 |
 |
 |
||
|
|
|
||
 |
|
 |
|
|||||||
| البوابـات الـــــعــــامــــــة هنا ستجد جميع المواضيع التي تخص عالم الرحلات البرية والبحرية وأدواتها اللازمة. |
 |
|
|
أدوات الموضوع | انواع عرض الموضوع |
13-07-2008, 10:11 AM
|
#91 (permalink) |
|
عضو العرب المسافرون المميز
 
تاريخ التسجيل: Jun 2005
الدولة: β... Canada ...β
رقم العضوية :28478
المشاركات: 1,682
|
هذي صورة الحبوب حقت دوار البحر .. (قلت لكم في بداية التقرير للّي نسى .. قيمتها 5 ريال! وموجودة في كل الصيدليّات ..)  وهذا هو المنظر الخارجي من البلكونة حقت الغرفة ..   مثل ما قلت لكم مسبقاً .. دخلنا وحنا ما نشوف من التعب .. طبعاً انا قبل ما اتروش .. سويت حركة توم اللي يحط يدينه مع بعض .. وطبيت صاروخ على السرير اتسدّح  << لاحظوا اني انواع الوصاخة وريحتي سمك .. لكن البراد .. وشكل السرير لا يقاوم .. مع اني كنّي اتسدح على فراش فيه كهرب .. ما غير اتحقرص ما ودي اوصخه عشان اذا بغيت انام .. قعدت لي شوي .. ودخل ابو حوش يتروش .. انا احسبه دخل يغسّل يديه! ما امداه يدخل الا وهو طالع! << والله اللي مهوب ابو نايف خلص هو .. وانا وراه على طول .. صح ان دفع المويه احبطني شوي .. وما كان بالمستوى المطلوب .. الا ان طعم الموية الحلوة عقب هالملح المستمر .. والإنتعاش اللي حسيت به والشعور بالنظافة .. نسّوني ضعف دفع الموية ..<< طبعاً انا ملح مستمر حتى لو ما كنت سابح في البحر طلعت وانا فوق راسي غيمة حقت الكاريكاتيرات ذيك .. مكتوب عليها .. "وين السريييييييييييييييييييييير"؟ هالمرّه عاد وانا نظيف .. مهوب طبيت صاروخ وبس .. الا سويت دبل كيك وشبّكت هدف في الثمانيات من قوي النقزة على السرير .. حتى لدرجة ان ابو امجد سمع الصوت في مرسى جنابة << والله لا تستبعدون!! من بعده عنّنا! المهم .. نمنا نوووومة!! على انها قصيرة .. الا انها كان فيها لذّة تفوق لذّة سوفليه صدى التحلية .. وشاورما مطعم "رام" .. وفلافل ابو عدنان .. وحمص النقاء اللي في الصناعية! .. يا سااااتر .. ابو حوش قام من النوم .. وقبل ما يفتح عيونه حتى! قال يا عيال والله يا النومة اليييييييمة! طبعاً انا بحكم اني عبقري واحب احلّل الأمور .. حللتها الى عدة اسباب .. اولاً .. كنا تعبانين من جد .. ثانياً .. براد الغرفة كان رااايق .. ومع الرطوبة الواحد يجيه نوم اكثر .. غير ان اسرّتهم مريحة مرة ما شاء الله .. المهم .. قمنا على طق الباب .. ابو امجد جايب الغداء .. تفضلوا ..   وهذي وحدة زود .. (بغض النظر عن العصاقيل اللي طالعة )..  اكلنا اكل الين بغينا نموت! دايم جوعانين كنّنا جايين من افقر صحاري افريقيا اللهم يا كافي!  معليش الصور مهيب واضحه مره .. بس الإضاءة تعبانة شوي ..  