 |
 |
 |
||
|
|
|
||
 |
|
 |
|
|||||||
| دول أوروبـــــــــــــــا تعنى هذه البوابة بتزويد المستخدمين بجميع المعلومات المتنوعة الخاصة بالسفر الى ألمانيا. |
 |
|
|
أدوات الموضوع | انواع عرض الموضوع |
|
|
15-06-2008, 06:32 PM
|
#1 (permalink) |
|
مشرف المانيا
تاريخ التسجيل: May 2004
الدولة: München
رقم العضوية :5219
المشاركات: 2,487
|
رااائع اخوي
متابع معك .. رغم اني شاب لكن انا عكسك تماما في حكاية التسوق والاسواق .. انا مايطير فلوسي ودراهمي الا التسوق وشراء الهدايا والخرابيط والتقرير يستاهل خمس نجوم بكل جداره  وتحية خاصه لرونالدو ابو شورت اسود |
|
|
|
15-06-2008, 08:51 PM
|
#2 (permalink) |
|
مسافر خبير
تاريخ التسجيل: Apr 2006
رقم العضوية :73289
المشاركات: 1,409
|
Boby
يعني عينت خير بما انك خبير المانيا و طبعا لك زيارات عديده لالمانيا وتحب التسوق .. فمعنى هذا انك خبير ايضا بالسوق .. وبما انك خبير في السوق يعني اكيد طحت على اماكن (( لؤطه )) مثل مايقولون يعني مميزه من جميع النواحي من اسعار و من جوده و من كل شي يليت تعطيني اسواق غير معروفه يعني شي نتعنا له .. بانتظارك |
|
|
|
|
16-06-2008, 12:23 AM
|
#4 (permalink) |
|
مسافر متالق
تاريخ التسجيل: Aug 2006
الدولة: الدمام
رقم العضوية :109952
المشاركات: 825
|
عبدالله محمد...
الف شكر عزيزي على متابعتك وكلامك الجميل.. نابليونيه... مشكوووورة اختي على مرورك Boby... هلا وغلا بمشرفنا...المشكله مايحلى التسوق الا في السفر.. والف شكر عزيزي على النجوم... mzoon... الف شكر اختي على مرورك... تحياتي لكم |
|
|
|
|
16-06-2008, 02:13 AM
|
#5 (permalink) |
|
مسافر متالق
تاريخ التسجيل: Aug 2006
الدولة: الدمام
رقم العضوية :109952
المشاركات: 825
|
اليوم الرابع قررنا لهذا اليوم الاتجاه الى مدينة سالزبرغ وزيارة قصر هلبرون hellbrunn وزيارة حديقة ميرابل Mirabell Gardens و اخذ جولة على نهر السالزاك... بالنسبة لمدينة salzburg تعتبر مدينة صغيره.. ويوجد في المدينه بطاقه ليوم او يومين او 3 تقدر تستخدمها في تنقلاتك ودخول الاماكن السياحيه بشكل مجاني ماعدا بعض الاماكن يكون عليها خصم... اسم البطاقه salzburg card ....  سعر البطاقه كالتالي: يوم واحد >> 24 يورو وللاطفال 12 يورو يومين >> 32 يورو وللاطفال 16 يورو 3 ايام >> 37 يورو وللاطفال 18.50 يورو وهذا رابط فيه معلومات عن البطاقه والاماكن السياحيه اللي تقدر تدخلها مجانا بوجود البطاقه وراح تلاحظ قيمة الدخول بدون البطاقه وكذلك الاماكن اللي تدخلها بتخفيض بوجود البطاقه >> salzburg card وهذا موقع يخص مدينة سالزبورغ >> SALZBURG عموما اتجهنا في البداية الى زيارة قصر وحديقة الهلبرون والاستمتاع بالفنتازيا المائيه.. والمكان يستحق الزيارة بصراحه.. اول ماتوصل هناك راح تلاقي القصر ودخوله مجانا اذا ماخاب ظني...عموما راح تاخذ جولة في اقسام القصر وبيكون عندك جهاز كمرشد راح يعطوك اياه... عموما القصر من وجهة نظري لا يستحق الزياره.. بعدها طلعنا وقصينا تذاكر لدخول الحديقه..