 |
 |
 |
||
|
|
|
||
 |
|
 |
|
|||||||
| بوابة السفر إلى المغرب Morocco أجمل الصور لبلاد الاطلس بعيون عشاقها... |
 |
|
|
أدوات الموضوع | انواع عرض الموضوع |
ابد ما يطول
24-09-2008, 03:46 PM
|
#246 (permalink) |
|
مسافرجديد
تاريخ التسجيل: Feb 2005
رقم العضوية :18021
المشاركات: 21
|
يسلملي والله ايدياتك يا بعدي والله انك فلــه وراعي علووم مبين عليك انك راعي صيد طيور . تقريرك صراحه رووعه يفـك الي ما يفــك يحمس صراحه وانا احتري قصة خويك المسكييين بيني وبينك احس انه جتـني حالة اني كل يوم ادخل بس علشان اشوف كملت تقريرك او لأ أويلاااااااااه اســلم وكمــل بــكل طاقتك  |
|
|
|
24-09-2008, 04:56 PM
|
#247 (permalink) |
|
مسافر فعال
تاريخ التسجيل: Jan 2008
رقم العضوية :170643
المشاركات: 136
|
ايها الاخوة والاخوات السلام عليكم ورحمة الله وبركاته القلب الاخضر يحييكم ويسره ان يواصل معكم سرد تفاصيل رحلته الى بلاد الاحلام بلاد العشق والغرام والراحة والاستجمام بلاد المغرب الحبيب اليوم الثلاثاء اليوم الثامن للرحلة وعلى غير العادة صحيت من النوم الساعة ثمان او بالاصح اني ما نمت زين مغير اتقلب افكر في صاحبنا ابو تركي وحالته ومرة اقول غلطان ولا عنده سالفة ومرة اقول الا مقدي وقراره صائب الواحد لازم يغير روتين حياته ويدور على راحته المهم قمت قلت انزل شوي اتمشى نزلت ما لقيت احد اكثر الناس في بيوتها والشوارع شبه فاضية الحمام ما بعد فتح رحت مقهى وجلست شربت قهوة وبعده مشيت على البحر شوي وعلى عشر ونصف رجعت لقيت ابو سلطان صاحي ويصلح القهوة وعلى 11 صحوا الباقين تقهوينا وصلحنا الفطور افطرنا طلعت انا والمدام للحمام رجعنا الا والنوم يكبس على نمت لي ساعة ما صحيت الا على التلفون الا ابو تركي وينكم ما جيتوا قلت خير تونا بدري الساعة 4 الحين قال ولو تعالوا انا مرتب برنامج حلو قمت ولبسنا ملابسنا ونزلنا وقفنا تاكسي رفض يشيلنا لانا 5 شوي الا وذاك التاكسي الكبير مور سدس ابيض وقف معه وراكب وصفنا له المحل قال 25 درهم قلنا اوكي وعلىطول نزل الراكب اللي معه وركبنا وصلنا فلة ابو تركي واليه عند الباب ينتظرنا سلمنا عليه وتعرف على ايو سلطان وابو حمد والحريم دخلوا البيت وحنا على طول ركبنا السيارة معه وين على الشاطي قبل عين ذياب بشوي بيته قريب مرة من الشاطي والى الفرشة مفروشة وعليها ترامس القهوة والشاهي والاتاي والتمر والمكسرات والحلويات وجالس عليها واحد جينا سلمنا جلسنا الرجال الجالس قام واخذ السيارة ومشى قلت من هذا قال هذا السواق حقنا هو وزوجته يشتغلون معنا المهم تقهوينا وسولفنا الا وابو تركي يدخل يده في مخباته ويطلع منها علبة فكرتها دخان وانا اعرف الرجال مايدخن نظرت له باستغراب ضحك فك العلبة والى ورقة لعب ( كوتشينة ) الرجال مهبول بلوت قال يالله طقة تراي ما عزمتكم علشان زين وجيهكم عازمكم علشان نلعب ورقة من جيت المغرب قبل شهر ما لعبت والله ونصف وقهوة ورا قهوة في ها الجو الزين هوا عليل وامواج الاطلسي تطربنا ونشرب قهوة وشاهي واتاي المهم سربنا الترامس كلها وحنا ما درينا سوالف وتعليق وضحك وكل من مر علينا قال وش ذا المهبل لين مع المغرب اتصل على السواق وجا ضفينا اشغالنا وعلى الفلة دخلنا وغسلنا وصلينا في المجلس حقه والا والرجال يقول يالله وين على الحديقة طلعنا على الحديقة والى مرتبة وحلوة وفيها مسبح مهوب كبير