 |
 |
 |
||
|
|
|
||
 |
|
 |
|
|||||||
| واحة العرب المسافرون العامة في هذه الواحة يتم مناقشة المواضيع السياحية التي تهم المسافرين بشكل عام، وفيها يتم ادراج معلومات . |
 |
|
|
أدوات الموضوع | انواع عرض الموضوع |
16-11-2008, 11:59 AM
|
#61 (permalink) |
|
الكاتبة القديرة
 
تاريخ التسجيل: Jul 2005
الدولة: حبيبــــــــــ قطرــــــتي
رقم العضوية :34550
المشاركات: 4,921
|
هلا جميعا ...
اش هالسوالف الزينه .. والله اني تركت شغلي وقعدت اقرا واضحك ... ذكرتوني بسالفتين ... الاولى :- ------------- كنا انا واختي راجعين من البحرين لين قطر ... وكانت الطياره نظامها 3 كراسي يمين و 3 كراسي يسار .. طبعا انا لئيمة .. كان رقم الكرسي تقريبا 21 ورحت وكنت مخططه من البدايه اني اقعد جمب الشباك .. فكنت احاول دائما امشي جدام اختي .. لين وصلت الصف الخاص فينا ودخلت على طول وقعدت عند الدريشه .. اختي طالعتني بنظره (( كانها تقول لي : اشدعوه ياهل شوي وتموتين على الدريشه )) وانا صج احب اقعد جمب الشباك .. وكانت الساعه 10 مسائا يعني مافي شي ينشاف من البحرين لين الدوحة .. شوي الا ايينا ذاك الهندي الطوووووووووووويل العريييييييض كاشخ ببدله وكرفته وحركات ماتشوفونه الا قعد بالكرسي الي جمب اختي على طول .. انا واختي شلنا الحاجز الي بينا واختي لزقت فيني عشان تهد فراغ بينها وبين الهندي عريض المنكبين .. وكل شوي الهندي ياخذ راحته و كتوفه كلمالها تكبر اكثر مادري شلون .. وانا واختي كنا وايد منزعجين وطايحين حش وعقار فيه وبصوت مسموع بعتبار انه مايفهم .. واختي تقول شنو هاي جتف ولا طوفه من اهني لين اهناك .. وهو كل ماله يزيد وياخذ راحته في القعده وكتوفه تقرب اكثر واكثر .. لين وصلنا الدوحه وقف الهندي وقام يتكلم مع المضيف .. واكتشفنا انه بحريني ... ويااا فشيلتنا كان فاهم وعارف الي نقوله وكان يتعمد يتمادى ... شكله كان مستانس لانه مضايقنا ... السالفه الثانيه ----------------------- كنا رايحين سنغفورا من قطر .. و كانت الساعه يمكن 3 الفجر وكانو يقدمون خمور في الطياره وكل الي معانا كانو انجليز واجانب .. وطبعا كانو يدقون دق من هالخمر ... وبينما الكل نايم الا يقوم شايب سكران من كرسيه يبي يروح الحمام الا نسمع صوت دبغه وواحد يقول اووووه الا الشايب منسدح جدامنا في الممر .. ماستحملنا متنا عليه من الضحك حسيت ان احنا عديمين الاحساس .. خخخخ وبس هاي الي اتذكره يالله كتبو مواقف اكثر ونسوني  |
|
|
|
16-11-2008, 02:49 PM
|
#62 (permalink) |
|
مسافرجديد
تاريخ التسجيل: Oct 2008
رقم العضوية :225568
المشاركات: 1
|
بصراحة أعجبني الموضوع مررررره
وموقفي كان صعب وأخذت درس منه كانت عندي رحله يوم السبت الصباح الساعة 6 وابي ألحق الدوام , ومن الحرص قلت يمكن تروح علي نومه لو نمت في البيت لكن بروح للمطار وبقص البوردنق وانام هناك , ورحت للمطار وقصيت البوردنق ورحت عند البوابه ونمت عند الكراسي اللي مقابل البوابه - وبصراحه كنت تعبان مرررره لي 20 ساعة مانمت - المهم نمت الساعة 12 وقمت على أذان الفجر وصليت الفجر وشفت الساعة والا 4 يعني باقي ساعة ونصف وندخل الطيارة قلت آخذ غفوة ماصحيت الا والساعة 9 الصباح وقمت مثل المهبول أروح يمين والا يسار والا مين أسأل .. قلت لنفسي إهدا واجلس على الكرسي واطلب كاس شاي وفكر على رواقه ايش أنت خسران الرحله وراحت فكر في البديل تدرون إيش سويت ... طلعت من المطار على مواقف التاكسي وسافرت براً |
|
|
|
|
16-11-2008, 05:58 PM
|
#64 (permalink) | |
|
مسافر خبير
تاريخ التسجيل: Jul 2008
الدولة: قــلــب الخــبــر
رقم العضوية :198948
المشاركات: 4,932
|
اقتباس:
 الفلم الهندي صحيح تقريبا ايام الثانويه رحت انا وواحد من اصدقائي لمكه بالطياره وانا وياه معروفين اننا نخاف من الطيران وكل واحد مننا يخوف الثاني موقف طريف كل اللي في الطياره ميتين ضحك علينا |
|
|
|
|
|
17-11-2008, 03:03 AM
|
#66 (permalink) |
|
مسافر متميز
تاريخ التسجيل: Jun 2007
رقم العضوية :139557
المشاركات: 347
|
رجعت لكم.....