وسعرها 8.50 يورو وللاطفال 3.80 يورو... وهو مفتوح يوميا كالتالي: March, April, October 9am - 4.30pm May, June, September 9am - 5.30pm July, August 9am - 10pm اول مابتدخل راح تنظم لمجموعه وراح يقودكم مرشد...واول مكان بياخذكم الطاولة الملكيه royal table وراح يشرح لكم كيف كان الملك يعزم ضيوفه هنا على هالطاوله وبعد ما يطفحهم من الشراب يبدأ يلعب فيهم بالماي من فوقهم وتحتهم الا مكانه بس اللي مايجيه شي.. المرشد طلب اي واحد من المجموعه يجي يتبرع ويجلس.. المهم انا على طول رزيت وجهي  ... ورحت وجلست وقالي فيه شرط انك تحط ايدينك على الطاوله و ماتتحرك لو مهما صار...اييييييييييييه كني توهقت ياجماعه شكله ناوي شر الحبيب.. المهم بلعت ريقي وقلت له اوكي... والله شوي مااشوف الا الماي يطلع من كل مكان من فوق وتحت ومن الكراسي بس الحمدلله ماجاني شي لاني جالس مكان الملك..بعدها راح تاخذوا جولة على باقي الحديقه...وراح تصادكفم خدع مائيه واجد...وانتبهوا للمرشد لانه هو اللي يتحكم بالماي...صادني مره ...وبعد ماتنتهي الجوله عند بوابة الخروج راح تلاقوا صوركم اللي كانوا صوروكم اياها في بداية دخولكم...واذا كنت حاب تشتري صورتك سعرها بيكون ب 6 يورو ...وهذا موقع لقصر وحديقة هلبرون >> HELLBRUNN صور لقصر وحديقة هلبرون HELLBRUN    القصر من الخارج  صور من داخل القصر     مكان التذاكر لدخول الحديقه  لحظة دخولنا للحديقه  لحظة تجمعنا عند الطاولة الملكيه  هذا انا بعد ماجلست على كرسي الملك..والخوف يسري في اوصالي  لا تعليق .. الماي من كل اتجاه يطلع  مجموعة من الدمى تتحرك باستخدام قوة دفع الماء      ومايطيح...تكنولوجيا  فرحان يعني واقف وماينزل عليك الماي  صادوه .. هنا صادني المرشد ونزل علي الماي وغرقني لانه هو اللي يتحكم بالموضوع هنا مكان استلام الصور     |
|
|
|
|
16-06-2008, 05:23 AM
|
#7 (permalink) |
|
مسافر متميز
تاريخ التسجيل: Nov 2006
الدولة: الكويت
رقم العضوية :115351
المشاركات: 302
|
ماشاء الله عليك يا مانديلا انت ويا ربعك والله هذي السفره ولا بلاش
انا العام عائلي وهالسنه عائلي بعد (السفره شهر 7 ويا المدام ) شكلي بخليها ويا الشباب بس  المشكله الربع خوافين مايروحون - الحساب عند ام العيال  متابع بشده |
|
|
|
|
16-06-2008, 05:31 AM
|
#8 (permalink) |
|
مسافر متميز
تاريخ التسجيل: Nov 2006
الدولة: الكويت
رقم العضوية :115351
المشاركات: 302
|
نسيت اسألك
بالنسبه لحجز السياره انا حجزت السنه اللي فاتت بي ام 320 من sixt ب265 دينار من الكويت السنه هذي الاسعار طايره ما ادري ليش ( نفس السياره من نفس الشركه ونفس المده ب480 دينار !!! ) شرايك احجز من هنيه علي هالاسعار عن طريق النت ولا اخذ من هناك ..... انت يوم لفيت علي المكاتب - او اهو مكتب واحد - لقيت الاسعار تختلف عن النت بشي يسوي ولا ماكو فرق؟ ولا زلت متابع انطرك تقوم من النوم وتكمل  يالله ما شبعت نوم  |
|
|
|
|
16-06-2008, 09:24 AM
|
#9 (permalink) |
|
مسافر متالق
تاريخ التسجيل: Aug 2006
الدولة: الدمام
رقم العضوية :109952
المشاركات: 825
|
soara66...
