 |
 |
 |
||
|
|
|
||
 |
|
 |
|
|||||||
| دول أوروبـــــــــــــــا تعنى هذه البوابة بتزويد المستخدمين بجميع المعلومات المتنوعة الخاصة بالسفر الى أسبانيا. |
| Tags: اسبانيا, day trip, day trip toledo, توليدو, kuwaiti londoner, toledo, طليطلة |
 |
|
|
أدوات الموضوع | انواع عرض الموضوع |
|
|
18-07-2008, 12:49 AM
|
#1 (permalink) |
|
مسافر متالق
تاريخ التسجيل: Mar 2006
الدولة: Edinburgh. Scotland
رقم العضوية :66368
المشاركات: 610
|
رحلتي الى توليدو toledo طليطلة ،،، (+ 240 صورة ) day trip
[b] طليطلة ،، toledo ،، توليذو
رحلتي لتوليدو او طليطلة // توليذو ،، كانت عبارة عن day trip من مدريد ،،، و كانت في ثاني يوم لي في اسبانيا ،، انا بالبداية كنت مفكر اني انزل تقرير عن رحلتي لاسبانيا و اللي كانت لمدة اسبوع ،، لكن لصعوبة كثابته و الاستمرارية بالكتابة قررت اني انزله على اجزاء day trips ،،، الرحلة كانت بتاريخ 21-8-2007 ،،، بالبداية رحت الى محطة madrid atocha مدريد اتوتشا و كان هالكلام قبل يوم من رحلتي ،،، قصيت التذاكر و كان فيه طابور بالارقام ،، تسحب رقم و تنطر على ما اييك الدور ،،، طبعا انا بالبداية ما عرفت وين اروح جان اقوم و اسأل موظفة "تعرف انجليزي عدل" ،، و هي راحت معاي بنفسها و خذلت لي الرقم ،،، و الدور اهو كان كبير وايد ،، لكني ما تأخرت لان كان فيه وايد كانترات  الموظف اللي حجزلي التذكرة كان يعرف انجليزي شوي مو عدل ،، لكن اللي راح يحجز تذكرة ماراح يتعطل ،، كل اللي عليك انك تقوله هو اليوم اللي راح تروح له و هو لي كان tomorrow ،، و اسم المدينة اللي رايح لها toledo ،، و انا علشان ابين له اني ابي اروح و ارجع قلت له مدريد توليدو ،، توليدو مدريد علشان يفهم ان التذكر return  و الوقت طبعا اهو يعرف انغليزي فـ مو مشكلة ،، و حتى لو ما يعرف اهم عندهم مطبوعات فيها مواعيد القطارات ،، كل اللي عليك انك تسويه اخذ قلت و حط دائرة على الوقت اللي تبيه و عطه الموظف يعني حتى اللي ما يعرف انغليزي يقدر انه يدبر حاله و هذي تذكرة الروحة  و التذكرة كل البيانات واضحة عليها ما فيه اي مشاكل ،،، مذكور التاريخ و المدة و وقت المغادرة و الوصول ،، و اي قاطرة "coche" "كوتشيه" ،،، و اي كرسي "plaza" "بلاثا "،،، و اساسا موجود رسمات فما يحتاي انكم تتعلمون اسباني ،، لكن فيه بعض الكلمات ممكن تحتاجونها مثل informacion "انفورماثيون" اذا تبون مكتب الاستعلامات ،، و غير جذي المحطة Estacion "استاثيون" ،، و القطار tren "ترن" ،،، و يصير محطة القطار la estacion de tren "لا استاثيون ذي ترن" او trenes "ترينيس" مو متأكد "مو مهم" ،،، او بكل بساطة RENFE "رينفي" و هي اسم شركة القطارات اما الحجز RESERVACION "ريسيرباثيون" ،،، و اذا تبون تسألون عن السعر CUANTO CUESTA "كوانتو كويستا" ،،، و اذا رد عليكم بالاسباني و ما عرفتوا شنو قال قولوا له ،،، "لو سيينتو ، جو نو آبلاسبانيول" و اذا الموظف قال لكم JODER "خوذير" فاعرفوا بكل بساطة انه غلط عليكم صارت في خويكم      لكنه اعتذر على طول بعدها ،، لاني وقت اللي حجزت قلت له باجر لكنه كان على باله اني قلت عقب باجر و طبع لي التذكرة ،، و اهو قال لي البيانات جان انبه اني ابي التذكرة لباجر ،، جان يقوم الشسمه على الطاري اذا تبون تقولون باجر بالاسباني MAN~ANA "مانيانا" ،،، و اليوم HOY "اوي" شفيني انا خليته درس اسبانيول ؟؟ نرد لموضوعنا ،،،، السعر محطوط على التذكرة ،، 8.60 فقط للذهاب ،،و كان سعر الرجوع 5.15 ،، 13,75 يورو # على فكرة وقت اللي تبي تحجز تذكرة قطار لازم تحدد الوقت اللي تبي تروح فيه !! و لازم تركب نفس القطار ،، و اذا حبيت انك تغير الوقت تقدر لكن لازم تروح لمحطة القطار و يغيرون لك الوقت و يعطونك تذكرة يديدة ،،، و ممكن يرجعونلك مبلغ معين اذا كان وقت تذكرتك اليديدة ارخص من القديمة ،،، او ممكن تدفع اذا كان الوقت اللي انت تبي تروح فيه اغلى من الوقت القديم ،، يختلف ،، انا وقت اللي رحت لقرطبة و غيرت وقت العودة رجعولي تقريبا 5 يورو اليوم اللي وراه ،، كان اليوم الموعود  انا كنت ساكن في فندق puerta de toledo في مدريد ،،، و محطة المترو جبالي ،، قريبة  المشكلة اني طلعت مبجر لاني كنت خايف اني اتأخر و يطوفني القطار ،، و اقعد بعدها اغني القطار و فاتنا  بس يبقى انك تروح مبجر و تنطر القطار احسن من انه يفوتك طبعا انا كنت ماخذ التذكرة اللي تقدر تستخدمها 10 ايام    هالصورة انا ملتقطها بيوم ثاني و كان الوقت وااايد مبجر تقريب بالـ6 الصبح علشان جذي فاضية ،، و عموما مترو مدريد مو مزحوم انا ركبت القطار رقم 5 الى gran via غران بيا ،، و بعدها رقم 1 الى atocha اتوتشا ،،، وصلت لمحطة اتوتشا و ما كنت مستعيل لان اساسا عندي التذكرة ،، و على الطاري محطة اتوتشا محطة جميلة جدا  القطار ممتاز جدا ،، لكن للاسف ما عندي صورة له ،،، طبعا الجلوس في المقعد الـ"plaza" المخصص لك ،،، و القطار كان دايركت و ما يوقف في ولا محطة ،، على طول من مدريد الى توليذو هذي خريطة للمسافة من مدريد الى طليطلة القطار نص ساعة بالضبط جان نوصل ،،، و بمحطة القطار يبيعون خريطة ،،، لكنها مو دقيقة وايد ،، و انا استخدمتها فقط للوصول الى السنتر ،،، بعدها صعب انك تمشي على الخريطة في مدينة مثل توليذو !! لان اغلب الشوارع صغيرة و سكك و جذي !! من