 |
 |
 |
||
|
|
|
||
 |
|
 |
|
|||||||
| البوابـات الـــــعــــامــــــة هنا ستجد جميع المواضيع التي تخص عالم الرحلات البرية والبحرية وأدواتها اللازمة. |
 |
|
|
أدوات الموضوع | انواع عرض الموضوع |
|
|
25-06-2008, 12:29 AM
|
#1 (permalink) |
|
مراقب عام
تاريخ التسجيل: Feb 2005
الدولة: أبـــــــ好的ـــــها
رقم العضوية :18235
المشاركات: 6,254
|
..
حيا الله المبرمج ذكرتني -الله يسعدك- بأيام رحلتك الأوروبية .. ومن هناك إلى هنا في فرسان .. بصراحة نقلة نوعية رائدة في مجال السياحة .. وهذي فائدة للجميع .. السياحة بالتدرج .. الأحسن فالأحسن  اخوي المبرمج .. والله عشت معك لحظات ماتعة .. "هنا و هناك" .. و "دوس تلقى فلوس" [ لا تصدق الفلوس ] .. واحنا معك طوال الخط .. أغلى سلام وتحية لك يا الغالي .. .. |
|
|
|
25-06-2008, 02:12 PM
|
#3 (permalink) |
|
عضو العرب المسافرون المميز
 
تاريخ التسجيل: Jun 2005
الدولة: β... Canada ...β
رقم العضوية :28478
المشاركات: 1,683
|
مسافر مختب
هلا وغلا .. والله عائلتكم هي الفلّة ..  والله فرحتي بتواجدك اكثر .. يعطيك العافية على الرد ..  حتشبسوت والله عاد المخرج عاوز كده .. يعني ممكن المره الجاية اطلب منكم تلبسون طقم منتخب الكاميرون .. ما فيه شيء بعيد ردّك اسعدني جداً وحمّسني للتكملة .. فـ ألف شكر لك والله يعطيك العافية ..  QJQ هلا والله وغلا بأخي الغالي .. والله ان كل الردود تخجل وتصغر امام روعة ردودك .. ما املك الا اني اشكرك على كلامك الرائع وإطرائك اللي اعتبره دافع كافي لإكمال هالتقرير .. اشكرك من قلبي على تلبية الدعوة .. وكذلك على الرد .. ريح الشرق يا هلا بخبيرنا .. كيف حالك الله يحفظك؟ والله التقرير السابق ما كان رائعاً الا بتواجدك وتواجد الأعضاء الطيبين شرواك .. اتمنى اكون عند حسن ظنّك .. والف شكر لك على ردّك الرائع اخي الغالي .. Bent KSA وعليكم السلام ورحمة الله .. ليش مانتي مصدّقه؟! العكس فرسان من افضل اماكن صيد السمك في السعودية كلها اذا ما كانت هي الأفضل .. راح يبيّن معك هالشيء مع بقية التقرير ان شاء الله .. وهذي باقي الصور جت عاد .. صدقتي؟ واللي صار لنا ولله الحمد كان آخر السيء .. وفعلاً ركبنا فلّوكة ..  مشكورة اختي على الرد .. ويعطيك العافية .. مهند ردّك تجاوز التصنيف العالمي اخوي مهنّد! وصار 7 نجوم! يعطيك العافية .. واتمنى اكون عند حسن ظنّكم .. مع اني افكر انقل من بوّابتك لبوّابة الرحلات البريّة والبحرية .. لأنه قد يكون انسب .. واكثر حركة من بوّابة الجنوبية ..شكراً لك .. b7ar حيّاك اخوي .. وتسعدني متابعتك .. النمر صراحة احرجتني بكلامك .. وكويّس انك لحقت معي على قولتك من بداية التقرير .. فعلاً فيه اماكن كثيرة غير معروفة عندنا في السعودية .. الله يحفظك .. الرحالة هههههههههههههههههههه يا هلا والله .. اجل قاعد تفّكر من تختار .. الأخضر بالريش ولا يوسف سيف؟ وان شاء الله تعجبك فرسان اكثر من بطولة اوروبا  .. << تسمع بها الف شكر على الرد اخوي .. محبكم في الله هلا والله وغلا بأستاذ الأدب والأخلاق في هالمنتدى .. والله ردودك من ضمن الردود اللي لازم اقراها وما امر عليها مرور الكرام .. شاكر لك ردّك وإطرائك استاذي .. واتمنى اكون عند حسن ظنّكم .. ALKOKAB الله يحيّيك ويبقيك يا الغالي .. والله وانا اخوك التنويع مطلوب .. وانا بتاع كولّللوه .. تبيني من سفرة الى امريكا .. الييين ان بغيت طلعة للثمامة .. خذ رجّال .. اما من ناحية الأحسن فالأحسن .. الله يستر .. شكل المحطّة الجاية حي الثقبة في الخبر الله يمتّعك بالصّحة والعافية .. والف شكر لك على الرد .. بلا تذاكر هلا والله بك .. وانا اقوم من مكاني لك قبل ما ارفع القبّعة .. شكراً لك على كلامك يا الغالي .. ومقعدك في الدرجة الأولى .. وبدون تذكرة بعد عشان ما تزعل مشكور على الرد .. وتابع ان شاء الله وتلقى اللي يعجبك .. |
|
|
|
|
25-06-2008, 03:28 PM
|
#4 (permalink) | |
|
مشرف السعودية
تاريخ التسجيل: Jan 2006
الدولة: الرياض
رقم العضوية :54781
المشاركات: 10,790
|
اقتباس:
لكن أنا وجهة نظري تكمله معنا هنا وبعد ما يخلص على خير إن شاء الله ممكن ننقله لبوابة الرحلات والقرار لك يا غالي |
|
|
|
|
|
25-06-2008, 06:18 PM
|
#6 (permalink) |
|
مسافرجديد
تاريخ التسجيل: Jul 2007
الدولة: الريــــــاض
رقم العضوية :146813
المشاركات: 47
|
استاذي الكبير المبرمج اول شي الحمدلله على السلامه والله يعطيك العافيه على هيك تقرير كويس واهنيك على اختيارك لجزيرة فرسان واول ماقالي ابو حوش انكم بتروحون قلت بس العيال قلبوها غزلان <<< يسمع ان فيها غزلان
 المهم كل التقرير بكوم وصورة تمزعت ضحك منها هي حقت ابو امجد وسماجته هههههههههههههههههههههه ولايهون ابو عيسى ومدة رجلينه يقالك تراي ذووووق وانا رافع رجلي ههههههه .... مبرمج يسلمووووو يالبى قلبك على التقرير وننتظرك  أخوك سمو الحب |
|
|
|
|
28-06-2008, 11:58 PM
|
#10 (permalink) |
|
عضو العرب المسافرون المميز
تاريخ التسجيل: Jun 2005
الدولة: β... Canada ...β
رقم العضوية :28478
المشاركات: 1,683
|
يا جماعة والله لي حول 3 ساعات وانا احاول في هالزّفت مركز التحميل وقاعد يستهبل علي ما طاع يرفع الصور!!
الحلقة جاااهزة .. بس باقي هالصور .. الصبح ان شاء الله نازلة .. |
|
|
|
|
29-06-2008, 08:23 AM
|
#12 (permalink) |
|
عضو العرب المسافرون المميز
تاريخ التسجيل: Jun 2005
الدولة: β... Canada ...β
رقم العضوية :28478
المشاركات: 1,683
|
