 |
 |
 |
||
|
|
|
||
 |
|
 |
|
|||||||
| بوابة السفر الى النمسا Austria في هذا المنتدى يتم تزويد المستخدم بالتقارير المصورة الخاصة بالنمسا بالإضافة الى مكتبة صور خاصة . |
 |
|
|
أدوات الموضوع | انواع عرض الموضوع |
27-05-2008, 09:10 PM
|
#1 (permalink) |
|
مسافر متالق
تاريخ التسجيل: Jul 2004
الدولة: بلادهم حلوه بس الوطن [ U.A.E ] ماله مثيل !
رقم العضوية :10832
المشاركات: 884
|
...:: | الزحليقة الصيفية في DuRcHhOlZeN .. تقرير مصوّر | ::...
مرحبا الساع شحالكم اخواني و خواتي ؟ عساكم بخير  : : اليوم بخبركم عن مكان يديد و مميز في النمسا و من اكتشافاتي الصيف الماضي ^_* كنا طالعين من ميونخ و سايرين زيلامسي و في نص الدرب شفنا منطقة فيها ألعاب يهال و شكلها سياحية و قلت حق ابوي يوقف بنستكشف المكان لوول و يوم نزلنا شفنا زحليقة صيفية و منطقة ألعاب أطفال و فندق ريفي .. المنطقة اسمها Durchholzen تقع في اقليم Tirol في النمسا .. تبعد ساعة عن ميونخ و ساعة و نص تقريبا عن زيلامسي يعني على حدود النمسا و ألمانيا الزحليقة الصيفية رووووعه تجنن حق الصغار و الكبار لا تفوتونها اسمها Sommerrodeln in Durchholzen و هي عبارة عن مرحلتين ، المرحلة الاولى الزحليقة و المرحلة الثانية فوق عباره عن مطل و كافيه ريفي رهييب يطل على المناظر الطبيعية و البحيرات و الجو خباال و عندهم آيسكريم لذييذ يمي يمي p: و حتى الفندق الموجود في نفس المكان وايد حلو و نظيف و نظامه ريفي .. انا ما دخلته بس شفته من برع و صورته و يوم دخلت موقعهم على الانترنت الصراحه عيبتني الغرف و رخيييصه وااايد !! اسم الفندق Brandauerhof و مكانه مجابل الزحليقة بالظبط .. عندهم نوعين من الغرف ، غرفة حق شخصين و غرفة عائلية حق 4 أشخاص :  هذي الغرفة الدبل حق شخصين و سعرها ما بين 31 و 34 يورو حسب التاريخ يعني تقريبا 195 درهم إماراتي ..  هذي الغرفة العائلية تكفي حق 4 أشخاص و نفس السعر تقريباً 195 درهم  هذا المنظر بشكل عام في الصيف ^_^ و هذا موقع الفندق على الإنترنت : Brandauerhof, Walchsee in Tirol و الحين بروايكم صور الفندق من برع بتصويري     : : الحين بنشوف صور المناظر و المكان بشكل عام بعدستي و اذا شفت تفاعل بكمل عن الزحلاقية و المطل و الكافيه اللي فوق القمة ^_*                  / \ / انتظروني في الجزء الثاني ( اذا شفت تفاعل ) .. * على فكرة انا كتبت الموضوع في منتدى آخر و نقلته لكم بس انا صاحبة الموضوع و السموحة على القصور |
|
|
|
27-05-2008, 11:23 PM
|
#3 (permalink) |
|
مشرف النمسا
تاريخ التسجيل: May 2007
الدولة: * في قلب زوجتي *
رقم العضوية :134545
المشاركات: 3,378
|
روووووعة اختي الكريمة ، ماشاءالله عليكم ، مكان جميل واكتشاف خطير ،، وانا صراحة احب شغل التمشيات والاكتشافات وحلاة السفر يكون الواحد معاه سيارة ويوقف ويتمشى على مزاجه ،، شكرا لك ،، ومنتظرين التتمه ،، |
|
|
|
|
27-05-2008, 11:37 PM
|
#4 (permalink) |
|
مسافر خبير
تاريخ التسجيل: Feb 2007
الدولة: دبي
رقم العضوية :123836
المشاركات: 1,305
|
ياسلام ياسلام على هالصور الحلوه تسلم ايديج اختي ،،،