محطة القطار عندكم ثلاث طرق للوصول الى وسط المدينة ،،، 1) تكسي 2)باص 3) مشي ،، و انا رحت مشي السنتر ابد موبعيد و ينراح له مشي بكل سهولة ،،، و صدقوني المشي هناك متعة ،، و في كل مدينة اذا رحتوا بتكسي او باص في احتمال كبير انه تطوفكم اشياء ما تشوفونها بالطريج ،،، اما اللي يمشي ما يطوفه شي بالمدينة خريطة تبين طريقة الذهاب من محطة القطار الى الكاتيدرائية بالسيارة لكن بالمشي ماراح تمشون نفس هالطريج ،،، لأ ،،،، انا رحت بالجسر الابيض اول واحد تحت الجسر الاصفر اللي ماضي عليه السهم ،،، طبعا اهو مكتوب 3 كيلو ،، هذا بحالة السيارة "تكسي" ،،،، اما مشي ،، اول شي راح تروحون طريج مختصر و غير جذي اساسا لازم حساب المسافة الى السور فقط و ليس للكاتيدرائية اللي تقع في المنتصف ،،، فاتوقع ان الطرج يكون كيلو واحد تقريبا مشيت الى ان وصلت الى السنتر ،،،  هني اذا نبي نروح للسنتر و على فكرة المدينة موجودة على هضبة و محوطة بسور و نهر ،،، # نصيحة صحيح اني قلت الافضل المشي للمدينة لكن اذا كان معاكم كبار في السن او اي شخص معاه مشاكل في ريله لازم تروحون بالتاكسي علشان ما تحتاجون انكم تصعدون للسنتر ،،، و على فكرة ترى توليدو لا تناسب الاشخاص اللي ما يحبون المشي  باين الـalcazar  هذي بوابة الجسر ،،، و فقط للمعلومة اسم النهر tajo "تاخو" ،،، او tagus بالانغليزي ،، و هالنهر يمتد الى ان يصل الى لشبونة في البرتغال !!  El rio tajo   و هذي بوابة الجسر من الجهة الثانية ،،،  و هني بعد ما عديت الجسر و دخل السنتر ،،، و الطريق صعوداً لكن بالنسبة لي امووووووت بصعود الدري و السلالم و التسلق  الحمدلله ان الوالدة ماكانت معاي و لا جان تمت ريولها تعورها لي الحين  هذا احد اكبر عيوووووووووووب اسبانيا !!!!! راح تلاقون هالشخابيط في كل مكان !!!! الله يهداهم الاسبان ما عندهم اغنية شخبط شخابيط بالاسبانيول لا و الله فعلا ،، انك تلاقي هالشي عند سكك القطار و الامكن المنعزلة و النائية ماااشي ،، لكن في وسط مدينة تاريخية اثرية مستخسرين انهم يدفعون لهم جم بيزة و يعدلون مدينتهم الله يخليلي يورك بس  و بعد ما صعدت شوي ،،، شوفوا هالمنظر ،،  و هني انا صعدت فوق السور ،، و هذي صورة للممر و الطريق الى روما !! أأ عفوا اقصد الى توليذو ياحبي لهالمدينة  السووور ،،،   هذا منظر للطريج اللي ييت منه الى السنتر من محطة القطار ،،، انا كنت امشي على الشارع اللي في منتصف الصورة جهة اليمين  هالمبنى و الله مادري شسالفته ،، قصر ولا فندق ؟؟؟ مادري و بعد ما صعدت الى ان وصلت للسنتر ،،، لقيت هالمبنى و دريت انه متحف لكن وقتها حتى اسمه ماكنت عارفه ،،،، و قلت بيني و بين نفسي شخسران اجرب و ادخل ،،،، لان سفرة اسبانيا بكبرها ما كنت مخطط لها و صارت جذي فحتى توليدو ماكنت مدور عن اماكنها السياحية ،،، اللهم صفحة ولا صفحتين موجودين بكتاب سياحي عن مدريد و ذاكرين فيه عن طليطلة ،،،،المهم ما اطول عليكم ،،،،  و بعدها دريت انه متحف و اسمه Museo de Santa Cruz و طبعا ما كان ببلاش ،، لكن ما اذكر انه كان غالي !! لأ ،،   آيات قرآنية      و اللي اتذكره ان المتحف كان اكبر من جذي ،،، اقصد انه فيه غرف و فيها معروضات ،،، لكن داخل زجاج "ما اعرف شلون اشرح" ما اتذكر ليش ماعندي صور له ،،، يمكن لان كان التصوير ممنوع ؟! مو متأكد  بعد ما خلصت من المتحف ،، مشيت شوي كلش جان القى هالبوابة و هي تودي الى الـplaza mayor ،،، و لو تلاحظون بعد فيه دري  مادري منو هذا الصراحة |
|
|
|
18-07-2008, 12:50 AM
|
#2 (permalink) |
|
مسافر متالق
تاريخ التسجيل: Mar 2006
الدولة: Edinburgh. Scotland
رقم العضوية :66368
المشاركات: 610
|
 هالصورة من السنتر ،،،، هناك طبيعتهم جلحة ملحة بس حلو ان الواحد يشوف شي يديد  alcazar ،،،، مادري شنو في داخله ،،،، على ما اعتقد متحف حربي او شي جذي مو متأكد ؟؟ مادري ؟؟ بس انا حاولت اني ادخله و تفاجئت انه مسكر ،،، و انا اللي دخلته كان قسم "المكتبة" ،، و اهم هناك قالولي انه مو فاتح ،،، عاد انا ما دخلت الا مكتبة و في اسبانيا احنا بالكويت مادخلها ايي و ادخل باسبانيا  تمثال خارج alcazar ،،،، بالمناسبة خارج الـcazar في وااااايد محلات تحف و تحف عجييييبة ،،،، سيوف و دروع و اشياء جذي اثرية ،،،، و غيرها من التحف و التذكارات العادية ،،،، لكن انا ما قدرت اني اشتري لانه كنت راح اتأذى و انا اشيله في حالة انه كان كبير ،،،، و خصوصا اني بعد اسبانيا كنت راح ارجع مرة ثانية للندن بالقطار بروحي ،، فحالتي ماكانت تسمح  و هذا بعد منظر لطليطلة بالقرب من alcazar ،،،،، و هذي قلعة خارج السنتر ،، و راح أأتي على ذكرها لاحقا ،،،، و بعد ما خلصنا من صدمتنا الاولى بان الـcazar مسكر ،،،، كملت جولتي في المدينة ،، و هالمرة توجهت للكاتيدرائية ،،،،، بالطريق الى الكاثيدرائية صادفت جم محل ،،، و خصوصا zara هالمحل راح تلقونه بأي مدينة تزورونها باسبانيا ،،، و باي شارع تسوق و طبعا كان فيه جم محل غيره ،، lacoste و mango و ما اتذكر الباجي ،، لكن توليدو طبعا ليست مدينة تسوق !!! و طبعا انا كنت اساسا مريت على الـplaza mayor و اللي فيها ماكدونالدز و مطاعم و مقاهي لكن ما قعد و لا كليت شي ،،،، و قررت اني ازور اماكن سياحية قبل لا يسكرون ،،، لاني كنت خايف لا ان المتاحف يسكرون الظهر ،،،،  iglesia de los jesuitas ،،، هذا