 |
 |
 |
||
|
|
|
||
 |
|
 |
|
|||||||
| بوابـــة السفر إلى تايلاند Thailand : في هذا المنتدى يتم تزويد المستخدم بالتقارير المصورة الخاصة بتايلاند بالإضافة الى مكتبة صور خاصة. |
 |
|
|
أدوات الموضوع | انواع عرض الموضوع |
16-08-2008, 07:08 PM
|
#1 (permalink) |
 
تاريخ التسجيل: Jun 2007
الدولة: معشوقتي البحرين
رقم العضوية :138065
المشاركات: 1,674
|
الماسة في ربوع تايلند صيفيه 2008
السلام عليكم ورحمه الله وبركاته
اعزائي اعضاء هذا المنتدى الرائع احب اقدم لكم تقريري عن سفرتي هالصيف لتايلند كعربون شكر لكم بعد ماساعدني هالمنتدى وساعدتني تقاريركم لمعرف الكثير عن هالبلد الرائع في البدايه كنا محتارين بخصوص الوجهه وبعد ماافترينا على الكثير من مكاتب السياحه حصلنا عرض مايتفوت  طبعا بعد غلاء اسعار التذاكر والحجوزات بالنسبه للعام الي طافقمنا بالحجز على طول حقي وحق بعلي العزيز وحق شنقل ومنقل (عيالي الاعزاء) بعدها بيوم قام الوالد بالحجز معانا حقه وحق الوالده وخواتي الثنتين واخوي وسحبو معاهم بنت اختي الثالثه وبعدها بجم يوم لحقونا بالحجز بنت عمتي وريلها وولدها الصغنون الزبده صرنا جماعه جنا رايحين كشته الرحله الي كان مقرر لها بانكوك ليلتين وبعدها ناخذ طياره( طيران اسيا) على شنقماي 3 ليالي ونرد ناخذ طياره لبانكوك ومنها على طول نبدل طياره لبوكيت نقعد فيها 5 ليالي وبعدها نرد بانكوك وناخذ سياره 4 ساعات لي هواهن نقعد فيها ليلتين وبعدها نرد لبانكوك 4 ليالي حق التسوق صباح يوم الاحد او بالاحرى من غبشه كنا مرتزين في المطار الساعه 3 الفير  فديت ديرتنا الي بلا لون   اول ماوصلنا المطار كانت الساعه 7 عندهم خذنا لنا 2 فان لنا وحق شناطنا من المطار واسعارهم كانت زينه  وعلى طول الفندق  سكنا في بايوك سكاي الفندق نظيف ومرتب وتقريبا يم اغلب المجمعات والسوق الليلي وهذي غرفتنا  طبعا من التعب بس نزلنا اغراضنا وتعشينا ورحنا مكتب يم الفندق مال تورز حق نرتب كشته لثاني يوم وتفقنا على دريم وورلد ثاني يوم من الصبح رحنا نتريق في البوفيه والحلو ان مطعمهم في الطابق ال77 يعني تجوفون الديره من تحتكم اشحلاتها  بعدها انطلقنا بالباص لدريم وورلد  العايله السعيده     بالنسبه لنا خذنا الرحله بالغدا مادرينا ان اكلهم ماينأكل جوفو وتلوعو    بعدها دخلنا في الثلج وكان وناسه بس بنتي الله يهداها مطلعه سيقانها وماتت من البرد ماخلتنا نستمتع اكثر  الحديقه عموما تونس حق الكبار والصغار يعني قعدنا فيها من 9 الصبح لي 5 العصر وفيها حركات حلوة حق التصوير   هذي المجسم دليل لوجود حمام عزكم الله  طبعا وصلنا الفندق بعدها تعابه ولبنا شأرنا على السوق الليلي على قوله اخوانا المصريين عيز خيل ابوي تابعوني لتكملت الرحله لشنغماي  اول جزء |
|
|
|
16-08-2008, 09:50 PM
|
#2 (permalink) |
|
مسافر فعال
تاريخ التسجيل: Aug 2008
الدولة: الـــســعــ الريــاض ــــــوديه
