 |
 |
 |
||
|
|
|
||
 |
|
 |
|
|||||||
 |
|
|
أدوات الموضوع | انواع عرض الموضوع |
|
|
05-07-2008, 10:11 AM
|
#1 (permalink) |
|
مسافرجديد
تاريخ التسجيل: Mar 2008
رقم العضوية :178628
المشاركات: 26
|
تقريري المصور .. بالي الساحرة وجبال بونشاك الرائعة (2008)
السلام عليكم ورحمة الله وبركاته ،،، اسعد الله صباحكم بكل خير ياجماعة ،،
عدت من ارض الاندومي يوم الثلاثاء الماضي ،،  الاربعاء 18 / 6 / 2008 ... إلى ... الثلاثاء 1 / 7 / 2008 الخطوط الاماراتية ( طيران الامارات ) .. الرياض - دبي - جاكرتا ( وقفنا في سنغافورة ساعة ) .. جاكرتا - دبي - الرياض ( ترانزيت في دبي 13 ساعة تقريبا )  وهو اللي خرب المزاج !! الحقيقة استمتعت كثيرا في بالي ،، وخاصة ان السواق حق بالي ممتاز جدا وهو ما اراحني كثيرا فيها ،، حيث زرت الاماكن الكثيرة فيها بحكم معرفته بها ،،، ايضا لا انسى امر مهم ،، وهو انه يدخل اي محل تجاري او العاب او اي شي فيه دفع فلوس ،،، ويكاسر راعي الحلال وياخذ منه العلوم الزينة قبل ما يشوف اشكالنا العربية ،،، لذا انبسطنا من ناحية الاسعار ،،، تخيل في الغوص اللعب تقريبا الواحدة بـ 100 دولار ،،، اخذنا عندهم ثلاث لعبات بـ 600 الف روبية ،،، يعني تقريبا ثلاث العاب بـ 75 دولار !!! يابلاااااااااااش ،، السواق اسمه : طارق ،،، وصديقه وليد ،،، ( صراحة سواليف ووناسة وجو في السيارة جو funny ) .. يتكلمون عربي بطلاقة ،، وانجليزي ،،، لهم موقع على الانترنت اسمه .: : GAMARBALI.COM : :. ،، ولهم رقم تلفون مخزنه في جوالي راح اكتبه لكم ان شاء الله ،،، المهم التقرير كثيييييييييير ،، ورائع ،، وراح انزل صور اول بأول ،،، بداية التقرير ،،، الوصول إلى جاكرتا ،، ومن ثم على طول إلى بالي ( خطوط AIR ASIA ) ،، وجلسنا فيها ثلاث ايام ،،، وثم العودة إلى جاكرتا (خطوط Batavia ) ،، وعلى طول على الجبل (بونشاك ) مقر رئيسي فيها ،،، والجلوس فيها تقريبا تسعة ايام ... اكثر من رائعة ،،، لا تستعجلون على رزقكم ،، كل شي جاي ان شاء الله ،،،  |
|
|
|
06-07-2008, 07:11 AM
|
#5 (permalink) | |
|
مسافرجديد
تاريخ التسجيل: Jun 2008
رقم العضوية :190255
المشاركات: 3
|
بارك الله فيك اخي أحمد الونان ياموضوعك شكله طووووويل وبياخذ وقت منك الله يعينك ،،، ويوفقك اقتباس:
استعجل علينا بالرقم يالغالي بالتوفيق .. |
|
|
|
|
|
08-07-2008, 11:53 AM
|
#14 (permalink) |
|
مسافرجديد
تاريخ التسجيل: Mar 2008
رقم العضوية :178628
المشاركات: 26
|