كنيسة لكنها غير عن الكاتيدرائية اللي انا كنت متوجه لها ،،،،  و اخيرا وصلت للكاتيدرائية ،،،، catedral de toledo ,,,,,, و هذا فقط مدخل للكاتيدرائية و ليست الواجهة الرئيسية لها ،،،، لان واجهتها وااايد احلى ،،،، اساسا انا استغربت لان المدخل جذي شكله ما اتذكر جم سعر التذكرة ،، لكن عموما سعرها متوسط ،، مو مثل الكثير من الكنايس اللي تكلف 2 يورو فقط ،،، هالكاتيدرائية غير ،،،، يعني تقريبا 10 او 7 ،، شي جذي مو متأكد ؟! و هذي صور من داخل الكاتيدرائية ،،،،، التصوير مسموح داخل ،، لكن الفلاش ممنوع !! و مع هذا فيه واااايد وااااايد سياح يتجاهلون و يصورون بفلاش   عموما انا وقت التصوير ما احب اني اطلع ناس بصوري ،،، علشان جذي راح تلاقون انه بوايد من صوري وافي ناس ،،، لكن هالشي ما يعني ان الكاتيدرائية كانت فاضية   السقف عجييييييييييييييييب حدة حلو ،،،، و المنظر على الطبيعة وااايد احلى من الصورة   و هذا البيانو ،،،،   هالقسم من الكاتيدرائية التصوير ممنوع فيه تماما ،،، لكنها كانت غرفة صغيرة ،، و ما كان فيه سكيورتي ،،، انا بالبداية ما صورت لكن بعد ما شفت الكل قاعد يصووووور و لا محترم القوانين ولاشي ،، جان اقوم و اطلع كاميرتي و اصور خصوصا ان السقف ما يتطوف ،،،، عاد انا صورت بسرعة لان كامرتي كبيرة ،، و كنت خايف لا ان موظف يشوفها ،،، مع انه حتى لو يشوفها بس راح ينبه الواحد انه ما يصور يعني مافيه مشاكل  و هذي بنفس الغرفة اللي ممنوع فيها التصوير ،،،،  لاحظتوا شي غريب في الصورة ؟؟؟؟ لو تدققون ،، راح تلاقون في وسط الصورة على اليمين شويه ،، في ريال يمشي ،،، حتى قميصه وردي ها شفتوه    رسم جداري ،،،  هالجدار خيااااااااااااااااااااااااااااااااااااااااااااالي و الله ياما و ياما انا دخلت كنايس في بريطانيا و ولا مرة شفت شي حلووووو و عجييييييب مثل هذا اللي يميزه التفاصيل الدقيقة واااايد في المنحوتات و التماثيل   انا هالصورة حطيتها بس علشان تشوفون انه في ناس بالكاتيدرائية و هي مو فاضية     على فكرة ترى الخروف سواء كان تمثال او رسم منتشر كثيرا في الكنايس سواء كانت في اسبانيا او بريطانيا "ما زرت كنايس بدول اخرى"   هالقسم كان مزدحم جداااااااااااااااا ،،، و السبب انه كان في قروب كامل داخله ،،، و الـguide مالهم يشرح و هم كلهم متيمعين حوله و مضيقين على الناس    الهيااكل العظمية مادري شسالفتهم شفتهم اكثر من مرة باسبانيا و انغلترا ،،،، في احد يعرف شسالفتهم  الكتابة بالعربي ؟؟   الكاتيدرائية من الخارج  احدى بوابات الكاتيدرائية من الخارج ،،،، لكنها طبعا غير مستخدمة حاليا ،،،،،  هالساحة مقابلة للكاتيدرائية ،،،، و المبنى اللي جدام في مكتب الاستعلامات للمدينة "الانفورميشن" ،،، تتذكرون شلون تنكتب الانفورميشن بالاسبانيول ؟؟ انا كاتبها اول الموضوع روحوا شوفوها هناك  الكاتيدرائية ،، و هذي واجهتها الرئيسية ،،،، لكن انا مستغرب ليش المدخل مو هني !!  و هذي خريطة تبين البعد بين الكاتيدرائية و alcazar لكن طبعا انتوا مالكم شغل بالاسهم لانها للسيارات بعد ما خلصنا من الكاتيدرائية قررت اني اتمشى عشوائي بالمدينة و اكتشفها و ادش دواعيسها و هذا الداعوس الاول ،،، و الله ماكثر الدواعيس باسبانيا الحلوو فيها انها اماااااااااااااااااااااااااااان و لو تشوف مراهقين ،،،، و يمكن في اغلب الاحوال ما تشوف احد بتاتا بتاتا و الله تذكرت التورتيا دي باتاتاس ، بس هذا مو موضوعنا الحين  |
|
|
|
|
30-08-2008, 12:12 AM
|
#4 (permalink) |
|
مسافر متالق
تاريخ التسجيل: Mar 2006
الدولة: Edinburgh. Scotland
رقم العضوية :66368
المشاركات: 610
|
هذه الراية الاسلامية عند هزيمة الجيش الاسلامي في احد المعارك جنوب اسبانيا
واغتنمها النصارى التي تمثل سحق الجيش الاسلامي في المعركة[/quote] يعطيييك الف عافية على المعلومة القيمة و اذا عندك معلومات عن اسامي الاماكن اللي انا ما عرفتها او غيرها ،،، ارجوك انك تكتبها |
|
|
|
|
30-08-2008, 07:10 AM
|
#5 (permalink) | |
|
مسافر فعال
تاريخ التسجيل: Aug 2004
رقم العضوية :14003
المشاركات: 81
|
اقتباس:
و اذا عندك معلومات عن اسامي الاماكن اللي انا ما عرفتها او غيرها ،،، ارجوك انك تكتبها [/QUOTE]والله ما شاء الله عليك اخوي انت رحت لكل الاماكن في توليدو وعلى فكرة انا كنت هناك قبل شهر بالضبط وعندي صور المسجد اللي قلت لك عليه بس للاسف ما اكلت ايسكريم وراء ذاك الجدار  بس اكلته في ذاك المطعم  وراح انزل صور ذاك المسجد ويكون التقرير عن الاماكن المهمة في توليدو مكتمل  وش رأيك؟؟؟ |
|
|
|
|
|
30-08-2008, 11:11 AM
|
#6 (permalink) | |
|
مسافر متالق
تاريخ التسجيل: Mar 2006
الدولة: Edinburgh. Scotland
رقم العضوية :66368
المشاركات: 610
|
اقتباس:
و منها اعرف شكله علشان اذا زرت توليدو مرة ثانية ازوره ،،، الخوف بس اني اكون مار يمه و مو منتبه انه هو المسيد يعطيك العافية اخوي |
|
|
|
|
|
29-07-2009, 08:11 PM
|
#7 (permalink) |
|
مسافر فعال
تاريخ التسجيل: Apr 2007
الدولة: جوار جامع قرطبة التليد
رقم العضوية :129798
المشاركات: 116
|
