|
|||||||
| التسجيل | الرئيسية | معرض الصور | المنتدى | إشارة الأقسام مقروءة | التصنيفات |
| بوابة الرحلات البريه و الرحلات البحرية هنا ستجد جميع المواضيع التي تخص عالم الرحلات البرية والبحرية وأدواتها اللازمة. |
 |
|
|
أدوات الموضوع | طريقة العرض |
06-07-2008, 08:39 AM
|
#62 (permalink) |
|
مسافر متميز
تاريخ التسجيل: Jun 2008
المكان: الدمام
مشاركات: 308
|
ما شاء الله تقرير مميز وطرح ممتاز
لقد زرت فرسان لأول مرة قبل سنة تقريباً وكانت رحلة ممتعة لم تتجاوز ست ساعات وزرتها مع العائلة قبل سبعة أشهر ولمدة 18 ساعة وفي الزيارتين استمتعنا غير أني في الرحلة الثانية أخذت السيارة معي مما مكنني من التجول وزيارة الأماكن الأثرية مثل القلعة العثمانية - بيت الرفاعي - مسجد النجدي - قلعة لقمان بالإضافة إلى شاطيء جنابة وفندق كورال فرسان والجسر الرابط بين فرسان الكبير وفرسان الصغير. ما زلت أخطط لزيارة الجزيرة في شهر ديسمبر المقبل رحلة شبابية وأود الجلوس لفترة أطول تقريباً ثلاثة أيام. شكرا لك على التقرير
|
|
|
|
09-07-2008, 12:11 AM
|
#67 (permalink) |
|
عضو العرب المسافرون المميز
 
تاريخ التسجيل: Jun 2005
المكان: β... OveR TheeeRe ...β
مشاركات: 1,665
|
 أهلاً ايها الأصدقاء .. مساءكم ورد وجوري وقرنفل  ..الظاهر يا اصدقائي الكويسين ان الإعتذار صار جزء لا يتجزأ من كل حلقة هههههههههههههههههههه الظاهر اول حلقتين بدون اعتذار .. واللي عقبها كل وحدة معطيكم نصبة وانتم مخفّات وتصدقون على طول لا والله عاد تبون الصدق الصدق الصدق .. ولا الكذب الكذب الكذب؟ عرس اخوي يا جماعة كان يوم السبت الماضي .. وانا عضده الأيمن وولي عهده الأمين .. فلذلك لو بغى يدخل الحمّام ناداني! واذا قلت له طيب ياخي وش تبيني اسوي لك في الحمّام!! يقول انا ابعرس ولازم تراعي ظروفي لا عاد صدق .. اللي تو مصالة .. الصدق اني والله كنت منشغل كل الليلتين اللي قبل الزواج وليلة الزواج وحتى عقب ما اعرس! وتوني افضى امس من اشغاله .. وانشغلت مع ابوي .. مشكلتي اني شخص مهم في عايلتي << خلاص ترا هاللي فوق اعتذار وش تبون بعد! اللي ما يعجبه ابرميه في دمسك لحاله .. اخليه يصادق القطو اللي فيها .. على فكرة ترا هالقطو ما عنده وسط .. يعني يا يتعشّى مفطّح .. يا ياكل خبزة مع جبن سايل لأنه يقعد فترات طويلة محد يجيه في هالجزيرة .. ويدبّر عمره يا يصيد له سمكة ولا يشوف له حل عاد! << وراني حللّت شخصيته؟ او انه ايام يدبغ في الأكل الين ما عاد يقوى يتنفّس .. زي يوم اننا نتعشّى! من قده ياكل حنيذ هامور .. تصدقون يا جماعة من كثر الفلّة انه يوم خلّص ماكل .. قال "الشااااااهي يا ولاااااد" << حشى خالي عبدالكريم صار مهوب قطو! المهم ما اطوّل عليكم .. آخر شيء وقفنا عنده .. يوم اننا نفطر .. طبعاً قبل الفطور بشوي .. ابو نايف كشفته انا متمثلاً بإدارة المراجعة الداخلية للرحلة .. انه كان يحط خطّافه جوا الشبك اللي نحط فيه سمكنا ويسحب بقوّة كن فيه سحب .. وتطلع له سمكة من الشبك ويقول يا عيال صدت صدت!! آهااااه .. يا الخبيييث .. اثرك من اليوم تصيّد من الشبك؟ .. يخوي لو اني داري انك تعرف تصيد من شبوك كان رحت انا وياك للشركة السعودية للأسماك .. وخذ لك يا صيد من ثلاجتهم! ههههههههههه المهم اننا عاقبناه انه يصير آخر واحد يتروّش اذا وصلنا للفندق (هو اصلاً بدون ما يسوي هالحركة كان يبي يصير آخر واحد .. لأنه يدخل يتروش من الظهر ويطلع وهو يأذّن المغرب!!) .. (ملاحظة: بعض الصور تبي تلاحظون براويزها بنيّة بدل ما هي سوداء .. ما انتبهت لها الا بعد ما عدلتها ..  وتسمعون بها اقعد اعدلها من جديد  .. اللي قدرت عليه زينته اما الباقي ما قدرت  )هذي صورته هالمحتال وهو صايد سمكة من الشبك .. واكبر دليل شوفوا الطعم اللي في خطّافه ما انلمس سبحان الله!  أنا سبق واني قلت لكم ان صيدنا ما كان بالمستوى المطلوب قبل الفطور ..  لكن بعد ما افطرنا .. وامتدّت الكروش أوقيّة او اوقيّتان .. << داري انها مهيب وحدة قياس مسافة بس ودي استخدمها! اكيد محد عنده مانع صح؟ المهم .. غيّر ابو امجد مكاننا .. ووجهنا لمكان اتوقع ان سوق السمك حق المنطقة الجنوبية كان موجود تحت القارب! لدرجة اننا طلع لنا واحد جيزاني من الموية .. قال معكم كبريت؟  قلنا لا والله << طيب على الأقل يوم انك قعدت تنصّب .. احبك النصبة .. ولا وشلون يبي يولّع كبريت في الموية؟ المهم .. من جد ما شاء الله تبارك الله .. مكان يستهبببببل .. تحس ان السمك اللي فيها وهو صغير يعلمونه اهله .. ويقولون له اول ما تشوف خطّاف .. رح ابلعه على طول .. تراه يوديك للجنه! ما يمديك توصل سنّارتك القاع .. الا والسحب على كيفك  .. وبدت المنافسة على اكبر سمكة .. وافتتحت حضرتي الموضوع مع هالـ"محيسنية" المزيونة < تراني فكرت اخطبها .. بس انها مقطوعة من الشجرة .. وكانت عقيمة  انا يوم صدتها .. بغيت ما اكمّل من الوناسة هههههههه << على بالي اني خلاص صدت اكبر سمكة لهاليوم طبعاً الصورة اللي فوق ما بيّنت حجمها .. لذلك خذوا ذي توضّح لكم اكثر .. وناظروا حجمها مقارنة باللي جنبها ..   طبعاً شفت نفسي على العيال .. وصار ابو حوش يكلمني وما ارد عليه .. وان ردّيت .. قلت له "هاه يا البزر وش تبي؟! " << والله لو اني صايد بورش ما سويت كذا الظاهر ابو عيسى تغيّرت علومه وبدا ينبسط يوم افطر .. وصاد لنا هامورة .. امها "كنب" عليها نقشة اليييمة .. ما يبي لها الا خدّاديّات .. 