لكن حلو وحوله جلسة جلسنا وسوالف وضحك عاد ابو تركي هذا سينما حتى وجهه يضحك وعلى الساعة 11 العشا جاهز ندخل والى سماط مفروش على الارض دايري وعليه صحن كبير وفوقه تيس مندي وحولة عدة اطباق مغربية قلت ابو تركي مندي وفي المغرب قال ايه وش فيها سموا الله يحييكم على اللي مهوب حقكم والله ما عديناكم ضيوف تعشينا عشوة يحبها قلبك وابو سلطان انبسط مبطي عن المندي خلصنا طلعنا للحديقة خذني ابو تركي بيدي وسحبني ومشى بي شوي وفي زاوية سور الفلة والى برميل المندي قال هذا اللي صلحنا فيه العشا قلت والله ما تخلي طبعك عاد هو ما شا الله عليه اكييييل من الدرجة الاولى رجعنا جلستنا حول المسبح وجابوا حلويات وبعدها الشاهي والاتاي ويبدا ابو تركي يحدثنا بسالفته مع المغرب . تابعونا وفالكم طيب |
|
|
|
|
24-09-2008, 08:01 PM
|
#250 (permalink) |
|
مسافر فعال
تاريخ التسجيل: Jan 2008
رقم العضوية :170643
المشاركات: 136
|
( تنبيه : سالفة لقائي مع ابو تركي في ابها في صيف 2004 وليست في 2008 كما هو مكتوب في اول التقرير غلطة مطبعية ارجو من المشرف تعديلها )
يقول ابو تركي وعمر الي يقرون يطول : في صيف عام 1984 راح ابو خالد نسيبي للمغرب في مهمة عمل وانهى شغله واتصل علي انا واخوك قال وش رايكم تجون المغرب نقعد عشرة ايام والا اسبوعين الجو حلو والبلد حلو تشاورنا قلنا وش ورانا نروح نروح حجزنا وعلى طول كازا لقينا الرجال منتظرنا وعلى طول للشقة تجمعنا ( المهابيل الثلاثة ) ووناسة ما بعدها وناسة بعد كم يوم طلغت من الشقة ابجيب بعض الاغراض نزلت السوق اتقضى الا وذيك العائلة ابو وام ومعهم بنت ما بعد شافت عيني اجمل منها طقتني ام الركب معاد ادري وش اسوي اول مرة يصير لي مثل ذا الموقف معهم اغراض تابعتهم لين دخلوا عمارة ماهي بعيده ووراهم لين دخلوا شقتهم رجعت للشباب بوجه غير وجهي اللي طلعت به متغير وساهي ومسبه ولاني يمهم لاحظوا هذا على طول بس قلت ابد مافيني شي بكرة طلعت وجلست حول العمارة انتظر لعلها تطلع وفعلا بعد مدة طلعوا وركبو تاكسي رجعت للشقة مسكني ابو خالد وقال والله ان تعلمي وش فيك عاد هو نسيبي انا ما خذ اخته ومنحرج منه قلت ابد والله ما فيه شي جاني اخوك يا بو تركي وش فيك وش جايك علمته بالقصة وعبرتي خانقتني قال لاحول ولا قوة الا بالله راح لبو خالد وعلمه بالسالفة وقال الرجال تعرفه زين وذا المرة جاد مهيب مزح وش الحل قال ابو خالد ( سنايدي والله ) يبشر والله وانا ابوخالد قام قال يالله قم قام حظك طلعنا وريته العمارة والشقة نزل وسال اللي حوله اسمه واصله وفصله وجمع عنه معلومات من جيرانه وبعد يومين راح له لحاله وطق عليه الباب وفتح له الرجال ما يعرفه عرفه بنفسه والرجال قال له تفضل جلس وعلمه بالسالفة كلها واني طايح في البيت لا اكل ولا اشرب وان قصده شريف وعلى سنة الله ورسوله قال الرجال والله ما ادري وش اقول لا انا ولا انت اللي بنزوج وينه الشاب قال في الشقة قال ممكن اقابله قال ابوخالد بكل سرور مشينا ما درينا الا وابو خالد يرن الجرس ويدخل هو الرجال كان عمره في الخمس واربعين تقريبا وانا عمري 35 جلس معنا تكلمنا وسولفنا قال خلاص يكون خير انشا الله راح الرجال وبعد المغرب مرعلينا وطلب مني ارافقه لبيته غيرت ملابسي ورحت معه دخلنا البيت جلست جت زوجته وسلمت وجلست وبعدين جت البنت بالاتاي وجلست ابوها كلمها في الموضوع مباشرة وانا قلبي