه والفكاهيه للأراضي التايلنديه السنه الماضيه كنت متواجده في تايلند شهر كامل و كان ممتع جداااا وعند رجوعي لبلدي الكويت حسيت نفسي بعدني ماشبعت منها وماشفت المزيد من اراضيها وأماكنها وسوقها وشواطئها المهم حطيت براسي انه العطله الصيفيه ارد حق الحبيبه تايلند ومرت الايام والشهور والحلوه تعد الساعات لي مايدخل علينا شهر 6ودخل الشهر وكان الحبيب زوجي يدرس في البحرين وفاجئني انه ماخذ كورس صيفي ما يخلص إلا نهايه أغسطس قعدت أبجي وأنقهرت إني راح أقعد العطله كلها بالديره حر وخياس ومافي مكان يديد اروح له المهم يمر اسبوع ورا اسبوع وكل مايروح ريلي البحرين ويرجع ادعي انه يقربون موعد الامتحانات الفاينل عشان يصير في وقت نسافر المهم يدق يكلمني أبجي يرد يقعد في البيت أبجي كله أبجي ((بعد سوالف حريم حق التمسكن والمكر والعياره جاهزين ))) وطبعا الي يزيد قهري ومصيبتي اني أدش المنتدى العجيب وأقرى التقارير واليوميات للأعضاء وشنو قاعد يصير هناك وأشوف هالصور أموت بمكاني أبجي جدام الحبيب لي ما يه يوم وراح البحرين وما صار له يوم هناك ودز مسج الحبيب يقول زهبي فلوسج ونفسج حق السفره لتايلند المسج وصل الحبيبه اصرخت صرخه لي أخر بيت بالفريج سمع الكل يقول شفيج تصارخينوتناقزين قلت أنا للحين مومصدقهلإني كنت فاقده الامل كلش المهم بعد ماقريت المسج 50 مره دقيت وقلت شلون صج ولاجذب قاعد تتغشمر تراني مومصدقه قال لا صدقي بس فلوسج زاهبين قلتله كلشي جاهز الفلوس والجناط الحقائب يعني جاهزين بس باقي ترجع وعلى المطار مباشرة .....  الحلوه ماسألت شصار على دراستك ولا شلون راح نسافر ولا شيالمهم انه يت منه راح تسافرين تايلند واهو طبعا كل يوم شوفني مبققه عيني ومجابله الاب توب وعى منتداكم الحبيب والعجيب واقرى والدفتر يمي واسجل كل شي بس ما مليتي يقولي طبعا لأ راح تسألون ليش الحبيب قال زهبتي فلوسج أو جاهزين فلوسج ؟؟؟؟؟؟؟؟؟؟؟؟؟؟؟؟؟؟؟  المهم رد الحبيب للكويت للديار الحبيبه اول ماشفته قبل حمدلله على السلامه من صجك راح نسافر قال اي قمت اصارخ وأناقز مثل الأرنب المهم من ثاني يوم صار الصبح قمت ادق على مكاتب السفريات حق احجز للسفره طبعا مافي اغلب المكاتب يقول مافي حجز طبعا أنا أبي شهر مافي لاروحه ولا في رده ألف مكتب ادق عليه كله مقعد واحد شلون الحين شوي في روحه مافي رده او في رده بس مافي روحه او في مكان حق شخص واحد طبعا أنا عايشه مع هذا الموال تقريبا اسبوه والله شاهد على كلامي حاشني وصابني اليأس المهم ما بقى دعاء الحلوه ماقالته قاعده ونايمه أدعي ربي عزوجل يسهل علي لسفرتي في صلاتي أدعي ربي اني احصل حجز ويسهل أمور السفره الي مو راضيه اتصير  صار السبوع الثاني حق شهر 7 وللحين والله شاهد مافي حجز كله فل حتى احتياط مافي صبح عصر ليل ادق على المكاتب كله نفس الجمله فل أو مافي حجز المهم ريلي والله قالي خلاص مافي سفره خليها عقب ارمضان وأنا لا أبي الحين بالعطله حر وعشان أخذ ولدي الكبير وياي المهم دشينا بالسبوع الثالث حق شهر7 وللحين مومحصله حجز قبل تاريخ 29 باربع ايام دقيت على مكتب سفريات الصبح قالي مافي حجز وخلي اساميكم احتياط بليل دقيت مره ثانيه ولا يقولي في حجز حق شخصين والولدةماله حجزقلت ميخالف احجز وباجر راح اي ادفع الفلوسي وصار باجر رحت وادفعت الفلوس وصارو التذاكر بيدي وانا بعدني مو مستوعبه ولا مصدقه لانه خلاص شلنا السفره من بالنا من كثر مادقيت ومافي حجز يقولون  والحمدلله صارو التذاكر عندج ويله يا الحلوه زهبي نفسج وزهبي الحقائبوباجر راح أكمل لكم القصه ] مع السلامه :115: |