خلصنا ماكلين ولبسنا .. وكلمنا ابكر عشان يجي ياخذنا .. طبعاً برضه نبي نروح نصيد .. لكن هالمرّة التخطيط كان اننا نصيد على الغروب .. وناخذ شوي صيد ليل .. راح تشوفون بعد شوي ان شاء الله انه صار فيه شوي تغيير في الخطة .. المهم .. هالكلام كان على الساعة 6 المغرب تقريباً (اقصد يوم اننا نكلم ابكر) .. قعدنا لنا والله شوي على بال ما جانا ابكر .. وخلاص قربت تغيب الشمس .. والوقت الحلو للصيد قرب يخلص .. لأنه يصير السمك خلاص يبي ياكل ويروح ينام .. << تراهم ينامون على المطارح ذيك اللي يجي لونها اخضر وفوشي .. انا اموت وادري ليش ما كانت تجي الا شكل واحد ولون واحد! المهم على بال ما جانا ووصلنا لـ جنابة وانتظرنا ابو امجد يجي وبرضه تأخر علينا .. ما تحرّكنا الا وخلاااص تقريباً اظلمت الدنيا!  هالصورة لرامي الصياد الصغير قبل ما يركب صندوق الهايلوكس ..  قال ابو امجد الذيب .. انا اصلا هالطلعة ناويها في الليل .. لأن الصيد في الليل غيير .. في طريقته في احجام السمك وفي انواعه .. في كل شيء مره .. قلنا طيب .. وش ورانا .. اهم شيء يمدينا نرجع بدري ونشبع نوم لأننا ورانا رحلة بكرا من بدري .. وقبلها فلوكة وحوسة .. المهم .. تحركنا بالقارب تقريباً الساعة 7 المغرب .. ومشينا مشينا مشينا! .. وصلنا مكان بعيد! طبعاً صيد الليل لازم تستخدم فيه لمبات بيض قوية عشان يشوفون السمك الطعم .. او انه يصير قمرة .. حنا على اننا كانت ليلة 16 .. الا ان القمر ما طلع الا شوي وكانت فيه غيوم مغطيته .. هذي كم صورة قبل ما نمشي .. صورة اخيرة على مرسى جنابة .. انا وابو نايف ..  انا وابو حوش ..  ابو عيسى .. وبورتريه ابدع فيه ابو حوش من جــــــد ما شاء الله ..   وصلنا للمكان اللي نبي نصيد فيه بعد حوالي 35 دقيقة بالقارب .. الهواء اليوم كان قوي شوي .. وشلت هم لا يجينا غثيان مع هالأمواج وينكّد ام جوّنا .. لكن الـ "ديزينيل" كان له بالمرصاد الحمدلله .. ركب اللمبات ابو امجد والثاني اللي معنا .. ونسيت اقول لكم ان هالمرة ابو عيسى ما جاء معنا .. وخاوانا واحد اسمه ابو علي .. منسّم  .. هو صح انه يقول 1000 كلمة ما تفهم منها الا 14 .. لكنه قمّة الحبابة .. ابلشنا الماطور على بال ما اشتغل لأن القارب يتحرك والبنزين حق الماطور يتحرك بقوة .. فأخذنا لنا شوي وقت .. سجلوا عندكم زود من الأشياء اللي تختلف في صيد الليل .. انك ما ترمي الطعم الى ما يوصل القاع .. لا .. لازم تحسب 16 او 17 "باع" او ما ادري وش وحدة القياس اللي يستخدمونها .. << باع ولا مياااو؟ وتخلي الخيط في هالمجال ترفعه وتنزله .. ولا ترخي ابـــــــــد .. لأن السمك على هالعمق .. وفي هالوقت .. يصير كبير وسريييييع .. ويلقط الطعم بقوة خرافية .. فممكن غفلة بسيطة تتسبّب في قطع اصبعك!  هذا بالإضافة الى انك لازم تلف شطرطون على اصبعك عشان يحميه وقت السحب ما يجرح اصبعك من قوة الشد .. انا طبعاً في وحدة من طلعاتنا اللي في النهار .. جاني سحب قطع الخيط في وقتها .. ابو امجد يقول هذي اكيد "كنعد" .. والله الى الحين وانا اكتب هالحلقة والجرح في يدي! المهم .. رمينا السنّارات .. وهاليوم كان حظّي سيء جداً جداً للأسف .. عكس ابو نايف ما شاء الله استلج علينا! كثرت الكلام .. طيب خذوا الصور .. لحظة ترقّب!  