بينفجر مدري وش اسوي جلست عندهم حول 3ساعات تكلمنا واخذنا على بعض وزال حاجز الحياء وعلمتهم ان عمري 35 سنة واني متزوج وعندي 5 ابناء 3 اولاد وبنتين وحسيت ان الامر سمح انشا الله استاذنت رجعت للشباب في الشقة الا وجهي زين ومسفهل تعشيت احلى عشا وسهرنا وبكرة جانا ابو البنت وخذني وطلعنا كلنا نتمشى ورجعنا عزمني للعشا ورحت وتعشيت معهم وانا الدنيا ما هيب سايعتني من الفرحة رجعت للشباب هاه وش العلوم قلت ابشركم اعلوم كلها زينة قال ابو خالد بكرة انشا الله نروح ونخطب ونخلص الامور والله وهذا اللي صار ويكلم السعودية ويحولون له زيادة فلوس وتصدقون اني الى الحين ما ادري كم دفع ولا وش زين لكنه جمل محامل وحزام حطب تمت الامور كلها على خير وبسرعة وعملنا عرس خفيف وتمت الامور على خير واستاجرنا شقة حولهم واخوك وابو خالد راحوا السعودية وانا جلست في المغرب لين انتهت الاجازة المرة مخلصة ثانوي وسجلناها في الجامعة والشقة استجرناها بالشهر وخلينا اغراضنا فيها وانا رجعت السعودية وفي عطلة الربيع اسبوعين ذاك الوقت على طول للمغرب المهم استمرت الامور كم سنة والمرة تخرجت تخصص تجميل من الجامعة وفي سنة قبل لا اجي اتصلت تلفون ( ما بعد جا الجوال ) قالت ممكن اطلب منك طلب اذا تقدر قلت عيوني قالت اذا تقدر تجيب معك عشرة الآف ريال الحقيقة ما ادري وش الموضوع لكني ضاق صدري شوي وبديت اوسوس بد الاستغلال لكن قلت خل نشوف جيت وبعد كم يوم سالتني عن الفلوس قلت جاهزة قالت شوف يابو تركي احنا جالسين شقة ايجار وش رايك نشتري شقة ملك ولما تكون هنا نسكن فيها ولما انت تروح ناجرها ونستفيد منها يوم قالت ذا الكلام واليها يوم كبرت في عيني وزاد غلاها قلت اللي تشوفيه ما عندي مانع طلعنا على طول للشقة اللي هي منشنة عليها ورتنيها والى شقة حلوة ونظيفة ومرتبة قالت هذي قيمتها 6000ريال والاثاث ب4000 وانتهى الموضوع قلت توكلنا على الله والله نروح للمحامي ويبدا في اجراآت البيع وتتم العملية بيسر وسهولة قالت التاثيث يبي وقت انا اثثها براحتي والله ويصير لي شقة في المغرب ولا تزال موجودة ويمكن قيمتها الحين فوق 200000 ريال وعقبها ابد اجي للمغرب بثوبي هي تاجر الشقة طول السنة واذا جيت فضتها ووحدة من الغرف مقفلتها وفيها اغراضنا وايجار الشقة يكفينا ويزيد وبعد يمكن ثلاث سنين جيت والى معها مبلغ كبير شوي قالت ان ودها تفتح صالون تجميل حيث هو تخصصها وبعدين تقضي فيه وقت فراغها قلت ابرك الساعات المهم استمرينا على ذا الحال انا مبسوط على الاخر اجي اقضي العطلة الصيفية كلها هنا وفي عام 1996قدر الله علي حادث انا وام تركي ووالبنات ام تركي توفاها الله والبنات اصيبوا اصابات خفيفة وانا اصبت في ظهري اصابة بالغة اجروا ثلاث عمليات والحمد لله عافاني الله وفي عام 2000 وانا رايح للمغرب في الطيارة كان جنبي واحد شكله مو راعي سفر قعدت اسولف معه قلت اول مرة تجي المغرب قال نعم قلت جاي المغرب سياحة والا شغل قال لا والله شغل قلت نفزع بشي نخدمك في شي قال تسلم ما تقصر اخوي كان في المغرب ومتزوج مغربية وله منها اولاد والمرة وعيالها هناك في السعودية وعنده فله في المغرب وجاي ابيعها علشان نشتري لعياله بيت لانه توفي قبل مدة ولا نبي العيال يروحون للمغرب نبيهم عندنا وين هي فيه الفلة عطاني عنوانها قلت وش رايك تبيعنيها قال ابرك ساعة وصلنا كازا ووديته الفندق اللي هو حاجز فيه ورحت بيتي وبكرة اتصلت فيه قال انا في الفندق مريته ورحنا الفلة الا وهي هذي اللي حنا فيها الحين معجبتني الفلة وجبت المرة وشافتها وقالت حلوة مرينا كم صاحب عقار وسعرنا وشريتها منه ب 250000ريال وانهينا اجراآت البيع الفلة فيها السواق وزوجته يشتغلون فيها خليتهم زي ماهم وزوجتي تشرف عليها كان ناويني اضبطها واسكنها .