|
|
|
|
|
09-07-2008, 12:11 AM
|
#68 (permalink) |
|
عضو العرب المسافرون المميز
تاريخ التسجيل: Jun 2005
المكان: β... OveR TheeeRe ...β
مشاركات: 1,665
|
ابو حوش الزلابة صاد لنا سمكة حجمها عادي .. لكن يشفع له انها "ناجل" .. والناجل طبعاً اغلى سمك على الإطلاق .. وسعره في اوقات منع صيده في جده تتجاوز الـ 100 ريال للكيلو ..  ما امداني انبسط على سمكتي انها اكبر وحدة .. الا وجاء سحب غير طبيعي لأبو حوش (ما تلاحظون ان ابو نايف ما له طاري .. الظاهر انه نايم ههههههههههههه )المهم .. السحب من قوته .. اضطر ابو حوش لإستدعاء ابو امجد ..  ابو حوش محد قددده .. وينتظر وش هاللّي يبي يطلع له .. انا توقّعت انه صايد غوّاص .. او سفينة!  المهم ويطلع لنا ذاك الوحش اللي اكلنا كلنا ومتنا! لا من جد عاد .. احس اني كثرت المصالة اليوم! صاد هامورة ما شاء الله لا قوّة الا بالله .. ما شفت كبرها في حياتي! والله وزنها اتوقّع يتجاوز الـ6 كيلو وهي تضحك .. خذوا صورتها .. ولا تحكمون من اول صورة .. تراها ما تبين حجمها ..  صورة ثانية ممكن تبين حجمها شوي ..  هذي هي في الشبك .. ولاحظوا محيسنيتي المسكينة تحتها ولا شيء ولاحظوا حجمها مقارنة بيدي ما شاء الله!  حزنت كثيراً اني مانيب راعي اكبر سمكة .. وقلت خلاص ما احبكم .. فحزمت امتعتي وعدت ادراجي للرياض << يا ناس والله يا التقارير تخلي الواحد يقول كلام من زمان وده يقوله بس ما لقى الفرصة  .. اجل حزمت امتعتي! .. اخيراً قلتها الحمدلله طبعاً ابو نايف لا يزال نايم! طيب يا جماعة .. تتوقعون ان هذي اكبر سمكة لنا في الرحلة كلها؟ حتى القرش تتوقعون هو اكبر شيء صدناه؟ لا يا اصدقاء .. لكن مانيب حاط لكم صورة اكبر سمكة صدناها الا آآآآآآآخر صورة في التقرير بإذن الله .. وهي اللي ابختمها .. اتفقنا؟ اوكي؟ اصلاً حتى اللي ما يبي ما علي منه .. وابحطها آخر التقرير! المهم .. ابو حوش ما امدانا نمدحه! الا ويدج .. وصارت ذيك الهامورة على ما يقولون "شوط بقرة" صاد لنا سمكة الظاهر ناوي يحطها في حوض سمك زينة اذا رجعنا!  ابو عيسى مع الناجل ..  ابو امجد .. ولاحظوا انه استخدم سمكة الزينة حقت ابو حوش كـ طعم من شدّة ما هي بايخة! 
|
|
|
|
|
09-07-2008, 12:12 AM
|
#69 (permalink) |
|
عضو العرب المسافرون المميز
تاريخ التسجيل: Jun 2005
المكان: β... OveR TheeeRe ...β
مشاركات: 1,665
|
على طاري محيسنيّتي المسكينة اهل فرسان يسمون السمك المحيسني .. "محيسن الجمعان" هذي حصيلة صيدنا بعد حوالي 45 دقيقة بس ..   البوسة بريال ..  الناجل ازعجني صورني صورني .. ما نردها في خاطرك يا الأحمر ..  احلى سمكه لليوم كلّه .. محيسنيتي ..  آخر صورة ..  حان الحين موعد النوم .. وشو نومه انت وياااااااااااه؟!!  تونا قايمين .. وفي قارب .. وحر! وشلون ننام! يا الله تعبت وانا افهمكم .. حان الآن موعد السباحة  .. هيييييه ..جزيرة دمسك فيها من الجهة المقابلة للجهة اللي نمنا فيها .. مكان رائع للسباحة .. يعني بالقارب يمكن ربع ساعة من مكاننا الأصلي اللي نمنا فيه .. المهم .. خلصنا من الصيد ووجهنا لهالمكان .. وطقينا الشورتات حقت السباحة  .. لكن تم حجب الصور منعاً للفتنة .. بحكم عضلاتي المفتولة وقوامي الممشوق  << يا غبي القوام الممشوق للحرمة مهوب للرجال المهم .. ابخلي الصور تتكلم .. قربنا من المكان ..  قربنا زود ..  طبعاً الجو كان حار من جد .. فكنا في امس الحاجة الى الإنتعاش .. لا نزال في الطريق ..  لاحظوا الشعب المرجانية ..  وحدة ثانية .. 
