 |
 |
 |
||
|
|
|
||
 |
|
 |
|
|||||||
| دول جنوب و شرق آسيـــا تعنى هذه البوابة بتزويد المستخدمين بجميع المعلومات المتنوعة الخاصة بالسفر الى ماليزيا. |
 |
|
|
أدوات الموضوع | انواع عرض الموضوع |
21-05-2008, 04:27 PM
|
#1 (permalink) |
|
مسافرجديد
تاريخ التسجيل: Apr 2008
رقم العضوية :182716
المشاركات: 58
|
مساعدتكم في تجهيزات السفر مع الاطفال
السلام عليكم ورحمة الله وبركاته
أن شاء الله مسافرين في شهر أغسطس لماليزيا وعندي بعض الشكاليات في تجهيزات السفر وكيف ترتيب الحقائب وللمعلوميه معاي 3 أطفال وأعمارهم 6و5 و2 ونفسي ما أخذ معاي شنط كثيره وكماً تدخل جوا الطائره يعني يكون حجمها صغير وسفرتنا مدتها 18 يوم يعني كم قطعه أخذ معي لكل طفل وش نوعية الملابس لمريحه لهم وكما الاماكن البارده وش أخذ لهم من أحطياطات وزي ما أنتو عارفين كل كم يوم في مكان وكيف الغسيل لانه بصراحه الغسيل في الفنادق غالي والاطفال غياراتهم كثيره وبعد الدويه لو فيه قائمة ادويه أخذها معي عشان ما يتعبون أو بعض الحتياطات الي تنصحوني فيها وتجهيز شنطة لطائره الي فيها مستلزمات الاطفال من غيارات ووجبات وطفالي الصغير يشرب الحليب في كاسه وش العمل وهل أخذ له عربيه لانه خلاص ما عاد يجلس عليه بس أخاف يتعب وما يتحمل المشي بصراحه ابي مساعدتكم لي ونصائحكم وتجاربكم لا تبخلو علي بكل ما لديكم والكم جزيل الشكر وجزاكم الله خير |
|
|
|
21-05-2008, 08:38 PM
|
#2 (permalink) |
|
مسافرجديد
تاريخ التسجيل: Aug 2007
رقم العضوية :154395
المشاركات: 26
|
السلام عليكم ورحمة الله وبركاته ..
انا العام سافرت ماليزيا وكان معاي طفلتين وحده 4 شهور والثانية سنتين وكم شهر .. والسنه بروح بعد بس باخذ معاي بنات اختي يعني بيكون معاي سنه ، وثلاث ، وثمان ، وعشر سنين . المهم اقولج عن تجربتي .. 1- لا تاخذين شنطة وحده كبيرة وزعيهم على شنطتين متوسطين احسن والسبب : : راح يتعبون زوجج في الشيل والحط خصوصا اذا كنتوا بتنتقلون لعدة فنادق .. 2- خذي معاج شنطة وحطي فيها غيرات حق اليهال للطيارة تحسبا لأيه مشاكل .. انا بنتي الكبيرة تمت اترجع واضطريت ابدل لها. 3- اخذي لج مراضيع بلاستك وعبيها حليب بودة بدون ماي انا بنتي كانت 4 شهور خذت معاي 5 مراضيع لان تاخرنا بالمطار اللي بالدوحة ساعة .والمسافة 8 او 7 ساعات . ولما وصلنا هناك بعد تأخرنا لانه كان فيه خطأ في الحجوزات من قبل شركة المواصلات ...فاستهلكت كل المراضيع . 4- خذي بناطلين جنز لانك تقدرين تلبسينه اكثر من مرة وما يتوسخ وما يبين فيه الوسخ .خذي تي شيرتات على عدد الايام وزياده بعد احسن لج من الغسيل انا سويت كذا ويوم رجعت قطيتهم في جبد الخدامات يغسلون .ما فيه وقت اني اقعد اغسل بصراحة لما نرجع من الطلعة يكون حيلنا مهدود يدوب نرقد ونستعد لليوم اللي بعده . خذي جاكيت واحد بس اذا كنتو بتروحون جنتنغ لانها بارده والباقي حر . 5- خذي عربه صغير لولدج لانه بيتعب من المشي خصوصا اذا بتتسوقين . اذا مو ماخذه خدامة اطلبي من الفندق بيبي ستر يوفرون لج . 6- واحطي للاطفال اشياء بسيطة للطيارة بسكوت مثلا او شبس حلويات ..واحسن شي لا تخلينهم ينامون قبل السفر علشان ينامون بالطيارة ويريحونج .انا سويت هالطريقة كانت طيارتنا الساعة 2 الظهر قعدتهم من الصبح ونامو بالطيارة وما قامو الا قبل ما نوصل بساعة وبنتي الصغيرة تقوم تشرب رضعة وترجع تنام . 7-الادوية خذي دوا للسخونة ، الترجيع ، الاسهال ، وفكس ، والكحة وان شاء الله ما تتعرضين لاي مشاكل صحية بس خذي معها رشته احتياط للمطار . 8 - خذي معاج سدادات للاذن اذا بيسبحون بالبركة علشان ما تلتهب الاذن . 9- اذا عندج اي استفسار انا حاضرة . 7- |
|
|
|
|
22-05-2008, 10:15 AM
|
#4 (permalink) |
|
مسافر متميز
تاريخ التسجيل: Jun 2006
رقم العضوية :98005
المشاركات: 276
|
- أخذ كمية كافية من الحليب للطفل لأنه يختلف من دولة الى أخرى، والسيريلاك.
