 |
 |
 |
||
|
|
|
||
 |
|
 |
|
|||||||
| الدول العربية والإسلامية تعنى هذه البوابة بتزويد المستخدمين بجميع المعلومات المتنوعة الخاصة بالكويت. |
 |
|
|
أدوات الموضوع | انواع عرض الموضوع |
|
|
09-09-2008, 03:12 PM
|
#1 (permalink) |
|
مسافر متميز
تاريخ التسجيل: Jul 2005
الدولة: المنطقة الشرقية
رقم العضوية :35194
المشاركات: 237
|
رحلة سريعه للكويت
[SIZE="5"]اواخر شعبان كانت الرطوبة شديده في الدمام وتضيق الخلق فقلت حسب علمي ان الكويت جوها جاف وسموم واشوفها فرصة عشان نبعد عن هالرطوبه الخانقه ,,قالت المدام خلينا نروح الرياض احسن مافيها رطوبه ,,قلت لا نخليها الكويت ,,الرياض احبها بس ما اطيق زحمتها ,, قالت طيعني الرطوبة اذا جات غطت كل الخليج !!قلت ابدا هي الكويت ,,,والرياض نخليه لعيدالفطر
وتوكلنا على الله ومشينا من الدمام مغرب يوم الأثنين وطبعا لوجود العائلة و الأطفال يكثر التوقف في المحطات ,,المهم دخلنا الكويت الساعة 11 مساء لكن تفاجأت بالرطوبة ورانا ورانا يا الهي !!!  وكثر الشامتين  قالت المدام قلنا لك الرياض اضمن مافيه رطوبه !!!! قلنا الحمد لله على كل حالواتجهت صوب السالمية لأنها افضل منطقه لسكن السياح لتوفر المطاعم بكثرة ولكن لاحظت ان معظمها زي بعض والغريب مافيه مطاعم تقدم الأرز ؟كلها مطاعم مشاوي او سندويتشات وهمبرغر ,,يعني كبسات noway ليش ما يحبون العيش ؟؟ المهم قعدت الفلف ادور شقق مفروشه الين حصلت شقق( ارينزا تاور ) واخذت شقه غرفتين نظيفه واثاثها حلو بسعر 30 دينار موقع العماره تمام قريب منها الجمعيه (سوبر ماركت ) ومسجد بس عيبها صعوبة ايجاد موقف للسياره اذا رجعت متأخر مما يضطرني اني اوقف بعيد عن العماره ,, طبعا كنا تعبانين من الطريق فتركت الأهل في الشقه ورحت اجيب لهم عشاء من شارع المطاعم الشهير ورحت مطعم اسمه (ستيك ) رهيب نظيف ويسوي سندويشات كباب ما حصلتش !!!  والحين ناكل الكباب وبكرة نكمل لكم السالفه خاصة يوم جات الهزه الأرضيه  [/SIZE] |
|
|
09-09-2008, 05:45 PM
|
#2 (permalink) |
|
مسافر متميز
تاريخ التسجيل: Apr 2008
الدولة: الكويت
رقم العضوية :183252
المشاركات: 271
|
أجل شبعت شماته رطوبه وهزه ارضيه بعد الظاهر التوقيت الي جيت فيه ماطلع لصالحك فعلا الرطوبه طولت عندنا العاده الرطوبه مااطول أكثر من يومين أوثلاثه ايام ماعلينا بس أن شاءالله أستانستوا بالرحله هذه وتعدلت الامور وياليت أذا في صور مع التقرير والله الحمدالله علي السلامه أخوي سفينه الصحراء  |
|
|
|
10-09-2008, 03:12 PM
|
#11 (permalink) |
|
مسافر متميز
تاريخ التسجيل: Jul 2005
الدولة: المنطقة الشرقية
رقم العضوية :35194
المشاركات: 237
|
مسيكم بالخير
