 |
 |
 |
||
|
|
|
||
 |
|
 |
|
|||||||
| دول جنوب و شرق آسيـــا تعنى هذه البوابة بتزويد المستخدمين بجميع المعلومات المتنوعة الخاصة بالسفر الى ماليزيا. |
 |
|
|
أدوات الموضوع | انواع عرض الموضوع |
|
|
04-09-2008, 08:50 AM
|
#1 (permalink) |
|
مسافر متميز
تاريخ التسجيل: Apr 2008
رقم العضوية :179537
المشاركات: 204
|
احذروا فندق تريدرز وخصوصا غرف الكلوب
السلاااااام عليكم جميعاً
يا أخوان من باب التناصح والتعاون علي الخير أحب انقل لكم تجربتي معا فندق تريدرز اللي كانت في شهر جولاي الماضي  انا سكنت من 14 الى 17 جولاي في كلوب روم بارك فيو... طبعاً عندي عضوية في فنادق شنغريلا... لاني سبق وسكنت في فنادقهم مثل دبي وبينانق وغيره  يمكن تعرفون مزايا غرفة الكلوب فمايحتاي اني اشرح لكم اياها  اول ماوصلت الفندق استقبلوني برحابة وودوني الدور الخامس (الدور الثاني بالفندق وهو اللي فيه الرسبشن) طبعاً قابلني واحد صيني ابتسم ابتسامة صفرة وعرض علي اني اسوي اجراءات دخول الفندق في الدور الخامس طبعاً انا رفضت بحكم انه غرف الكلوب التشيك ان يسويه الواحد في الدور ال32 ويجلس علي كرسي ومكان فخم وقلت له هنا زحمه بعد فانحرج مني وقال لي علي راحتك.  المهم ركبت اللفت ووصلت لين الدور ال32 جلست وسو لي التشيك ان لكن استغربت انهم ماعلموني عن مزايا الكلوب روم واوقات الشاي والوجبة الخفيفة والفطور.. معا العلم اني حاجز عن طريق عضوية شنغريلا وبالنت وعارف مزايا الكلوب روم كاملة ومستعد اسمعها لهم بند بند.. لقيتها تقول لي روح افطر في الدور الخامس معا الزحمة... معا العلم اني دافع فرق وحرام افطر تحت... طبعاً انا ماكنت ادري شالسالفة وحاس انه في شي غلط.. بس قلت يمكن خلو الفطور تحت.. المهم عطوني الغرفة في الدور ال 27 ... دخلت الغرفة ولقيت فيها ريحة دخان تخنق... قعدت شوي ولا تحملت ... كلمتهم قالوا لي بنجيب لك معطر وان شاء الله بتروح الريحة ... جلست وطولوا علي وحسيت انه الريحة قوية وماتنطاق... رقيت لهم فوق وطلبت بكل أدب واحترام من الرسبشن تغيير الغرفة... طبعاً بدت تشين النفوس علي شوي شوي.. وقالت لي ماعندنا غرف جاهزه في الوقت الحالي بس بنحاول ننظف لك وحده ويمكن تاخذ نص ساعة...قلت اوكي المهم ويصفطوني ساعة ونص وانا انتظر.... كل شوي الحين بيجيك اللي يشيل شناط والحين بيجيك... المهم ركبت لهم فوق وتهاوشت معا الرسبشن.. بردت خاطري فيهم علي الوقاحة هذي... وعطوني المفاتيح علي طول وجاني اللي يشيل الشناط...المهم طلعت في الليل وانا ماني مرتاح من الوضع حاس انه في شي.... فقابلت واحد من الاخوان من دولة عربية يشتغل معا الاستقبال تحت الفندق... فقلت له الموضوع فصدمني بكلام احس انه امانه اني اوصله لكم يا اخواني... قال لي "صدر قرار سري من مدير عام الفندق انهم يمنعون اي عربي يدخل صالة الكلوب وهي اللي فيها الفطور والوجبة الخفيفة والكوكتيل وغيره والسبب الازعاج اللي تصدره اطفال بعض العوايل