|
|
|
22-09-2008, 02:59 AM
|
#13 (permalink) | |
|
مسافر متالق
تاريخ التسجيل: Sep 2006
رقم العضوية :111434
المشاركات: 735
|
اقتباس:
اقلاع من الكويت علي سريلانكيه ترانزيت كولومبو سعر تذكره 173 دينار كويتي وتقدر تشيك علي موقع طيران سريلانكي للتأكيد وللحجز |
|
|
|
|
11-10-2008, 10:29 PM
|
#14 (permalink) |
|
مسافر خبير
تاريخ التسجيل: May 2008
الدولة: وطني حبيبي الكويت
رقم العضوية :188657
المشاركات: 3,751
|
رديت لكم يا اخوان مرحبااا بكم
وسامحوني على التأخير لأسباب اكترونيه بالجهاز وشكرااا بعد ماحصلنا حجز بالتلفون صار ثاني يوم ذهبت انا وزوجي الى العاصمه لأحد المكاتب المرجوه والتي حصلنا منهم الحجز ونزل زوجي واخذ التذاكر بعد ماعمل التأكيد على كل شي كانت سفرتنا على الخطوط التايلنديه ودايركت روحه ورده 7 ساعات متواصله وبالروحه وزن لكل شخص 40 كيلو والرده لا أعلم في ذاك الوقت المهم الفرحه اني راح انحاش من حر الكويت والغبار كان موطبيعي عندنا جنه مطر بتايلند المهم وانحاش من الهموم والتعب كله مال السنه والدراسه والتدريس ولوعة الجبد والجو العجيب الي يخلي الناس كلها فيها حساسيه من الغبار المهم عقب ماركب النمر الاسود السياره نطت وأخذت التذاكر منه وقمت أقرى والله اللي يشوفني يقول هذي أول مره تسافر بس يا ناس لا تلوموني لني كنت فاقده الأملب بسبت الحجز مافي وبيوم وليله تحصل حجز عجييب رديت البيت طبعا قلت حق النمر الأسود أنا ماأقدر أقول حق النمر الصغير ولدك ما راح يسافر أنت تولى الأمر وقاله وعادي مسكين تقبلها منا المهم قعدت أجهز احقيبه الخاصه لي من ملابس خفيفه وصيفيه وباره عشان جوهم الرطب هناك والادوات الشخصيه الاخرى منكريم وشامبو صغير صابونة صغيره ومعجون صغير راح تسألون ليش صغير بسبب وجود كل شي هناك وبجوده أحسن من اللي ينباع عندنا وأرخص من عندنا ومنشفه اللي اهي فوطه بالعاميه وحده طبعااا سخان الماء الاوتي للملابس شاي والقهوة المفضله لي ولزوجي حليب علب صغيره شوربة اندومي السريعه و الجاهزخ قليل من البسكوت في الحقيبه الصغيره الشخصيه لاني أدري راح أيوع داخل الطياره قليل من صابون الملابس جبن شرائح توست وجبن كيرري وفي حقيبه صغيره اخرى وضعت بها شاحن الكاميره الفوتغرافيه الشخصيه وشاحن كاميرة الفيديو وشاحن Psp شاحن التلفون النقال نوعين لي وللنمر الأسود مكينة الحلاقه الخاصه لزوجي مع الشاحن أشرطه حق كاميرة الفيديو عدة مومريات واحد في أغاني اللي يحبهم قلبي واحد حق الاعاب واحد حق الصور أهم شي واقي الشمس ضرووووري انكم تاخذونه حمايه من الشمس مقص صغير ابرة وخيط احتياط بلاستر مع عطرين لك أشياء أنت عارف أنك تحتاجها وتدري انكم تبونها وما تقدون تستغنون عنها المهم |
|
|
|
|
«
₪Ξ_‗ـ▫♫‗=¨‾صور من رحلتي لDream World في تايلاند‾¨=‗♫▫ـ‗_Ξ₪
|
¯−ـ‗ऊ_»ऋँرحلة بنت زايد الي بانكوك .... فوكيتऋँ«_ऊ‗ـ−¯
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 08:32 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||