 السلام عليكم .. معذرة يا جماعة على التأخير  .. والله ما كان في يدي .. الأسبوع الماضي ذا والله كان عندي زواجين .. ومباريات .. والوالد كنت منشغل معه .. ومركز التحميل ماهوب راضي يحمّل الصور معي .. فأرجو انكم تعذرونني ..وقفنا آخر شيء عند .. "وش اللي صاده ابو نايف؟" لكن قبل ما اقول لكم .. ودام ان ابو نايف جا طاريه .. خلّوني اقول لكم شيء عن ابو نايف .. لا يتصوّره عقل بشر!! ولو اني لم اراه بأم عيني .. لقلت انه كذب!! << على فكرة .. ترا "أم عيني" لبنانية .. يعني عيني نفسها فيها عرق لبناني .. ودايم تمسّك معها على تبّولة تالي الليل .. << هههههههههههه تخيّلت شكلي وانا ماسك ملعقة فيها تبّولة واكب التبّولة في عيني عشان تاكل .. اقول لكم عن ابو نايف ...تصوروا يا جماعة .. الفلّوكة على المطامر والصجّة والقرف و "عدم الإستقرار" اللي فيها .. قبل ما نوصل لفرسان بشوي .. نام ابو نايف علينا!!!!!!!! يلعن شيطانك انت النوم في مخباتك!! ما شاء الله لا قوة الا بالله .. من جد ما شفت في حياتي مثل هالآدمي هههههههههههنرجع لموضوعنا .. تعدّدت وتنوّعت التوقّعات حول اللي صاده ابو نايف .. بداية من جزمة .. الى قرش .. الى حوت .. ولكنكم كلكم "ما حزرتوا" .. << معليش تراني كنت جالس تو مع أم عيني .. وتأثرت باللهجة شوي بما انها لبنانيّة .. اللي صاده ابو نايف بإختصار .. وبدون ما اطوّلها عليكم .. ما كان الا مخدّة!! او وطّاية حمّام في رواية أخرى!! سمكة والله كنها مخدّه من جد هي نفسها اللي ذبحت المغامر الأسترالي المعروف .. ستيف إيروين .. واللي كان معروف بمطاردته للتماسيح والثعابين .. لأنها نغزته بشوكتها في صدره .. واخترقت الصدر لقلبه على طول ..  عشان اوضّح لكم اكثر قبل ما اعطيكم الصور .. تراها تجي مدوّره .. ولها ذيل طويل في نهايته شوكة سامة ... وشدييييدة السميّة بعد مهوب بس سامّة .. يعني الصيّادين يخافون منها اكثر من القرش تصوروا! السمكة ذي أهل جدّه يسمّونها "لقّيطة" .. وهي تعتبر اقرب فصائل الأسماك لعائلة اسماك القرش ... يعني تندرج تحتهم لكن مع اختلاف كبير في الشكل طبعاً .. خذوا الصور ..   طبعاً ابو امجد المنسّم كان يبي يطلّعها لكن بغى يجلده ابو عيسى وقالّه .. "روّق المنقا يبويا!" .. فما كان من ابو امجد الا ان ازاح هالفكرة المتهوّرة .. وقطع الخيط واخلى سبيل "المخدّة" .. والله ما لك داعي يبو نايف .. الحين جايين من الرياض وزحمة! .. وآخر شيء تصيّد لنا مخدّات!! لو اني داري ان تخصّصك في الصيد مفروشات .. كان خلّيتك تصيد لي مفرش سرير نفرين ولا ستارة طيور النورس ما كنّا نفقدها .. وطول الوقت تحوم فوقنا .. فأبو حوش وبطيبة قلبه .. قام يعطيهم سمك << بلا طيبة قلب بلا هم .. يبي يصوّرهم وهم ياكلون! المهم هذي صورتين من محاولات ابو حوش انه يثّبت اللقطة اللي ياخذ فيها النورس السمكة من الموية .. وكانت موفّقة بنسبة كبيرة ..   قربت تظلم الدنيا .. وبدأ السمك يقل .. هذا غير ان بطارية الكاميرا مثل ما قلت لكم .. كانت شبه فاضية .. فما تبقّى معنا لليوم الا هالكم صورة .. صورة الحصيلة النهائية ما شاء الله تبارك الله ..  المبرمج وقد انهك من الصيد والرحلة ومطامر الفلّوكة .. وجلسة استراحة جانبيّة ..  ابو حوش .. وهو مسوّي فيها رامي الصيّاد الصغير على هالقبّعة ..  