 |
 |
 |
||
|
|
|
||
 |
|
 |
|
|||||||
| بوابـــة السفر إلى تايلاند Thailand : في هذا المنتدى يتم تزويد المستخدم بالتقارير المصورة الخاصة بتايلاند بالإضافة الى مكتبة صور خاصة. |
 |
|
|
أدوات الموضوع | انواع عرض الموضوع |
|
|
29-07-2008, 09:03 PM
|
#1 (permalink) |
|
مسافر فعال
تاريخ التسجيل: May 2008
رقم العضوية :188981
المشاركات: 92
|
تقرير عن رحلتي لتايلند 07/2008
السلام عليكم ورحمة الله وبركاته... كيفكم يا احلى اعضاء بعد ما استفدت كثير من هالمنتدى بسفرتي قلت لازم افيد الاعضاء الثانيين انا بعد بكتبلكم عن رحلتنا لتايلاند اللي رجعنا منها يوم الاربعاء 23/07/2008 بس لاني على طول السبت بدأت الدراسه فانشغلت كثير وبما ان بكره اجازه قلت انزل التقرير اللي اتمنى انه راح يعجبكم.. قسمنا الايام كالتالي: 4 ايام: بانكوك (للعلاج) 3 ايام: شنغماي 7 ايام: بانكوك ما راح اكتب كثير عن الاربعة الايام الاولى لان اغلبها كان بالمستشفى واحنا كنا نجلس بالفندق ونروح للسوق اللي بنانا بس بكتب عن ثاني يوم اللي رحنا فيه لبتايا بسم الله نبدأ رحلتنا كانت عن طريق الخطوط القطريه بتاريخ 09/07/2008 وطائرتنا كانت الساعه 6:30 الصبح وكانت الرحله مسقط_قطر_بانكوك طبعا بيوم السفره انا واخواني الافاضل ما نمنا لان الوالد قال بنروح المطار عالساعه 3 عاد احنا متحمسين لانها اول سفره لنا  هذي صورة الطياره من الداخل [IMG]  [/IMG]وهنا صورتين لقطر لما وصلناها من الطياره   كان الترانزيت ساعه بدلنا فيها الطائره و وصلنا بانكوك عالساعه 7 ونص بعد المغرب و اخذنا ميني باص من المطار ب 1200 بات اليوم الثاني انقضى بالمستشفى وبالليل رحنا لاحد المكاتب السياحيه عشان نحجز رحله لبتايا احنا ما شاء الله 9 اشخاص فدايما ناخذ ميني باص واذا تاكسي ناخذ 2 ما اذكر بالضبط على كم اتفقنا معاه ليوم كامل اعتقد 4000 او 5000 بات كنا جاهزين الصبح من ساعه 9 وهو الوقت المتفق عليه لوصول الباص بس تاخر الباص تقريبا نص ساعه المهم واحنا بالطريق وقفنا ع حديقه للنمور والتماسيح واسمها SRIRACHA TIGER ZOO وهذي صورتها  بحطكم مع بعض الصور للحديقه   اللي استغربنا منه في هالحديقه ان الخنازير والنمور حاطينهم مع بعض هذيلا الخنازير الصغيره محطوطين مع النمر الكبير اللي صورته تحت     تقدر تصور مع النمر الصغير وانت تعطيه زجاجة حليب اخواني واختي صوروا معاه بس انا قلت مستحيييييييل والحين ننتقل للتماسيح وهذي بيوض التماسيح قبل لا تفقس    وهذا منظر لبحيره بالحديقه    وهنا مكان مخصص للعقارب  وهذي نفس الصوره بس صورناها بالفلاش  هذي صوره للبنت اللي حاطه العقارب ع نفسها وطبعا تقدر تصور معاها  المكان هناك مظلم شوي فكنت اوسوس واشوف عالارض لا تكون في عقرب طالعه ولا شي وهذي صوره للفيله طبعا اخواني الصغار ركبوا بالفيله  وبعدها طلعنا من الحديقه اللي استانسنا فيها وكملنا طريقنا لبتايا وصلنا بتايا تقريبا ساعه 1 الظهر فدورنا على مطعم عشان نتغدى فيه حصلنا مطعم هندي مقابل الشاطي بس بصراحه اكله رووووعه يعني هو احلى مطعم اكلنا منه