ما كانت الا ثواني معدودة .. ويصيد لنا ابو علي "عقام" او اللي يسمّى "باراكودا" .. وهذا انا وانا ماسكه << مسكين ما صدت شيء واصور مع سمك غيري  شوي ويصيد ابو حوش سمكة كبيرة ما شاء الله .. واللي اغلب صيدنا كان منها .. ومن اللي قلت لكم تو الـ "عقام" .. هذي سمكة ابو حوش .. ما ادري وش اسمها صراحة .. لكنها قوية مرة مرة! وكل صيدنا .. وبالذات هالنوع لازم نضرب السمكة بعصا عشان تهجد! والله يا ابو علي كنّه وكيل متوسّط .. ما فيه الا جلد في هالسمك ..نفس طريقة العماني مع القرش .. اللي حطيت لكم مقطعه .. اوه نسينا سمكة ابو حوش! خذوا ..  ابو نايف بدا ينهبل علينا ..  ابو علي وراهم على طول .. لاحظوا العصا اللي معه هالمجرم .. هذي هي اللي يجلد بها السمك ..  لاحظتوا قصدي يوم اقول ان الصيد مختلف؟ الكمية اقل .. والأنواع والأحجام تختلف تمااااماً .. طبعاً وانا لا ازل ما صدت شيء الشيء اللي هونها علي .. ان خبيرنا ابو امجد .. ما صاد ولا شييييء .. وهذا اكبر دليل ان توفيق رب العالمين وقسمتك ونصيبك هي اهم شيء اولاً .. وحظّك ثانياً .. يعني هم اللي يلعبون الدور كله في صيد السمك .. وانا اشوف ان الخبرة تجي بعدهم .. حصيلة السمك بعد "برهة" من الزمن ..   |
|
|
|
13-07-2008, 10:12 AM
|
#92 (permalink) |
|
عضو العرب المسافرون المميز
تاريخ التسجيل: Jun 2005
الدولة: β... Canada ...β
رقم العضوية :28478
المشاركات: 1,682
|
انا واعلامي منكّسة ..  ابو نايف يستمر بالإبداع ما شاء الله .. (لاحظوا الشطرطون اللي قلت لكم في يده اليمنى ..)  الصيد يزيد ما شاء الله .. وانا لا ازال ما صدت شيء ..   بعد مدة ثلاث ساعات ونص من اليأس .. مرة ينقطع الخيط .. ومرة يتشابك مع خيط ابو علي .. ومرة ينوكل الطعم بدون ما ادري ..رزقني ربّي ببنت الأجواد .. "عقامة" .. صح انها ما كانت كبيرة مرة .. لكن اللهم لك الحمد .. والله لو اني صايد سردينة كان ما يخالف .. بس على الأقل اصيد ..  شوي .. ويجيك الخير ما شاء الله .. ووراها وحدة ثانية .. وهذا دليل انه لا حياة مع اليأس .. ولا يأس مع الحياة .. وخلّي املك في ربّك كبير .. شف حتى على مستوى شيء بسيط وتافه .. مجرد صيد سمك! .. اذا احسنت النية .. ربّي يبي يعوضك بإذن الله .. هذي الثانية ..  صدت بعدها على طول ثالثة .. بس للأسف ما صورتها .. طبعاً الكثير منكم لا يزال ينتظر صورة اكبر سمكة صح؟ .. اصبروا .. مانيب حاطها الا آآآآآآآخر صورة في التقرير .. ابو امجد المسكين لا يزال ما صاد ولاااا شيء من يوم ما طلعنا .. لكن كان الهدوء اللي يسبق العاصفة .. وصاد سمكة ياله يالله قويت اشيلها ما شاء الله ..  طبعاً من ثقلها .. طاحت على رجلي .. وشوكها اللي في آخر الذيل جرحني جرح صغير بس انه روعني! .. فحقدت على السمكة .. وقلت والله ما يكمخها مع راسها بالعصا الا انا .. وهذي الصورة بعد التكميخ ولاحظوا العصا في يدي الثانية ..  وهذا اصبع رجلي وانتم بكرامة وهو منجرح من السمكة قليلة الأدب .. (ولاحظوا الشطرطونات وشلون كنّي لي سبع سنين لابسها! ) هذي سمكة ابو امجد مع ابو حوش ..  مع ابو نايف (حشا صارت وزير ذي مهيب سمكة .. تصور مع كل واحد! )  << لاحظوا ابو حوش يسمكر في اصبعه يوم انتهينا من الصيد .. وجينا نرفع المرساة .. ما طااااعت!!  