مشاء الله عليك اخوي ,,, صور متنوعه وفي يوم واحد ,,, .مجهود طيب وتشكر عليه ,,, . . * * اما فيما يتعلق بهذه الصوره يااخي ,,,,, فقد نكأت جرحاً واثرت الماً فهي صوره لعلم السلطان المجاهد ابي الحسن المريني ,, والذي غنمه الاسبان بعد موقعة طريف او سالادو(Salado) , كما يعرفها الاسبان واللتي وقعت عام 741 هـ , 1340 مـ ,,, وهي موقعة وقعت بين الاسبان والجيوش الاندلسية بقيادة السلطان أبي يوسف الحجاج والمتحده مع جيش السلطان المريني ,, الذين عبرو الي الاندلس من المغرب نجدة للمسلمين ,, وهزم بها المسلمين هزيمة فادحه وسقط بها معسكر السلطان ابي الحسن في يد النصاري ومن غنائمه علمان لازال الاسبان يحتفظون بهما في كنيسة طليطله تخليداً لنصرهم في ذلك اليوم وفي الصورة احدهما ,,,, وهذه الكنيسة اللتي زرتها وهي كنيسة طليطله العظمى ,,, تقع على موقع وانقاض المسجد الجامع القديم ,, وكان اخر من ادى الصلاة فيه قبل تحويله الي كنيسة الشيخ الطليطلي الجليل المغامي وذلك اثناء قيام النصاري الاسبان بتحويله الي كنيسه وهي قصة حزينه يرجع اليها في كتب التاريخ اللتي روت ذلك ,,,, وقد رثى احد الشعراء طليطله بعد سقوطها بقصيده طويله منها هذه الابيات : لثكلكِ كيفَ تبتسمُ الثغورُ ..**.. سروراً بعد ما بئست ثغورُ لقد قُصِمَتْ ظهورٌ حين قالوا ..**.. أميرُ الكافرينَ لهُ ظهورُ طليطلةٌ أبـــاح الكفرُ منها ..**.. حمــاهَــا إن ذا نبــاٌ كــبيرُ مساجدُها كنائسُ أي قلبٍ ..**.. على هـــــذا يقرُّ ولا يطيرُ كفى حزناً بأن الناس قالوا ..**.. إلى أين التحــــولُ والمسيرُ أنترك دورَنا ونفرُّ عنــها ..**.. وليس لنـا وراءَ البحرِ دورُ * * تقبل شكري لك اخي الكريم وعذراًعلى الاطاله ,,,,,, |
|
|
|
|
18-07-2008, 12:54 AM
|
#8 (permalink) |
|
مسافر متالق
تاريخ التسجيل: Mar 2006
الدولة: Edinburgh. Scotland
رقم العضوية :66368
المشاركات: 610
|
  الخليجيين يحبون جذي ما اظن المهم اني انا احب ماكدونالدز انا احبه على طاري الاكل ،،، تصدقون انا طول هالمدة و انا قاعد الوي بهالسكيك و لا طبت اللقمة بحلجي  ياناس يوعان ابي شسمه  لا و الله جد ترى ،،،، طلعت من الفندق مو متريق ،، و اساسا انا ماكنت دافع حق ريوق ،،، و حتى لو كانحجزي مع الفطور ،،،، انا يالله على ما تسبحت و لبست و طلعت بسرعة على محطة القطار علشان الحق على قطاري ،،،، و لا كليت شي بس شربت ماي ،،،، و بعدها عقب ما وصلت لسنتر توليدو و لقيت ماكدونالدز خليته و رحت ادور هالكنايس ،،، و انا لي الحين قاعد احوس و على لحم بطني  جد و الله !!!! نصيحة لا تجربونها !!! المشكلة اني انا عبالي اسبانيا نفس لندن بكل مكان فيه boots و لا ماركس اند سبنسر و الواحد يروح قسم الاكل ياخذ له ساندويتش و يمشي ،،، لكن للاسف انصطدمت انه ماكو غير آيس كريم !! هذا طبعا للاكل الجاهز انا مو قاعد اتكلم عن المطاعم !!! جد والله للي راح توليذو او سيغوبيا او كورذوبا "قرطبة" هل يلقى اكل جاهز هناك ،،،، اللهم سيقوبية للي شريت منها بطاط بأكياس "بفك" الكويتي لا و يوصخ الايد و بعدها مااقدر اصور بالكاميرا بسبته !! عذااب  و هذي بعد فضولي خلاني ادشها ،،، علبالي شي له علاقة الـarts يما ان المبنى من بره عصري و حلو ،،، لكنها بعد مكتبة  يالله شدوا حيلكم و صعدوا الدري  هذي شكلها كنيسة بعد ،،، الصراحة ما اتذكر اذا كنت دخلته ولا لأ ،،، عموما ماعندي صور داخلها ،،،،  يا عيني على التكاسي السنعة مو تكاسينا بالكويت طايح حظهم   هالكنيسة ما تذكرون انا حطيت صورتها ببداية التقرير ،،، و اهي كانت عاجبتني و جم مرة و انا امشي القاها ،،،، مادري دشيتها و الله ،،،، الحين و انا اكتب التقرير قاعد امشي بالترتيب و نشوف بنهاية التقرير اذا دخلتلها و الا لأ ،،، انا لو بدون الصور جان عقب جم سنة انسى اني زرت توليذو بكبرها الله يخليلنا الصور بس و بعدها جان امشي هني ،،  ياعيني ع الرومانسية  : p و هذي اهي كنيستنا عن قرب شكلي ما دشيتها لان الصورة اللي صورتها وراها على طول اهي هذي ........  انا هناك ما خليت سكة ما دخلتها مو تنسون اذا رحتوا اسبانيا تجربون و تمشون بهالاماكن ،، و بالنهاية اذا ما تبون تجازفون انكم تضيعون ،، تقدرون تدشون شوي تلقون نظرة و ترجعون الى نفس المكان اللي كنتوا فيه ،،، و من واقع تجربة في توليدو ،، اقول لكم ان كل الطرق تؤدي الى روما ،،،، جد و الله هناك لو شكثر دخلون بهالسكك بالنهاية راح تطلعون على شارع رئيسي تكونون اساسا مارين فيه من قبل ،،، و هالشي صار معاي مليون مرة هناك جني قاعد امشي بمتاهة بعد ما طلعنا من السكة و صلنا اهني  هالكنيسة ،، هل هي اللي قلتلكم عنها ولا لأ ؟؟ انا مادري ،، ننطر و نشوف انا وقت اللي دخلت الكنيسة اساسا ما قريت اسمها و لا كنت عارفه ،،،، لكن الزين اني خليت اغلب تذاكر الاماكن السياحية ،،، و مع شوية بحث بـ غوغل نقدر نطلع كل شي اسمها  السعر 1.90 نفس ماهو مكتوب بالتذكرة ،، و الحين خل ندخل   الكنيسة كانت تقريبا فاضية ،،، و انا بصراحة كنت مستغرب من هالشي ،،، يمكن علشان الوقت كان مو مناسب وايد "وقت غدا" و انا يوعان عاد الله يعينكم علي اذا حنيت الحمدلله اني كنت بروحي و الله جان راح يرتكبون فيني جريمة  شرايكم بالصورة ؟؟ مصورها من فووووق  شوفوا شلون الكنيسة فاضية ،،،، و انا تميت فترة طويلة في الكنيسة و ما كان فيه الا هالاثنين و على ما طلعت من الكنيسة يمكن صار فيه بالكثير 10 عاد انا احب جذي ،،،، الواحد ياخذ راحته عدل بالتصوير اهم شي بهالكنيسة ان برجها مفتوح ،،،، اللي فيه شدة و يقدر يركب دري "هوايتي" حياااه يشووف منظر عجيييييب للمدينة   لا و الزين بعد انه بالهواء الطلق ،،،، بدون لا زجاج ولا شبك و لا شي  الطراز المعمااري لهم جميييل جدا ،،، و يمكن بعد اللي خلاني احبه هو انه كان اول مرة بحياتي اشوف مثل هالآثار و البيوت ،،، العادة بريطانيا بس اسبانيا لها رونق ثاني خاص فيها   هذي الكنيسة اللي قلتلكم عنها ،،،، و اني مو عارف اذا زرتها ولا لأ ؟؟ عدل ؟؟ على جذي عيل لأ انا مو فيها ،،، و لا شلون انا مصورها عيل صاير شيرلوك هولمز     طبعا الكنيسة فيها اكثر من جذي ،،،، لكن مو كل الصور اللي انا صورتها زينين ،،،، علشان جذي مانشرتهم و بعد ما خلصنا من الكنيسة نرجع للمشي مرة ثانية نسيت لا اقولكم شغلة و نصيحة خصوصا للحريم ،،، اهم شي تلبسون جواتي رياضة ،،، كلش مو مال كعب و هالسوالف عموما حق ريايل و لا حريم لازم يكون مريح و عملي ،،،،، و نكمل مشي ......  هاااا ،، شفيها الصورة جذي ؟!! آسفين يا جماعة ،، خلل فني و طارئ لول ،، انا قاعد اكتب الساعة 1 بالليل و مو متعود و شوي "فاصل" ،، فاستحملونا شوي   عااد هالمرة مشيييييت واااااايد في هالسكيك الى ان وصلت الى مكان في المدينة اول مرة اروحله ،،، غير عن المرات الساكنة اللي كنت دايما فيها بالقرب من الكاتيدرائية "في وسط السنتر" و طول الطريج كان تقريبا المكان مهجور ،،، و مافيه احد يتمشى وصلت هني ،،،،،،  اذا بالبداية كنت بروح اشوف هالكنيسة ،،، لكن بعد ما شفت ان فيها ترميم غيرت رايي و هالمرة عاد مصختها بالمشي لا و كله بدون خريطة ،،،، الى ان وصلت الى مكان نائي ما فيه ولا قطو شوفوا معاي ،،،،،،  لك شو هااااااااااااااااد ها شراااايكم ؟؟ مو جنه رايحين خيطان ؟؟  و بعد ما مشيت و مشيييت و مشييييييييييت لقيت الشسمه  |
|
|
|
|
18-07-2008, 12:55 AM
|
#9 (permalink) |
|
مسافر متالق
تاريخ التسجيل: Mar 2006
الدولة: Edinburgh. Scotland
رقم العضوية :66368
المشاركات: 610
|
و بعد ما مشيت و مشيييت و مشييييييييييت
لقيت الشسمه هذي جمعية او دكان صغير كان موجود في يورك قريب من مدرستي و كنت مرات اشتري منه حبيب القلب******** "" رايبينا "" عاد و الله الكالوريز "السعرات الحرارية" اللي فيه تكفى الواحد انه يمشي يوم كامل بدون لا يتعب اشكره مسويله دعاية ،،،، عاد يستاهل هذا السبونسر مالي  لكن للأسف انصدمت اني مالقيت فيه ولا شي من الاغراض و الاكل اللي في يورك كل العصاير و السوائل اللي فيه ماكانوا محطوطين ثلاجات و اغلبهم كانوا بكراتين ،، لان الظاهر هل المحل يبيع لسكان المدينة ،، مو للسياح ،،، لان اساسا اهو موجود بمكان لا يمت للسياحة بأي صلة صج كانت خيبة أمل ،،، مالقيت فيه ولا شي ،، لكن الحمدلله لقيت ثلاجة صغيرة فيها ماي >> اضحك ولا ابجي ؟؟و ترى وقتها كنت لي الحين ما قليت >>> "ولين صج دعلة اذيتهم ترى على هالسالفة" و بعد مشييييييييييييت ومشييييييييييييييييييييييييييييت و مشيييييييييييييييييييييييييييييييييييييييييييييييي ييت    الى ان جاء الفرج من الله ،،،، و وصلت لمكان سياحي كنيس و هذي كانت اول مرة بحياتي ادش كنيس للمعلومة فقط احياء اليهود في المدن الاسبانية تسمى la juderia "لا خوذيريا" ،، لمن اراد الذهاب    و للأسف التصوير داخله كان ممنوع عموما تصميمه من داخل بسيط واايد ،، و هذي خريطة تبين المسافة بين الكاتيدرائية و الكنيس طبعا المسافة ابد ماهي كبيرة ،،، لكن للي يمشي في السكيك ،،، و عشوائي ،، لاني اساسا ماكنت ماشي على الخريطة اما للي يبي ياخذ تكسي فما اعتقد انه راح يكلفه لانه قريب وايد ،،،، لكن ،،،،، يبقى المتعة في المشي و هذي بيانات الكنيس "تذكرتي"   كلشي واضح على التذكرة ،،،، و الظاهر ان السعر "1.90" متعارف عليه في الكنايس و الكنيس <شنو جمع كنيس؟؟ > ،،، جايز و الله ،،و بعدين مشيت شوي جان اوصل لهالمكان ،،، و كان قريب من الكنيس اسمه royal fundacion de toldo ،،، ما اتذكر بالتحديد شنو كان فيه لكن اللي اتذكره انه modern art ،،،، هل كان يستاهل الزيارة ؟؟ مو وايد ،،، لكن لاباس بزيارته ،، شخسرانيين ؟؟ هناك متاحفهم و كل شي رخيص ،،،، لا و بعد ان وقت اللي رحت للـreal fundacion كان الدخول مجاني ،، باختصار فووووووقه   و شوفوا الساعة 14:24 ،،،، يعني تقريبا الساعة 2 و نص ،،،،، و انا رحت كل هالاماكن ،،، لا و بدون اكل بعد >>> ولييييين ردينا على هالسالفة ،،،،، ولا انا آخر عمري اصير بدون ؟؟ www.realfundaciontoledo.es و هذي جم صورة منه ،،،،،  هالمنظر من المتحف ،،،،  و هذا نهر التاخو tajo  احدى المعروضات الفنية بالمتحف ،،،،،، و بعد ما خلصت من المتحف تمشيت ،،،، جان القى كنيس ثاني ،،،، و هم كلهم قريبين من بعض الكنيسين و المتحف خريطة تبين المسافة بين الكنيسين الكنيس الثاني اسمه Sinagoga del transito،،، و على ما اعتقد بعد اسمه Museo Sefardi de Toledo   هالكنيس من داخل واااايد احلى من اللي قبله ،،،   و للأسف التصوير بدون فلاش شوي صعب ،،،، علشان جذي ما عندي صور وايد جودتهم عالية ولا انا عندي وايد لكن كلهم فيهم blurring  و هذا مثال للصور ،،،، ولا الكنيس فيه وايد معروضات ،،، و الكتاب اللي بالصورة هو التلمود  * * * * * * * * * * * * * * * * * * * * * * * * * * * * * * * * ** هذي تكملة التقرير ،، و انا كتبته بيوم ثاني ،، فاذا كانت الافكار شوي مو مترابطة ارجوكم اعذروني ،، بعد ما انتهيت من زيارة الكنيس ،،، طبعا كالعادة كملت مشي ،،  Iglesia de Santo Tome ?? "اذا ما خاب ظني" مو متأكد هل هذا اهو المبنى ولا لأ !!  