 |
 |
 |
||
|
|
|
||
 |
|
 |
|
|||||||
 |
|
|
أدوات الموضوع | انواع عرض الموضوع |
25-08-2004, 02:46 PM
|
#1 (permalink) |
|
مسافرجديد
تاريخ التسجيل: Mar 2004
رقم العضوية :2060
المشاركات: 50
|
nobody في ماليزيا
السلام عليكم ورحمة الله وبركاته
( أعتذر لكثرة الصور وقلة التعليق ) في البداية لابد لي أن أشكر إدارة المسافرون العرب على هذا الموقع الرائع وأيضاً أشكر جميع من ساهم بموضوع هادف أو رد مفيد. مثل ما تشوفون ماليزيا في الصيف تصبح دولة عربية وذلك لكثرة المسافرين لها وأيضاً من كثرة المواضيع اليومية التي تكتب عن ماليزيا. عموماً ما قصروا الأخوان في مواضيعهم وشروحاتهم أصبح لدي معرفة شبه كاملة بماليزيا وكانت هذي المعروفة ضرورية بالنسبة لي لأني كنت ابي آخذ عروستي هناك، وهذا هي النتيجة: أقلعنا من السعودية بحمد الله إلى كوالا ومن ثم انتظرت في المطار حول 4-5 ساعات عشان أسافر للنكاوي، ويوم هبطت في لنكاوي بغت الدمعة تطيح لولا ستر الله تدرون ليش لأن المنظر خيالي: هذي صورة مطار لنكاوي  سكنت في فندق بلانقي بيتش في حدى الأكواخ ( إلي يعيب الأكواخ هو انها أحياناً مرتع للحشرات والزواحف ) لكن غرفة رائعة وخدمة أروع. وينقلونك للغرفة بسيارة قولف  فهذاك اليوم كنا تعبانين فما رحنا لشيء وإكتفينا بالتمشي على الشاطئ.  هذي صورة من بلكونك الغرفة في اليوم إلي بعده وبما أنه آخر يوم لنا في لنكاوي ( انا اخذت يومين في لنكاوي وكانت غلطة عمري ) قررت اروح وأشوف إلي أقدر اشوفه، فرحت لرحلة بالقارب كان الجو ممطر فكان الوضع رطب نوعاً ما فشفنا كيف إنهم بنو أكواخ على توانك موية بالإضافة إلى مزارع الأسماك المنتشره هناك.  وانت تمشي في النهر تبي تشوف الجبال والأشجار على جال النهر والغريب فيها إن جذورها فوق الماء ( مثل إلى منك مشيت في الشارع وشفت لك نقعة ماء ورفعت ثوبك وبانت سيقانك ). اول كهف تدخله هو كهف التمساح   مليان خفافيش بس كلها نايمة  
|
|
|
|
25-08-2004, 02:52 PM
|
#2 (permalink) |
|
مسافرجديد
تاريخ التسجيل: Mar 2004
رقم العضوية :2060
المشاركات: 50
|
رد: nobody في ماليزيا
للأسف مع الأمطار ما جت النسور تاكل من الأكل إلي يقدمونه لها اصحاب القوراب لكن جاء على الأقل 3 وسعوا صدورنا.
 ثم إنطلقنا لتلفريك لنكاوي ولكن للأسف بسبب الأمطار والصواعق قالوا قفلنا حتى تتوقف الأمطار، وأخذت الصورة هذي عند التلفريك  ولله الحمد كان معنا وقت فإنطلقنا لآبار المياة السبعة يعيبها الدرج يعني يبغالك تطلع حول 250 درجة وتنزل مثلها ولكن إذا طلعت فوق تبي تنسى التعب مع المناظر الحلوة      وانتهى اليوم هذا بعشاء رائع في أحد المطاعم الصينية الشعبية. من بكرة الصباح طلعنا لبينانج بأحد القوارب السياحية لكن للأسف كان متعب والسبب إنك جالس على كرسي تقل في طيارة وهو يروح يمين ويسار لذلك إذا بغيت تاخذ قارب من لنكاوي لبينانج أو العكس إسأل إذا كان في القارب مطل على البحر تقدر تطلع تشم هواء. عموماً وصلنا لبينانج ولله الحمد دايخين نبي النوم فأخذت أقرب تاكسي