رقم العضوية :208571
المشاركات: 105
|
واااااااااااااااااااااو
 تقريرشكلو حلو من اولو الحمدالله على السلامه ويارب تكونو استانستو كثير وتقريرك جا بوقته بسافر بشهر اكتوبر بأذن الله فايليتتشرحين بالتفصيل وايش المحاسن والمساؤي بعد وكيف كان وضع الاطفال متعب ولا عادي واعتبريني اول المتابعين  يسعدكم |
|
|
|
|
16-08-2008, 11:02 PM
|
#4 (permalink) |
|
تاريخ التسجيل: Jun 2007
الدولة: معشوقتي البحرين
رقم العضوية :138065
المشاركات: 1,674
|
ثاني يوم انطلقنا لمطار بانكوك
متجهين لشنغماي على طيران اسيا  سكنه في فندق رويال برنسس الفندق نظيف ومرتب واحلا مافيه ان السوق الليلي تحتنا على طول   طبعا من الاشياء الي المفروض ماتطوفونها في تايلند المساج اسعارهم رخيصه بالنسبه حق صالوناتنا وتلقاهم منثرين بكل داعوس وكل يوم بعد مانتسوق ونرقد الياهال ننزل ونصطف كلنا حق المساج  ثاني يوم رحنا سفاري    منها عروض للفيله ويراوونكم شلون الفيل يرسم    وكان من ضمن البرنامج ركوب البامبو بس نزل علينا مطر وكلنا تحت مظله وحده  >>يعني وجود المظله وعدمها واحد  بعد ماتبللنا من الزين توجهنا لحديقه الزهور  وبعدين عروض القرده   طبعا هالبرنامج كله بيوم واحد من الصبح لي المغرب كانت في برامج ثانيه بس الوالد ماتشجع لها مثل الشلالات لانها تبعد مسافه 3ساعات او اكثر بالسياره فتكيسل الدرب ومنها طحنا يومين تسوق ومساج في شنغماي  وبعد انتهاء المده توجهنا للمطار للرجوع لمطار بانكوك ومنها ناخذ طياره لبوكيت  عندي تعليق على هالطيران اهو افضل شركات الطيران داخلي بس كلش مايهتمون بالشنط يعني على كثر تنقلاتنا كسرو شناطنا وصارو مايسوون كلش ملش واغلبنا في رجعتنا قطيناهم وخذنا شنط يدد من هناك  واخيرا بوكيت المنطقه حلوة وتينن  سكنا في فندق ديفانا باتونق اهو بعيد عن البيج شوي بس المكان حلو مثل الشاليهات   الصراحه اكثر المناطق الي عجبتنا في تايلند بوكيت الطبيعه عندها اتينن والبحر والجزر وااااااااااو نزلنا مكتب تورز وحجزنا على بي بي ايلاند خذنا سبيد بوت لكن الله لايراويكم اشسوا فينا هالبوت  كل مامشينا شوي بندت مكينه شوي الا مكينتين الدرب الي ياخذ ساعه خذناه في ساعتين وشي والي دار راسه والي قام يرجع من وقفت البوت نص البحر الصراحه برنامج خخخخبدايه الانطلاق والكل مستانس بعدها بشوي الكل سايح ومعفس ويهه خخخخ   تابعونيــــــــــــــــ |
|
|
|
|
16-08-2008, 11:27 PM
|
#6 (permalink) |
|
تاريخ التسجيل: Jun 2007
الدولة: معشوقتي البحرين
رقم العضوية :138065
المشاركات: 1,674
|
بالنسبه حق الوضع هناك الديره حلوة ونظيفه بس الاكل اهو الشي الوحيد الي توهقنا فيه
اكلهم كلللللللللش ماينأكل يعني ريحه بروحها تييب لج القلابه بما بالج بأكله استغفر الله مادري شلون ياكلونه اما الاطفال استانسو بس كان تعب لنا خصوصا حزت السوق بسرعه يتعبون ويحنون يعني لو يصير اني اعيد الكره مره ثانيه اروح بروحي من زوجي من غير عيالي فارس الشرق الحمدلله كانت رحله موفقه وتسلم على المتابعه |