طبعاً هالقبّعة كانت اولى على ابو حوش من حجز الطيران في هالرحلة .. من جد كان مهتم بها بقوّة ..خلّصنا صايدين وطفت الكاميرا .. لكن قبل ما نحرّك .. تفاجأنا بأن ابو امجد جاه سحب في خيطه غير طبييييعي .. والله بدون مبالغة بغى يطيح في البحر معه!! شيء!! ما توقّعته في حياتي ابد .. ابيكم تتوقّعونه عاد وتعلّمونني اوكي .. يالله خلّصت الحقلة .. هههههههههههههههههههههههههههههههه والله يا انتم مخفّات بعد .. على طول تصدقون؟ المشكلة نفس الحركة اسويها في كل تقرير ههههههه عاد من جد من جد .. وش تتوقّعون صاد ابو امجد؟ صاد قرش!! ايه قرش .. ومن كبره يالله يالله طلعناه للقارب وحنا 3 .. وما امدانا نطلّعه ونحطه في وسط القارب الا وقام يلااافط ويخبّط يمين ويسار قسم بالله روّعنا .. حتى كنّا حاطين فناجيل القهوة على ارضية القارب .. وكسّر والديها كللللها ..!خذوا هذي صورة له ..  حرّكنا من مكاننا .. لكن وين؟!! ما احد تسائل!! انا ما وضّحت لكم في الحلقتين السّابقات وش كان برنامجنا بعد الصّيد صح؟ قاصد هالشّيء .. لأني مخلّيها لكم مفاجئة .. بس انتم دلوخ (أح بديت امون ) وما حاولتوا تستنتجون .. اني ما حجزت في الفندق الا من بكرا اللي هو الخميس .. طيب توّنا الإربعاء المغرب! .. نبي نقعد كل هالوقت في البحر يعني الين يجي بكرا الصبح؟؟!! << وراني عصبت عليكم طيّب؟ اللّي كنّا مخطّطين عليه يا طوال العمر .. هو انّنا ننام في جزيرة! << انا وابو حوش وابو نايف من متابعين وعشّاق مسلسل Lost فكان مشجّع لنا على هالخطوة .. طبعاً انا في كل المرّتين اللي جيت فيها لفرسان قبل .. كنت انام في هالجزيرة .. وبرضه حرصت حتى المرة الثالثة تكون فيها نومة في الجزيرة.. الجزيرة يا طوال العمر .. تبعد عن فرسان الأم .. حوالي 25 دقيقة بالقارب .. كنّا قد قطعنا منها حوالي 15 او 20 دقيقة (لأننا المكان اللي صدنا فيه .. جاي بين هالجزيرة وبين فرسان نفسها).. لذلك ما اخذ منّنا الطريق الا يمكن زود 10 دقايق او اقل واحنا واصلين .. الجزيرة هذي معروفة عند اهل فرسان .. واسمها "دمسك" .. ودايماً يجون الصيّادين يريحون فيها ويتعشّون مثلاً .. او مثل ما تقولون .. يتنزّهون .. يعني ما فيها مباني وولا احد ساكنها ابد .. لكنّها دايم يجونها ناس .. اقرب ما لها .. تقريباً الثمامة عندنا في الرياض << والله من زين التشبيه بعد المهم .. أبو امجد كان مجهّز لنا كل شيء ممكن نحتاجه في هالجزيرة .. ماطور كهرب .. لمبات .. موية غسيل .. صابون .. فرشة .. سليبنغ باغ! مخاد (لو انه داري عن ابو نايف انه يبي يصيد مخدّه كان ما جاب ) .. دافور وشاهي وقهوة وتمر!طيب تبون ازيدكم من الشعر بيت! جايب معه عدّة طبخ متكاملة .. والجزيرة نفسها فيها تنّور مجهزينه الصيادين اللي يجونها دايم ..! وش رايكم؟ خلّوا العشاء الين نوصل له واعطيكم تفاصيله .. الحين ابتكلم شوي عن "دمسك" .. روحتنا يا طوال العمر .. ولحسن حظّنا اللهم لك الحمد .. كانت توافق ليلة 14 !! يعني كانت قمرة غير طبيعيييييييية .. فلكم انكم تتخيّلون .. جزيرة بكر .. شاطيء نظيف .. هدووووووووووووووووووء .. صوت الأمواج الخفيفة .. إنعكاس نور القمر على موية الشاطيء .. وكل واحد مفصّخ نعاله وانتم بكرامة .. وقاعدين نمشي حافين على الشاطيء .. مع بعض من الموسيقى من الجوال والله لولا الحياء وخشونة دقن ابو حوش .. لفقد بعض من عذريّته ذاك اليوم هههههههههه .. والله يا جماعة كان جو رومانسي و خياااال .. ما نقصني الا وردة وشمعة .. واقدّم الوردة لأبو نايف واقول له .. اووحبك يا اليخاندرو .. هل تقبل بي زوجاً؟ طبعاً ابو نايف كنّه جاي عشان ينام!! اخذ معنا جولة دقايق .. الظاهر مجاملة .. بعدين راح وقعد على الفرشة .. ويفك السليبنغ باغ .. وينام!!! يا ناس ما اجلده ذا!!المهم .. هالشيء كان من سوء حظ ابو حوش .. لأني استفردت به لحالي .. ورحنا وانسدحنا على الشاطيء .. وبغت تروح عذريته كلها مهوب بس بعضها يتبع >> |
|
|
|
|
29-06-2008, 08:30 AM
|
#13 (permalink) |
|
عضو العرب المسافرون المميز
تاريخ التسجيل: Jun 2005
الدولة: β... Canada ...β
رقم العضوية :28478
المشاركات: 1,683
|
نرجع لموضوع العشاء .. العشاء با طوال العمر .. طبعاً من صيدنا اليوم سجّلوا معي الأنواع .. - حنيذ سمك في التنّور .. منظّف بطنه .. ومعه ملح بس .. - خبز بالتنّور نفسه .. - خبز بالزيت .. - إدام خضار بالسمك .. وهذا قصّه ثانية .. برضه خلوه اذا جا وقته اتكلّم عنه .. - "مرسة" .. أكلة مقاربة جداً للحنيني عند اهل نجد .. بس انها ماهيب بر .. بدقيق ابيض .. ومعها شوي سكّر معطيها طعم حلو .. واحلى شيء في نهاية الأكل تحلّي بها .. للأسف مثل ما قلت لكم الكاميرا طفت علينا .. لكن وش تتوقّعون ابقول لكم .. ما فيه صور!! لاااااااااااا .. مهوب المبرمج اللي يترك جزئية بدون صور ابجيب لكم صور لعملية تجهيز العشاء كاملة .. بس من تصوير زميلي في العمل .. "أبو إياد" من الرحلة السابقة مع اخوياي في الدوام .. بداية تقطيع السمك عشان يتنظّف ..  بعد التنظيف .. ولاحظوا احشاء السمكة على اليسار .. << قل مصارين وبس!! وشوله احشاء!!  تمليح السمك من الداخل ..  السمك جاهز ينحط في التنّور ..  خلّونا نقرّفكم شوي "مصارين السمك بشكل اقرب ..  ابو امجد وهو يعجن الخبز ..  العجينة جاهزة ..  التنّور طبعاً بالحطب .. وهذي بداية توليعه ... ولاحظوا العلبة اللي في النص .. هذي فيها قاز عشان يشب الحطب ..  ترتيب الحطب ..   توّه مولّع ..  الجمر جاهز ..  الخبز وهو يبي له بس من "يملطه" في التنّور السمك طبعاً ينحط على الجمر مبااشرة بدون شيء يفصل .. لأنه بقشره ما قشّره ابو امجد ..   الخبز اللي في الفرن ..  يتبع>> |
|
|
|
|
29-06-2008, 08:33 AM
|
#14 (permalink) |
|
عضو العرب المسافرون المميز
تاريخ التسجيل: Jun 2005
الدولة: β... Canada ...β
رقم العضوية :28478
المشاركات: 1,683
|
قبل ما نطبّق الغطاء ..