على فندق متيارا الرائع. طبعاً راح باقي هذا اليوم تمشي على الشاطئ. في اليوم الثاني أخذنا لنا رحلة لجزيرة القرود    تصيد ساعة ثم تاصل الجزيرة وتقعد تتمشى عليها شوي إلا وتلقى الغداء جاهز ( ما يوذيك إلا الذبان )  تمشينا في بينانج بين بتورنقي إلي لقينا فيه الهوايل لقينا بعض الأواني عندهم ب 80 رنقت وفي محلات فاخرة لقيناها نفسها ب 350 رنقت، وطبعاً رحنا للأسواق والسينما هناك. ثم في اليوم الخامس اخذنا الباص إلى كاميرون هايلاندز الرائعة، أخذت الرحلة من بينانج إلى كاميرون حول 6 ساعات ونصف كانت معاناة صراحة منه ساعة ونصف منه تمشي في طريق حول طريق الهدا لكنه اسوأ لأنك في باص واخذنا التذكرة بحول 30 رنقت للشخص. كاميرون وما ادراك ما كاميرون جمال طبيعة يخليك تتمنى إنك تيس يرعى هناك. ولكن إنتبه يمكن تدوخ لأنك منت متعود على جرعة الأكسجين إلي تبي تحصل عليها ). |
|
|
|
|
25-08-2004, 02:59 PM
|
#3 (permalink) |
|
مسافرجديد
تاريخ التسجيل: Mar 2004
رقم العضوية :2060
المشاركات: 50
|
رد: nobody في ماليزيا
   هذي صور من الفندق سكنا في فندق اكوتوريال المعروف ولكن للأسف مهوب مثل إلي أنت تبي لأني في مرة من المرات طلبت عشاء في الغرفة وجاني ولله الحمد، بعد ما طلعت العشاء برا الغرفة كلمتهم عشان يشيلونه قالوا طيب، يوم قمت من بكرة الساعة 12 الظهر لقيت الأكل موجود محله. كاميرون تحتاج يومين بالكثير الأول تريح فيه والثاني تتمشى فيه. فرحنا لحديقة الفراشات ( لقينا فيها أكثر من الفراشات ).  يبدو إن الجماعة مشبهين     مثل ما تعرفون اشهر منتجين في الكاميرون هم الشاهي والفراولة، ففيه مزارع هناك تروح تقطف الفراولة إلي تبيها بدل ما يقطفونها لك  وطبعاً الكاميرون كلها مناظر جميلة وخصوصاً الشلالات هذي شلالات برايسون ( ماني متأكد من الأسم )   الجسر إلي تشوفونه فوق الشلال يبغالكم تمشون معه  تبغون تلقون لوحة مكتوب عليها البرج ( فيه ممرات كثيرة للمشي في مثل هذي المناطق ) بعد المشي فترة تبون تلقون البرج  إذا وصلت فوق تبي تلقى نفسك فوق الغابة والصراحة منظر خلاب  فيه أيضاً شلالات روبنسن رائعة الصراحة وصوت هادر  مثل ما قلت لكم من اشهر منتجات كاميرون هي الشاهي لذلك لا تستغرب إذا لقيت مساحات شاسعة كلها شاهي:    وفيما كنت اتمشى رحت لفندق الليك هاوس وصورت المنظر هذا. 
|
|
|
|
|
25-08-2004, 03:07 PM
|
#4 (permalink) |
|
مسافرجديد
تاريخ التسجيل: Mar 2004
رقم العضوية :2060
المشاركات: 50
|
رد: nobody في ماليزيا
وغادرت المكيرون إلى كوالا بالباص واستغرقت الرحلة حوالي 4 ساعات ونصف كانت اغلبها نوم ولله الحمد ( الصراحة تعبت من خط كرا النسخة الماليزية ). وما ان دخلنا في كوالا إلا وارتسمت على خشتي إبتسامة عريضة، الصراحة مدينة حديثة فعلاً تشوف التطور تشوف الرقي تشوف الإحترام حتى قطاوتهم ساكته. عموماً سكنا في فندق الريجنت، ولله الحمد كان الإختيار موفق لأنه يقع على شارع كله اسواق ومطاعم غربية وعربية ( يقع على هذا الشارع أيضاً فندق الماريوت ووسترن ).