هلا والله بالجميع ،، الحمد لله الاسعار كانت تقريبا حلوة ،، على فكرة انا مسجل تكاليف الرحلة باليومية ،، وتكاليف الرحلة عموما ،، كلفتنا الرحلة بدون تذاكر ،، شخصين 10 الاف ريال سعودي ،، مع التذاكر للشخص الواحد 2200 ريال على الخطوط الاماراتية ،، صراحة الطيارة فلة ،، ما تحس بالمشوار الطويل والغثيث ،، بس مشكلتها الوحيدة الترانزيت ،، لو مافيه ،، تطلع الطيارة ولا احلى ،،، هذا رقم طارق ( موجود في بالي ) ،، وهو ممتاز واول ما تكلمه تقول الرجال من اهل جده مو اندونيسي ،، لكنه والحقيقة محترم جدا ،، وهو صالح مع الشباب ،، وكذلك مع العائلة ،، 6281558353338+ الحلقة الاولى ان شاء الله ،، في الرد القادم ،، لكن تدرون وش المشكلة ،، ان تحميل الصور ياخذ وقت ،، لذا صبركم علي ،، واقترح كذلك على الجميع ،، وزي ما قال بعض الاخوان هنا ،، ان الرحلة تكون بعد 13/7 ،، بسبب اجازة المدارس ،، لانه كان اخر يومين لنا في بونشاك ما يطاق من الزحمة اللي صارت في الشارع حقهم ،، |
|
|
|
|
09-07-2008, 12:05 PM
|
#15 (permalink) |
|
مسافرجديد
تاريخ التسجيل: Mar 2008
رقم العضوية :178628
المشاركات: 26
|
السلام عليكم ،، ورحمة الله الحلقة الاولى .. ( بالي الساحرة ) ... الجزء الاول في الحقيقة ،، احترت انا ( أ.ع) مع صديقي (ف.ع) ،، في الوضع الحالي لنا ،، هل نقعد في بالي اول ما نوصل إلى جاكرتا ،، والا نتأخر شوي نخلها يومين وسط الرحلة ،، !! واخيرا قررنا انا والمجلس الوزاري اللي عندي انها تكون بأول الرحلة ،، وعلى بركة الله ،،، وصلنا إلى جاكرتا الساعة السابعة والنصف تقريبا بتوقيت جاكرتا ،، الساعة الثالثة والنصف بتوقيت السعودية ،، بعد رحلة طويلة جدا ،، استغرقت حوالي الـ 17 ساعة ما بين طيران وترانزيت ،، وكانت رحلتنا على الخطوط الاماراتية ،، وهذي طيارتنا !!  وهذي شكل الطيارة من داخل ،، والله الحقيقة ما حسينا بطعم السفر وتعبه وعناءه بوجود شاشة امام مقعدك فيها كل شي ،، افلام جديدة وتوها نازلة يعني وسع صدرك ،، والاكثر من كذا ،، إذا عندك لاب توب ،، لا تشيل هم الشحن !! فيه وصلة كهرباء ،، !!  المهم ،، بعد ما وصلنا الساعة السابعة والنصف ،، قررنا زي ما قلت لكم اننا نروح لبالي على طول ،، نشوف وش في بالي ،، بعدين تصير روحتنا لـ الجبل قعدة وحدة ،، بعد ما وصلنا المطار ،، دقينا على خوينا طارق ،، اللي قلت لكم عنه ،، قال خلاص راح استقبلكم في مطار بالي ،، قلنا اوكيه سلاااااااام ،، وصلنا لبالي تقريبا الساعة الواحدة في الليل ،، لانه كانت رحلتنا من جاكرتا الساعة 9 ونص ،، !! يعني 10 ونص بتوقيت بالي ،،، ( فيه فرق بينهم ساعة ) .. !!  الرجال ما صدق خبر يوم شافنا ،، قال تبون تشوفون بالي !!  قلنا تعبانيين مرررة ،، من طيارة في ظهر طيارة !!ودنا بس نروح للفندق ،، وعلى طول رحنا للفندق ،،  وفي الصباح الباكر !!  ( متعوب عليها هالكلمة !! ) وفي الصبح ،، لفيت على الفندق واخذت لي هالصورتين الحلوة ،،  لاحظ شقتنا !! اقصد كوخنا اول كوخ على يسارك في الصورة ،، !!  