|
|
|
|
|
09-07-2008, 12:13 AM
|
#70 (permalink) |
|
عضو العرب المسافرون المميز
تاريخ التسجيل: Jun 2005
المكان: β... OveR TheeeRe ...β
مشاركات: 1,665
|
شوفوا صفاوة الموية ما شاء الله ..  هذا هو المكان .. ولاحظوا انه رملي .. عشان كذا مناسب للسباحة ..  خيار البحر موجود بكثرة ..  طبعاً كائن حي .. لكن حركته بطية جداً .. وتطلعه من الموية وترجعه ما عنده مشكلة ..  يقول لي ابو امجد انهم يشترون الكيلو منه في اليمن بحوالي 250 ريال! غريب وش يبون به! انا وابو نايف وقمة الإنتعاش والإسترخاء (تكرمون عن مدة الرجلين في وجيهكم .. لكن نوع من الإستظراف ) .. صورة جماعية بغت تروح الكاميرا غلطة بسببها ..  طبعاً انا ماخذ معي نظارة سباحة .. يا الللللله! الغوص عند الشعب المرجانية .. مطالع السمك المجتمع اللي فيه منه اشكال والوان كل واحد يقول انا احسن .. متعة لا تضاهيها اي متعة .. والله تنسى نفسك وانت تناظر .. وميزتها انها على عمق 40 سم تقريباً .. يعني وانت واقف يبي لك " تدنق" شوي .. وتشوف كل شيء .. فما بالكم باللي اعمق شوي .. ولو تغوص بأسطوانة .. وااااوك .. لقطتين من إبداع ابو حوش .. (صح انه جلس الين حول العصر وهو يحاول يصور هالنورس .. بس انه اخيراً صوره )  ازعجتكم بالصور .. لكن شوفوا نظافة الشاطيء .. تخيلوا يا جماعة لو ينفتح هنا منتجع فخم جداً .. وبتجهيزات فخمة و5 نجوم .. وش اللي يمنع انها تصير مصيف رووعة؟ يا ناس ترا المالديف اللي كل الناس تحلم بها .. دولة فقيرة! ومسلمة في نفس الوقت .. لكن عطاهم الله جمال البحر .. انا ما اقول ان هالبحر زي المالديف .. لكنه فيه من النظافة وصفاوة الموية الشيء اللي يأهله انه يكون مكان قمّة في الفخامة .. لكن يبيله منتجع صح .. وخدمات صح .. وتكون بداية الصعود للسياحة لفرسان بالذات .. داري ان كلامي بربرة ما لها سنع .. لكن شيء قاهرني وفي نفسي وحبيت اقوله .. نسيت اعطيكم الصورة اللي من اليوم اتكلم عنها   وهذي صور من تصويري بجوالي للرحلة السابقة مع اخوياي في الدوام ..    سبحنا سباحة غير طبيعية .. وبذلنا مجهود كبير .. وانتعشنا وفرغنا ما فينا من طاقات خصوصاً بعد ما تراجمنا بالطين الأبيض .. وختمناها بصنفرة للجسم من طين البحر ..(والله روعة يا جماعة جربوها .. يصير ملمس جلدك كنه ملمس جلد بزر توه مولود )بناءً على المعطيات المذكورة اعلاه .. كنا مرهقين .. وتعبانين من جد .. وفينا نوم زود .. فتوجّهنا بالقارب الى فرسان الأم علشان نروح لفندقنا .. لكن ما برضه ما راح اتكلّم عنه الحين .. وابترك لكم التخمين والتوقعات .. هل هو فخم؟ متواضع؟ يمشي حاله؟ .. يعني .. كل واحد وتوقّعاته .. وراح اعطيكم تفاصيل كاملة عنه بإذن الله .. ببداية حلقتنا الجاية .. هذي الحصيلة النهائية للصيد بعد ما جمعناها في الشبك عشان نتنقّى منها للغداء ..  