المشاركة الأصلية كتبت بواسطة mzoon

المشاركة الأصلية كتبت بواسطة paris forever

حيا الله اخوي

ممكن تشوف الرابط هذا فيه اهم الأماكن في باريس بشكل مرتب وبالصور

©~®§][©][برنامج رحلة باريسيه لمدة اسبوع][©][§®~©

تحيتي لك
اختك paris 4ever

المشاركة الأصلية كتبت بواسطة paris forever

هلا أخوي Rawwwaf : )

بالنسبة لترتيب الجدول :

يوم الوصول : الذهاب للشانز واكتشاف المنطقه الى قوس النصر ثم الذهاب لزيارة متحف (( ياخذ منك وقت من 2 الى 3 ساعات ))

اليوم الثاني : الذهاب الى منطقة المونمارت + ثم العودة الى الشانز ومنها زيارة ساحة الكونكورد + ثم زيارة منطقة اللاديفانس

اليوم الثالث : من الصباح الذهاب الى الحي اللاتيني ومنها زيارة الكنيسه نوتردام
ثم بعد ذلك الذهاب الى برج ايفل وقص التذكره من هناك وصعود البرج ((مايلزمك تقصها قبل بيوم قصها من نفس اليوم )) ومن ثم التوجه لنهر السين وتاخذ جولة فيها وممكن بوجبه سواء عشاء او غداء او بدون وجبه

اليوم الرابع : زيارة دزني لاند وهي تكفي ليوم واحد تروح من الصباح باكر الى المساء وهي ممتعه بصراحة حتى لو لشخص واحد

حاولت اجمع لك أهم شئ قد ماقدر

بوضح لك شئ بالنسبه للمسافات :
الشانز يبدأ من ميدان الكونكورد الى قوس النصر وبجمبهم متحف اللوفر يعني هذولي جمب بعض كلهم مشي من الشانز
منطقة اللاديفانس تبعد عن الشانز من 10 _ 15 دقيقه

برج ايفل طبعا هذا بعيد مره عن الشانز وهو جمبه نهر السين

المونمارت يبعد تقريبا حول نصف ساعه عن الشانز

دزني لاند برضو تبعد حوالي نصف ساعه

حاولت اختصر لك قد ماقدر واذا حاب تضيف بعض الأشياء وحاس انو ماعندك مشكله وتضغط نفسك مافي مشكله لأن في اشياء كثيره ماحطيناها بس انا التزمت بالجدول اللي حطيته

ممكن تضيف منطقة الأوبرا + مول غاليري لافييت ممكن تحطهم اليوم الثاني
وبعد قصر فرسااي ماحطيناه لأن هالقصر يبيله يوم كامل وهو بعيد عن وسط باريس اذا حاب تضيفه ممكن نحذف شئ ونحطه مكانه بس انت شوف وش ميولك وايش حاب


وان شاءالله تسافر سفره حلوه وتتوفق فيها

المشاركة الأصلية كتبت بواسطة mzoon

انا اذا شفت اللون الاحمر ادري اني خلاص مالي داعي .. باريسو حبيبتي دايم اجاباتها كامله و وافيه و مرتبه ..


بس حبيت اضيف شي بسيط مره .. قصر فرساي تقدر تحط له 3 ساعات .. ساعه الطريق روحه و رجعه .. بالرير طبعاً .. و ساعتين تتمشى فيه .. و نصيحه .. لا تدخل داخل القصر نفسه مافيه شي .. خلك بالحدايق و خذ لفه على القصر من برا .. يكفي ..



و موفق ان شاء الله

المشاركة الأصلية كتبت بواسطة G I V E N C H Y

مشكلتي جاي مستعجل ابي اساعد الغالي .. على بالي باجيب شي جديد لقيت الخبراء سابقينا

: :

:

باعطيك برنامجي لشهر العسل مع بعض التعديلات والغاء التفاصيل اوكي ؟

..: : اليوم الاول : :..

* "افتراض الوصول ظهرا": أخذ قسط من الراحة في الفندق بعد الوصول ، ساعتين لا أكثر.

* عصرًا : استكشاف المنطقة المحيطة بالفندق و التمشية في جادة الشانز مع وجبة خفيفة " تصبيرة " بس مو تاخذون لوزين << لا تفشلونااا ، وخلال هالعصرية مروا على اقرب مترو واشترو تذاكر لكم مفتوحة لمدة ثلاث ايام ، وبرضه اشتروا تذاكر لمدة يومين للباص السياحي المكشوف.

* مساء : تمشية عالشانز ، عشاء ، كافي ، شراء تذاكر لديزني لاند (الاستديو والبارك) من فرعهم بالشانز ، الذهاب للفندق للنوم.

..: : اليوم الثاني : :..