|
|
|
|
17-08-2008, 12:36 PM
|
#14 (permalink) |
|
تاريخ التسجيل: Jun 2007
الدولة: معشوقتي البحرين
رقم العضوية :138065
المشاركات: 1,674
|
Sniper.ksa
تسلم ياخوي والله يوفقنا وياكم لخدمه هالمنتدى الرائع mzen2100 حياك الله اخوي بو بدر وان شاء الله يكون تقريري عند حسن ضنكم بانكوكي_2 بفضل من الله ثم فضلكم خليتوني اتشجع واحاول اتنافس مع الاساتذه الكبار في هالمنتدى الحلو وان شاء الله يكون على قد المستوى المعروف فيه في العرب المسافرون د. المخوضر الله يسلمك وتسلم على المتابعه بوينج تسلم على المتابعه Al-Samel الروعه تشجيعكم لكل من يحاول الاندماج معكم تشكروون جميعا |
|
|
|
|
17-08-2008, 01:51 PM
|
#15 (permalink) |
|
تاريخ التسجيل: Jun 2007
الدولة: معشوقتي البحرين
رقم العضوية :138065
المشاركات: 1,674
|
بسم الله
نكمل ..... ثاني يوم الكل كان تعبان من الرحله وخصوصا الكبار  تمينا نفكر شنو الحلشلنا عليه انا وبعلولي واخوي وخلينا شنقل ومنقل عند الوالده الله يخليها بالفندق خذنا توك توك وقلناله نبي برامج شبابيه الصراحه التوك توك يونس بس عيبه الوحيد لما يكون زحمه الدخان كله نستنشقه بس الي يروح لازم يجربه جنك قاعد في بطبطه   اول شي رحنا هالمكان ريلي واخوي استانسو مافي الا انا تلخخ اصور فيهم ومالي بالبنادق شوي الا صارعتلي واحد بالغلط    بعدها رحنا عرض الكوبرا       بعدها رحنا حق ركوب الخيل   وبما انا احنا طلعنا على 11 الصبح طاف موعد الغدا وقمت احاتي الياهال فقلت خلاص نرجع ولما رجعت كانو الياهال يفاعصوون في الماي>>يعني كلش مافتقدوني  وانا ذابحه عمري واقول اكيد طفشوو الوالده  هذي مطعم الفندف يطل على حمام السباحه والمكان مفتوح  الشي الوحيد الي كنت اكله  والشي الوحيد الي عيالي كانو ياكلونه  هذي صوره حق الغرف من بره مثل ماقلت لكم نظاهم مثل الشاليهات  بعدها لابد اني اعوض الوالده عقب ماطفشوها عيالي خذتها ورحنا محل راقي حق المساج والفيشل وخليناهم يشتغلون علينا 3 ساعات  وطبعا كانت في ايام نريح فيها وايام نتسوق حتى صار وقت الرحيل  وودعنا هالسواحل الحلووووة الي تشفشف اليوف      طبعا وبما ان الطيران مايقدم اي وجباته على حسابه فالي تبونه تدفعون ثمنه  يوم وصلنا بانكوك صارت مشاورات الوالد يبي يكنسل هواهن تعييز الدرب الطويل وقال ناخذ الليلتين في بانكوك حق يمدينا نتسوق وناخذ الي نبيه احنا من ناحيتنا كان عادي سواء رحنا او لا وصارت تعديلات الرحله ان حجزنا من المطار ليلتين زياده في نفس الفندق بايوكي سكاي ورحنا على طول الفندق حطينا اغراضنا ونزلنا حق اجرب مطعم هندي >>الشي الوحيد الي ينأكل ولو كنا مجبورين  تابعــــــــــ********>>  |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 09:48 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||