المشاركة الأصلية كتبت بواسطة ام ريوم

يا هلا فيك اخوي ..

صج انك رحت اشوي ابعيد عن الموضوع الرئيسي بس عادي ..
برشلونه فعلا حلوه بس هالرامبلا هذا حدث ولا حرج وايد مخربها اللي يوخر عنه سالم ..
وانا من فترة كتبت عنه ابهالمنتدى ابواحد من هالمواضيع وكان كالتالي :

السلام عليكم ورحمة الله وبركاته ..

انا توني راده من برشلونه يوم 16 من شهر 8 وقعدت فيها 10 ايام وكانت من احبط الايام اللي مرت علي ابأي سفر ابحياتي .. شارع الرامبلا اللي الكل يمدح فيه اهو من اقذر الشوارع من ناحيه الناس وهيئتها والشارع والمطاعم وما لقيت فيه اي ميزه بالخير تذكر .. بالليل السكيره ابكل مكان وحجي ما ينقال ، والمطاعم يالله من فضله حتى ماكدونلدز الموجود ابشارع الرامبلا والله العظيم من الداخل اييب النكد .. الصراحه اللي مسافر اماكن اشوي ارقى مثل فرنسا وايطاليا وغيرهم ماراح تعجبه برشلونه وايد اخذوها مني .. عموما لي رحتوا اشوي بعيد عن شارع الرامبلا ممكن اشوي تلاقون شغلات حلوه من حديقة الحيوان والاكويريم بس مو اللي اتجنن وتستاهل علشانها اروح برشلونه .. طلعنا من برشلونه يوم ورحنا مدينه بالقطار تبعد ساعتين اسمها جيرونا والله حلوه اترد الروح بعد احباط برشلونه وبالطريق بالقطار اتشوفون هالجبال والشجر والخضره شي حلو .. نصيحتي اسبانيا حلوه وايد بس بعيد عن شارع الرامبلا ابرشلونه وهي تحتاج خمس ايام بالكثير ولازم تاخذون فيها باليوم الأول الباص السياحي اللي يدور فيكم ابأهم الاماكن اللي ابرشلونه وعلى اليوم الثاني و الثالث انخليه مثلا لدخول حديقه الحيوان و الاكويريم و ركوب التلفريك فوق الجبال و زيارة الملعب والاحلى حضور مباراة لنادي برشلونه ( الحجز مسبق عن طريق النت ) زيارة الاماكن اللي ممكن دخولها ياخذ وقت .... وااليوم لرابع والخامس انخليه مثلا للسوق واسواقهم رخيصه وايد بالتنزيلات .

والسلام عليكم . -----------------------------------------------------

فشارع الرامبلا هذا ماعجبني كله على بعضه لا محلات راقيه ولا مطاعم على مستوى بالكثير فيه بس مطعم ولا مطعمين فيه زينين وتابعين لفنادق ولا اكثر مطاعهم اتخرع .. والشارع صج قذر والمباني والله العظيم من الوصاخه لونها أسود ولا بعد اتشم بالشارع ريحه بواليع وانتوا الكرامه .. يعني شنو بعد اكثر من جذي .

الناس مستانسه من برشلونه نفسها لانها صج حلوة فيها جبال وخضرة وبحر وهم فيها بعد هالكامب نو اللي ماخذ اعقول الشباب بس كل هالشغلات ابصوب والرامبلا ابصوب ثاني .

وعموما اللي حاب الرامبلا اكيد له وجهة نظر مختلفه عني والناس اذواق ، فمو تناجرون معاي .