بعد ماصار لنا الموقف المبكي لرحله شهر العسل والحمدلله لقينا حجز بعدها بيومين على الطيران الماليزي وبما انه انحاس برستيجه المره الاولى حجز هالمره درجه أولى بصراحه طيران روووووووعه واقلعت الطياره وكل شي تمام قدمو لنا وجبه وقامو بالواجب وطفو الانوار وصار المفروض ننام خخخخخخخ المهم الطياره صارت هدووووووء طبعا كل مقعد مفصول عن الثاني يعني يتمدد يصير سرير والله يمد ابو الشباب طوله ويتغطى وينام وانا مايجيني نوم في السفر قلت خليني اشبك السماعات اشوف فلم طبعا مر على الاقلاع تقريبا ساعتين وبس شبكتها الا يكهرب المقعد كهربه مو صاحيه انا نقزت من مكاني قووووووم قوووووووم كرسيي التمس قووووم شوف يوم شبكت السماعات مادري ايش صار وهو فاتح عين وحده ويطالعني عشان يستوعب ويخاف يطير النوم وانا بموت رعب من شي اسمه كهرباء وقمت وقفت ويقول اجلسي يااااااابنت الحلال ويسحبني مع يدي من قوه السحبه صارت اطول من الثانيه خخخخخخ المهم قام عدل الكرسي وقال عمرك في حياتك قد سمعتي بشي اسمه مسااج ......انا صار وجهي الوان قلت الا بس ابغى تصحى تسولف معي خخخخخخخخخخخخخخ طلع كل ساعتين او ساعه المقعد يسوي مساج وفيه زر تضغطه لو حبيت يصير التحكم |
|
|
|
|
17-11-2008, 04:03 AM
|
#68 (permalink) |
|
مسافرجديد
تاريخ التسجيل: Nov 2008
الدولة: ســورية
رقم العضوية :228253
المشاركات: 49
|
موووضوع يخـــــــبل....بالعراقي هاي ههه
انا مرة من المرات راجع بطيارة من الشام لحلب واجيت للمطار قبل الموعد باقل من ساعتين بشوية..النحس الموظف قفل  قال لاماتدخل وخلاني انتظر اكثر من 4 ساعات بالمطار الرحلة الجاية  ...يعني مسافة الطريق لحلب بالبر المهم انا نمتبالمطار بعناده وصحيت واني ايظا متاخر وركض ركض عالصالة وطلعت اول واحد فوق..شفت بوابة الممر للطائرة مفتوح هنا الموقف والله قلت خلي ادخل دخلت واشوف حالي لوحـــــــــــــدي فتت الطيارة والا اشوف بس الكابتن والمظيفات يطالعون فيني  وانا بالطريق بالممر اسمع صوت ناس تركـــــــــــــــض والا انه امن المطار قلي دخيل ربك شلون فتت؟ انا جاوبته عادي شفت الباب مفتوح ودخلت الطائرة قلي ممنوووووووع الدنيا انقلبت علينا راح نتعاقب بسببك جاوبته مو ذنبي ورديت اطلع قلي شو جنسيتك جاوبته عراقي هالمرة ارتبك قال بروحه الاخ راح يفجر هههههههههههه ورجعت طلعت لمن صار الوقت ودخلت واشوف المظيفات بس يطالعون فيني بنظرات  اســــــــــف عالاطالة بس موضوع توووووووووب |
|
|
|
|
17-11-2008, 04:03 AM
|
#69 (permalink) |
|
مسافر متالق
تاريخ التسجيل: Aug 2007
رقم العضوية :154171
المشاركات: 1,064
|
من الموقف اللي صار معي:
1_ كنا في الطيارة وولدي الصغير كان عمره سنه وشوي وتجي المضيفه الاسيويه وولدي يخاف من وجوه الاسيويات موت ويوم طارت الطياره وجات المضيفه وشاف وجهها صار يصرخ بصوت قوي خلى كل اللي بالطيارة يطالعونا مثل المرعوب وشايف شبح هي خافت من صرخته وهو خاف من وجهها وانا ماني عارفها كيف اقول لها ان ولدي يخاف من وجهها . 2_الموقف الآخر كنا في الطياره وكانت ورانا افريقيه من اللي شعرهم تسرحته مثل الاثيوبيات ويوم شافت بنتي الحرمه جلست طول الوقت عينها مفتوحه بقوة على الحرمه وتقول لي هذي هي الجنيه صحيح ماما وأنا اقول لها سكتي لا تسمعنا يمكن تعرف عربي وظلت تكرر علي وتكرر نفس الكلام والحرمه لاحظت ان البنت ما شالت عينها منها وصارت تضحك في وجهها وبنتي يزيد الرعب عندها وتقول لي الحين بتاخذني الجنيه لأني عجبتها وضحكت لي وأنا اقول لها لا وهي مو مقتنعه بكلامي لين وصلنا ورحنا في حال سبيلنا . 