بس المقدر ما عنه حسيت ان زوجتي متغيرة وفيها شي ودها تقول وما هي قادرة قلت وش فيك قالت ما فيني شي ابد عادية قضينا الاجازة ورجعت السعودية والاجازة الثانية الا المرة متغيرة عن الاول كثيير وما هي طبيعية ابد حاولت فيها تقول لي وتحت الضغط صارت تبكي وبكي معها قالت شوف انا عمري 35 سنة وما عندي ..... وخنقتها العبرة مرة ثانية فهمت قصدها قلت قصدك الاولاد قالت ايوه نفسي اصير ام واربي اطفال قلت انا مثل ما تعرفين بعد العملية معاد يجي لي اولاد دريت ان المسالة جد وان الامر صعب والحقيقة ان بكاها ابكاني طلعت من البيت متضايق وجلست افكر في نفسي وش ذنب المسكينة تنحرم من العيال على شاني لو بعد انا ما عندي عيال كان اقول وحدة بوحدة لكن انا عندي وهي ما عندها فكرت وفكرت ولقيت ما فيه الا حل واحد اني اطلقها وتتزوج ويرزقها الله انا بعد ما اقدر احرمها بس وشلون اكلمها في الموضوع وبعد ما فكرت وفكرت ولقيت ان هذا هو الحل النهائي قلت ما فيه الا خالتها صديقتها الروح بالروح اتصلت عليها وقابلتها وكلمتها في الموضوع قالت انت جنيت عقب 17 سنة تطلقها قلت عندك حل ثاني قالت والله مشكلة فكرت ما فيه الا ها الحل قالت افكر وارد لك يومين الا وهي تتصل فيني تقول الظاهر ما فيه غير الحل هذا خل الموضوع على كلمت المرة وفهمتها ان ما فيه الا ها لحل ان كانت مصرة على الاولاد وبعد مدة اتفقنا على ها الحل وقضيت اسوأ ايامي بالمغرب تلك السنة تم الطلاق وقلت ترى الشقة لك هدية من عندي وانا حرام علي معاد اطب المغرب عقبك وطول الطريق للمطار وانا ابكي وفي الطيارة ما وقف البكا لين وصلت الرياض واجلس كم يوم ما ابي احد ولا اكلم احد جاني ابو خالد وعلمته بالقصة قال يا رجال هونها وتهون والحريم واجد واحمد ربك انت بخير وشوي شوي بديت اطلع واروح واربع سنين وايجار الفلة يحطة السواق في حسابي في البنك وانا على ها الحالة لين جاني تلفون من المغرب عام 2004 يوم حنا في السودةفي ابها تذكر قلت اذكر قال كان تلفون من خالتها وعلمتني ان المرة تزوجت وجا لها ولد وبنت تجددت جروحي وضاق صدري وصار لي اللي شفت عقبها بسنة اخبرتني خالتها انه حصل اختلاف بينها وبين زوجها وانهم تطلقوا ووش رايك ترجع لزوجتك هي والله تحبك وما قدرت تنساك واسباب الخلاف اللي بينكم زالت ولعت النار في قلبي مرة ثانية وتجددت احزاني ومواجعي وجروحي وضاقت علي الارض كلها يا ربي وش اسوي ارجع اقعد توحيني يا ولد اللي عقدها يحلها اتصل على ابو خالد ويجيني واعلمه بالسالفة كلها قلت له وش رايك قال اسمع وانا اخوك انت الحين قربت الستين ومعاد في عمرك مثل ما مضى ويوم تعيشه مبسوط يسوى سنين ان كان في خاطرك منها شي فتوكل على الله وارجع لها وعش باقي حياتك ترى ما احد سائل عنك قلبتها في راسي قلت والله ان ابو خالد صادق وعزمت امري وتوكلت على الله واتصلت على خالتها ترتب الموضوع يوم وصلت المطار الى ابوها يستقبلني وعلى طول على البيت والى الشيخ والم ويكتب لنا عقد النكاح ونسوي ذاك الفرح اللي احلا منه ما فيه عندي ونجي