بتايلند وصرنا كلما ناكل من اي مطعم نقول اللي ببتايا احلى بكثير بس للاسف ما اذكر اسمه  وهذي بعض الصور لبتايا    وهذي صوره لاخواني   طبعا احنا البنات جلسنا عالكراسي وبعدها رحنا نلف شوي عالسوق  وبعدها ركبنا الباص عشان نرجع وكان الوقت قريب المغرب وهالصوره صورناها من الباص  باليوم اللي بعده ما طلعنا الصبح لان الوالده الله يطول بعمرها كان عندها مراجعه بالمستشفى وبالليل رحنا للبيغ سي رحنا متأخرين شوي فما لحقنا نلفه كامل وقلنا لازم نرجع له مره ثانيه حبيت هالمجمع كثير بالبدايه بس بعدين كرهته  راح اقولكم ليش بعدين اليوم اللي بعده كان موعد رحلتنا لشنغماي راح اكمل الموضوع بكره باذن الله اتمنى انكم استمتعوا بالجزء الاول من رحلتنا |
|
|
|
30-07-2008, 11:44 AM
|
#3 (permalink) | |
|
مسافر فعال
تاريخ التسجيل: May 2008
رقم العضوية :188981
المشاركات: 92
|
اقتباس:
الشرف لي اخوي الله يخليك مرورك هو الاروع تابع التقرير للاخر وان شاء الله راح يعجبك |
|
|
|
|
|
30-07-2008, 11:47 AM
|
#5 (permalink) | |
|
مسافر فعال
تاريخ التسجيل: May 2008
رقم العضوية :188981
المشاركات: 92
|
اقتباس:
وعليكم السلام اخوي مسافر جرئ تسلم ردك هو الرائع ربي يعطيك العافيه |
|
|
|
|
|
30-07-2008, 11:52 AM
|
#9 (permalink) | |
|
مسافر فعال
تاريخ التسجيل: May 2008
رقم العضوية :188981
المشاركات: 92
|
اقتباس:
الله يسلمك اخوي هالو بانكوك وانا بنت ما ولد وعجبتني مفعم هذي  يلا تابعني للاخر وان شاء الله راح يعجبك ويكون مفعم |
|
|
|
|
|
30-07-2008, 02:11 PM
|
#12 (permalink) |
|
مشرف تايلند
تاريخ التسجيل: May 2006
الدولة: الامارات - أبوظبي
رقم العضوية :78025
المشاركات: 27,897
|
الحمدلله على سلامة الوصول وسلامة مريضكم واسئل الله الكريم رب العرش العظيم ان يشفيه بداية رائعه لتقرير وصور رائعه وانتظر بقية التقرير مع التنبية لمصلحت تنزيل الصور اضغطي على هذا الرابط كل ما يتعلق بالصوره .. التحميل .. الاطار .. برامج تعديل الصور .. هنا ..!! اخوكم بوراشد |
|
|
|
|
30-07-2008, 06:26 PM
|
#13 (permalink) | |
|
مسافر فعال
تاريخ التسجيل: May 2008
رقم العضوية :188981
المشاركات: 92
|
اقتباس:
الله يسلمك ويعافيك اخوي بو راشد والحمدلله نتيجة الفحوصات كانت زينه اشكرك عالتنبيه اخوي انا فكرت اسوي من البدايه بس ما حبيت اتأخر عالاعضاء اكثر بس ان شاء الله راح اعمل بنصيحتك وبجلس اخبص من الحين  مشكور مره ثانيه |
|
|
|
|
|
30-07-2008, 07:52 PM
|
#14 (permalink) |
|
مسافر فعال
تاريخ التسجيل: May 2008
رقم العضوية :188981
المشاركات: 92
|
المشكله حجم البرنامج كبيييير وما عندي مساحه كافيه عندنا برنامج الفوتوشوب بالجهاز الثاني بس المشكله الحين مودينه عشان يصلحونه  فما اعرف اكمل الموضوع ولا انتظر لحد ما يجهز الجهاز ولا اذا احد يعرف طريقه اقدر اسوي فيها اطار للصور بدون الفوتوشوب يخبرني |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 11:35 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||