3_ الموقف الاخر ركبنا الطيارة الا حرمه جالسه في كرسينا واقول لها هذا كرسينا وما اشوف الا الصواريخ تشتغل وتقول لي ليه مختارتني انا بالذات من هالناس كلهم وتبين كرسيي قلت لها لأنه رقم مقعدي الا تقول لي ما بغير كرسيي وبشوف وش بتسوين قلت الى المضيفين انه كرسيي قالت المضيفه لها هالكلام وتقول حتى المضيفات متعاونين معك قلت الى المضيفه باخذ كرسيها مو مشكله الا كرسيها طلع في الوسط واحنا كرسينا كان قرب النافذه وساعتها اولادي يشتغلون ما نبي كرسيها نبي كرسينا ,نبي يم النافذة , قلت لهم خلي كرسيها يولي ما تنازلوا وصاروا يبكون ويقولون لها نبي كرسينا ما نبي كرسي الوسط وهي عمك اصمخ ولا كأن الموضوع يعنيها ومشيناها طول الطيران والاولاد يحطمون ويهذرون . 4_الموقف اللي بعده كنا مسافرين وبنتي كانت مصابه(( بمرض الجدري الفاسد اللي يصيب الاطفال في الصغر ويترس جسمهم كله حب وبعد فتره يروح))ان شاء الله عرفتوه ,وكنا مسافرين باريس وبنتي تدري ان هذا المرض معدي وطول ما احنا في المطار خايفه يرجعوها البيت(لأن الروضه ما خلوها تروح وهي مريضه) فظنت ان السفر نفس الشيئ وما يخلوها تسافر وكلما قالوا لها في المطار نبي نشوف وجهك تتخبى داخل عباتي ولا ترضى تراوي احد وجهها وركبنا الطائره ولا خلت احد يشوف وجهها الى ان طارت الطياره قالت مستحيل يرجعون بالطياره الحين وخلت الناس تشوفها وصاروا يضحكون يوم عرفوا السبب . 5_الموقف اللي بعده كنا مسافرين والطياره توها طايره الا المضيفه مرت صوبنا ووولدي شافها وقال لها يالله نبي ناكل بسرعه ترى كلنا جعنا(عد من زين اكل الطائرات ) ويصير وجهي مثل الطماطم من الفشيله والناس تضحك على ولدي . هذا اللي اذكره واذا تذكرت شيئ بقول لكم . |
|
|
|
|
17-11-2008, 04:18 AM
|
#70 (permalink) |
|
مسافرجديد
تاريخ التسجيل: Nov 2008
الدولة: ســورية
رقم العضوية :228253
المشاركات: 49
|
موووضوع يخـــــــبل....بالعراقي هاي ههه
انا مرة من المرات راجع بطيارة من الشام لحلب واجيت للمطار قبل الموعد باقل من ساعتين بشوية..النحس الموظف قفل قال لاماتدخل وخلاني انتظر اكثر من 4 ساعات بالمطار الرحلة الجاية ...يعني مسافة الطريق لحلب بالبر المهم انا نمتبالمطار بعناده وصحيت واني ايظا متاخر وركض ركض عالصالة وطلعت اول واحد فوق..شفت بوابة الممر للطائرة مفتوح هنا الموقف والله قلت خلي ادخل دخلت واشوف حالي لوحـــــــــــــدي فتت الطيارة والا اشوف بس الكابتن والمظيفات يطالعون فيني وانا بالطريق بالممر اسمع صوت ناس تركـــــــــــــــض والا انه امن المطار قلي دخيل ربك شلون فتت؟ انا جاوبته عادي شفت الباب مفتوح ودخلت الطائرة قلي ممنوووووووع الدنيا انقلبت علينا راح نتعاقب بسببك جاوبته مو ذنبي ورديت اطلع قلي شو جنسيتك جاوبته عراقي هالمرة ارتبك قال بروحه الاخ راح يفجر هههههههههههه ورجعت طلعت لمن صار الوقت ودخلت واشوف المظيفات بس يطالعون فيني بنظرات اســــــــــف عالاطالة بس موضوع توووووووووب |
|
|
|
|
18-11-2008, 10:44 AM
|
#73 (permalink) |
|
مسافر متميز
تاريخ التسجيل: Nov 2007
رقم العضوية :163468
المشاركات: 198
|
