 |
 |
 |
||
|
|
|
||
 |
|
 |
|
|||||||
| دول أوروبـــــــــــــــا تعنى هذه البوابة بتزويد المستخدمين بجميع المعلومات المتنوعة الخاصة بالسفر الى أسبانيا. |
 |
|
|
أدوات الموضوع | انواع عرض الموضوع |
13-09-2008, 11:44 PM
|
#1 (permalink) |
|
مسافر خبير
تاريخ التسجيل: Jun 2008
الدولة: الكويت
رقم العضوية :195499
المشاركات: 1,460
|
تجربتي في برشلونه
السلام عليكم ورحمة الله وبركاته ...
ابسفرتنا هالسنه لبرشلونه حرامي لهف الفيزا والبوك من زوجي .. وهذا كان ابشارع الرامبلا المعروف بالعروض اللي يقومون فيها بعض الناس من عزفهم للموسيقى او لبسهم لملابس أي شخصيه مثل جندي او مصاص دماء وغيره ويسوون حركات تجذب الناس .. ولما كان زوجي يصور ومندمج بتصوير الفيديو لهالشخصيات تغافله واحد ومد ايده اشوي اشوي داخل جنطه زوجي اللي رابطها على خصره من غير ما يحس بالمره ( ايدهم خفيفه ) وباق اللي باقه .. والحمد الله عرفنا ابسرعه واتصلنا على البنك بالكويت ووقفنا الفيزا . وبيوم ثاني ابمحل للملابس ، اختي اتدور بين التيشيرتات علشان تشتري منهم ولا حرمه اتمد ايدها ابجنطة اختي والحمد الله انتبهت اختي عليها ان في شي يتحرك تحت ايديها .. ولا المره تقول نعم شنو انا ما سويت شي .. وعاد دام ماكو شي ابايد هالحرمه ما تقدرون اتقولون انها باقت لانها ممكن اتبلى علينا وتقول ان احنا نتهمها ابشي ماصار لان ماكو مستمسك عليها .. وندش بعدها ابمشاكل ( شنقول بعد ديرتهم مو ديرتنا ) وبيوم ثاني وللمره الثالثه ومع وحده من اهلنا مسافره معانا بعد ولا حرمه اتمد ايدها ابجنطتها وجكتها ابسرعه وقالت لها what are you doing? ولا ترفع هالحرمه ايدها ابسرعه من الجنطه اشكره وتقول بعد what what وبكل وقاحه جاكينها و عادي عندها ولا خايفه ولا كأن صاير شي .. المقصد .. برشلونه معروفه بالبوق اشكره عينك عينك والصراحه انا ما كنت امشي اصلا ابجنطه لا قبل ولا بعد هالسرقات .. ماشفت لها ضرورة اصلا .. وان كان لابد من لجناط لأي سبب .. خلوها خاليه من الاغراض الغاليه .. ولاحظنا ابرشلونه ان الرياييل اهناك كانوا مو لابسين اجناط الظهر على اظهورهم كالمعتاد لأ .. كانو لابسينها على بطونهم ، وما ينلامون . |
|
|
14-09-2008, 02:52 PM
|
#4 (permalink) |
|
مسافر متالق
تاريخ التسجيل: Dec 2006
الدولة: الريــــــاض المــغبــرة و لـــندن الســـاحـــرة و بــاريـــس الكئـــيــبة و برشــلونــه الممتــعة وماربيـــا المذهـــله وماليـــزيـــا الخيـــاليـــة
رقم العضوية :118546
المشاركات: 1,087
|
الحرامية بكل مكان. الله يفكنا منهم أحسن شيء بالسفر وضع شنطة حول البطن فيها قليل من المال حق بوم والباقي في الفندق. مع خالص احترامي |
|
|
|
22-09-2008, 09:58 PM
|
#8 (permalink) |
|
مسافر متميز
تاريخ التسجيل: Feb 2007
الدولة: قطــر الخيــر
رقم العضوية :122147
المشاركات: 177
|
والله إذا على الحراميـة والبوق ترى حتى في مكـة في حراميـة وهـذا مش دليل ان برشلـونة مدينـة الحراميـة كل مكان فيه حراميـة حتى في البيت لو ماحافظتي على حاجياتج بتسرقهمـ الخدامـة ،، فالمهمـ هو الحرص |
|
|
|
02-10-2008, 02:57 PM
|
#9 (permalink) |
|
مسافر خبير
تاريخ التسجيل: Jun 2008
الدولة: الكويت
رقم العضوية :195499
المشاركات: 1,460
|
السلام عليكم ..
