الموضوع: لو سمحتوا مواقع الاثاث وتفصيل الجلسات الراقيه بالرياض ؟

السلام عليكم ورحمة الله وبركاته





لو سمحتوا اللي يعرف محلات الكنب وتفصيل الجلسات والستائر يوصفها لي

وياليت لو يكون فيه محلات بجنب بعض:114: والله لايهينكم 000

مالك الا حراج بن قاسم (سوق العرب)طريق البطحاء
تجد كل مايخص تاسيس عش الزوجية(شقة -بيت)
من اثاث ودواليب ومفروشات واكسسوارات ولوحات وسجاد وووووو......

اضافة عندك سوق ابن دايل وسوق العويس وأنا أنصحك تأخذ قماش من الجديعي والا القثمي وتروح تفصل عند محلات

الأثاث

اسواق الخليج جدا روووووووووووووووووووووعه وراقيه واسعارهم معقوله جدا متخصصين في الاثاث خصوصا الكنب عندهخم قطع خيااااااااااااااااال وفخمه وراقيه جدا
يقع في حي الروضه
موفق

السلام عليكم




الف شكر لكم جميعا وانا ماعندي مشكله بالسعر خاصه التفصيل اهم شي مايتعدي

سعر المتر 1500 الي 1800 ريال اهم شي يكون جوده وشكل والله يجزاكم خير جميعا 000

أخوي Zazaz

بالنسبة للي ذكروا الشباب - حراج بن قاسم و اسواق بن دايل وغيرها - راح تلقى فيها أسعار رخيصة بدون الجودة المطلوبة


لكن أن كان يهمك الرقي والجودة و ميزانيتك عالية عندك معرض اللمسات الأخيرة في شارع التحلية وعندك معرض تراكا في طريق الملك عبدالعزيز (بين الملك عبدالله والعروبة).


تحيتي

هيدروجين

في سوق بن دايل ستجد خيارات واسعة للجلسات الأرضية
وفي شارع المدينة في البديعة ستجد تجمع لمحلات الأثاث وستجد خيارات راقية جداً
وأنصحك ان تزور معرض اسمه معرض الرشيد في البديعة

المشاركة الأصلية كتبت بواسطة هيدروجين

أخوي Zazaz

بالنسبة للي ذكروا الشباب - حراج بن قاسم و اسواق بن دايل وغيرها - راح تلقى فيها أسعار رخيصة بدون الجودة المطلوبة


لكن أن كان يهمك الرقي والجودة و ميزانيتك عالية عندك معرض اللمسات الأخيرة في شارع التحلية وعندك معرض تراكا في طريق الملك عبدالعزيز (بين الملك عبدالله والعروبة).


تحيتي

هيدروجين

الله يعطيك العافيه مشكور وماقصرت :24:

فيه عندك الركن الخشبي شارع الامير عبدالله والمحلات كثيره هناك

وعليكم السلام ورحمة الله وبركاته

هلا وغلا حبيبنا zazaz

تنور الرياض ويا ريت تعطينا فرصة نشوفك ونمشيك على محلات الأثاث

المحلات الفاخرة [ لكن لازم تركز على شغلهم ] يعني مو كلهم شغلهم تمام

موجودة على طريق الملك عبد الله قبل إشارة سوق صحارى وإنت متجه غرب

تلاقي على يمينك رصة محلات كثيرة فيها الفخم والمتوسط

وإذا خلصت المحلات هذي ووصلت إشارة صحارى رح يسار مع طريق الملك عبد العزيز

بتلاقي بعد على هذا الشارع على يمينك بعض المحلات المتخصصة بالأثاث

وبعدين استمر لين توصل إشارة شارع العروبة [ اللي يودي لبرج المملكة ]

ادخل يمين مع شارع العروبة بتلاقي بهذا الشارع عدد كبير من المحلات

هذي أشهر الشوارع اللي أعرفها فيها محلات تفصيل أثاث راقي

وفيه الأسواق المتوسطة اللي ذكروها الشباب

العويس وبن دايل من أشهر أسواق الأثاث بالرياض

وأي خدمة حاضرين يا غالي