بسم الله الرحمن الرحيم

الشقراوي الي هو انا "يا ملحك طيب" بس تراني ما رحت شقراء الا مره وحده :)

مثل ما كتبت في موضوع هونج كونج ان الصيف هذا رحت الى استراليا والصين. والي ما قرا وشاف صور هونج كونج يلاقيه على اللنك هذا :
http://www.travel4arab.com/vb/showthread.php?p=151529

انا زرت في استراليا 4 مدن وراح انزل على كل مدينه موضوع لوحده علشان اقولكم وين ترحون و الاشياء الحلوه في كل مدينه والاشياء الي رحت لها.

اول المدن هي سيدني.

المسافه بين هونج كونج الى سيدني تقريبا 9 ساعات. pb093

بس قبل ما اتكلم عن سديني ابي اوضح لكم نقطه مهم عن استراليا وهي انهم يمنعون اشياء كثيره تدخلها لبلدهم يقولون احنا بعيدين عن العالم ولا نبي تجيبون بلاوي العالم لنا و يركزون على اشياء منها:
- ممنوع دخول الاكل المطبوخ والي مهوب مطبوخ و الفاكهه والخضروات والحبوب الجافه
-ممنوع دخول الحيوانات او المنتجات الي يدخل فيها الحيوانات من جلد وصوف وغيرها
-ممنوع دخول الرمل و حتى لمن تدخل جزم رياضه وانتم بكرامه تقولهم او معدات رحلات
-ممنوع دخول الادويه او المخدرات

طبعا هي ممنوعه واذا جبتها لازم تكتب في ورقه الدخول الى استراليا ويشوفنها واذا ما قلت لهم يا ويلك يرمونها لو شافوها و يدققون عليك

علشان كذا الي عندك اكتبه و ورهم الاشياء الي معك

في ناس زاروا استراليا اكثر من مره يقولون احمدوا ربكم هالسنه وش حليلهم مهوب يشددون زي اول ولا شفتوا الكلابه الي يجيبونها جنبنا - يقولون اول لمن تاخذ عفشك يجيبون الكلب يشم العفش ويا ويلك لو صرخ على شنطتك :)

بس الحمد لله احنا سمعنا صوت كلابه ولا شفناها. اهلي بغوا يهونون ما يدخلون استراليا يوم سمعوا الكلاب. :eek:

----------------------------
بالنسبه للمطار كان حليو ازين من مطارنا اكيد :) بس مهوب احلى من مطار هونج كونج.

الجوازات كانت زحمه والسبب ان اكثر من طياره وصلت بنفس الوقت. والي اخرنا زياده ان جوزاتنا الممغنطه ما انقرت من اول مره و حولنا الى مكتب ثاني علشان يتأكدون منها.

والحين بتكلم عن

ســـــــــــــــــــيــــــــــــــــــــــدنـــــ ـــــــــــــــــــــي

- في طريقتين الى اعرفهم من المطار الى الفندق وهي انا تاكسي وتقريبا ياخذ 30 $ استرالي او باص صغير ب 9 دولار للشخص الواحد

- سكنا في فندق "فور بوينت شيرتون" الفندق حليو والاحلى موقعه وهو في منطقه اسمها درلينج هاربر Darling Harbour



اول ما وصلنا الفندق نمنا الى الظاهر وطلعنا نتمشى بالمنطقه الي جنبنا وكان في قطار يدور على جزء صغير من سيدني. سعر التذكره 4$. وتقدر تدور فيه لين تقول بس.



والمحطات الي يوقف فيها تكون قريبه من متحف او مكان سياحي.

والحين راح اكتب عن اهم الاشياء في Darling Harbour

[size=2]Darling Harbour[/size]

- sydney aquarium

حلو الي يحب يشوف الاسماك وعالم البحر والاطفال بينبسطون عليه.



موقعهم على الانترنت:http://www.sydneyaquarium.com.au/

-Cockle Bay Wharf

مجمع مطاعم واحلى وقت للجلسه فيه بالليل بعد ما تقفل الاماكن السياحيه والاسواق.





- harbourside هاربر سايد

مجمع تجاري فيه مجموعه من محلات الملابس و مطاعم وقهاوي
موقعه على الانترنت :http://www.harbourside.com.au/

-The IMAX Theatre Sydney

سينما يعرضون فيها افلام ثلاثيه الابعاد و برضوا حلوه للاطفال.



موقعهم على الانترنت: http://www.imax.com.au/home.asp

-Outback Center
معرض لوحات و يبيعون اشياء يستخدمونها السكان الاصليين لاستراليا وفيه عرض يجي واحد يعزف في اله قديمه.

-Chinese Garden

حديقة صينيه صغيره. طبعا لازم الصينيين يحطون راسهم في كل مكان وحتى استراليا مليانه صينيين.

وفي متاحف بس لاني ما احب المتاحف ما راح اكتب عنها :)

الحين خلصت من دريلنج هاربر وهالاشياء كلها قريبه من بعض يعني تقدر تتمشى عليها بيوم واحد.

