 |
 |
 |
||
|
|
|
||
 |
|
 |
|
|||||||
| دول أوروبـــــــــــــــا تعنى هذه البوابة بتزويد المستخدمين بجميع المعلومات المتنوعة الخاصة بالسفر الى ألمانيا. |
 |
|
|
أدوات الموضوع | انواع عرض الموضوع |
17-06-2008, 12:50 PM
|
#47 (permalink) |
|
مسافر متالق
تاريخ التسجيل: Aug 2006
الدولة: الدمام
رقم العضوية :109952
المشاركات: 825
|
اليوم السابع التخطيط كان الذهاب الى قمة جبل شتاين هورن KITZSTEINHORN في كابرون...ومشاهدة الثلج لاول مرة...كان الجو مشمس وحلو... لما توصل هناك راح تشوف لوحة الكترونيه توضح لك الاشياء اللي ممكن تسويها هذا اليوم مثل التزلج وغيره..وهذا يعتمد على حسب الجو...عموما وصلنا واخذنا بطاقة الصعود...وقيمتها 24 يورو وعند استرجاع البطاقه يرجعوا لك 2 يورو...بس اسعار الصعود تقريبا تختلف على حسب الوقت اللي جيت فيه...يعني لو جيت على الساعه 8 الصبح راح يكون السعر اغلى وهكذا... الصعود بيكون بالتلفريك...وراح تمر على 3 مراحل ... كل مرحلة بتركب تلفريك مختلف...في المرحله الثانيه راح تلاقي محل لبيع وتأجير مستلزمات التزلج ... طبعا قبل ماتروح خذ احتياطك من الملابس الثقيله وخصوصا القفازات ...علشان تلعب بالثلج على راحتك.... وهذا موقع قمة جبل شتاين هورن >> KITZSTEINHORN ** صور قمة جبل شتاين هورن KITZSTEINHORN **    صورة توضح لك شكل الجبل في الشتاء واخرى في الصيف        هذي مشكلة اللي يشوف الثلج اول مرة    بعد ماطلعنا قلنا نمر على موقع الطيران الشراعي FLUG PLATZ... دخلنا عليهم وسألنا عن الاسعار...بس قالوا لازم يكون عندكم حجز مسبق... بعدها رحنا الى زيلامسي...وتمشينا فيها...وصادف وجود 2 مهرجين يدورون ويوزعون اوراق دعاية للسيرك...سألناهم وين مكانه ومتى ساعة العرض وقالوا لنا... بعدها قررنا ان احنا نروح للسيرك..وكان جنب السيرك محلات ملابس واحذيه بأسعار رخيصه..اخذنا جوة عليها قبل ماندخل السيرك... ** بعض الصور المنوعه **  مكان الطيران  وسط زيلامسي  هذا المحل يبيع لحوم اسلاميه..على حسب الورقه اللي حاطها على المحل   هذا السوبرماركت جيد واسعاره اوكي  سعر لتر الديزل والبنزين..  السيرك    المحلات اللي بجانب السيرك   |
|
|
|
19-06-2008, 03:05 AM
|
#54 (permalink) |
|
مسافر متالق
تاريخ التسجيل: Aug 2006
الدولة: الدمام
رقم العضوية :109952
المشاركات: 825
|
** ايطاليا - فينيسيا **  اليوم الثامن هذا اليوم ودعنا النمسا وطبيعتها الخلابه... وكان الاتجاه الى بلد مختلف وحضارة مختلفه اختلاف تام.. تم التوجه الى ايطاليا و وعلى وجه التحديد فينيسا... عند الخروج من النمسا والدخول الى ايطاليا راح تلاحظ فرق كبير من ناحية الترتيب والنظام في الشوارع...يعني راح تعرف بأنك في ايطاليا...وراح تصادفك طرق صعبه جدا منعطفات في الجبال وخط واحد رايج جاي..فخلي تركيزك عالي في السياقه... في ايطاليا راح تمر على طرق كثيره تدفع عليها رسوم...يعني في البدايه بتصادفك نقطه تاخذ فيها بطاقه...بعد كذا نقطه اخرى تعطيهم البطاقه وتدفع الفلوس...فأنتبه للبطاقه لا تضيع... الطريق اخذ علينا تقريبا 6 ساعات... وذلك بسبب التوقفات وزحمة الطريق..وخصوصا نقطة الدفع اللي قبل فينيسيا جلسنا فيها مدة طويله.. عموما اول ماتوصل لفينيسيا...راح توقف سيارتك في مبنى المواقف العامه واللي قيمتها 21 يورو لليوم...وبعدها تروح لداخل فينيسا اما مشيا على الاقدام او بأخذ الباصات المائيه...طبعا الباصات لها عدة محطات في فينيسيا... وقيمة الباصات المائيه كالتالي : 1 ساعه >> 6 يورو 12 ساعه >> 13 يورو 24 ساعه >> 15 يورو 36 ساعه >> 20 يورو 48 ساعه >> 25 يورو 72 ساعه >> 30 يورو وفيه لمشوار واحد تقريبا ب 2 يورو اذا ماكنت غلطان.. فينيسا عدد سكانها 271 الف نسمة تقريبا.. وهي عبارة عن عدة جزر متصلة ببعضها عن طريق جسور و تطل المدينة على البحر الأدرياتيكي... انشأت في عام 450 م.. ومن اشهر معالم فينيسيا ساحة سان ماركو واشهر الجسور فيها جسر ريالتو... احنا اول ماوصلنا وقفنا السيارة في المواقف...واخذنا شنطة صغيره حطينا فيها ملابس تكفينا ليوم واحد وباقي الاغراض في السيارة... تحت المواقف فيه مكاتب سياحيه لحجوزات الفنادق...