ابو حوش مسوي فيها رومنسي .. ويعننّي جالس لحالي اهوجس في حبيبيتي "ماريّا"  جلسة إسترخاء بعد إرهاق رحلة امس مع اليوم مع السباحة .. كلها مجتمعة ..  لحظة "فهاوة"  ابو نايف يقول في نفسه .. يوووه متى ننام؟  مرينا على مجموعة سمك ساردين في طريقنا .. وشكل تجمّعها وحركتها في البحر غريب سبحان الله .. تسوي زي الأمواج الصغيرة .. او مثل ما تقولون واحد يسحب معه شبكة فاضية في الموية << اقول يا زينك ساكت انت ووصفك خذوا الصورة توضّح اكثر ..  اعتذر مره ثانية على تأخري في طرح الحلقة .. وكذلك على صغر الحلقة نسبياً .. لكن مثل ما قلت لكم قبل .. حبيت كل جزء ياخذ حقه كامل .. اتمنى تكون اعجبتكم .. وانتظر توقّعاتكم عن الفندق .. تحيّاتي لكم .. ThE PrOGraMmEr
|
|
|
|
|
09-07-2008, 12:13 AM
|
#71 (permalink) |
|
أبوتركي
تاريخ التسجيل: Mar 2004
المكان: وطني الحبيب .. وهل أحب سواه ؟؟
مشاركات: 5,747
|
ThE PrOGraMmEr
والله ما كان لي نية أرجع وأزورك هنا بعد ما نقلت موضوعك من منتداه الصحيح السعودية بوابة الجنوبية لأني والله غضبت كثيرا فمكانه هناك كنا ننوي ان نعطيك التقرير المميز ببوابة السعودية ولكن نعتذر بسبب تغييرك لأنك والله تستاهل كل خير فطريقتك رائعة وجميلة ومشوقة وجذابة ومرحة وشغلك مرتب وبإذن الله يمنحك الأخوان هنا أعتذر إن لم ازرك مرة أخرى هنا قلبي معاك وهو من أجبرني ع الحضور والمشاركة فلك معزة خاصة
|
|
|
|
|
09-07-2008, 05:59 AM
|
#72 (permalink) |
|
مشرف الواحة العامه
تاريخ التسجيل: Feb 2005
مشاركات: 4,060
|
..
ThE PrOGraMmEr عضو العرب المسافرون المميز تابعت الحلقات الأخيرة .. بصراحة كنت كل شوي اضحك وانا لحالي في الغرفة .. واقول الله يستر لاحد يسمعني يقول الآدمي انهبل .. تعجبني تقاريرك يا عسل .. واصل واحنا معك على طول .. اتوقع الفندق (منتجع كورال فرسان) !! بس احس انكم ما تستاهلون تسكنونه .. يبي لكم عشش ..
|
|
|
|
|
09-07-2008, 08:47 AM
|
#73 (permalink) |
|
مسافر متميز
تاريخ التسجيل: Feb 2007
المكان: الهوا شرقي
مشاركات: 227
|
أخوي ThE PrOGraMmEr رائع بما تعنيه كلمة رائع .. مع انك مسحت فينا المنتدى بالتاخير المفروض يعطوني وسام اكثر واحد يدخل على المنتدى يشيك على موضوع ThE PrOGraMmEr لكن مسموح ومعذور انا تراني بكون في ابها ان شاء الله من 23 رمضان لين 17 شوال .. وان شاء الله لي روحة لفرسان اذا كان ودك تخاوينا فوالله لنا الشرف واذا ما تقدر تراني ابي رقم ابو امجد اذا ماعليك امر على فكرة ترا ان ابطيت علينا .. ما يصير لك طيب هههههههههههههههههه .. امزح معكيالله متابعينك لاخر قطره .. اقصد لاخر صورة دمت بخير
|
|
|
|