بسم الله الرحمن الرحيم

هذا الجزء الثالث لرحلتي بصيف 2004

اول جزء كان في هونج كونج على اللنك هذا :
http://travel4arab.com/vb/showthread.php?t=18739

والجزء الثاني كان لسيدني على اللنك هذا:
http://travel4arab.com/vb/showthread.php?t=18916

*** ملاحظة الموضوع فيه صور كثيره ياليت تعطونها وقت علشان الدوان لود ***

والحين ببدا بالجزء الثالث

Melbourne ميلبورن

خريطه استراليا وفيها مدينه ميلبورن



التقل بين المدن الاستراليه اما بالسياره, طياره او القطار

بس افضل طريقه بالطياره علشان ما يضيع وقتك بالقطار بين سيدني و ميلبورن تقريبا من خلال موقعهم بالنت 10 ساعات اما بالطياره ساعه وربع"مش متأكد ناسي بصراحه"

والخطوط الي استخدمتها هي الخطوط الاسترالية "كوانتوس" qantas



ولمن تحجزون عليها خلوا المكتب يحط لكم سبيشل ميل واسم الوجبه مسلم لان بعض الرحلات يكون الاكل بس ساندويشات وفيها خنزير

موقعهم على الانترنت: http://www.qantas.com.au

والحين بتكلم عن المدينه والجو

هي مدينه في جنوب استراليا في ولاية فكتوريا ومن اكبر المدن الاستراليه و الجو كان فيها بارد مره اول يوم وصلنا فيه كانت درجه الحراره 7 درجات وغير كذا كان في هوا قوي ومطر و سواق الليموزين يقول ان الجو هذا ما قد جاهم من قبل 6 او 7 سنوات.

وصلنا الفندق تقريبا الساعه 5 وكان الفندق Novotel Melbourne on Collins في وسط المدينه حليو بس عيبه ان مدخله صغير واللوبي في الدور السادس صغير بعد بس و الغرف كويسه والموقع ممتاز. في فنادق ازين منه وانا اعجبني فندق كراون.

وبعد ما ارتحنا بالفندق شوي ما كان في شيء نقدر نروح له و درنا بالمنطقه الي جنب الفندق و تعشينا ونمنا.

اليوم الثاني
كان يوم الاحد و نصحتنا موظفه الفندق اننا نتمشى في المدينه لان في اسواق بس ليوم الاحد وقلنا اوكي و رحنا الى سوق اسمه

Queen Victoria Market

سوق بسطات ويبيعون فيه كل شيء من لحم و خضار وملابس وهدايا و و و و و و
يفتح كل الايام ما عدا الاثنين والاربعاء
تراه مثل اسواق لندن الي تصير بيوم الاحد



موقعه على الانترنت : http://www.qvm.com.au/

وبعد ما تمشينا بالسور رحنا الى منطقه اسمها

Williamstown

تقريبا نص ساعه بالقطار و فيها شاطيء و الجهه الثانيه فيها مارينا وجلسات ومطاعم وعلشان يوم الاحد كان فيها سوق الاحد بعد
المحطه الي مشينا منها اسمها Flinders St Station الى محطه اسمها Williamstown

صور لمحطه Flinders St Station





وتقدر تروح الى Williamstown عن طريق الفيري "العباره" من نهر اليارا

صوره من Williamstown



وبعد ما تمشينا فيها رجعنا الى وسط المدينه وتمشينا على

Yarra River

وكان برضوا في سوق بس يوم الاحد والحلو بالاسواق هذي ان اكثر البضايع شغل يدوي وفي مجموعه من المطاعم والقهاوي حلوه الواحد يتغدى فيها. وفي رحلات بالنهر للي يحب .





صوره للنهر و وراي اطول عماره في ميلبورن وتقدر تطلع تطلع العماره.