- أخذ كمية كافية من البامبرز ومناديل جونسون او سيباميد لتنظيف الطفل وقت الحاجه. - الرضاعات وترمس الماي الساخن، وفرش تنظيف الرضاعات. - الأدويـة مثل خافض للحرارة، دوار الكحة والمغص وأخذ الأعشاب الخاصة للمغص. - ألعـاب تناسـب عمر الطفل للطيارة وللرحله. - عربـة الطفل مهممممة، ولحاف نلحف البيبي لما ينام. - لوازم الطعام من أطباق صغيرة غير قابلة للكسر، ملاعق، سكين، خلاطة صغيرة، - ملابس على حسب الأيام الي بتقضيها في السفر، مع عدد 2 أو 3 أخذيـة. شنطة للطيــارة: - عدد 2 رضاعة حليب ،وترمس ماي ساخن وقارورة ماي صغيرة - بامبرز يكفي لمدة الرحلة، مع مناديل معطرة. - بسكويت، موز، زبادي، عصير، ماء - اذا البيبي يرضع طبيعي اخذي معاكي لحاف وقت ما ترضعيه تغطي. - لعبـة صغيرة للبيبي وتناسب عمره. |
|
|
|
|
01-06-2008, 01:54 AM
|
#10 (permalink) |
|
مسافر متالق
تاريخ التسجيل: Apr 2008
الدولة: الرياض
رقم العضوية :182094
المشاركات: 629
|
انا الصراحة مثلك هالسنة بااسافار لماليزيا ومعي طفلين 7 سنوات و5 سنوات ومحتارة كثير في سالفة الملابس..
زوجي يقول خليها بس شنطة واحده لنا كلنا وانا اقول مستحيل..خصوصا اننا بنجلس ايام كثيرة.. واستغربت اللي يقولون خذي ملابس على عدد الايام اللي بتجلسينها هناك..يعني لو خذت لكل طفل 15غيار وكل غيار عبارة عن قطعتين ..وش هالشنط اللي بتكفي بس؟؟ انا اقول اصير اغسل القطع برى في المغسلة مو في الفندق..يمكن تكون ارخص.. يعني اخذ ملابس تكفي اسبوع مثلا..وكل اربعة ايام اوديها للمغسلة.. وش نسوي الاطفال ما يلبسون اللبس الا كم ساعة وهو معدوم.. اما عربية الاطفال انا اؤيد اخذها وبشده..خذي الخفيفة اللي مثل المظلة اذا سكرتيها..خفيفة ويمكن تحتاجينها اذا تعب الطفل من المشي.. الادوية ماراح اخذ الا فيفا دول وباندول فقط..والباقي متوفرة الصيدليات بكثرة...ولا تنسين مقياس الحرارة للطفل.. وبالنسبة لجنتنق..خذي بلوفر واحد لكل طفل..اخف من الجاكتات وتاخذ مكان اقل بالشنط.. |
|
|
|
|
03-06-2008, 12:02 AM
|
#11 (permalink) |
|
مسافرجديد
تاريخ التسجيل: Apr 2008
رقم العضوية :182716
المشاركات: 58
|
أختي **كابتشينو**
جزاكي الله خير بصراحه أنا قالت بأخذ لكل طفل خمس الى ست غيارات وبجامتين أو ثلاث وروب سباحه في شنطة السفر وفي شنطة الطائره حاخذ غيار لكل طفل والصغير حاخذله غيارين والله ييسر لنا سفر تنا وما يتعبونا هالحلوين |
|
|
|
|
08-06-2008, 11:52 AM
|
#12 (permalink) |
|
مسافرجديد
تاريخ التسجيل: Jul 2004
رقم العضوية :10921
المشاركات: 54
|
موووووضوع يجنن ومفيد وايد .. انا بعد بسافر ماليزيا شهر 7 مع عيالي
9و8و سنه ونص .. والله يستر لان كل سفراتي القديمة بدون عيال .. يعني اروح على راحتي .. لين الحين ما فكرت باالاغراض الى باخذهم معاي .. بس جزكم الله خير .. وضحتولي بعض الاشياء المهمة .  . بس انا اشتريت لبناتي 9 و 8 سنوات شنطة خاصة بكل وحده تكون بلاستيك .. للسباحة والبحر بحط لكل وحده فيهم روب السباحة ودبة ماي وكريم الشمس  بس حبيت استفسر .. بالنسبه لماليزيا فيها بعوض او لا .. يعني نحتاج كريم البعوض .. وبعد ولي المشكلة عنده الربو يعني الزم اخذ معاي الجهاز الخاص به .. والادويه .. اممممممممممممم شو بعد ؟؟؟؟  