يعطيكم العافيه على المواقف الحلوه والمضحكه
وانا حبيت اذكر لكم كم موقف حصلوا لي وانا في الطياره ***** مره كنت بطيران داخل من شرم للقاهره والطياره كانت فلل يعني ماكو مكان فاضي وأنا آخر واحد قاعد بالطياره وبعد ربط الأحزمه ولحضة سرعة الطياره قبل الاقلاع طلع صوت احتكاك عربة الشنط اللي يكون اسفل الطائره وكان الصوت جنه صوت كلب أجلكم الله وأنا مت من الضحك بصوت عالي وكل الركاب يطالعوني وانا ميت من الضحك وبعد ثواني الكل قام يضحك ***** وفي نفس الرحله كان قاعد امامي رجل اجنبي والكرسي ماله مو ثابت يعني كل مايقعد يرجع الكرسي صوبي وانا ادفعه بايدي واهو يبي ينام وبعدها طلع الكرسي خربان وكل شوي ينسدح من روحه ****** موقف آخر... مره كنت راجع للكويت من بريطانيا وكنت ناوي انام لان طيارتي بالليل ولحضة وصولي تكون اول الصبح وكان المقعد بجانب النافذه (الدريشه) كعادتي طبعا ويوم ركبت الطياره لقيت واحد قاعد بمقعدي ويتبسم قلت له ممكن اقعد، قال لي ALSalam oo Alaiyekom انا ضحكت وقعدت يمه قلت يمكن الحين يقوم جان يسالني يقولي Are you muslim? قلت له نعم قال: I am muslim & now i will travel for dubai then mecca قلت له حلو وان شاء الله يتقبل منك وانا نعسان واتثاوب جان يقول ممكن تسولف لي عن الاسلام بديرتكم وشلون طبع المسلمين خصوصا في بلاد المسلمين وقعدنا نسولف تقريبا ساعتين او ثلاث لحد ما غفيت ونمت وانا اسولف وكان جو الطياره مظلم والناس ليل وهدوء وفجأة فزيت من نومتي وبنفس الوقت كان الجو مطر وبرق بالخارج وشهقت لاني توقعت الطياره طاحت جان يقعد اللي يمي المسلم الاجنبي ويقولي what happen? قلت لا ماكو شي وانا محرج طبعا. *-***** وان شاء الله اذا ذكرت اي موقف اقول لكم |
|
|
|
|
19-11-2008, 07:35 AM
|
#74 (permalink) |
|
مسافر متميز
تاريخ التسجيل: Oct 2005
رقم العضوية :50617
المشاركات: 414
|
موضوع رائع تسلم يد كاتبه ويد اللي ونسونا بمواقفهم الحلوه
 موقف صار لي من زمان لما كنت صغير تقريبا 8 او 9 سنوات في الطياره واحنا في طريقنا حق لندن امي وابوي مرتزين في الدرجه الاولى وحاذفينا انا واخوي في السياحيه لا وبعد جنب المدخنين اخوي هذا يكبرني بسنتين وكان نايم طول الرحله مايصحى الا حزة الاكل المهم جات المضيفه تدز القاري وماعندها الا مشروبات ، طبعا مافي أكل واخوي تخبرون يقوم على الريحه وانا بروحي المهم ذيك الايام كنت اسمع عن مشروب الهوت شوكوليت بس ولاعمري ذقته سمعتها تصوت ( هوت كوفي ) على بالي تعني ( كافي حار ) اللي هو الهوت شوكوليت طبعا اللغه ميح ذيك الايام بس مديت لها الكوب وهي افهمت واترسته لي وانا مستانس اني بشرب هوت شوكوليت يوم شميت ريحته بغيت ارجع (الله يعزكم) قعدت اخوي وسألته قالي حط معاه سكر وحليب <<< انه الخبره يعني!! ورجع يرقد مره ثانيه ، سويت اللي قالي عنه مصخ طعمه ازياده والمشكله قمت اتغصب عليه بس الكوب كبير مايخلص وانا كنت جنب الجامه والله وهقه فإخطرت على بالي حركه قولوا وشي هي ...... كتيت اللي بقى من القهوه تحت الكرسي وحطيت الكوب فاضي على طاولة الطعام وكنه حد مادرى خخخخخخخخخخخخخ طبعا لما نزلنا قلت حق اخوي السالفه وهو بدوره نقلها للوالد اللي بدوره زفني زف والفضل كله يرجع للهوت كوفي خخخخ .. |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 09:38 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||