وبعد التمشيه الحلوه على النهر رحنا منطقه حلوه على البحر واسمها

ST KILDA

منطقه حلوه على البحر وفيها مطاعم وملاهي صغيره تنفع للاطفال وبرضوا فيها سوق على الرصيف لانه اليوم الاحد

وتقدر تستأجر سيكل تتمشى فيه





وبكذا انتهى اليوم الاول

اليوم الثاني

رحنا الى محطه القطار وكانت وجهتنا الى

Belgrave

وتبعد تقريبا ساعه او ساعه ونص من وسط المدينه وفي Belgrave محطه لقطار قديم اسمه

Puffing Billy

و انت تحدد المطقه الي تبي تنزل فيها واحنا اخذناه الى المحطه الثانيه وبعدها رجعنا الى محطه القطار لمدينه Belgrave بالباص علشان نرجع الى وسط المدينه. الحلو بالقطار هذا يمر من مناطقه طبيعيه ولا فيه درايش يعني برد



وتقدر تطلع سيقانك من القطار ركزوا على الي في القطار







وبعدها رجعنا الى وسط المدينه وفي ميلورن راح تلاقي ترام Tram مجاني يدور حول منطقه السنتر من الساعه 10 الصبح الى الساعه 6 المغرب واسمه

City Circle Tram



وهذي خريطه توضح الطريق الي يمشي فيه الترام "على فكره الترام زي القطار بس بالكهرب يمشي بالشوارع " عسى فهمتوا قصدي



والي يبي يشوف كل رقم وش فيه ومعلومات اكثر عن الترام : http://www.metlinkmelbourne.com.au/c...le/routes.html

وبعد اللفه الكامله بالترام درنا شوي بالشوارع و انتهى اليوم الثاني

وان شاء الله باقي التفاصيل بكتبها قريب وبكتب طريقة استخدام المواصلات العامه في ميلبورن.

المشاركة الأصلية كتبت بواسطة الخواطـر العزيز/ fms لقد امتعتنا بالتجول في سدنى....وبعدها توجهنا معك الى ميلبورن...مدينة التسوق الاولى في استراليا... لكن خبرنى ان شاء الله انك مانسيت تلقط لك من الفواكة الى يبيعونها على جنبات الطرق؟؟ وفي انتظار البقية... تحياتى لك ابولمى

المشاركة الأصلية كتبت بواسطة الباحثة ما شاء الله تبارك الله يعطيك العافيه أخوي fms الحقيقة نقلتنا معاك بهالتقرير و الصور الجميله لأجواء أستراليا الرائعه بداية بسيدني ثم ملبورن و كلنا شوق للبقيه ,, فتحياتنا لك .. و لعلك لاحظت على سكان ملبورن طريقتهم السريعه بالمشي و الظاهر انه من شدة البرد يلجئون للسير السريع كنوع من التدفأه .. تحياتي ..........

بكمل الايام الباقيه لنا بالمدينه هذي

اليوم الرابع

قمنا الصبح بدري مره علشان ناوين نروح الى مدينه تبعد ساعتين بالقطار اسمها

Ballarat

هذي مدينه اشتهرت بالذهب و انهم لقوا فيها ذهب من زمان بس الحين ما عاد فيها شيء طبعا انا ما رحت علشان اتمشى بشوارع المدينه كان في مكان سياحي حلو وانا اعجبني واسمه

SOVEREIGN HILL

على فكره اول ما توصلون الى مدينه Ballarat اسالوا المحطه عن الباص الي يودي الى SOVEREIGN HILL لانها مهوب قريبه من محطه القطار ولمن توصلون شوف اوقات الباص الي يرجعكم الى المحطه يعني لازم تنسقون اوقات الباص مع القطار الي بترجعون فيه.

هذي عباره عن قريه صغيره وفيها الحياه قديما طريقة كشف الذهب و الشخص الي لقاه و البيوت القديمه وحتى البنك و المطاعم والمسارح وانت تتمشى فيها تلاقي ناس لابسين الملابس القديمه وتقدر تسولف معهم وتصور معهم و اول ما تدخل للقريه هذي راح يعطونك الخريطه وفيها اوقات العروض لا تفوتونها وهذي صور لي فيها

اول ما دخلنا الغيمه نحسبها تمثال من شمع وقامت تسلم علينا وقلنا ما راح نفشلك وبنصور معك
<------- يموت بالتصوير