مشكورة اختي على متابعتك... نواف-90 ... هلا وغلا اخوي...والله جالس للدوام وان بغيت الصراحه ماشبعت... بالنسبه للسفر مع الشباب اكيد بيكون فيه اختلاف كبير عن السفر مع العائله... بس انتبه لاتسمعك ام العيال انك ناوي تسافر مع الربع ...بالنسبه للاسعار باين عليها الارتفاع الكبير الصراحه يعني تقريبا 90% .. وبالنسبه لنا والله تبي الصراحه احنا دخلنا على اغلب مواقع تأجير السيارات قبل مانروح وحتى سألنا بعض المكاتب في السعوديه...وبعد لما رحنا مطار ميونخ سألنا جميع الشركات الموجوده في المطار... لكن ان بغيت الاسعار والله ناسيها تماما...يعني سعر سيارتنا انا ذكرته لان اوراق التأجير بعدها عندي... من رايي...اذا انت تبي تاخذ السيارة اول ماتوصل للمطار فأنا اقول اجر السيارة من هنا...لكن اذا كنت بتاخذها بعد كم يوم خذها من هناك ...يعني يمديك تستفسر عن الاسعار وانت موجود هناك... تحياتي لكم |
|
|
|
|
16-06-2008, 12:12 PM
|
#10 (permalink) |
|
مسافر متالق
تاريخ التسجيل: Aug 2006
الدولة: الدمام
رقم العضوية :109952
المشاركات: 825
|
تكملة اليوم الرابع بعد ماطلعنا من قصر الهلبرون اتجهنا الى زيارة حديقة الميرابل Mirabell Gardens ... الحديقه ترتيبها جدا جميل...اخذنا جولة صغيره عليها وطلعنا... وكان الاتجاه الى نهر السالزاك لأخذ جولة على ظهر المركب... ورسوم المركب كان ب 12 يورو للشخص ومجاني اذا كان عندك بطاقة سالزبورغ... وبعدها اتجهنا الى المدينة القديمه واخذنا جولة في اسواقها...وخلال تمشيتنا هناك لقينا متحف للشمع ودخلناه..سعر الدخول كان ب 5 يورو ... والمتحف كان يحكي قصص الشعب النمساوي وكيف كانت حياتهم... صور حديقة الميرابل Mirabell Gardens      صور الجولة بالمركب حول نهر السالزاك     صور للمدينة القديمة وقصر الشمع     قلعة سالزبورغ    افتح    هذي بيفتر راسك لما تمر هناك...المكان اللي حولك يدور وانت ثابت..بس تحس انت اللي تدور  صور لكيفية عمل التماثيل  |
|
|
|
|
16-06-2008, 08:12 PM
|
#13 (permalink) |
|
مسافر متالق
تاريخ التسجيل: Aug 2006
الدولة: الدمام
رقم العضوية :109952
المشاركات: 825
|
اليوم الخامس تخطيط هذا اليوم كان الذهاب الى بحيرة موندسي..وزيارة الكهف الجليدي EISRIESENWELT WERFEN ... الجو كان مشمس ورائع...اول شي اتجهنا الى بحيرة موندسي..المكان جميل ورومانسي...استأجرنا قوارب كهربائيه...اسعارهم كانت كالتالي: 30 دقيقه >> 8 يورو 1 ساعه >> 12 يورو وعلى طاري القوارب احنا اخذناه هالمرة كهربائي تجنبا للكوارث اللي ممكن تصير ...**صور بحيرة موندسي**           هذي الاسعار  هذي نتيجة التأثر بالافلام الاجنبيه ... ليوناردو على غفلةبعدها اتجهنا الى زيارة الكهف الجليدي EISRIESENWELT WERFEN ... واللي يعتبر اكبر كهف جليدي في العالم.. الطريق للوصول الى الكهف جدا متعبه وتمر بمراحل.. وهالصورة راح توضح لك كيف الطريق بيكون.. [IMG]  [/IMG]طبعا اول ماتوصل راح توقف سيارتك في مواقف مخصصه هناك..وبعدها راح تاخذ باص وراح ياخذ وقت تقريبا 20 دقيقه الى ان ينزلكم...