 |
 |
 |
||
|
|
|
||
 |
|
 |
|
|||||||
| بوابة السفر إلى بريطانيا UK وإيرلندا Ireland في هذا المنتدى يتم تزويد المستخدم بالتقارير المصورة الخاصة ببريطانيا وإيرلندا بالإضافة الى مكتبة صور خاصة. |
| Tags: birmingham, black country, dudley, kuwaiti londoner, living museum, open air |
 |
|
|
أدوات الموضوع | انواع عرض الموضوع |
|
|
03-07-2008, 08:22 PM
|
#1 (permalink) |
|
مسافر متالق
تاريخ التسجيل: Mar 2006
الدولة: Edinburgh. Scotland
رقم العضوية :66368
المشاركات: 610
|
رحلة عبر الزمن !! black country living museum
Black Country Living Museum بما ان العطلة بدأت حبيت اني اعود لكتابة المواضيع ،، و رحلتنا اليوم لمكان ما اظن انه في خليجيين وايد زاروه ،،، رحلتنا اليوم راح تكون رحلة عبر الزمن ،، في متحف في الهواء الطلق اسمه Black country living museum ،، و اللي يميز هالمتحف انه مو مثل باقي المتاحف اللي ممكن تكون مملة شوية ،، الموقع : Dudley ،،، West Midlands Tipton Road Dudley , DY1 4SQ اوقات الزيارة : 10.00am to 5.00pm طريقة الذهاب : انا على ما اتذكر ان رحنا لبرمنغهام و بعدها بدلنا القطار لمطحة قطار اسمها Tipton ،، و من هناك اللي يبي يقدر ياخذ باص او تاكسي ،، و حتى انه يمشي للمتحف و احنا هذا اللي سويناه  الافضل اني احط لكم صور ،، تعبر وايد اكثر من الكلام ،،،     و هذا اهي المدينة و احنا اول شي سويناه انا ركبنا الترام ، و هو نفس الترام القديم بالضبط  و هذا فيديو للترام و وصلنا اهني  اللي يبي يلعب يقدر لكن مو ببلاش  و بعد ما لعب اخوي الصغير بجم لعبة ،، كملنا طريجنا و وصلنا الى المدرسة "عاد تونا مخلصين المدرسة الصجية"     هذا صفنا ،،، و احنا قعدنا نرسم و نكتب بالطباشير ،،، و الزين ان وقته كان لي الحين ما بدا وقت الدرس فكان الصف فاضي تقريبا و كلش بعد ما طلعنا من المدرسة جان يطلع المدرس و يدق الجرس علشان الناس اييون للمدرسة على اساس ان الدرس بدأ ،،،  و هذا شرطي القرية   و هذا مكان محلات القرية ،، و لو تلاحظون الطابور الكبير الي على اليمين ترى هذا حق الفش اند تشيبس ،، عاد حسافة احنا شفنا الطابور طويل وايد جان نقرر ان نخلي لنهاية اليوم ،، و في نهاية اليوم وصلنا متأخر و ما كانوا يسوون اكل  و هذا اول محل دخلناه ،، طبعا ما يبيعون فيه شي ،،، لكن في اغلب المحلات اذا مو كلهم يكون فيه موظفين لابسين ملابس نفس ايام قبل ،،، على اساس ان احنا عايشين ذاك الوقت  و هذي الكنيسة  و بعد ما طلعنا من الكنيسة كان في شوي مطر  و هذا الـ ...... اسكافي ؟؟ يمكن لوول مو متأكد   بعدها دخلنا سينما !!! كان فيه فيلم صامت ابيض و اسود ،، لتشارلي تشابلن على ما اظن ،،، و كان شي حلو ان نجرب شي يديد "او قديم" بعدها دخلنا في بيت ،،، لكن طبعا كان بيت بسيط ،، لان مطابق لواقعهم ،،   و هذا الشسمه  و هذا فيديو داخل البيت و مشينا الى ان وصلنا الى المنطقة الصناعية ،،   و هذا منظر من فوق ،،  هذيله قوارب الـcanal    هذا داخل القارب  احنا وقت اللي كنا هناك شفنا جولة مع guide جان نقوم و نمشي معاهم ،، لان الجولة مجانية من المتحف  و هذا مكان الحداد ،، او الـblacksmith و شوفوا هالفيديو بالبداية كان عبالنا انه يبي يسوي حدوة حصان ،، بس بعده عرفنا انه كان قاعد يسوي سلسلة كبيرة و بالفعل عمل حلقة في السلسلة جدامنا طبعا الفيديو مو كامل لان الريال كمل عمل السلسلة ،، لكن اعتذر ما اقدر اني اسوي upload للفيديو كامل  و بعدها رحنا مكان ثاني بالنهر الصغير ،، و فيه مناجم يندخل لها من النهر ،، و احنا حجزنا له و وقتها الوالدة كانت خلاص تعبت من المشي ،، و كان فيه وقت على ما تبدا الرحلة في المنجم ،، فانا قررت اني اكمل جولتي بالقرية بروحي  هذا الاسطبل لكنه صغير شوي ،،، و ايضا كان فيه موظفة تشرح عن المواصلات في الماضي ،،، و نتابع المشي ......   