يمين يسار! ماش ناشبة بقوة .. ما قدرنا نحركها الا يوم تحركنا بالقارب وخليناه يسحبها .. يوم تكشّفت الأمور .. صارت المرساة ماسكة معها شبك كبير .. الشبك ذا وش طريقته ..؟ له فتحة صغيرة السمك يقدر يدخل معها .. لكن ما يقدر يطلع .. فيرمونه في البحر 6 او 7 ساعات على حسب .. ويرجعون ياخذونه ويطلعون منه السمك بكل بساطة .. وهذي صورته لأنهم طلعوه وخذوه معهم لأنه باين انه متروك من زمااااااان وراعينه تاركينه ..  لاحظوا انه فيه سمك ..تحركنا وفينا مشاعر متناقضة .. تعب من الرحلة .. سعادة بأن الله وفقنا في هالرحلة .. حزن على فراق آخر رحلة صيد لنا في فرسان .. كان طريق العودة فيه صمـــــــت .. وما احد يكلم الثاني .. وكانت قمرة على خفيف .. وكل واحد يتأمل البحر على صفق هالأمواج .. صراحة لحظات ما تنعاد .. على طول الطريق .. الا انه انتهى بسرعة .. وبنهايتة انتهت آخر رحلة صيد .. يا الله! تونا كننّا قبل شوي ماكلين في المطعم ذاك قبل ما نصيد اووول مره!! لكن يا سرع الوقت .. خصوصاً اذا كان الواحد مبسوط .. الله لا يغيرها من نعمة .. وصلنا للميناء .. وودعنا ابو علي .. وودعنا القارب اللي احتضنّا هالفترة كلها .. وادرنا ظهورنا على جنابة وكل واحد فينا والله يخفي حزنه .. كنت قايل لأبو امجد اننا نبي نسحب عشان نحاسبه .. فبطيبته المعتادة .. قال لا يا رجااال .. انتم الحين ادخلوا نوموا .. واذا قمتوا الصباح تلقونّي عندكم في الفندق وفيها الف حلال ان شاء الله .. طبعاً كل صيدنا ما لنا حاجة فيه .. عطيناه ابو امجد يستاهل والله .. دخلنا الفندق .. وتروّشنا بنفس الترتيب الأول لأن ما فيه امل نخلي ابو نايف يدخل قبلنا .. ونمنا نومة اعمق وألذ من اللي قبلها! .. كان وعدنا مع ابو امجد على الساعة 7 الصباح تقريباً .. وكان فعلاً موجود في الفندق .. صلينا وشطبنا اغراضنا وطلعنا من الفندق بدري مرة .. لأننا لا يزال قدّامنا مشوار الفلوكة ولازم نوصل لجيزان ونروح للمطار ونصير في المطار قبل الرحلة بحوالي ساعة .. والإقلاع كان الساعة 10:35 الصبح .. المهم .. خلّصنا اجراءات الفندق .. ووجّهنا للصرّاف .. وطبعاً كالعادة .. جوعانين .. انا وابو حوش شايلين هم وش نبي ناكل؟ صرفنا الفلوس .. ووقفنا عند بوفيه وقال لنا ابو امجد .. وش تشربون يا شباب؟ كلنا شاهي بالحليب على هالصبحية اوووووووه ... على اني ما اشرب شاهي بالحليب اببببببد .. لكن ذاك اليوم اشتهيته! المهم .. قلنا يالله .. يسكتنا الشاهي بالحليب الين نوصل جيزان ونفطر هناك .. شوي الا ابو امجد البطل جايب لنا ذاك الشيء البطـــــــل ... اللي يخليك تلحّس مراتب الهايلوكس وراه! .. من جد لذيذ .. خصوصاً مع الشاهي بالحليب .. احلى فطووور .. يسمّونه اهل فرسان .. "مقصقص" ..هذي صورته وهو في الكيس .. طبعاً حااااار وتوّه مقلي ..  وهذي هوا مع كاس الشاهي .. روقااان ..  |
|
|
|
|
13-07-2008, 10:12 AM
|
#93 (permalink) |
|
عضو العرب المسافرون المميز
تاريخ التسجيل: Jun 2005
الدولة: β... Canada ...β
رقم العضوية :28478
المشاركات: 1,682
|