عموما التصوير داخله ممنوع  و بعد ما مشيت جان اوصل هني ...  لحووول شاللي رجعني للكاتيدرائية مرة ثانية ارجع مكان ما ييت يا ولد و حاولت ارجع مرة ثانية صوب النهر لكن عن طريق سكك ثانية غير اللي انا مشيت فيها اساسا   هذا ما دخلته ،،، و اساسا مادري اذا انه مكان سياحي ولا لأ لان بابه ماكان في الجهة اللي انا امشي فيها ،،،  و بعد نمشييييييييييييييييييييييييييييي الى مالاااااااااااااااا نهاية و انا امشي ،،، طبعا الاماكن اللي امشي فيها اغلبها تكون مناطق سكن لسكان توليذو ،،، المهم صادفت بيت ،،، و عاد شكله كان فيه ناس داخل ،،، لان الصوت ينسمع من الشارع ،،،، شوفوا هالصورة  هذي دريشتهم ،،،، عاد انا صورتها بسررررعة ،،،، لانه اساسا بيت ناس ،، يعني مو مكان سياحي ،، و خفت لا احد يحس فيني  و انا كملت مشي الى ان وصلت للنهر ،،،  هالبيت مقابل النهر ،،، عفوا هالـ"خرابة"  هناك المراهقين ما ايوزون عن سوالفهم ماكو طوفة مو مشخبطين عليها |
|
|
|
|
18-07-2008, 12:56 AM
|
#10 (permalink) |
|
مسافر متالق
تاريخ التسجيل: Mar 2006
الدولة: Edinburgh. Scotland
رقم العضوية :66368
المشاركات: 610
|
  و هذا التاخو  البط يعبرون النهر >> كيووت   مو مخرب هالصورة غير البطل اللي في النهر  هناك يربون دياي بعد ،،،، ذكروني بدياي يدتي  الله ياني مشتهي مجبوس دياي  شدوا حيلكم ،، يالله بلا دلع   تشوفون اللي على الصخرة هذي سحلية ولا شنو عاد الله ياكرهي لهالاشياء ،،،، كلش مو متعود على جذي  هذي مادري شنو ،،،، اهي داخل السور ،،،، حاولت اروح لها لكن ما قدرت   اتذكروا هالمبنى ،،،،، راح ايي على ذكره في آآآآخر التقرير  هذي القلعة اللي قلتلكم عنها ببداية التقرير و هي في الجهة المقابلة للسنتر , لا تقع داخل السور ،، لي الحين ما يي دورها ،،،، لا تستعيلون  هني طبعا اكون انا وصلت لنفس المكان بالضبط اللي بديت منه يومي و بما اني يووعااااااااان ،،، قلت هالفرصة ما تتطوف اني اروح للـPLAZA MAYOR ،، بما اني ادل طريجها و خصوصا ان فيها ماكدونالدز  فديته و الله ،،،، انقذني وقتها انا شفت الساعة و كانت 4 ،،،، و بما اني وصلت للسنتر نقول تقريبا 10 ،،، فيكون صارلنا بالمدينة لي الحين 6 ساعات بالتمام و الكمال و اخييييييرااااااااااااااااااااااااااااااااااااااا كليت   شعووور رهييييب اول مرة بحياتي احس بلذة الاكل الله لا يعودها نمن لذة ما سوت علينا لكن ،،،، ماكو استراحة ،،،،، علطول اول ما خلصت الاكل "قعدت في المطعم" ،،،،، كملت المشي .......     و انا اتمشى بالسكيك جان اشوف على يمين داعوس محترم  لااااااااا عاد هني غزر البحر ،،،، خوفك لا نطبع بصراحة ما تجرأت اني امشي فيه ،،، لان في كل السكيك اللي كنت امشي فيها يكون على يميني و يساري بيوت او مباني ،،،، لكن هذا الوحيد اللي مادري شلون صاير ،،،، و غير جذي اشمأزيت "حلوة اشمأزيت " ،،،، الزبالة و الله لوعت جبدي و خفت لا يكون المكان وصخ ،،، و يطلعلي فار مني مناك ،، خوو ما تسوى علينا المهم كملت في السكيك "او الحواري" العادية ،،، الى ان وصلت هني مو كأنه احنا شفنا هالكنيسة قبل ؟؟   و بعد شنسوي ؟؟ ما حفظتوا الاسطاونة ؟؟ نمشييييييييييييييييييييييييييييييييييييييييييييييي يييييييي ،، اهو في غيره  على فكرة ترى ممكن تصادفون سيارات ،، و في هالحالة مالكم الا تمشون يم الطوفة ،، علشان السيارة تقدر تطوف لان في اغلب الحالات يكون الشارع ضيق و انا امشي جان اشوف هالباب ،،،، عجبني و قلت خل اصوره   بس انا بصراحة مو فاهم هل المباني حق شنو ؟؟ لان شكله مو بيت عادي و غير جذي اهو مو متحف ؟؟ فمادري هل هي فقط مباني مهجورة ؟؟  المباني هني صارت ارقى لكن يبقى ان اغلب المباني عندهم قديمة و متهالكة ،،، ممكن البعض يعتبره من عيوب المدينة ،، لكن انا اعتبره ميزة ،، لانه يعطي المدينة خصوصية لها ،، و الواحد يحس كأنه رايح مكان مو شايفه من قبل خصوصا ان الواحد ماراح يسكن في توليدو ،، فقط زيارة و للي يحب انه يسكن هناك ترى انا وايد مرات اشوف لوحات ارشادية عليها اسامي الفنادق  و انا امشي شفت هالقطوة ،، مسكينة شكلها خايفة مني ما تدري اني خايف منها اكثر   هالعمارة مادري كانوا يا قاعدين يهدمونها او يرممونها ؟! |
|
|
|
|
18-07-2008, 12:57 AM
|
#11 (permalink) |
|
مسافر متالق
تاريخ التسجيل: Mar 2006
الدولة: Edinburgh. Scotland
رقم العضوية :66368
المشاركات: 610
|
 زين شفتلي اثنين سياح  آسف لرداءة الصورة ،،،، لكن شرايكم في البلكونة ؟؟ و بعد كل هالمشي ،،، وصلنا هني     هالبوابة اسمها pruerta de bisgara وهذي خريطة تبين البعد بين البوابة و الكاتيدرائية انا وقت اللي كنت واقف اشوف هالمنظر قررت اني اروح للبوابة ،،، و مشيت جذي على الله ،،، لكن قبلها لقيت محل آيس كريم احلي شي بأسبانيا الايس كريم ،،، لان الجو يكون شوي حار ،،، و غير جذي الايس كريم الشي الوحيد اللي ينباع بكل مكان باسبانيا ،،،، ما تمشيلك خطوتين الا ولاقي محل يبيع ايس كريم ،،،، حتى محلات التذكارات يبيعون ،،،،، واللي يونس فيهم ان اول ما تدش المحل لااااااازم يقولون لك holaaaaaa اولاااااااااا و بما اني فضولي قلت خل اصعد الدري و اطل اطالع شكو شماكو  و طلع ماكو شي جان انزل مرة ثانية  puerta del sol ،،،،، هالبوابة قريبة كلش من المكان اللي في الـview و كان فيه كرسي قعدت شويه ريحت و كليت الايس كريم  كاهم الكراسي على اليمين ،،، و الـview point الى اليسار و بعدها بديت المشي الى الـpuerta del bisgara   و انا كنت امشي على تصوري "في ذهني" لمكان البوابة ،،،، لاني ادري انه جدام جهة اليسار ،، و هذا كان اتجاه المشي ،،،، و مرات يبين البرج مالها لانه مرتفع فاتجه له ،،،،، و اساسا في سور ،، فـ ممكن الاتجاه الى السور و بعدها المشي جهة اليسار للوصول للبوابة  هالمكان كله لسكان المدينة اعتقد ،، و ما فيه سياح ،،،، عاد اغلب الاماكن اللي تدعست فيهم مافيهم سياح   وصلنا اخيراا  Iglesia de Santiago del Arrabal انا دخلت هالكنيسة ،،،، الكنيسة كانت مفتوحة ببلاش ،،، و ما اظنها كانت للسياح ،،، عموما انا كنت وقتها تعبااااااااان من كثرة المشيييييييي ،،، جان اقعد على الكراسي ،،، و قتها كان ماكو وايد ناس شوية ،،،،، ما صارلي دقيقة من قعدت جان القسيس مادري شنو يقول بالاسباني ،،،، طبعا ماكان قاعد يحاجيني ،، لأ كان واقف بعيد ،، و اهو بعد ما تكلم جان اشوف بنية قاعدة جدامي تقوم و تركع على ركبتيها ،، و الناس اللي موجودين بعد سوو جذي ،،،، انا قلت بيني و بين نفسي شالله يابني هني وقت صلاتهم ما قدرت اني اتم قاعد مكاني جان اقوم و اطلع ،،،، اهم العادة في الكنايس البريطانية ما يركعون و ما يبين اذا الواحد كان قاعد على الكرسي يصلي ولا لأ ،،،، اما في اسبانيا الظاهر لانهم كاثوليك فطقوسهم غير ،،،، عاد انا لي الحين متحسف اني ما بقيت هناك اشوف طقوسهم ،،، لاني انا ياما شفت القداس في الكنايس الانغليكانية لكن ولا مرة ف كنيسة كاثوليكية ،،،، اللي خلاني اطلع و ما ابقى هو انها كنيسة مو باين عليها انها للسياح ،،، و غير جذي اني ما اعرف اسباني المهم ،،، ما تهنينا بقعدتنا ،،،، و انا امشي برى جان اشوف بقالة قلت خل ادش يمكن القى شي ،،، كنت ادور حليب لكن للاسف في اسبانيا ما عندهم جد و الله ما عندهم حليب طازج اللي صلاحيته محدودة ،،،، الوحيد اللي عندهم اهو حليب بودر  مبنى مقابل للكنيسة ،،،،   هذي الكنيسة و وراها البوابة ،،،،   صورة ثانية للبوابة ،،،،،  احنا مني نكون بره السور ،،، بعدها مشيت في حديقة ،،، و مثل ما قلتلكم وقتها ماكنت ادري انه مبنى جامعة ،،،،  تمشيت هناك شويه ،،، و بعدها مشيت للنهر علشان ارجع من المكان اللي بديت منه بعدها قررت اني خلاااص ،،، تعبت و درت المدينة كلها ،،، و الوقت بدا يتأخر و المتاحف و الاماكن السياحية راح تسكر ،،، علشان جذي قلت خل اروح محطة القطار و اغير حجزي و اخليه ابجر بدال لا انطر لي الساعة 9:25 علشان ارجع لمدريد ،،، و غير جذي علشان اقدر اني انام مبجر و اصحى نشيط حق رحلة اليوم المقبل رحلت و انا متفائل ،، و كاني وصلت للمحطة ،،، و المحطة مالتهم هااادية و صغيييرة حيل ،،،، و على ما اتذكر فقط فيها لاينين "2 platforms" ،،،، و مبناها حلو من برة  و الوقت كان 6:35 على حسب ساعتهم لكن للأسف القطار كان محجوز بالكامل ،،،، و كان الخيار الوحيد لي هو اني اخلي حجزي مثل ما اهو و انطر لي الساعة 9:25 و رديت مرة ثانية لنهر التاخو و لو تذكرون القلعة اللي قلتلكم عنها ،،،، انا قررت اني اجرب و اروح لها مع ان الوقت متأخر ،،،  هذا الطريج الى القلعة ،، لكن طبعا القلعة راح تكون بظهري ،، و مو مبينة بالصورة  المبنى اللي بالوسط على اليسار شوي ،، مو كأنه مبنى الجامعة ؟؟  للأسف القلعة مسكرة ،،، و على فكرة هناك شفت سياح و كانوا يبون يدخلونها بعد ،، لكن .... !! و مبا انها مسكرة نزلت مرة ثانية للتاخو ،،،، و هالمرة ما تميت على الرصيف ،،، لأ نزلت تحت عند النهر ،،، و على فكرة النزول ماكان سهل ابد ابد انا زلقت و الحمد لله مسكت نفسي و ما طحت ولا جان علوووم  اللي يزلّق هو الصخر الصغير المتفتت ،،،   شوفوا الارض شلون صايرة ،،، منحدرة وايد ،،  المنظر يستاهل العنوة    و بعدها صعدت شوي فوق مره ثانية على الرصيف ،،،،، |
|
|
|
|
28-08-2008, 10:28 AM
|
#12 (permalink) |
|
مسافر فعال
تاريخ التسجيل: Aug 2004
رقم العضوية :14003
المشاركات: 81
|
puerta del sol ،،،،، هالبوابة قريبة كلش من المكان اللي في الـview و كان فيه كرسي قعدت شويه ريحت و كليت الايس كريم كاهم الكراسي على اليمين ،،، و الـview point الى اليسار يعطيك العافية اخوي بس اخوي شكلك نسيت تروح لمكان مهم بالنسبة لنا كمسلمين وهو مسجد باب المردوم صدقني انت جلست على الكرسي واكلت ايسكريم وكان المسجد وراك بالضبط وانت ما تدري والله العظيم اقل من 10 متر ورا الجدار وترى في نفس المنطقة القريبة من المسجد في مطعم حلو وزين بالمرة يقدم لك كل اصناف الاكل والحلويات بس جاي بوسط حاراتهم المسجد صغير بالمرة بس حلو ان الواحد يعرف انه كان هناك اسلام وصلاة في هذه المدينة الحصينة |
|
|
|
|
18-07-2008, 12:59 AM
|
#13 (permalink) |
|
مسافر متالق
تاريخ التسجيل: Mar 2006
الدولة: Edinburgh. Scotland
رقم العضوية :66368
المشاركات: 610
|