بعدين بتمشون الى مكان التلفريك وبرضوا في 20 دقيقه ولا تفكر ان المكان بيكون مستوي ...كله صعود في صعود ومنعطفات...وبعد ماتاخذوا التلفريك بتمشوا بعد 20 دقيقه الى الكهف الجليدي ونفس الشي الطريق كله صعود ومنعطفات طبعا مابتوصل هالمرحله الا انت خلاص استنزفت كل طاقتك  ... وتعتقد انك خلاص وصلت الحين لا ياحبيبي صحصح معاي  .... وبعد ماتدخلوا الكهف راح تصعدوا 700 درجه وتنزلوا مثلها والمكان صقيع يعني درجة بروده غير طبيعيه  ... والجولة داخل الكهف تاخذ لها ساعه وربع...وراح يكون معاكم مرشد...وراح يوزع عليكم فوانيس...لان المكان هناك مظلم..مافي وسائل للاضائه غير اللي عندك...طبعا احنا شباب وطلعت روحنا لين وصلنا...يعني انا ماانصح العوايل بالروحه لاني اعتقد انهم مابيوصلون نص الطريق... ولكن اللي بيروح يحاول انه يتسلح بالملابس و يكون نشيط هذاك اليوم... عموما الباص راح ياخذ عليكم 5.60 يورو للشخص.... وسعر التلفريك ودخول المغاره ب 19 يورو.. وبامكانك اخذ تذكرة للتلفريك بدون دخول المغاره وبيكون سعرها 10.50 يورو... والكهف مفتوح يوميا من 9 صباحا الى 3.30 عصرا ماعدا شهري July and August يكون مفتوح الى 4.30 عصرا... وهذا موقع الكهف الجليدي >> EISRIESENWELT WERFEN **صور الكهف الجليدي EISRIESENWELT WERFEN **  هذا الباص اللي يوديك  الصعود الى التلفريك  بتوصل للتلفريك وبتنتظر بعد     مدخل الكهف الجليدي    صور داخل الكهف...التصوير ممنوع داخل الكهف..وهذي الصور من موقعهم           وهذي الصورتين من تصويرنا..ممنوع بس بنصور  |
|
|
|
|
16-06-2008, 09:28 PM
|
#14 (permalink) |
|
مسافر متالق
تاريخ التسجيل: Aug 2006
الدولة: الدمام
رقم العضوية :109952
المشاركات: 825
|
** النمسا >> زيلامسي + كابرون ** اليوم السادس في هذا اليوم ودعنا سالزبورغ وموندسي و شدينا الرحال الى زيلامسي.... بس قبل مانروح زيلامسي قلنا نروح لشلالات كريملر KRIMMLER WASSERFALLE ...وبعدها الذهاب الى الزحليقة الصيفيه SOMMERR RODELN اللي في قرية سالفيلدين... في البدايه اتجهنا الى شلالات كريملر...المكان جميل بصراحه ويستحق الزياره... شلالات كريملر مقسمة الى 3 شلالات سفلي و اوسط و علوي.. طبعا السفلي راح توصل له على طول.. اما الاوسط فيبيلك 30 دقيقه من الصعود ... والعلوي يبيلك ساعه وربع علشان توصله...والطريق جدا متعب...احنا كنا بنصعد للاوسط وماقدرنا..اللياقه خلصت من المغارة الثللجيه ...سعر الدخول الى الشلالات ب 1.80 يورو ...بس الحين صار ب 2 يورو على حسب موقعهم طبعا مافرقت لان الدخول سعره رمزي... وهذا موقعهم على النت >> KRIMMLER WASSERFALLE ** صور شلالات كريملر KRIMMLER WASSERFALLE **  في الطريق الى الشلالات         وهذي اللوحة تبين لك المسافات الى كل شلال      رحلة صعود بائت بالفشل     |
|
|
|
|
«
اريد شراء لاب توب من ميونخ؟؟
|
مواقع في ميونخ Way Point For Munich - Germany مهم للذين يستخدمون garmin
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 09:59 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||