هذولي ما ادري وش سالفته لقيت اولاد يمشون مع مدرس ويعلمهم و يرحون يتقضون من محل الحلاويات القديمه وبعدين اشوفهم يدخلون مكان كانه مدرسه ويدرسهم وشفت بيوت بس ما ادري ينامون فيها ولا اهلهم يجيبونهم يوم كامل


وهذي صوره قدام البنك


عنوانهم بالنت :http://www.sovereignhill.com.au

هنا ادور ذهب
<----- مصدق انه بيلاقي ذهب


وفي بالليل عرض شكله حلو بس المشكله ان الوالده كانت بالبيت ما حبت تجي معنا و مواعيد القطار حق الرجعه ما ودنا نتأخر ونتوهق وخصوصا انها تبعد ساعتين بالقطار

وبعد ما طلعنا من القريه هذي بنفس التذكره يعطونا تذكره الى متحف الذهب مقابلهم بس نقطع شارع وتشوف المحتف وبكم اننا نقدر المتاحف "اي هين" درنا بسرعه وطلعنا علشان اسمنا بس شفناه



وفي الليل تمشينا بالشوارع الي جنبنا ونمنا

اليوم الخامس

كان تمشيه بالمدينه و الاسواق

وهذي كم صوره




والصورتين الباقيه لمجموعه مباني جنب بعض ناسي اسمها ومتعيجز ادورها بالنت " تراها مقابل بوابه محطه القطار الي على نهر اليارا"





بالنسبه للمواصلات عندهم التاكسي ما يبي لها شرح توقفه وبالعداد اما المواصلات العامه ما عندهم قيمه مشوار واحد لا يكون اما ساعتين او تقص تذكره يوم كامل ويعتمد على المكان الي تبي تروح لها اما يكون في زوم واحد او اثنين او 3
وتقدر تقصها في بعض السوبر ماركت المعتمده مثل سفن ايليفن وغيرها يكون عليها شعار شركه المواصلات اما اذا كان الزوم 3 ليوم كام لازم من نفس محطه القطار ما يكون بالسوبر ماركت

المدينه الي فيها ابعد من كل الزومات علشان كذا تقص التذكره من محطه القطار الي يمشي منها وازين لكم تاخذونها روحه ورجعه تطلع بعض الاحيان ارخص.

واهم شيء لا تستحي اسال عن محطات القطار وارقام الترام الي يودي للمكان الي تبيه و المواعيد علشان يقدر تستفيد من الوقت

و في رحلات ثانيه يقدر الواحد يتمشى فيها منها :

- تمشيه بالطريق على المحيط وهذي لازم اما تستأجر سياره او عن طريق رحله "تور"
- جزيره فليب الي يحب يشوف محميات و البطاريق لمن ترجع من البحر وقت المغرب
-رحله الى الجبال الي فيها الثلج وطبعا لازم يكون شتاء.
- متحف ملبورن
-حديقة الحيوان
- المتاحف بصفه عامه
- الاكواريم وعالم البحار
- الي يحب الصور والمعارض راح ينبسط هناك لان عندهم معارض واجد

هذا الي اذكرها الحين


و في اليوم السادس مشينا من الفندق الساعه 11 ونص الصبح الى المطار علشان نسافر الى برزبين اشوفكم هناك بعد يومين او بكره

المشاركة الأصلية كتبت بواسطة the_-_wolf الـسلام عليــ ــ ـــــكم ... اهليـــن اخوي fms ويا هلا بـ الشقراوين كلــهم ====> شقراوي مثلك ومشكور على طرحك الرائع واسلـوبـك الاروع وخاااصه الصور اعجبتني مرررررره والله يعطييييييييك العافيه عقباااال ما نشوف شقراء زي كذا =====>خخخخخخ اخوووووووك THE_-_WOLF

المشاركة الأصلية كتبت بواسطة غموض الغد ذكريات جميله والله تسلم على الصور الاكثر من رائعة

المشاركة الأصلية كتبت بواسطة مهاجر صراحه تصفح التقرير ممتع ورائع أشكرك أخي الكريم على هذه الجوله الأستراليه