سألنا عن الفنادق والاسعار... ماعجبنا الوضع..قلنا بنروح داخل ومنها نتمشى ونسأل عن الفنادق خصوصا ان احنا ماعندنا عفش الا شنطة صغيره... رحنا بالباصات المائيه الى داخل فينيسيا...وبعد جولة استقر فينا الحال في فندق جيد طلع علينا ب 125 يورو...بس الله يعزكم الحمامات مشتركه...لكن الزين فيه ان ماكان جنبنا احد... وهذا موقع لفنادق وشقق فينيسيا باللغه العربيه >> VENICE HOTEL **صور مدينة فينيسيا VENICE **   الزحمة قبل الوصول الى فينيسيا  الجسر الموصل الى فينيسيا  مبنى المواقف العامه    مكتب الحجوزات اللي في مبنى المواقف  محطة للباصات المائيه  صورة توضح الاسعار  احد الباصات المائيه   محطة القطار           جسر ريالتو Rialto    |
|
|
|
|
19-06-2008, 12:08 PM
|
#55 (permalink) |
|
مسافر خبير
تاريخ التسجيل: Apr 2006
رقم العضوية :73289
المشاركات: 1,409
|
مب طبيعي تقريرك
بعطيك عليه 200 من 100 ههههههههههههههه والله فعلا تقرير متكامل ماشاء الله عموما صار لي كم يوم بسألك سؤال فندقك اللي سكنته في ميونخ .. امس اتصلت عليه وسألتهم عن اذا فيه تكيف قالوا لاء  انت رايح في عز الصيف وشلون تحملتوا الحر ( ادري ميونخ جوها زين .. بس لابد نحتاج مكيفات بالفنادق ) عن الحكره عالاقل ههههههههههههههه وفي هالصوره اول واحد من اليسار الي مشابك اصابعه كلش شكله عادي ماكأنه منسدح على ثلج كأنه فوق طعوس الثمامه تبارك الله ههههههههههههه |
|
|
|
|
20-06-2008, 12:23 AM
|
#58 (permalink) |
|
مسافر متالق
تاريخ التسجيل: Aug 2006
الدولة: الدمام
رقم العضوية :109952
المشاركات: 825
|
alin1427...السائح الكويتي...
الله يعطيكم العافيه على مشاركتكم.. ~ كاس عسل ~ هلا وغلا...فندق ميونخ ياعزيزي فعلا مافيه مكيف...هو صحيح صيف بس مو مثل عندنا...يعني في الليل برد...اتذكر مرة تعشينا بره وكنت لابس تي شيرت والله ماقدرت اتحمل البروده...وبعدين يعني انت مابتنام في الظهر..احنا نطلع من الصبح ومانرجع الا دايخين يعني هذاك الوقت مابتفكر الا في الفراش... اما اللي في الصورة يعني يبي يبين انه متعود على الثلج هههههههههه وهو مناك مثلج... بالنسبه لشقة زيلامسي انا ماادري وش تبي تعرف عنها بالضبط... لكن هي صايرة في كابرون واحنا اخذنا رقمها واتصلنا عليها من مركز المعلومات اللي تكلمت عنه في التقرير...عموما هو مبني الدور الارضي موجوده فيه صاحبة الشقق وتعاملها راقي جدا... المكان اللي فيه الشقه هاديء جدا... لكن بصراحه الشقة روعه وحتى سعرها ممتاز... واي استفسار عزيزي في الخدمة تحياتي لكم |
|
|
|
|
20-06-2008, 12:42 AM
|
#59 (permalink) |
|
مسافر متالق
تاريخ التسجيل: Aug 2006
الدولة: الدمام
رقم العضوية :109952
المشاركات: 825
|
اليوم التاسع انا في هذا اليوم صارت لي احداث ومواقف وانتهت بذهابي الى اسبانيا لوحدي...وراح اتكلم عنها بعد هذا الجزء...عموما باقي الربع..قرروا انهم ياخذوا جولة على الجندول....والذهاب الى ساحة سان ماركو... والساحة جوها جدا جميل يعني زحمة ناس وطيور...استمتعوا هناك الربع... وبالنسبه للجندول مثل مايقولوا انت في فينيسيا لابد انك تركب الجندول... عموما سعره ب100 يورو لمدة 40 دقيقه... وعلى الساعه 5 العصر ودعوا فينيسا و كان الاتجاه الى روما...وكان الوعد اني اقابلهم هناك... **صور الجندول وساحة سان ماركو **          |
|
|
|
|
20-06-2008, 02:06 AM
|
#60 (permalink) | |||
|
مسافر خبير
تاريخ التسجيل: Apr 2006
رقم العضوية :73289
المشاركات: 1,409
|
اقتباس:
حتى زوجي قال لي نفس كلامك .. لانه رايح ميونخ بس من قديم الزمان  المشكله ان انا مهمه عندي غفوة العصريه والا يتعكر مزاجي طول اليوم  بس بفكر في كلامك  اقتباس:
يحليله الصبور هههههههههههههههههه اقتباس:
طيب تنصحنا نسكن في كابرون ؟؟ لان زوجي معيي يقول نسكن في زيلامسي افضل ؟ كم سعر الشقه اذا ممكن ؟ واسمها ؟ الف شكر و جزااااااااااااااااااك الله خير  |
|||
|
|
|
|
«
اريد شراء لاب توب من ميونخ؟؟
|
مواقع في ميونخ Way Point For Munich - Germany مهم للذين يستخدمون garmin
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 02:56 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||