اخوي رحال قطر .. انا ما قلت ان البوق موجود ابرشلونه بس وخلاص .. وانا ما اعتقد ان فلوس الناس بلبيوت تنباق اكثر من لو انها كانت بالشارع .. طبعا لأ .. المعنى ان في مكان يكثر فيه البوق اكثر من غيره لأي سبب كان ، انا ذكرت اللي حاصل اهناك للتنبيه واخذ هالموضوع بالاعتبار .. يعني اشتسوى على الواحد رايح يستانس ويتغافله حرامي وخرب عليه السفره .. وهذا اللي حاصل ابرشلونه وخصوصا ابشارع الرامبلا .. خفة اليد عندهم شي مو طبيعي .. واللي ممكن يأيدون كلامي اهم بس اللي لهم معرفه ابرشلونه وابشارع الرامبلا ومروا فيه بالليل والنهار مو بس يوم ولا يومين واللي زاروا وراحوا سوق الخضار اللي عندهم واللي يعتبر محط الحراميه والسكيره حتى لو كنت زايره ابعز النهار .. وغير هذا ان لهنود والباكستانيين اللي عايشين اهناك وياكثرهم بالرامبلا اهم ابنفسهم يعرفون اشكثر البوق اهناك وانه يتكرر وايد وبشكل يومي مع الناس .. وكذا واحد منهم مثل راعي المصبغه اللي كنا انتعامل معاه وغيرهم كلمونا ابموضوع البوق بس احنا ماخذينا كلامهم ابمحمل الجد الا يوم صارت فينا وتكررت محاوله البوقات معانا كذا مره . وعموما مو كل واحد سافر اهناك لازم يكون انباق لكن مثل ما يقولون مو كل مره تسلم الجره . |
|
|
|
03-10-2008, 01:50 AM
|
#12 (permalink) |
|
مسافرجديد
تاريخ التسجيل: May 2007
رقم العضوية :131284
المشاركات: 25
|
كلامك صحيح أم ريوم
حتى الموظفين اللي في الاوتيل دايم يحذرون من شارع الرامبلا وانه مركز اللصوص والحراميه وانه ممكن يسرقون الموبايلات....والشنط النسائيه والملاحظ فيه الهنود والبنقاليه يبيعون البيره على المشاة في وسط الشارع كما ان عرب شمال افريقيا يتصيدون الخليجيين بعرض خدمات اومساعده ثم يرمون السناره  |
|
|
|
03-10-2008, 02:22 AM
|
#13 (permalink) |
|
مسافر فعال
تاريخ التسجيل: Dec 2007
الدولة: العاصمة أبوظبي
رقم العضوية :167175
المشاركات: 142
|
اممم انا بعد سمعت قصص من اصدقاء سارو الي برشلونة
انا ساير الاسبوع الجاي باذن الله ولي اول مرة وانا متحمس جدا انا من النوع الي اشيل كاش معاي و الله يعيني لكن ما علي خوف نبيه و اعرف وين احط البيزات و الحرامية يخافون يتقربون صوبي لان شكلي يخرع معضل و شكلي مجرم لوولوفقكم الله |
|
|
|
03-10-2008, 11:35 PM
|
#14 (permalink) |
|
مسافر خبير
تاريخ التسجيل: Jun 2008
الدولة: الكويت
رقم العضوية :195499
المشاركات: 1,460
|
شاكرة لكل من تجاوب مع الموضوع او يتحمد لنا بالسلامه ..
بس حبيت اضيف شغله انا والله شافرت لدول وايده من كندا وامريكا وفرنسا وغيرهم ما قط شفت بوق بالهبل مثل اللي مر علينا ابرشلونه .. شي مو طبيعي واللي مو مصدقني لازم يصدق غصب طيب .. لاني لقيت البوق اهناك مشهور عندهم اكثر من غاندي |
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 08:13 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||