الخليجية....؟؟؟؟" طبعاً اعتقد انكم تعرفون انه اطفال العرب مايعرفون يقعدون علي الكراسي ليش ما ادري؟؟؟... الى درجة انه الواحد صار يشوف اهلهم بدون دم واحساس.... والله ياخي كرهنا الناس فينا المهم انا يوم عرفت الموضوع رحت علي طول للديوتي منجر (صيني مثلهم) وعطيته كلام قوي ... انه انتوا عنصرييين وانا عشاني عربي تعاملوني كذا وانا راح اشتكي ولابيردني الا ادارة شنغريلا... فقام يتعذر لي ويتأسف انهم فندق ماعنده عنصريه ولاتفرقه... وسوا لي برنت من الرسالة اللي يعطونها لكل واحد يسكن غرف الكلوب عشان يعرف اوقات الفطور وغيره.... وطلب مني ارسل له ايميل عن الاشياء اللي ابيها او احتاجها.... وفعلاً ارسلت له ايميل... المهم ثاني يوم رحت افطر وقفوني عند الاصنصير وطلبوا رقم الغرفة عرفت انه بدت حركات السخافة... المهم طالعت في اسم الموظفة ابي احفظه خافت علي طول ... وقالت لي اسفين هذا روتين دايماً نسويه.. قلت لها اي روتين يعني لو انا ماني ساكن في غرف الكلوب بجي هنا... ولا عشان شفتيني عربي يعني ... انحرجت وجهها قام يعطي الوان.. وقالت انا اسفه... المهم مابي اطول عليكم لكن جلست هناك ثلاث ايام وانا متضايق صراحة... لكن يوم جيت امشي من الفندق رحت للرسبشن واخذت اسامي اللي بهدلوني كلهم وسجلتهم علي ورقه وهم يشوفوني وخايفين... وأول مارديت الديرةز ارسلت ايميل لادارة شنغريلا بالمعاملة السيئة اللي لقيتها واني ماراح اجي مره ثانيه الفندق...ومتحسف علي اللي دفعته لهم ... فرد علي المدير العام حق الفندق يعتذر ويطلب مني اسامحهم واني اذا جيت مره ثانيه هو بيهتم بحجزي بنفسه ومن هالكلام اللي لايودي ولايجيب الخلاصـــــــــــــة: اللي يبي يريح نفسه يسكن له في فندق خمس نجوم قريب من شارع العرب احسن له من تريدرز وغيره. معا انه تريدرز مهب شين... لكن يا اخوان كل واحد منكم لازم يطالب بحقه ولايسكت عنهم لانه الامريكان والاجانب دايماً يهزؤن الفنادق اذا ماعجبهم التعامل... وعشان كذا تلقونهم دايم يحترمونهم ويخافون منهم بعد  الفندق حلو ومرتب ونظيف لكن يعيبه الادارة الصينية الفاشلة وانا عشان اصير حقاني بحط بعض الصور حق الفندق اللي اعده من اجمل الفنادق اللي سكنت لكن الفندق بدون تعامل طيب مايسوى ريال وهذا رايي  هذي مصاعد الفندق راقية وفخمة  وهذي ممرات الغررررف  وهذي صورة الجلسة في الغرفة ... كل يوم يحطون لك نوع من انوع الفواكه "اليوم كمثرا"  هذا التلفزيون ال سي دي...  هذا الحمام الله يكرمكم بعد ماتكلمت معا الديوتي منجر خاف ونفذ طلبات الايميل بالحرف ... وسوي تجهيزات للهني موونرز....  وهذا البانيــــــــــــــــــــــــــــو   وهذا المنظر من الغرفة... روعة  واخيرا وليس أخراً احب اقولكم انه محبتكم هي اللي خلتني اكتب هالموضوع وماودي يصير لكم اللي صار لي وتحياتي لكم  |
|
|
|
04-09-2008, 10:26 AM
|
#2 (permalink) | |
|
مشرف ماليزيا
تاريخ التسجيل: Aug 2004
رقم العضوية :14910
المشاركات: 6,754
|
اهلين ..
