الموضوع: حضانة اطفال بالكويت لطفل تحت السنه وتكون مجربه وسمعتها كويسه

السلام عليكم

انا جايه بعد العيد للكويت

وحابه اسأل ابي حضانه اطفال لطفل تحت السنه وتكون اكويسه ومو مهم السعر

وتكون مجربه

ياليت تفيدوني وين ومتى تفتح وتسكر

انتظركم الله يجزاكم خير

تحياتي

حياك الله في بلدك الثاني

ما حددتي المنطقة اللي ناوية تكونين فيها , لكن

بالنسبة للحضانات بالكويت موجودة في كل مناطق الكويت تقريبا

مع اني انصح بالحضانة اللي تكون في المناطق السكنية ( يكون الجو العام فيها قريب من جو البيت للطفل والإهتمام اكثر )

الأسعار متفاوتة لكن في الأغلب تتراوح من 60 دينار الى 100 أو 120 دينار شهريا

اوقاتهم تكون من 8 صباحا الى 2 ظهرا

حياج الله في بوابتنا...

الحضانات متواجده تقريبا في كل منطقة من مناطق الكويت

وفي حضانات خاصه لأشخاص وفي حضانات خاصه لشركات او جمعيات

طبعا كلهم يستقبلون الأطفال ..

والاسعار تتفاوت من ال50 واكثر

ياليت تذكرين اسم النطقه اللي راح تسكنين فيها وراح نجاوبج

الله يعطيكم العافيه انا بسكن في فندق قريب من السالميه

انا ابي حضانات مومهم المنطقه اهم شي تكون سمعتها كويسه

وانا ابي احط طفلي بس 6 ساعات باليوم ماادري عندكم كذا بالساعات يوميا لمدة اسبوع

وطفلي عمره 5 اشهر يستقبلونه وابي حضانه تفتح بعد المغرب اذا فيه

ادري كثرة الطلبات عليكم

والله يجزاكم خير ياربي

لررررررررررررررررفع

تغيرت رحلتي صارت بالعيد وينكم

عذراً لم اجد ما يطابق طلبك...

لندرة المواقع المتعلقة في الحضانات بالكويت,
بالرغم من انتشارها في كافة المناطق.

نتائج البحث التي حصلت عليها :-

http://www.tamayouznur.com/
http://www.alburooj-nursery.com/

-----------------

تحياتي.

ما اعرف حضانة تفتح بعد المغرب
عموما في حضانة بيبي جاردن ومجموعة حضانات ستبس ممتازة واخوي عمره سنتين فيها