خلّصنا فطورنا .. ووصلنا للميناء .. وعطينا ابو امجد حقه وهو مستحي! (طبعاً ابرجع لهالموضوع بالتفاصيل) يا ناس وش هالأدب .. عاد احنا تقديراً منّنا لطيبته وتعاونه معنا .. زدناه شوي على المبلغ اللي اتفقنا عليه .. ابو امجد استقعد لراعي الفلوكة .. ووافق انه يودينا لجيزان و حنا لحالنا .. بـ 250 ريال بس .. ! هذي هي فلّوكتنا ..  تراها مهيب "افراح" لحالها .. ولا "تهاني" لحالها! .. لا مجتمعين مع بعض!  يا عمّي اسم تشيبس ذا مهوب فلوكة! << على نفس وزن جحا وحماره .. ودعنا ابو امجد بحرارة .. وكأننا جلسان معه شهور مهوب اقل من 48 ساعة! هذي صورة من شبّاك الفلّوكة وحنا تونا متحركين ..  طبعاً البحر كان اموااااااااااااااااااج .. وهالشيء اقرفنا من جد .. ما صدقنا اننا نوصل! طبعاً يوم تو الفلوكة متحركة .. وقف ابو حوش مدري وش يبي يسوي .. وتجي ذيك النقزة هههههههههههههههههههههههههههههههههههههههههههههههههه نقز نقزة غير طبيعية وخبط راسة خبطة في سقف الفلّوكة .. لو انه خابط في جدار كان انكسر من قويها ..طبعاً انا مااااا قدرت امسك نفسي وطحت في الأرض من الضحك عليه .. هذي صورة ابو حوش وهو قافلة معه ويتأمل .. ويتسائل في نفسه .. يوووووه متى نبي نوصل؟  وهذا ابو نايف ..  ما امدانا نقعد شوي .. الا واقوم انا مدري وش ابسوي .. وتنقز الفلوكة يمكن 67 متر في الهواء!! ويخبط راسي في سقف الفلّوكة خبطة اقوى من خبطة ابو حوش ب 700 مرة انا اول ما خبط راسي .. على طول ناظرت ابو حوش .. واشوفه يضحك وانفجررررررت ضحـــــــــــــــــك معه .. سبحان الله ما امداني اضحك عليه الا وعاقبني الله .. والله يا جماعة اني خبطت خبطة لو اني خابطها في باب خزنة بنك كان انكسر مهوب بس جدار! .. بس الحمدلله الألم شوي وراح .. وما كان فيه اي آثار جانبية .. مع اني قعدت آكل اوراق ومناديل ذاك اليوم!! تتوقعون الخبطة هي السبب؟! << هيه هيه لا تصدقون .. القى واحد عازمني بكرا على دفتر ابو 200على باله مفطّح! هذي صورتي وانا اتأمل ..  وصلنن بعد عناااء .. وحاسبنا الفلوكة .. وكان رطوووووووووووووووووووبة  .. اعوذ بالله ..ندور تكسي عجزنا نلقى .. الين جا ذاك الرجال الله يجزااااااه عنا كل خير  .. اخذنا من عند المينا الى الشارع العام اللي ممكن نلقى فيه تكسي ..وفعلاً اخذنا تكسي وقلنا له يوقف عند اقرب بقالة .. وهالمرة شفت اسرع مره انشربت فيها علبة آيس تي خوخ! .. ما فيه الا ارقام قياسيّة .. طلعنا من البقالة ووجهنا للمطار .. وهذي البوابة ..  اول ما دخلنا المطار .. وطبعاً فاضي ..  طلعنا البوردنق .. وحنا داخلين مع التفتيش ويستقعد لنا عسكري حيوان ما يسوى جزمته وانتم بكرامة  .. يقول الحامل حق الكاميرا ما يدخل الطيارة! ليش يعني ممكن ادخل عند الكابتن وافتح الحامل حق الكاميرا واقول له قل تشييييز .. واذا قالها اعطيه بقس في ضروسه واختطف الطيارة مثلاً؟ لكن مشكلة اللي مديره لاعن جدفه .. ويقعد يستقوي على الناس .. امرنا لله وشحنّا الحامل حق الكاميرا .. ودخلنا الصالة .. وقعدنا لنا شوي وانفتحت البوابة .. وطبعاً نفس قصة "انتظر العوايل يدخلون قبل" صارت مره ثانية .. وبرضه نفس القصة مرة ثانية .. اجتمعنا عند السلم حق الطيارة!! ولو في راسي شي كان سويته! يقطع ابو الحماقة اللي انتم عايشينها! لحظة التوجه للطيارة .. (ما كان فيه الا هي .. شكلهم صكّوا المطار بعد ما اقلعنا .. ).. اقلعنا على الوقت ووصلنا للرياض ولله الحمد .. وهذي لحظة النزول في صالة مطار الملك خالد بالرياض ..  لكن لا يزال باقي شيييييء!! قد يكون الكثير منكم نساه .. والبعض البثرين لا يزالون يذكرونه .. اللي هو اكبر سمكة صدناها .. مستعدين؟طيب انزلوا تحت ..  ابو حوش مع اكبر سمكة ..  هااااااااااااااه .. وش رايكم؟ ..يا زلااااااايب .. طيّب يا طوال العمر .. باقي آخر شيء .. كم تتوقّعون حاسبنا ابو امجد على كل الرحلات اللي طلعناها معه .. الصيد .. العشاء .. النوم في الجزيرة .. كل شيء .. من إلى .. ؟ انتظر توقّعاتكم اوكي..؟ وبهالصورتين يا طوال العمر .. يطلق حكم تقريرنا صافرته .. إيذاناً بإنتهاء التقرير ولله الحمد .. اتمنى اكون وفّقت في تقديم ما هو مفيد وممتع في نفس الوقت .. واتمنى اكون رسمت البسمة على هالوجيه الطيبة .. وانكاني غلطت على احد او تجاوزت حدّي في المزح فأرجو منكم العذر والسموحة .. يعطيكم العافية كلكم .. خصوصاً اللي تابعوني وحرصوا وشجّعوني .. على ان التقرير يحسسّني بالمسؤولية .. وفيه تعب مهوب بسيط .. الا اني ضاق صدري على نهايته .. تحيّاتي لكم .. ThE PrOGraMmEr |
|
|
|
|
13-07-2008, 11:01 AM
|
#94 (permalink) | |
|
مراقب عام
تاريخ التسجيل: Feb 2005
الدولة: أبـــــــ好的ـــــها
رقم العضوية :18235
المشاركات: 6,148
|
..
اقتباس:
والله كان التقرير معك متعة وتوووووحفة ونشوفك في تقارير قادمة على خير وعلى احسن حال .. في امان الله .. .. |
|
|
|
|
13-07-2008, 11:37 AM
|
#96 (permalink) | |
|
عضو العرب المسافرون المميز
تاريخ التسجيل: Jun 2005
الدولة: β... Canada ...β
رقم العضوية :28478
المشاركات: 1,682
|
CoCaToo
ههههههههههههههههههههههه يا هلا والله .. انا ترا ما بقيت هواية الا طحت فيها .. وكانت الببّغانات لها نصيب كبير .. مشكور على الرد والمتابعة ... ويعطيك العافية .. سفرياتي مرورك يا الغالي زاده تميّز .. الله يعطيك العافية .. عساف الأصايل الله يعافيك ويسلمك اخوي .. وتسجيل حضورك شرف لي والله .. ALKOKAB ههههههههههههههههه امزح معك وانا اخوك .. مشكور على الرد .. أباسهل ههههههههههه وشو البرتقالي اللي تقصد ما فهمت؟ والله طيران ناس جيد .. مواعيدهم دقيقة وطياراتهم نظيفة .. لكن ضيقة شوي .. مشكور على الرد .. مالها حدود. هلا بك اختي .. لك كل الشكر على الرد وعلى إطراءاتك الجميلة .. بالنسبة للكلمات اللي قلتي عنها .. يا ليت تعلميني وش هي ولو برسالة خاصة .. لأني حرصت قد ما اقدر اني ما امس احد من الأعضاء او اغلط عليه .. ممكن اكون تجرأت .. ولكن على اخوياي وامون عليهم! اشكر لك ردك مره اخرى .. وشرفتني زيارتك .. mzoon الله يعافيك ويسلمك .. ومرورك اروع الله يعطيك العافية .. سجلتك متابعة من الدرجة الأولى .. واشكر لك المرور والتعليق مرة ثانية .. الرحالة ههههههههههههههههههههههههههههههه صرت من ممثلين بيفرلي هيلز