 و تشوفون المبنى الصغير على اليسار ،،، ما تذكرون وقلت اللي قلتلكم راح اسولف عنه ؟؟ قرب دوره  هذا جسرنا اللي بالبداية رحنا للسنتر منه الصور اللي توه اللي من تحت ،،،، كانوا فيه الجهة الثانية للجسر ،، مو هني هالجهة النزول وايد اسهل من هناك ،،،،  هذا شلون موقف سيارته هني ؟؟ و انا قاعد انطر ما عندي شي اسويه ،،، جان اقوم و اروح للمبنى اللي قلتلكم عنه اللي على النهر ،، هذا المبنى المهجور  لا تخافون ماراح ينهدم عليكم ،، تطمنوا ،، ماياكم بويهي  عاد انا اول ما دشيته مو بس كنت خااااااااااااايف  ان يكون فيه هوملس ولا مراهقين و من هالاشياء ،،،، لكن الحمد لله المبنى كان فاضي تماما بعد الواحد ما يأمن يطلعله ناس قاعدين يتعاطون و لا لاااااكينه و قاضين بس الظاهر لان صبح مافي احد ،،، و لا بالليل شكله ينقلب night club  ديرو بالكم مو تطيحون     هذا الـcazar مبين من الدريشة ،،،، عفوا من الفتحة اللي بالطوفة بعدها طلعت من المبنى و كنت لي الحين مستاحش منه  شهالحشرات ؟؟  المبنى المهجور من الخارج الواحد يضيع وقته شوي اضيع وقت   هذا بعد شي مو عارف شلون اشرحه ،،، بالنهر لكن غير المبنى اللي توه المبنى المهجور مبين بالصورة لكن ورا ،،، شفتوه ؟؟ المبنى اللي لونه فاتح ،،،   حمامة ميتة شكلها يخرع انزين وين راسها    وصمة عار في جبين اسبانيا ابتسم انت الكويت ،،، عفوا عفوا باسبانيا  المبنى المهجور على اليسار ،،،،    شسالفة هالكرسي ؟    منو فيه شدة يتسلق ؟؟ الاكيد مو انا ،، منهد حيلي من اللويه في المدينة  شرايكم ندخل المبنى مرة ثانية ؟؟ فوووووووووووووقه   خل نشوف شخابيط الاسبان ؟؟ شرايكم ؟؟   ؟؟؟ هذي مدينة انغليزية في جنوب غرب انغلترا ،،، معقولة انغليز اهم اللي كاتبينه طبعا مو شي غريب ان انجليز يكتبون على الطوفة الغريب ان سياح !! ولا يمكن اسبان رايحين بلايموث اهم اللي كاتبين ؟؟ >>> what's the big deal mate ?!! عاد انا هالسنة راح امر بلايموث اسبوع ان شاء الله   خيوط عنكبووووووووووت الحمدلله ما طلعلي شي و طلعنا من المبنى ،،، و هالمرة بلا رجعة "كفاااية" و بعد كل هالوقت اللي قضيتها تحت ،،، و بعد ما صار وقت العودة لمدرييييييد ،،،، و انا بصراحة وقتها انهد حيلي ،،، و ماكنت اقدر احوس اكثر من جذي كفاااية لوية في يوم واحد !!!! قررت اني اصعد فوق و اقعد ،،،، و اطالع الغروب >>> رومنسي الاخ   و للأسف المدينة مغطية علي ما قدرت اشوف الشمس    هذا الزميل لا و الله ما اعرفه بس المهم انه مصور ،، يعني زميل  |
|
|
|
|
18-07-2008, 01:00 AM
|
#14 (permalink) |
|
مسافر متالق
تاريخ التسجيل: Mar 2006
الدولة: Edinburgh. Scotland
رقم العضوية :66368
المشاركات: 610
|
  من زود الفضاوة بس و الله القعدة تشرح الصدر هناك و مو بس انا اللي كنت قاعد هناك لأ ،،،، كان في اكثر من واحد يايين بسياراتهم و صافطين يقعدون شوي و يروحون ،،،،، و بعد ما قرب موعد القطار ،،، رحت للمحطة ،،،، و هذي جم صورة من المحطة  المحطة سهلة ما فيها اي اي نوع من التعقيدات  آسف لعدم وضوح الصور ،،، لاني صورت ع السريع ،،،  تذكرة العودة ،،، قطار الـ9 و 25 ===> يوصل 9 و 55 نص ساعة بالضبط و بما اني وصلت توليذو الساعة 9 و 55 الصبح ،،، هالشي يعني اني قضيت 11 ساعة و نص في المدينة و بس خلص التقرير تعبت و انا اكتتتتتتتتب و سامحوني على اللهجة العامية ،،،، بس انا جذي و يالله خلصته بيومين ،،، لو باكتب فصحى يبيلي اسبوعين ،،، و التقرير انا كتبته بدون تنقيح و بدون مراجعة فاذا في اي رابط غلط ،،، اي صورة متكررة ،،، اخطاء املائية و ليس نحوية ياليت تنبهوني او تحتاجون لاي كلمة اني اترجمها لكم انا حاضر ،،، قصدي اترجم من كويتي الى فصحى مو من اسباني لعربي او العكس و بالنهاية ترى التقرير عن الاماكن السياحية في توليدو اي استفسار عن اي مدينة اخرى الرجاء ما يتم طرحه في الموضوع ،، و الموضوع ليس عن استفسارات السكن ،،، و الرجاء رجاء حار اي شخص يسأل في غير موضوع تقريري محد يرد عليه في الموضوع نفسه اما اي استفسار عن الاماكن السياحية في توليدو ،، فانا حاضر و بالخدمة و الاعضاء الثانيين بعد ما يقصرون في تقديم المساعدة و شدعوة ،، التفاعل مع الموضوع ماراح يضر احد ،،، علشان الواحد يتشجع و يكتب عن قرطبة و سيقوبية و اللي عنده خبرة بطليطلة ،،، ياليت و الله انه يساعدني باسماء الاماكن اللي انا ما عرفتها ،، او مو متأكد منها ،، و يصحح اي خطء بالاسماء ،، و له جزيل الشكر و الموضوع يحتوي على 240 صورة تقريبا ،، مختارة من 741 صورة ،، انا صورتهم في توليدو خلال يوم واحد فقط All rights reserved © |
|
|
|
|
18-07-2008, 01:16 AM
|
#15 (permalink) |
 
تاريخ التسجيل: Aug 2006
الدولة: عائد إلى أرض الوطن
رقم العضوية :108400
المشاركات: 1,533
|
أخي مجهودك جباااار و ضخم لكنه ضخم بمعنى ضخم على عقولنا و وقتنا ! 240 صورة في صفحة واحد !! معلش ... بس أرجو أن لا تفهمني غلط لكن مؤشر الارتفاع و النزول إلى على يسار الصفحة أصبح صغيراً جداً يعني حركة بسيطة جداً قد توديك فوق او تحت من مكان ما وصلت فيه في القراءة الأمر الثاني بعض الناس النت عندهم ليس سريع ... فراح اطول جميع الصور لين تفتح معاهم احيي فييك الشوق و الحماس في طرح كل جديد في سفراتك بس ينقص ان تجزء الموضوع على مراحل ... حتى يتسنى للقارئ المتابعة الممتعة للتقرير و قبل لا تقول اي شيء ... انا اعتذر على مداخلتي هذه مسبقاً |
|
|
|
|
«
اول مرة اسافر لاسبانيا ساعدوني الله يجزاكم الخير ..
|
الخبر اليقين بفيزا الاسبانية 28/4/1430هـ / 2009م
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 04:52 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||