الموضوع: ما أفضل مطعم في الرياض ..((بوفيه مفتوح))..؟؟

السلام عليكم...

ياشباب ودي اعزم زميلي وحرمته على وجبة عشاء بمناسبة زواجهم, بحيث اني ادفع قيمه العشاء واعطيه الكرت وهو وحرمته يتعشون متى ما ارادو!! .فما ادري وش الأفضل والافخم واللي سعره مناسب ويكون على نظام بوفيه مفتوح ؟ ...

غالباً البوفيهات المفتوحه تكون نهاية الأسبوع يعني الخميس أو الجمعه

وانا أنصحك ببوفيه مطعم في فندق الفهد كراون على طريق المطار وتقدر تروح وتشوفه بنفسك رائع وراقي وسعره مناسب
أو بوفيه مطعم كانتون سيزلر في طريق التحليه
أو بوفيه مطعم فندق الأنتركونتننتال وهو الأفضل
واذا تبي شي حلو بس مو بوفيه
عندك الريف اللبناني أو الريف الإيطالي مطاعم راقيه وأكلها حلو

يعطيك الف عافيه يا مهاجر على الرد السريع...
بالنسبة لفندق الفهد كيف ارجع له اذا مسكت طريق المطار...اخاف مايردني الا المطار<==عليمي في الرياض..

كذلك فندق الهوليدي ان طريق الملك فهد عنده بوفيه مفتوح طوال ايام الاسبوع الشخص 130 تقريبا

فندق الفهد كراون
تفرق له مع المفرق الخاص بجامعة الإمام محمد بن سعود الإسلاميه وترجع مره أخرى في جهة الجنوب وبيكون على يمينك
وأي مساعده أبشر بسعدك على أتم الإستعداد

ماشاء الله ماقصروا الاخوان..
بس بحكم اني ذويقة بالمطاعم انصحك..
بالريف اللبناني ..
شئ راقي ..
ويستاهل القيمة المدفوعه فيه..


ووصلهم مباركتنا لهم..

ما شاء الله عليك ذويق (تقدير جميل لزميلك المتزوج)
أنا من وجهة نظري لأنك حددت مطعم بوفيه عشان تكمل الهديه
بعض الاخوان نصحوك بالريف اللبناني (ياشباب كيف بيحاسب عنه الرجال، الرجال يبيها هديه)
عندك فندق الخزامى جلسته جميله على العشب الأخضر وملطفات الجو (بخار)موجوده وأكله والبوفيه جيد ومشكل من جميع الأصناف . وبالتوفيق

المنار...يعطيك العافيه وشكراً على توضيح السعر

مهاجر..الوصف واضح يعطيك الف العافيه


gorden...شكراً على هالذوق ..


عاقل...شكراً وهذا من طيبك , ويعطيك العافيه.

اخي : honda999

انا من حكم تجربة انصحك بمطعم السيزونز في فندق الفور سيزونز في برج المملكة.
مطعم تتعب ونت تقول اكلهم زين ، البوفية عندهم من كل شكل و لون و الحلي عندهم يموت من زينة.
البوفية اعتقد انه يومي بس ماني متاكد.
سعر البوفية 110 ريال للشخص.
بس تراه يستاهل كل قرش يندفع فية.


اما الريف اللبناني بصراحة معطينة اكثر من حجمة ولا يستاهل.

الكانتون سيزلر جيد بس ماهو الي ذاك الحد.

لك اجمل تحية.

إضافة لما اضافه أخوي
Esperanza
فيه مطعم سبازيو في برج المملكه وأعتقد انه في الدور ما قبل الأخير
إيطالي

انا ما جربته بس كثير مدحوه