اجل! حياك ربي يا الغالي .. وترا لك مكانة خاصة في القلب .. < عالي الهمة > ووجهك يا الغالي .. والله يبارك فيك ويسلمك ويرزقك بالزوجة والذرية الصالحة .. ال G7 كاميرا رائعة .. لكن يعيبها مثل ما قلت انها ما تقدر تغير عدساتها .. والله شف يا الغالي بالنسبة للجو .. كل ما كان عندنا في نجد برد .. صار الجو في فرسان احسن .. والعكس .. وانت قس على هالشيء .. الف شكر لك على الرد يا الغالي .. يعطيك العافية .. ((ابوحسن)) هلا اخوي .. شهادتك اعتز وافتخر فيها .. يعطيك العافية .. Bent KSA جداً ممتن ومقدر ردك وتعليقاتك اللي بالتفصيل .. الف شكر لك .. واتمنى يعجبك .. رحـ العمرـال الله يعافيك .. جامعي1 هلا بالغالي .. والله الصراحة ما ادري .. لكن شكلهم يستخدمونه في الأكل .. مشكور على المتابعة والرد .. ALKOKAB والله متابعتك وردودك اللي تووحفة .. الف شكر لك .. وما قصرت عل ىالمتابعة .. واتمنى اني كنت عند حسن ظنّك .. رحـ العمرـال اقتباس:
تمنعني من الرد على ردّك الـ((.......))!!!!!! اتوقّع انك ما تعرف وش معنى "رائع" بعد هالرّد الـ...!! عاد راجعة لك وش تفهم معنى ((...)) .. لأن شكل كيبوردك خربان وما عرفت تكتب!! لكن يا حسافة التعب اللي تعبته يجي عليه رد ((....)) اشكر "أغلب" اللي ردوا .. واحب اقول .. "قل خيراً .. أو أصمت"!!!! |
|
|
|
|
|
13-07-2008, 11:46 AM
|
#97 (permalink) |
|
مسافر فعال
تاريخ التسجيل: Mar 2007
رقم العضوية :126978
المشاركات: 101
|
اشكرك على هذا التقرير الجميل والمعلومات القيمه عن جزء مجهول من بلادنا ومن محاسن التقرير انه جاء باسلوب بسيط ومحبب ولا يخلو من المرح -تحياتي-- وننتظر المزيد من المعلومات عن تكاليف الرحله--Best Regards
|
|
|
|
|
13-07-2008, 12:10 PM
|
#98 (permalink) |
|
مسافر متميز
تاريخ التسجيل: Jun 2004
رقم العضوية :6470
المشاركات: 572
|
الحمدلله على سلامتكم
رحله مميزه و شبابية للي يحب البحر و الصيد هالرحلة ما تتفوت حلو الاوتيل ما توقعت فيه اوتيل هناك بهالمستوى .. ليتهم بعد يهتمون فيها أكثر ويسوون منتجعات فخمه وبتصير وجهه سياحية متميزة في السعودية اما أكبر سمكه صدتوها D: شكلها كفتكم عشا وغدا طوال مدة الرحلة D: استمتعنا معك بهالرحلة .. |
|
|
|
|
13-07-2008, 12:34 PM
|
#99 (permalink) | |
|
خبير استراليا
 
تاريخ التسجيل: Jul 2005
رقم العضوية :35381
المشاركات: 2,110
|
والله صدقت أني VIP  منزل لي حلقة معتبرة يعني ختامه مسك اقتباس:
افااااااااااااااااا طلعت واحد من البثرين هذا حقي اني متابعك زين وحافظ الدرس الله يعطيك العافية على التقرير امتعتنا بالصور واسلوبك الفكاهي ننتظرك في تقارير جديدة تحياتي،،،،،،،،،،،، |
|
|
|
|
|
13-07-2008, 02:04 PM
|
#100 (permalink) |
|
مسافرجديد
تاريخ التسجيل: Jan 2008
رقم العضوية :169865
المشاركات: 21
|
اخيرا انتهى التقرير
بيض الله وجهك ... تقرير روعه و اسلوب شيق في السرد ... و اللي مو عاجبه اسلوب السرد يرجع الى ادب الرحلات في المكتبات و ياخذ له كتاب فيه 500 صفحه وبدون صور و ثلاث ارباعه كذب تحكي قصة سفرة الكاتب يوم راح 48 ساعه ورجع .. تحياتي لك اخوي المبرمج وباذن الله تعالى ما نطلع فرسان الا مع ابو امجد جزاك الله خير يا مبدع |