 خلاص قفّلنا!  نرجع الحين لموضوع الخبز اللي بالزّيت ..  وهنا بعد ما خلّص كم وحدة .. ويظهر آثار فار مر من المكان  ابو امجد وهو يعجن ..  خلّوا الإدام بعد شوي اوريكم اياه بعد ما نحط السفرة .. هذا الخبز اول ما طلّعناه ..  السمك طبعاً يستغييييييث .. لو تقول له "عوووووو" .. تقطّع من شدة ما هو ذايب    الرحلة السابقة كان فيها رز .. ولا نزال حتّى الآن في صور رحلتي السابقة ..   طبعاً المشروب البااارد .. في هالوقت وهالرّطوبة .. له تأثير غير طبييييييييعي ..  هذي صورة الإدام ..  المرسة ..  وهذا قنفذ تعشّى عليه ابو حوش << العب عليكم لا تصدّقون .. لأنها اساساً من الرحلة السابقة بعد .. عاد الحين صور من عشانا انا وابو نايف وابو حوش .. << يا نصّاااااااااااب ... كفشناااك .. مهوب تقول البطّارية فاضيه؟ ليييييش تنّصب؟ << بوووووووووووم .. (صوت كف ) .. انا نصّاب يا قليل الحيا!! << معليش لحظة خلّوني اتهاوش مع نفسي .. ايه نصّاب .. هماك تقول البطّارية فاضية!! << ايه فاضية بس اني تركتها وانشحنت  .. انت وش دخّلك ..<< دخّلني الباب .. قابلني في الطلعة ابشّركم خلّصت متهاوش .. والنتيجة كانت انّي صفّقت نفسي في الطلعة .. وما فك بيني وبين بيني ...الا الوكيل حق المدرسة المهم .. البطّارية يا طوال العمر .. لقيت لي سلك كهرب طايح في القارب .. ورهّمته عشان نقدر نشحن به البطارية من الماطور .. وفعلاً نجحت خطّتي وشحنّا البطارية ما تقول الا جالسين في مجلس اطلق بيت ..المهم تراكم طولتوها .. خذوا الصور ..  تو قلت لكم ان المرة الأولى كان فيها رز .. لكن هالمرة بدون .. وبيني وبينكم ازين .. اكلنا سمك لحاله ..  ابو نايف وهو يغط في الإدام اللذيييييييييييييييييييييييييييييذ!!  والله يا ناس عليه طعم غير طبيعي .. ولا يهون السمك وولا تهون المرسة ... كل واحد يقول انا اطعم منك يا الثاني .. لكن الإدام كان بزيااادة!! والله اننا نحاول نوقّف اكل وعجزنا!! خلّصنا متعشين ولله الحمد .. وكل واحد بطنه مترين قدّامه .. ما يقوى يتحرّك .. نسيت اقول ان ابو نايف .. اكل 37 كيلو مرسة .. طيّب تبون ازيدكم من الشعر .. البيت الأخير.. ؟ قام ابو امجد .. ويسوّي لنا ذاك الشاهي التلقيمة .. اللّي يخلّيك لما تشوف حمار تئول اخوياااااا لا جد عاد .. شاهي ما يمر بالمعدة .. يضرب في مخّك على طووول .. وجاي عقب هالعشوة الأليمة!! وش خليييت .. ومتسدّحين ...على هالقمرة .. والسواليف الخاثرة اللي ما هنا بأوصخ منها ابختم حلقة اليوم بصورتين للقارب .. ممكن كثير منكم يقولون نصّاب مصورها الصبح .. لكن والله وربّي اني مصورها في الليل الساعة 12 ..  وهذي هي مرّة ثانية ..  ممكن اي احد ما يصدّقني .. لكن عشان اوضّح الصورة شوي .. كان معنا حامل للكاميرا .. قمت وثبّتتها عليه .. وحطيت سرعة الغالق (الشتر) .. مدته 15 ثانية .. عشان كذا تشبّع حسّاس الكاميرا بألوان الأرضية والوان البحر .. وطبعاً انعكاس القمر على الأرض كان له دور كبيير في هالشّيء .. طبعاً الماطور كان يشتغل بس فترة تجهيز العشاء .. وفترة الأكل .. ولا الباقي كان مطفى كل الوقت .. قعدنا نتسدّح وحنّا مفهّييين عقب هالشاهي .. وكل واحد على السليبنغ باغ حقّه .. ما دريت انا الا وافتّح عيوني .. والدنيا صبح!! نسيت اقول لكم .. اننا ما بيننا وبين الشاطيء الا تقريباً 3 الى 4 متر .. تجربة جداً رائعة .. خصوصاً للّي يحب التجارب الجديدة .. فعلاً تحس كأنك في فلم!! متى الواحد يحصل له ينام في جزيرة .. وعلى الشاطيء على طول .. ؟راح اكمّل معكم في الحلقة الجاية ان شاء الله .. إستكشافي للجزيرة في الصبح .. تدويني لذكرياتي .. وغيره الكثير من فعاليّات يوم خميسنا الحافل .. اتمنّى تكون الحلقة اعجبتكم .. واتمنّى تقبلون عذري مرة ثانية .. ومعليش على قصر الحلقة مهيب قدركم .. لكن سامحوني وابشروا باللي في الطريق ان شاء الله .. تحيّاتي لكم .. ThE PrOGraMmEr |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 06:00 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||