معوض خير ان شاء الله وهذه مشكلة الفنادق اللي تصير عليها الرجل كثيرة .. تريدرز حصل على دعاية كبيرة والعرب ما قصروا فيه  بغض النظر عن ما حدث لك فيه .. ,, ولكن اعجبتني جداً هذه المقولة .. اقتباس:
ابو عمر |
|
|
|
|
|
04-09-2008, 12:27 PM
|
#3 (permalink) | |
|
مسافر متميز
تاريخ التسجيل: Apr 2008
رقم العضوية :179537
المشاركات: 204
|
اقتباس:
الفندق ممتاز والغرفة نظيفة مثل ماقلت في الموضوع عشان ما اظلمه... لكن التعامل وخاصة معا العرب سيئ فاللي بيسكن فيه يتوقع الشي هذا عشان ماينصدم وهذا من باب مشاركة الفائدة والمعلومة للي ناوي يسكن فيه |
|
|
|
|
|
04-09-2008, 12:29 PM
|
#5 (permalink) | |
|
مسافر متميز
تاريخ التسجيل: Apr 2008
رقم العضوية :179537
المشاركات: 204
|
اقتباس:
أنا اشوف الماريوت هو التوب في كوالا... من ناحية الخدمة والموقع والسعر... وتحياتي لك يا مير |
|
|
|
|
|
04-09-2008, 12:58 PM
|
#6 (permalink) |
|
مسافر خبير
تاريخ التسجيل: Nov 2007
رقم العضوية :161664
المشاركات: 1,477
|
صقر رحال .................. يعطيك العافيه وماقصرت
عندي بعض الاستفسارات ......... بالنسبه للفطور فوق هل هو مطل على البرجين .................. هل فيه استراحه (كوفي شوب ) مطله على البرج ............... عصيرهم ذا الي فرحانين فيه وين ينشرب .......... فيه في الطابق العلوي بار ومسبح هل دخول العوايل مع اطفال ممنوع ................. شي يقهر ان المسبح جنبه بار .......... اذا ابي المسبح او ابي اجلس في الاطلاله الرائعه فوق وش اسوي ....... لاتقول روح الصباح .... الليل له منضر ثاني تحياتي |
|
|
|
|
05-09-2008, 09:38 AM
|
#7 (permalink) | |
|
مسافر متميز
تاريخ التسجيل: Apr 2008
رقم العضوية :179537
المشاركات: 204
|
اقتباس:
من وجهة نظري الشخصية ... اشوف الكلوب مايسوى الفرق اللي حاطينه خصوصاً معا تعامل الصينين الطيب ايه فيه طابق علوي فيه بار معا بركة... مادري بس انا رحت فوق شفت اطفال اجانب يسبحون بعدين المنظر روعة لانه مفتوح بدون قزاز علي البرجين منظر خطير وهذي الصوره  والله يا مسافر اغلب مسابح الفنادق الراقية فيها بارات... بس انت ماعليك منهم تسبح انت وعيالك واسفطهم وتحياتي لك |
|
|
|
|
|
05-09-2008, 09:40 AM
|
#9 (permalink) | |
|
مسافر متميز
تاريخ التسجيل: Apr 2008
رقم العضوية :179537
المشاركات: 204
|
اقتباس:
يعطيك العافية عبادي وانا ماشاركتكم بالموضوع الا اني ابيكم تنتبهون عشان ماتنصدمون بالفندق مثل ماصار لي ومشكور عالمرور |
|
|
|
|
|
05-09-2008, 09:51 AM
|
#11 (permalink) | |
|
مسافر متميز
تاريخ التسجيل: Apr 2008
رقم العضوية :179537
المشاركات: 204
|
اقتباس:
فشوف انت اي سويت حاجز... وتحياتي لك |
|
|
|
|
|
04-09-2008, 03:22 PM
|
#12 (permalink) |
|
مشرف السعودية
تاريخ التسجيل: Jan 2006
الدولة: الرياض
رقم العضوية :54781
المشاركات: 10,778
|
بصراحة مشكلة