اليوم بخبركم عن مكان يديد و مميز في النمسا و من اكتشافاتي الصيف الماضي ^_* انا اشهد انه من اكتشافاتج الصراحه اول مره اسمع بها المنطقه ، وهذا الطريق المختصر بين زيلامسي وميونخ اذا ماكنت بتمر على سالزبورغ انا الحمدالله مريت فيه واختصرت ساعه تقريبا فيه ،، بس ما انصح اذا كان الجو ممطر ،، كم جلستوا في المنطقه ؟ ونتريا باقي التقرير وتحياتي لج |
|
|
|
|
27-05-2008, 11:39 PM
|
#5 (permalink) |
|
مسافر فعال
تاريخ التسجيل: May 2008
الدولة: شقراء الحبيبه الى قلبي
رقم العضوية :186867
المشاركات: 137
|
ماشااااااااااء الله عليك اختي ...والله مكااااااااان رائع
تصوووووووير مبدع ...نقلتي المكان لنااااااااا بصووووره رااائعه تحياتي لك وزي ماقال حبيبنا بيمو حلاااات الرحلاااات الاكتشاااااااف شقرااااااوي |
|
|
|
|
28-05-2008, 09:15 AM
|
#11 (permalink) |
|
مسافر متالق
تاريخ التسجيل: Jul 2004
الدولة: بلادهم حلوه بس الوطن [ U.A.E ] ماله مثيل !
رقم العضوية :10832
المشاركات: 884
|
صباح / مساء النور و السرور و الورد المنثور ( كلن حسب وقته ) ^_^ اليوم رجعتلكم مع الجزء الثاني من صور الزحليقة الصيفية و اتمنى ان ينال على اعجابكم ، و ان شاء الله القادم احلى =) : : اللعبة عبارة عن مرتفع جبلي تطلعون له بالكراسي المعلقة في الهواء الطلق و الصراحه تجربه ممتعه و مثييره !! انا و خواتي خفنا اول شي بس بعدين استااااانسنا و استمتعنا بالمناظر الطبيعية و الجو البارد و الهوا اللي يرد الرووح .. يا سلاااام كل كرسي يكفي لثلاث أشخاص و يوقف في محطتين ( مرحلتين ) .. المرحلة الاولى الزحليقة و تتحكمون انتو فيها من ناحية السرعة و الوقوف ( انا اخليها على اسسرع شي واااااو كشخه هههههه ) بس عند اللفات و المنعطفات لازم تخففون السرعه ولا بتنقلبون و قد أعذر من أنذر لوول اما المرحلة الثانية عبارة عن مطل و كافيه ريفي رهييب يطل على المناظر الطبيعية و البحيرات و الجو خباال و عندهم آيسكريم لذييذ يمي يمي p: الكافيه الصراحه وايد كيوت و بسيط و رايق على قولتهم و اطلالته رومنسيه يعني كشخه خصوصاً حق المعاريس والكابلز couple                               هالصور من المطل و الكافيه اللي فوق القمة يعني المرحلة الثانية =)               يالله محلااات اليلسه في هالمكان ترد الرووح ( ختامه مسك ^_* ) وصلنا إلى نهاية التقرير .. اتمنى انه ينال على اعجابكم و لا تحرموني من دعواتكم الطيبه >> نتايج الثانوية العامة الاسبوع الياي ان شاء الله التقارير اليايه أحلى و احلى .. و السمووحة على القصور ^_^ |
|
|
|
|
28-05-2008, 10:07 AM
|
#13 (permalink) |
|
مسافر خبير
تاريخ التسجيل: Jul 2005
رقم العضوية :34696
المشاركات: 1,113
|
مكان رائع وجميل وسعر جذاب وهذا اللي دايم الواحد ينادي عليه
بما ان الواحد معاه سيارة ليش يرتبط بمكان عام ويكون غالي مع أنه ممكن يسمن بمكان قريب منه وبسعر النصف أو أكثر بعد ... سؤال ... كم سعر الزحليقة ... ؟ يعني لو حبيت مثلا أطلع عشر مرات  بكم ؟سلام |
|
|
|
|
«
من النمســا - عروس الألب الصغيرة سيفيلد ... القرية الحالمة Seefeld
|
سياحه X متعه X مغامره X استجمام = رحلتي للنمسا 2008
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 03:11 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||