* صباحا & ظهرا & عصرا : الاستيقاظ ، الفطور في الفندق. الذهاب لبرج ايفل بالباص السياحي المكشوف (( اقرب للوصول من محطة المترو اللي عند ايفل )) ، بعد الانتهاء من زيارة البرج ركوب الباص السياحي المكشوف واستكشاف معالم باريس (( تكحيل العيون )).

* مساء : حر للتسوق في مجمع لافييت ، تمشية عالشانز ، الذهاب للفندق باكرًا استعداد ليوم شاق غدا .

..: : اليوم الثالث : :..

* صباحا & ظهرا & عصرا & مساء : الاستيقاظ باكرًا ، الفطور في الفندق ، التوجه الى محطة رير ثم التوجه لديزني لاند والعودة آخر اليوم.

(( اذا تحبون التسوق في قرية لافيلاج " قرية الماركات المخفضة ، موقعها قبل محطة ديزني بمحطة واحدة ، فاذهبوا اليها اولا لانها تقفل الساعة 8 مساء )).

(( استديوهات ديزني لاند تقفل الساعة 7 ، والبارك يقفل الساعة 10 )).

(( لاتنسون تقصون تذاكر الفاست باس عند دخولكم ديزني لاند من خلال مكاين التذاكر عشان تسهل عليكم لعب الالعاب لانها مرة مرة مرة زحمة ، وحاولوا تتجنبون ديزني لاند يومي السبت والاحد نظرا للازدحام ايضا ))

..: : اليوم الرابع : :..

* صباحا & ظهرا : الاستيقاظ ، الفطور في الفندق. التوجه الى هضبة المونمارت والتجول هناك (( ارسم لك لوحة من احد الرسامين المنتشرين على الشوارع ، تمتع بالاجواء الهادئة ، التقط أحلى صورك ، تناول وجبة غداءك و ودع هذا المكان الرائع )).

* عصرا & قبل المساء : وقت حر اما للتسوق او الذهاب الى منطقة اللاديفانس او الذهاب الى متحف الشمع (( ما اسمع له طاري كثير بالمنتدى وان شالله راح ازوره او الذهاب الى كنيسة نوتردام ))

* المساء : جولة وداعية بالشانز ، العشاء ، الذهاب للفندق مبكرا وترتيب الشنط استعدادا للمغادرة غدا.

ملحوظة : اذا كنت تبغى تزور متحف اللوفر ضيفه لهذا البرنامج في اي يوم يناسبك واحذف اللي ما تبغاه.

اتمنى اكون افدتك وسفرة سعيدة لك وللأهل ان شالله ..

تحياتي ..

المشاركة الأصلية كتبت بواسطة paris forever

هلا وغلا اخوي Rawwwf مرتن اخرى
وترى ماسوينا الى الوااااجب والف شكر على كلامك الطيب

لحظه قبل كل شئ برد على مزووونه حبيبة قلبي




ولو ياقلبووو انتي الخير والبركه وبعدين وين اللون الأزرق لو سمحتي رجعيه لأني ماأعرفك الى بفستانك الأزرق



نرجع لأخوي رواااااف

البرنامج اللي سويته حلو بس عندي بعض التغييرات الوتعديلات ابقترحها عليك

بالنسبه لليوم الأول حلو وتمااااااااااااااااااام جدا


اليوم الثاني : دزني لاند واذا حاب تروح للاوت لت خليه أول يعني قبل لاتنزل لمحة دزني لاند انزل بمحطة الاوت لت أول لأنه يسكر بدري اولا وثاني شئ اساسا وانت راجع من دزني لاند بيصير مافيك حيل تمره من التعب


اليوم الثالث : حط قصر فرساي من الصباااح وراح ياخذ منك مشوار ساعه رايح جاي وساعتين الى 3 ساعات يعني المجموع كله راح ياخذ من وقتك أربع ساعات + برج ايفل+ نهر السين (( لأن برج ايفل مايقفل بالمساء وتقدر تستمتع فيه مع النهر )) ليش بدلت المونمارت لأن المونمارت وقصر فرساي اثنينهم بعيدين واثنينهم يبيلهم وقت وعلشان تتمتع أكثر بدلتهم


يصير عندنا اليوم الرابع : منطقة المونمارت من الصباح(ساعتين) + الحي اللاتيني (ساعتين)+ الغاليري لافييت(ساعتين طبعا لو علي بخليه 24 ساعه خخخخخ) ((والغاليري لافييت يقفل الساعه 7ونص)) ومنها منطقة الاوبرا لأنها جمب المول صايره حواليها وتمتاز بالمحلات والقهاوي أو انك تروح لمنطقة اللاديفانس بعد ماتخلص من الغاليري لافييت




بالنسبه لمتحف الشمع ترااه شبيه باللي في لندن ونا شفت حق لندن أحس انه أحلى

احس بكذا انو البرنامج حلو ومرتب وجمعت أهم الأماكن اللي في باريس قلبه قلبه ههههههههههههههههههه