انا مفكره مثل ما قالت الاخت الى قبل اني اخذ معاي اكثر شي جنزات لان تقدرين تلبسينهم لليهال اكثر من مره .. ولا تنسين تاخذين مريلة الاكل للبيبي وتلبسينها اياه عند الاكل عشان ما يوسخ ثيابه .. بصراحة وايد متخوفه من هالسفره لانها اول مره مع اليهال والله يستر .  . اممممممممم بفكر بعد شو بشل معاي وبرد عليكم . . انا سفري على 7/7 /2008 يعني بعده عندي وقت .. باااي |
|
|
|
|
08-06-2008, 03:33 PM
|
#13 (permalink) |
|
مسافرجديد
تاريخ التسجيل: Mar 2008
رقم العضوية :175489
المشاركات: 50
|
السلام عليكم..
انا توني راجعه من كمن يوم من ماليزيا.... والصراااااااحه اتجنن اسبوعين فيها اشوي ههههههه كانت بنتي معاي عمرها سنه بس هلكة من الصياح لانها صيااااااااااحه... للطياره.... خذت مطارة ماي دافئ لاتعتمدون على المضيفات لانه شفت كذا عايله يخلون المضيفه تجيب لهم ماي بس يكون حار وصياح البيبي لين ماتبرد الرضاعه وعفسه اذا وقفوكم فالمطار ردي عليهم انها للبيبي وصدقيني مابيقولون كلمه وعادي تاخذينها حليب بودره خذي العلب الخاصه بالحليب انا خذت 4 كبار200ملي و3 صغار 120ملي<<< الرضاعات لانه كنا سفرنا ابوظبي كوالا كوالا بيننج<<< على طول مافي راحه حفاظات عدد 6 او 8 غيارين وبجامه ولحاف خفيف وخذت معاي علب لحفظ الاكل وكنت حاطه سيريلاك وبسكوت... الملابس انا غلطة وخذت شنطه كبيره وتبهدلنا فيها اقول قسمي لو 5 شنط ولا وحده كبيره وكثري جنزات شورتات اكثر شي لانه الجو حااار... ملابس بنتي كانت اغلبها شورتات وتشيرتات ولجنتنق خذت بنطلونين مع قميصين كم طويل واذا كان نص كم عادي لانه فوقه بيلبسون جاكيت وانا انصح مايكون جاكيت ثقيل وياخذ مكان لانه مو ذاك البرد شتانا ابرد عنه بمية مره خذي اللي يكن مثل الصوف<<< فهمتوا...... وكثري ملابس داخليه.... ونصيحه لاتستخدمون المغاسل اللي عندهم لغسيل ملابس الاطفال والواحد مايأمن من المراض والبلاوي اللي عندهم من كثر الاجانب وعلى الادويه خافض حراره... دوا رشح... مقياس حراره.... دوا مغص واستفراغ<<< نصيحه خلي الدكتور يكتبلج لانه ادرا بصحة عيالج واي جوا يناسبهم... ورحله موفقه للجميع |
|
|
|
|
08-06-2008, 04:03 PM
|
#14 (permalink) |
|
مسافر متميز
تاريخ التسجيل: Jul 2007
الدولة: في ارض اللـــــــــــــــــــــــــــــــــــــــه
رقم العضوية :141715
المشاركات: 306
|
السلام عليكم
اختي ممكن هذا الموضوع يفيدك وشكرا هل تسافر بالأولاد ؟؟ ..... خذ بعض النصائح ...... سلسلة (8) |
|
|
|
|
09-06-2008, 05:16 PM
|
#15 (permalink) |
|
مسافرجديد
تاريخ التسجيل: Apr 2008
رقم العضوية :182716
المشاركات: 58
|
جزاكم الله خي أخواتي
العفريته و كادبري أختي العفريته الله يسهل علينا سفرتنا وما يتعبونا هالصفار وأختي كادبري مشكوره على هذي النصائح وجزاك الله خي أخي د.قانون موضوك جداً مفيد الله يعطيك العافيه على هذا الموضوع المفيد |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 09:29 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||