وهذا مسبح الفندق ،، اللي ما سبحنا فيه ولا مرة !! بعد كذا ،، ارتحت إلى الساعة 12 الظهر ،، ولقيت طارق مسنتر عند الباب ينتظرنا نقوم من النوم !! بعد ما صحيت انا وخويي ،، قلنا يا ولد ليش ما نروح نصلي معهم الجمعة ،، نشوف وشلون صلاتهم !! رحنا لجامع ابن بطوطة ،، ( الغريب ان هالمكان اللي رحنا له ،، فيه كل الشعائر الدينية ) .. !! يعني تلقى مسجد المسلمين ،، وتلقى الكنيسة ،، !! وتلقى حق البوذيين ، !! وتلقى مدري وش !! يعني ،، تعال ,, وصل في المسجد ولا تقول ليش وما ليش ،، بس تدرون ،، سوهارتو الله يرحمه ،، كان حاط المسجد في اعلى شي ،، وهذي صور للمسجد ،،،  الجامع موجود في نوزا ،،  الجامع من الخارج ،،  هذي صورة للشاطئ من اعلى ،، تشوفه من المسجد ،،  وهذي بعد ما خلصنا صلاة ،، الناس تطلع لاشغالها .. !! بعد ما انتهينا ،، رحنا على طول على الالعاب المائية ،، غوص وطيران شراعي فوق المياه ،،  يعني سعة صدر ،، رحنا لمكان جميل ،، والله نسيت اسمه ،، لكن طارق يعرف اسمه ،، ويقول كل مرة يجون ناس من خارج بالي ،، اروح على طول على المكان ،، المكان حلو ،، ونظيف ،، واسعاره غالية ،، للي ما يعرف اندونيسي ،، الحمد لله ،، طارق قام يكاسر راعي المحل ،، إلى ان اخذنا ثلاث العاب ( الغوص + الطيران + البطة ) تقريبا قيمة 600 الف روبية ،، يعني 75 دولار ،،، مع العلم انها اللعبة الواحدة فقط بـ 99 دولار ! !  هذي صورتي انا ،، ( أ.ع) .. ولبس الغوص علي طالع روعة !!  وهذا خويي ( ف.ع) .. طالع منيب قايل !!   وهذي صورتي انا ويااااااااه ،، والاستعداد لرحلة الغوص ،، والالعاب الثانية ،، طبعا جلسنا في الغوص تقريبا 25 دقيقة تحت الماء ،، ويطلع معك مدرب ويعلمك ويشرح لك طريقة الغوص والاشارات اللي تتفقون عليها .. يعني كويس وخذ من هالاشارات ،، وبعد ما نزلنا ،، خويي ما عرف يتنفس على طول ارتفع فوق ،، وخذ له خمس دقايق فوق المياه !!وانا قعدت تحت مع السمك اصور واخذ جولة حولة ،، صديقي قال ، والله نازل نازل ،، لو اموت تحت !!  صح يالخوي ،، اللي ما يفارق خويه ،، !! بعد ما خلصنا الغوص ،، رحنا للطيران الشراعي ،، وبعدها اخذنا لعبة البطة !! بعد ما خلصنا كلش ،، اخذنا ترويشه حلووووة ،، وبعد كذا انطلقنا ،، نشوف وش في بالي .. !!  هذي صورة لميدان في احد شوارع بالي ،، اخذت الصورة على السريع ،، بعد الالعاب المائية ،، خلص البنزين ،، وراح للمحطة يعبي ،، ! ( طبعا البنزين على حسابه !! )  بعد كذا رحنا نشوف شاطئ كوتا ،،، وش فيه !!   بعد اخذ جولة سريعة ،، قلت لصديقي (ف.ع) .. لازم نروح نتقضى شوي ،، ورحنا لكارفور اللي في بالي ..  هذي سيارتنا في مواقف كارفور ،،، وبعد ما خلصنا تسوق ،، رحنا نتعشى في احد المطاعم الاسبانية في بالي ،، مطعم مدريد !! صاحبه ياباني !! والعمالة اللي فيه اندونيسيين !!  بعدها رجعنا للفندق ،، وريحنا فيه ،، استعدادا لمباراة دور الثمانية من كاس الامم الاوروبية ،، اللي تكون هناك الساعة 2 وخمس واربعين !!  سلام شباب ،، ونلقاكم في الجزء الثاني من بالي ،، ان شاء الله |
|
|
|
|
«
رحلة استجمام وريلاكس مدة 11 يوم بالصور والفيديو
|
اندونيسيا في الصور حلوة لكن في الحقيقة تختلف !
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 10:46 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||