للفلة ونضبطها ونسكن فيها وطول الاجازة وارجع للسعوديو واقدم تقاعد صار لي في الخدمة 35 سنة واضبط اموري وقبل ثلاث شهور رجعت والى اليوم وانا في ها الفلة مبسوط مع زوجتي وعيالها اللي صاروا مثل عيالي واحبهم من حب امهم ومستانس جاني ولدي جلس عندي اسبوعين والثاني يقول بيجي في رمضان انشا الله , والله لا يغير علينا ولا علكم نعمته . وبعد القصة اللي لعب ابو تركي فيها بمشاعرنا طمر وقال يالله يا شباب صكة بلوت ولين الساعة 3 وحنا نلعب قلت ابو تركي بكرة نتعشى حنا وياك عندنا قال افا والله ما يتم انتم ضيوفي 3 ايام وبعدها يصير خير قلت اسمع انت ما قصرت وحنا خذنا ضيافتنا وقضينا وانا اعزمك علشان عندي لك شي تحبه قال وشهو قلت ابو حمد راعي سامري وانت خابرك تحب السامري ( عاد هو مجنون سامري ) ونبي نجر لنا صويتين وش رايك ان كان تبغانا نجيك مرة ثانية قال ما دام كذا اجل ما يخالف اكرمك الله يا بو تركي قمنا الا السواق مطلع السيارة ونركب وعلى شقتنا . وعلى فكرة يا اخوان التقرير هذا ابو تركي قاريه اليوم مرسله له ايميل قبل انشره ومةافق عليه ومحملني السلام لكم جميع موعدنا بكرة ان شاء الله اللهتمسو على خير حياكم |
|
|
|
|
24-09-2008, 08:55 PM
|
#251 (permalink) |
|
مسافر متميز
تاريخ التسجيل: Sep 2008
الدولة: غريب في وطني
رقم العضوية :219447
المشاركات: 182
|
قلبي يحب الطيب لو من بعيد الناس وشلون وأنا أظن أنك قريب يالقلب الخضر أقول .. ولعتني وخليتني أنشد الناس ### وكشفتني ما بين ربعي الأدنين يا صاحلبي من عقب ( تقريرك) البال منحاس ### أصفق بكف كف وأشكي من البين. ألله يستر عليك أخوي القلب الأخضر ويبارك فيك ويصلح نيتك وذريتك .. ويحي والدتك حياة طيبة ويوفقك لبر بها. من سنين وأنا أدخل المنتدى وأستفيد منه .. لكنك أجبرتني على التسجيل حبا بعلومك الجميلة التي ظهرت لي.. عندي مجموعة استفسارات .. أجاب عن كثير منها قصة أبو تركي الله يبارك في عمرة ويوفقه.. متابع معك أخي العزيز.. ومع المتابعة تأتي بقية الاستفسارات (( يقلون أنشد مجرب ولا تنشد خبير .. وأظن أنك مجرب وخبير ومن عقلاء الرجال )) أرجو أن لا أثقل عليك.. واسلم لمحبيك . |
|
|
|
|
25-09-2008, 12:46 AM
|
#254 (permalink) |
|
مسافر متميز
تاريخ التسجيل: Mar 2008
رقم العضوية :178586
المشاركات: 163
|
لا هنت يالسنافي خوي النشاما والله إن قصت أيو تركي تقطع القلب ، لكن الحمدلله إن نهايتها سعيدة ، الله يديم السعادة عليه وسلم لي عليه مع دعواتي له بالصحة و طول العمر ، و أنت وياه و خوياكم ينطبق عليكم قول الشاعر أحمد القماصي السبيعي: احرص على خوه رفيق سنافي...//... اللي على الشدات يعحبك جوه حرٍ وطبعه لا وعد دوم يافي...//... و راعي دلال وفزعته والمروه |
|
|
|
|
25-09-2008, 02:54 AM
|
#255 (permalink) |
|
مسافر متالق
تاريخ التسجيل: Aug 2005
الدولة: بلاد العرب أوطاني
رقم العضوية :46744
المشاركات: 742
|
 وفقك الله يالقلب الاخضر على ما أتحفتنا به في بوابتنا المغربية قصة أبو تركي مؤثرة جدا جدا وأسأل الله له ولك وللمسلمين التوفيق آمين أمتعتنا ........ متعك الله بالصحة والعافية محبك الاجردي  |
|
|
|
|
| الذين يشاهدون محتوى الموضوع الآن : 2 ( الأعضاء 0 والزوار 2) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 03:22 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||