وبعد ما تمشينا في المنطقه هذي رحنا الى برج سيدني.

Sydney Tower



هو المبنى الطويل

و في برج سيدني تقدر تشوف سيدني 360 درجه و فيه كل نص ساعه تجي وحده تشرح لكم فكرت البرج وكم كلفهم و الاشياء الامهمه في استراليا بكل الجهات.

و في كافي شوب للي حاب يتقهوى هناك

ولمن تخلص من البرج تنزل تحت وتدخل الى سكاي تو و في التور هذا يعطونك معلومات عن استراليا و يقدمونها لك بطريقة عرض حلو واخر شيء يدخلون الى سينما تتحرك الكراسي فيها و فكرتهم حلوه

موقعه على الانترنت:http://www.sydneyskytour.com.au/intro.html

وبعد ما خلصنا من سيدني تاور تمشينا بالشوارع الين وصلنا الى Circular Quay

وبالمنطقه هذي نقدر نشوف الاوبرا الي مشهوره فيها سيدني



و نشوف جسر هاربر سيدني والحلو في الجسر هذا انك تقدر تطلع فوق الجسر والي يبي تفاصيل اكثر عن التجربه هذي الموقع هذا بيساعده: http://www.bridgeclimb.com

وهذي صوره من موقعهم :


وكذا انتهى اليوم الاول

اولا مالك حق كان لازم تمر شقراء قيل سدني

المشاركة الأصلية كتبت بواسطة غموض الغد ياسلام صور رائعه اكيد بتكون سيدني حلوه لانها كفايه باستراليا وننتظر الاجزاء الثانيه اما انا مريحه نفسي من ناحية الذكريات والله يعينا على اللي جاي

المشاركة الأصلية كتبت بواسطة الباحثة اهم شي انك شربت الهوت شوكلت و هذا هو المطلوب ... :D سبحان الله يا كثر هالمشاريب بالديره بس هناك لها طعم ثاني مع هالبرد والأجواء الحلوه :) وان شاء الله , الله يوفقك ببنت الحلال ويرزقك بالذرية الصالحه وتوديهم استراليا وما تخلون مكان الا و تروحون له .. و الله يسمع منك واروح لها أنا بعد مره ثانية .. والله يعين الجميع يا غموض . :rolleyes: تحياتي .....................

المشاركة الأصلية كتبت بواسطة أبو ريان حياك الله fms وحمدلله على السلامة تقرير جميل ورائع من بدايته بانتظار طلتك الحلوة ...

المشاركة الأصلية كتبت بواسطة SaudiMfls هلا بيك اخوي شقراوي والف حمد الله على السلامة وننتظر باقي المدن وتقبل الشكر مقدما

بعد ما نمنا وارتحنا

قمنا الصبح بدري ونزلنا الى الهاربر وافطرنا في احد الكافي شوب وبعدها مشينا الى Circular Quay وكان هناك في محظة باص وعل فكره الانفورميشن عندهم ممتاز ويساعدونك في كل شيء تبيه و يتحمسون علشان يساعدون الناس

المهم كنا ناوين نروح للبحر واسم البحر الي نبيه

Bondi Beach

ورحنا للبحر الحلو ان فيه جزء مزرع تقدرون تجلسون فيه بدال الرمل الى عند البحر المهم جلسنا ورحت انا اشتري شيبس و كوكا و تعرفت على صاحب السوبرماركت لبناني وقالي خذ المقاضي ببلاش قلت لا ما ينفع المهم اعطيته دراهمه و سوا لي تخفيض ما قصر.

المشكله بالصوره كلها راز خشتي فيها بس بحطها pb024



وفي جنب الشاطىء ممر يودك الى شواطىء ثانية وهذي صوره ثانية لي pb024



وبعد ما ارتحنا وتمددنا على البحر رجعنا مره ثانية الى Circular Quay و قريب من محطه الباص منطقه اسمها

The Rocks

المنطقه هذي تتميز بالمباني القديمه و الي فهمته ان بدايه سيدني كان من المنطقه هذي. وفيها قهاوي ومطاعم بس ما ادري ليش يقفلون بدري!! تجيهم بعد الساعه 6 تقريبا كلهم مقفلين وبعد ما شفنا المنطقه هذي جعنا و بدينا نتمشى في شارع

George Street

الشارع هذا من اهم الشوارع والي يمر بنص سيدني وفيه محلات تجاريه و بنوك وفندق الفور سيزن كان على نفس الشارع هذا. الزبده كنا مشتهي بيتزا هوت المشكله ما كنا ندري هو في اول الشارع ولا اخره وكل شوي تقول هانت لان الوالده تعبت من المشي وهنا نمشي نشوف اشياء جديده و يوم قربنا من بيتزا هوت لقينا قبله مطعم عربي اسمه علي بابا والي يشتغلون فيه لبنانيين وكان عشانا وغدانا. وبعدها رحنا ارتحنا بالفندق ونمنا.