والله يا غالي شي في النفس من القصة اللي صارتلك ودي أقوله أنا بنفسي وأنا عربي مسلم ولله الحمد بصراحة كرهت نفسي من بعض التصرفات اللي شفتها هناك من بعض العرب مثل ما قال العربي اللي في الفندق تلاقي عيالهم كأنهم في ملاهي ولا أحد يأدبهم ويقولهم اجلسوا واحترموا الناس بالمطعم الأطفال يلعبون بالأكل وكل طفل معه صحن يعبيه أشكال ألوان وبالأخير تلاقي الطاولة مليانة أكل ما أحد أكله بس لعب وبالمصعد تلاقي الأطفال العرب كذا مرة أهاوشهم يلعب بالمصعد وكأنه في ملاهي وفي حديقة الفراشات شفت طفل من جنسية عربية قاعد يشوت في قفص لأحد الحيوانات بكل قوته وأبوه يناظر فيه ويضحك ولا همه تصرف همجي والحيوان تأذى وخاف من شدة الضرب على القفص حتى جيت وقلتله يبعد ولا اهتم لي وقام يعاندني ويشوت أقوى يعني ما تدري انت تلوم الفندق ولا تلوم عدم احترام كثير من العرب للآخرين وترى الأجانب قليل يكون معهم أطفال في ماليزيا بعكس العرب الخليجيين خاصة ما شاء الله تلاقي العائلة كبيرة ومليانة أطفال ولا فيه رقابة عليهم من اللعب والتخريب أكرر مثل ما قلت هذا من بعض الناس وليس الجميع لكنه شي مشاهد جداً وياما صارتلنا مواقف تحزن القلب بالنسبة لي كانت تجربة سكني في تريدرز جداً راقية ورائعة والتعامل قمة في كل مكان منذ الدخول وحتى الخروج ربما حصلت مواقف بعد زيارتنا تسببت في هذا التغير في التعامل ويمكن أفضل لو الفندق طلع قرار يمنع الأطفال من قسم الكلوب مثل نظام فلل الصن واي لاقون ما يدخل أي طفل تحت 12 سنة |
|
|
|
|
05-09-2008, 09:57 AM
|
#13 (permalink) | |
|
مسافر متميز
تاريخ التسجيل: Apr 2008
رقم العضوية :179537
المشاركات: 204
|
اقتباس:
اول شي اشكرك علي مشاركتك.... ثاني شي انا والله أأييدك في الكلام اللي تقوله ياخي نفس التريدرز يوم سكنت فيه كان معانا في نفس الدور خليجين والله يخوي تقول السيب هذا عندهم لعبه رايحين راجعين عليه ركض وصراخ.... ما أدري هل اهلهم ماعندهم احساس؟؟ ياخي شي غريب فعلاً وياما شفناهم في افاموسا تشويت الاقفاص هذي الظاهر كل واحد يروح حديقة حيوانات لازم يشوفهم انا والله ودي اوجه من هالمنتدى نصيحة للأباء والامهات انهم يخافون الله في عيالهم... الناس كرهتنا بسبتهم ... ياخي تدخل مكان الفطور في الماريوت تقول داخل حضانة.... مو معقول اللي يصير اللي بيزعج الناس ويعكس هالصورة ودك يقعد في ديرته احسن له أخيراً وليس أخراً الصينين ياخي يكرهون شي اسمه عربي مادري ليش... وينتظرون عليه الزلة.. عشان كذا تلقى دايم مشاكل لانهم مايحبون الاسلام.... عليهم من الله مايستحقون تحياتي لك مهند عالمشاركة الحلوة |
|
|
|
|
|
21-10-2009, 02:11 AM
|
#14 (permalink) |
|
مسافر فعال
تاريخ التسجيل: Apr 2009
رقم العضوية :253548
المشاركات: 65
|
السلام عليكم ورحمة الله وبركاته ،،
كثير نشوف مثل هالاهمال من الناس في اولادهم ، الله يصلحهم ويهديهم ،، وبالنسبة لك والموقف اللي صار معاك ، خيرها في غيرها وبلعكس اعجبني اسلوبك واخذك لحقك . مع ان هالفندق الكثير يكن له الاحترام والاعجاب ، لكن طلعوا على حقيقتهم. |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 12:19 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||