واصافح كل من مر و وقع في كشف الحضور يالله حيهم واقول اعذروني عن الصور لأني استخدم كاميرة فيديو و ماغير ادور بها كني مراسل قناة فضائية المهاجر ,,,ياهم اشبعوا شماته وطنازه بعد يوووه الذيب ,,,صج اللي مايطيع ,,,,,,بس ما عليك تالي استانسوا ونسوا الرطوبه الملك ,,,كان تكمل عاد بعد رطوبه وبنغال ؟ نواعم ,,صج فاتنا مطعم صويلح ,,لما رجعنا قالوا لي عنه المرام ,,الراشد ,,,البمبيني ,,,ترافل مان ,,,,,حياكم الله بس تراه تقرير صغير اشبه بالمذكرات يعني مش اد كده (يحب مصر) يوم ثاني صحينا من النوم متأخرين لأنا ما نمنا الا بعد صلاة الفجر ,,,طيب وين نروح ؟ الأفينيوز اكيد الأفينيوز مجمع ما شاء الله ضخم وفخم وتصميم هندسي رائع وذوق عالي و ميزته سعة الممرات وكبر وتعدد الساحات ,,طبعا هذا علاوة على الماركات المعروفه وتوفرعدد من المقاهي والمطاعم (بس قليله ) قضينا طول النهار في المجمع وتغدينا العصر في مطعم فرايديز وخوش مطعم حتى الصغار استانسوا فيه لأن القرسونات لابسين زي خاص كانه مهرج رجعنا الشقه نريح ونصلي العشاء وبعدها طلعنا لشارع الخليج على الكورنيش او المرسى التابع لمجمع المرينا مول طبعا جميل جدا فيه قوارب ويخوت خاصة وعبارات كبيره تقوم برحلات سياحيه الى جزيرة فيلكا في النهار ,,,وخليت الصغار يلعبون في الألعاب وجنب نوافير الماء ,,, لكن الرطوبه افسدت الأستمتاع به فدخلنا للمجمع فقضينا وقت لابأس به من تسوق وتمشية وعشاء في ساحة المطاعم في الدور الثاني ووووااااووو اخيرا عثرنا على العيش (الأرز) بس انا اللي ابيه اما باقي الأهل فكل يغني على ليلاه مابين وجبات سريعه او بطيئه وطلعنا الساعة 11.30 وذهبنا لجمعية السالمية للتسوق وبعدهاالى الشقه الى الأرينزا تاور الحين صار وقت صلاة العصر فأستأذنكم للصلاة وغدا نكمل اشصار في الهزه  |
|
|
|
10-09-2008, 11:07 PM
|
#13 (permalink) |
|
مسافر متميز
تاريخ التسجيل: Apr 2008
الدولة: كويت على عيني وراسي
رقم العضوية :181055
المشاركات: 229
|
صج الى ما يطيع يضيع والله ان كلام الحريم دائما صح لو انك سامع كلامها جان ضربت عصفورين بحجر لان شهر عشرة الجو يصير حلو عندنا .وبعدين تقول ان فى هزة ارضية قريت عنها بالجرايدمن تاثير الهزة الارضية مالت ايران او الغراق مانى ذاكرة بس ما حسيت فيها والله .انت شلون حسيتو فيها
 وسلامتكم من الهزات والرطوبة |
|
|
|
13-09-2008, 03:22 PM
|
#15 (permalink) |
|
مسافر متميز
تاريخ التسجيل: Jul 2005
الدولة: المنطقة الشرقية
رقم العضوية :35194
المشاركات: 237
|
مسيكم بالخير
نكمل رجعنا للشقه تقريبا الساعه 1 صباحا احنا في الدور الثامن كنا جالسين في الصاله نشوف التلفزيون وانا متكي واشرب الشاي وفجأه حسيت بدوار وراسي يجي قدام ويرجع ورا واستغربت هالدوار المفاجئ ثم تكرر مرة ثانيه ,,اشهذا وفركت عيني وشيكت على الكنبه اللي انا جالس عليها يمكن انها تهتز ,,لكنها ثابته قلت انا جاني دوار وراسي يدور بشكل غريب !!!قالت زوجتي حتى انا والعيال نفس الشيء قلت لا المسأله فيها ان واخواتها واتصل على الأستقبال اسألهم ؟ قالوا مافيه شيئ !! وانزل لهم على طول واذا ببعض السكان من الدور العاشر نازلين مع عائلتهم وهم مفزوعين وقد حسو باهتزاز العماره وتحرك الأثاث وتساقط الأواني وجرت اتصالات عدة مع الفنادق والشقق المحيطه فاذا بفس الشيئ وتأكد وجود هزه ارضيه وش صار بعدها ؟ معليش بكره |
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 02:55 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||