اليوم الثالث

قمنا الصبح وافطرنا في الفندق وانا من خلال قراتي على الدليل السياحي حق سيدني شفت شاطيء ثاني ومكتوب انه من احلى الشواطيء في سيدني وعلشان نروح له لازم نستخدم الفيري"عباره" ومحطه الفيري الرئيسيه كانت في منطقه Circular Quay ومشينا لها و قصينا تذاكر والحلو في الاستراليين يساعدون الواحد وينصحونه كنا بناخذ تذكره رتين يعني نروح و نرجع بس قالنا لو تاخذون يوم كامل ازين لكم وتقدرون تستخدون الفيري والباصات الى الساعه 4 الفجر على كيفكم ولا فيه فرق بالسعر قلنا له طيب تذكره يوم كامل

والي يحب يعرف اكثر عن اسعار المواصلات العامه بسيدني هذا موقعهم :http://www.sydneybuses.nsw.gov.au/

Manly Beaches

و ركبنا الفيري الي بيروح الى Manly Beaches وكانت مدة الرحله ساعه تقريبا والحلو ان كل نص ساعه في فيري يروح للManly Beaches وهذي صوره وانا بالفيري و وراي الاوبرا والجسر



و اول ما تطلع من المحطه راح تلاقي انفورميشن و تقدر تستفسر منهم لو ضيعت لان البيش مهوب قريب من المحطه لازم مشتي يمكن 5 دقايق في شارع The Corso وبالشارع هذا مطاعم و سوبرماركت لو حبيتوا تاخذون معك شبس و كوكاكولا تاكلونها على البحر. والبحر هذا ازين من الي قبله حق امس واكبر و فيه زحمه.


الصوره مش واضحه لانها مقصوصه من صوره فيها اهلي :)

وبعد ما درنا وشفنا البحر رجعنا الى محطه الفيري الرئيسه وقمنا نشوف وين بتروح الفيري الثانيه و نركب نبي نحلل قيمه التذكره pb034 وشفنا بنفس اليوم

Double Bay
Rose Bay

بس ما نزلاهم ما فيهم رمل وجلسات.

وفي اخر شيء رحنا George Street واكلنا بيتزا هت هالمره. وشفنا بالطريق سوق مشهور عندهم اسمه Queen Victoria Building

ورجعنا تمشينا بالمنطقه الي جنب الفندق و نمنا.

اليوم الرابع
حجزنا قبل بيوم رحله و مرنا الصبح الباص وبعدين ركبونا رحله بالفيري واستقبنا نفس السواق من محطه ثانيه وبعدها ودانا الى حديقة حيوانات صغيره وفيها الكنغر والكولا الي تشتهر فيهم استراليا







بعد ما شفنا الحيوانات ركبنا الباص نكمل الرحل و مرينا من جنب الاستاذ الي كان فيه حفل افتتاح اولمبياد سيدني عام 2000

واخيرا وصلنا الى منطقه

بلو ماونت Blue Mountains

انا ما انبسطت فيها كثير والسبب الجو بارد مرررره وهذي صوره للمنطقه



و بعدين رحنا الى مكان فيه تلفريك و عربه تنزلك "مثل قطار الموت :) " انا جربتها وكان تجربه حلوه خصوصا انهم مسوين الممر داخل جبل حقيقي و كان منحدر .

ولمن ننزل تحت في ممر تمشي فيه و يورنك كيف كانوا يعشون بالمنطقه معرض صغير و معلومات عن بعض الاشجار الموجوده.

والحين علشان نطلع فوق ركبنا الكيبل كار وعاد القروبات الصينيه والشرق الاسيويين مسوين زحمه. :(

و تغدينا وزعوا علينا علب فيها سندويش ومارس وعصير وتفاحه بس ما تهنينا بالاكل ما في مكان ناكل فيه الا بالبرد والصندوق يطير والسندويشه بيد يعني اعمال شاقه مهوب غدا

ورجعنا للباص والحين يودينا الى منتزه طبيعي وهذي صوره له



و صار يقول لنا السواق اجلسوا ربع ساعه بعد 5 دقايق كلنا نرجع من البرد و حتى قالنا اجل بوديك مكان ثاني لان معنا وقت ورحنا بعد الى منتزه طبيعي ثاني ولا طولنا وحتى ناس ما نزلوا من الباص من البرد تقولون مغصوبين على الرحله

و في الاخير رجعنا المغرب الى سيدني و تقريبا كل الباص نام ما عدا واحد قدام جالس يسولف مع السواق نزلوا عند فندقنا وارتحنا وبعدها تمشينا بالهاربر وتعشينا ونمنا

اليوم الخامس

كان يوم تمشيه على سيدني الاسواق و الشوارع الي فيها الاسواق ورحنا القريه الصينيه" شاينا تاون" وبس :)

اليوم السادس رحنا الى المطار وكانت رحلتنا الظهر الساعه 12 الى ميلبورن :)

و موضوع ملبورن راح يكون مستقل ان شاء الله