|
|
|
|
13-07-2008, 02:43 PM
|
#101 (permalink) |
 
تاريخ التسجيل: May 2007
الدولة: السعودية
رقم العضوية :132152
المشاركات: 8,941
|
و الله الفندق حلو مره . ما توقعت في جيزان كذا
يعطيك العافيه اخوي المبرمج مره انبسطت في تقريرك المميز و اسلوبك الفكاهي .. و الله يديم عليكم انت و اصحابك الصحبه الحلوه .. و تلفون العالم كله .. اما حركة (...) تراها دليل الغيره ههههههههههههههه اسألني و انا اختك و لا تتحسف على تعبك اللي اسعدنا كلنا .. تراه ضيق صدر الحسودين >> وش فيني صايره عجيز |
|
|
|
|
14-07-2008, 03:40 AM
|
#102 (permalink) | |
|
مسافر متميز
تاريخ التسجيل: Jan 2006
رقم العضوية :54896
المشاركات: 270
|
اقتباس:
ماعليك منهم تذكر اذا طعنت من الخلف فأنت في المقدمه ورح السنه هذي لامريكا واكتب احلى تقرير عنها لاني ناوي اروح لها السنه الجايه ان الله اعطانا عمر وكتبها لي<<<<<وش رايك بس فيني وانا امون |
|
|
|
|
|
14-07-2008, 04:47 AM
|
#103 (permalink) |
|
مسافر فعال
تاريخ التسجيل: Nov 2007
رقم العضوية :162647
المشاركات: 76
|
لكن يا حسافة التعب اللي تعبته يجي عليه رد ((....))
تبى فزعه  لايهمك(........) خلك  أنا استنتجت انك برج الميزان لأن اسلوبك وكلامك وشبشبك الاورنج يشبه ستايل اخوى من جد عاد اصحاب برج الميزان يتكلمون با التفاصيل بأسلوب مشوق (يعنى يتفلسفون)>>>امزح ويحبون تجربه الاشياء الجديده ويقدرون الأصدقاء ويحبون الرمايه والسباحه وركوب الخيل >>>ياخف دمى بس واللى (.......) اتوقع انه برج العقرب الله يعطيك العافيه على التقرير الممتع الله يرزقك ويزوجك ويسهل عليك ********أحس انى امك ومن جد انت فخر للسياحه الوطنيه  ********>>مع تحيات القناة الاولى |
|
|
|
|
14-07-2008, 05:09 AM
|
#104 (permalink) |
|
مسافر فعال
تاريخ التسجيل: Nov 2007
رقم العضوية :162647
المشاركات: 76
|
ايه نسيت اتوقع اعطيتوا ابو امجد 6000 لأنى حسبت اليوم ب2000
اذا اقل من كيذا لاتعلمنا لأنى بيضيق صدرى عليه مسكين وعندى استفسار با النسبه لرامى الصياد الصغير وش يحس فيه وهو لابس القبعه ويوم وصل بيتهم شال القبعه ولا نام فيها وهل عنده استعداد للتخلى عن القبعه مقابل مبلغ من المال؟؟ وهل تتوقع ان لبسه للقبعه كان سبب لوفرة الصيد؟؟ وهل تظن ان القبعه رجعت لرامى ولا لازالت فى الرياض؟؟ طيب عرفتوه بعد ماشال قبعة رامى؟؟ ماتغيرت اشباهه؟؟ |
|
|
|
|
14-07-2008, 07:00 AM
|
#105 (permalink) |
|
مسافر فعال
تاريخ التسجيل: Dec 2005
الدولة: انا جداويه
رقم العضوية :53588
المشاركات: 124
|
فرساااااااااان انا شاربتها شرب وان شاء الله اسافر لهها بداية شهر ثمانيه وراح انزل تقرير ولكن مو عن المعالم لا
عن طبيعة الحياه والقرى والشعب على الله مانسى هههههههههههه يسلمو ياخوي |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 09:12 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||