هني الناس بدوا يطلعون و يروحون بيوتهم ،، و المتحف بدى يفضى ،، مع ان كان في وقت على ما يسكر !!      و انا كملت مشي الى ان وصلت الى المدخل ،، لان هالمنطقة احنا طوفناها وقت اللي ركبنا الترام ،، و نصيحة للي يروح بالترام يقدر يخليه حق الرجعة احسن ،، و علشان يمر على الاماكن بالترتيب بدل لا انه يطوف اماكن و رجع لهم بالمشي بنهاية اليوم وقت اللي يكون شوي تعبان  و بعدها مريت على جم بيت في الطريج مرة ثانية الى القرية علشان اروح حق اهلي و نركب بالقارب ،،،    و هذا بيت ثاني ،،، شوفوا هالفيديو ،،العيوزة قاعدة تنظف الزولية  على فكرة الموظفين اللي جذي جنهم ممثلين كانوا وايدين لكن انا ما كنت اصورهم "مو متعود يصور ناس"       شنو هذا ؟؟  و مرة ثانية نتجه الى المدينة مكان المحلات  و لو تلاحظون قلة الناس ،،، و اخيرا وصلت الى مكان النفق ،،، و ركبت مع اهلي القارب ،،، و هذا النهر لكن النفق مو هالجهة ،،، و على الفكرة هذا المنجم يمكن الدخول اليه من دون الدخول الى المتحف ،،، لو تلاحظون على اليسار هذا مو تابع للمتحف ،،،  هذا داخل المنجم و النفق بعد ما ركبنا القارب و على فكرة لازم نلبس خوذات   النفق يفتح على هالمكان علشان توجيه القارب الى النفق المطلوب ،،  هذا داخل النفق ،،،   هذا القارب اللي ركبنا فيه ،،، و الصورة بعد ما خلصت الجولة ،،، و المطر بدا يغزر لكن اساسا كان موباقي شي على ما يسكر المتحف و بعدها رجعنا للمحطة Tipton ،، للذهاب الى برمنغهام و منه الى لندن ،، على فكرة هالرحلة كانت قبل سنتين ،، سنة 2006 اتمنى انكم استمتعتم بالرحلة ،،، و اذا حابين تروحون احرصوا ان يكون الجو زين لان المكان اغلبه مفتوح ،، و لا تنسون الفش ان تشيبس ترى اهم شي حتى لو عليه زحمة ،،، و على فكرة فيه مكان واحد ماكفانا الوقت علشان نروحله و هو تحت الارض و ببلاش لكن ما عندي فكرة اكبر عنه ،، اللي يحب يزوره يقدر يروحله بدال المنجم ،،، اما اذا كان رايح مبجر وايد و كفاه الوقت فـ يقدر يشوف كل شي و اعتذر اذا كان الموضوع مو منسق او فيه اخطاء لغوية "بدلية مني مناك" طوفوا شجعوه لاني كتبته بسرعة ،،، قلت الحق قبل لا انشغل بعدين جامعة و سفر و بلاوي زرئة bclm.co.uk © © © © © © © © © © © |
|
|
|
06-07-2008, 04:25 PM
|
#5 (permalink) | ||
|
مسافر متالق
تاريخ التسجيل: Mar 2006
الدولة: Edinburgh. Scotland
رقم العضوية :66368
المشاركات: 610
|
اقتباس:
و ان شاء الله تقدرين تزورينه ،،، اقتباس:
و على فكرة ترى هالمتحف مو الوحيد الـ"open air" ،، في بريطانيا موجود اكثر من واحد ،،، |
||
|
|
|
|
06-07-2008, 03:22 PM
|
#6 (permalink) |
|
مسافر فعال
تاريخ التسجيل: Jul 2007
رقم العضوية :148553
المشاركات: 102
|
ياسلام ,
أجل الانجليز عندهم الجنادريه مثلنا تقرير رهيب ومبتكر عن معلم جديد وجميل , دخلت موقعهم بالنت ووجدت خريطة للقريه : http://www.bclm.co.uk/map.htm يعطيك العافية .. |
|
|
|
|
14-07-2008, 03:33 AM
|
#10 (permalink) |
|
عاشقة لندن
تاريخ التسجيل: Jun 2004
الدولة: جدة
رقم العضوية :7061
المشاركات: 6,156
|
شيء جميل وجذاب للغاية رووعة يااخوي
 المتحف حلو وتعجبني هذي النوعية من الأماكن .. والمدينة من الطراز الانجليزي  بارك الله فيك وعدنا من تقريرك إلى الوراء  ووفقك ربي في دراستك ويسهل عليك أمرك كله يارب .. أجمل تحياتي لك وللجميع .. |
|
|
|
|
16-07-2008, 09:23 AM
|
#11 (permalink) | |
|
مسافر متالق
تاريخ التسجيل: Mar 2006
الدولة: Edinburgh. Scotland
رقم العضوية :66368
المشاركات: 610
|
اقتباس:
يعطيج العافية اختي ميسون على مرورك |
|
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 07:06 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||