اول رحلة قمت بها في كوالا كانت لوندر وورلد  الصراحة رائعة جداً بالتمشيات والمناظر الحلوة لكن لا تجيها قبل الساعة 6 ، اول شيء تبي تلقاه قدامك هو القطار إلي يبي يمشيك على بعض الحديقة ومنها أقفاص الحيوانات خصوصاً أقفاص النمور الحمر والبيض ( مثل بعض اللهم واحد مفركينة بصابونة وليفة لين تغير لونه والثاني برشته )  تقدر تاخذ رحلة بحرية بقارب صغير ولكنة سريع نوعاً ما ( على الغروب ترى المنظر خيالي )  رحنا لعالم الثلج ( برد بالحيل وإنتبه تركض تراه زلق – يا زلقت يابانية قدامي زلقة كفانا الله شرها - ).   الساعة 8 بالليل كان فيه عرض جميل للنافورة الراقصة  بعدها على طول عرض الليزر  ثم الساعة 9 جاء عرض الفرق الشعبية ( بدون سيوف ولا جنبيات ) العرض الأول ما كان بالحيل  لكن العرض الثاني كان حلو خصوصاً بوجود الآدمي هذا  اليوم إلي بعده كان حافل بالمشاهد الجميلة: الأول كانت الشلالات  وإلي حصلت فيها معركة عنيفة بيني وبين القرود التي ارادت اخذ المنجا حقتي وانا ما غير تشويت فيها لكن يوم شفت الوضع مهوب من صالحي واني العب على ارضهم وبين جمهورهم قررت انسحب بعد ما اخذت كم صورة. انطلقت بعدها للمنارة kl الصراحة اجمل من برج التلفزيون إلي بازين فيه من يوم وعيت على الدنيا، وفيه مناظر جميلة.   جنتنق هذي كلام ثاني بين الغيوم والعاب حلوة داخلية وخارجية  من الألعاب إلي جازت لي شخصياً حقت الطيران ( انبوب موقفينه مركبين من تحت مروحة ومن فوق شبك تاقف عليه ويرفعك ) افضل وصف للوض هو كأنك ناط من طيارة وقاعد تسبح في الهواء قبل لا تفتح البرشوت. هذي صورتي وانا داخله  إذا كنت تعاني من إصابات في الكتف فأنصحك لا تدخله إلا إذا كنت معزم. انا عن نفسي فيني خلع في الكتف الأيمن والأيسر وسألوني قبل هل تعاني من إصابات في كتفك ( خفت يمنعوني ) قلت ما ازين مني قالوا ادخل طبعاً تخضع لكورس مكثف قبل لا تدخل ( قيمة الدخول 35 رنقت لمدة 5 دقائق ) ثم إذا بغيتهم يصورونك وانت داخل تدفع زود 15 رنقت. في آخر شهر اغسطس يبي يكون آخر ايام سرك اسمه فانتاستكا، مختلف عن السرك التقليدي لأنه يكون على المسرح  للاسف يمنع التصوير اثناء العرض. رحت أيضاً لبرج التوائم  تقدر تطلع على الجسر مجاناً ولكن يبيلك تقضب سرا من الساعة 8.00 الصباح وثم تعطى بطاقة مكتوب فيها متى تقدر تدخل ( إذا ماكان ودك توقف بالسرا رح للرسبشن في الفندق قل لهم ابي اروح للبرج يقولون لك حنا نجيبها لك –انا خذو مني 30 رنقت على قولهم قيمة الروحة - ).  هذي الصورة للجسر من الداخل ( لاحظوا إننا في الدور رقم 41 وعلى إرتفاع 170 متر عن سطح الشارع )  عدد الأدوار في البرجين هو 84 دور ( يا دافع البلا ) 
|
|
|
|
|
25-08-2004, 03:08 PM
|
#5 (permalink) |
|
مسافرجديد
تاريخ التسجيل: Mar 2004
رقم العضوية :2060
المشاركات: 50
|
رد: nobody في ماليزيا
آخر المحطات الترفيهية في كوالا كانت منتجع سن وي لاقون
   الرحلة 16 يوم التذاكر والفنادق كلفوا 12.000 ريال اعتذر مرة ثانية على كثرة الصور وقلة التعليق ( كمصور خذ ولد لكن كمعلق ما عندك احد ) الصور عندي كثيرة جداً ولكن اخترت هذي منها. أتمنى أكون ساعدت بالصور عن شيء بسيط. |
|
|
|
|
25-08-2004, 07:26 PM
|
#6 (permalink) |
|
نائب المدير العام
تاريخ التسجيل: Mar 2003
الدولة: المملكة العربية السعودية
رقم العضوية :97
المشاركات: 2,269
|
رد: nobody في ماليزيا
السلام عليكم ورحمة الله وبركاته
الحمد لله على السلامة ... ورحلة سعيدة بأذن الله ... الله يعطيك العافية .... صور رائعة ... وتعليقات مختصرة ومفيدة ... بارك الله فيك .. فهد© |
|
|
|
|
27-08-2004, 12:42 AM
|
#9 (permalink) |
|
مسافرجديد
تاريخ التسجيل: May 2004
رقم العضوية :2704
المشاركات: 36
|
رد: nobody في ماليزيا
اتمنى منك يا اخ nobody ان تخبرني عن سعر تذاكر الطيران الداخلي من مطار كوالالمبور الى لنكاوي للشخص الواحد وموعد اقلاعها.وكذلك افضل فندق برايك في كاميرون هايلاند يطل على مزارع الشاي ويكون قريب منه .وشكرا
|
|
|
|
|
28-08-2004, 03:24 PM
|
#10 (permalink) |
|
مسافرجديد
تاريخ التسجيل: Mar 2004
رقم العضوية :2060
المشاركات: 50
|
رد: nobody في ماليزيا
السلام عليكم جميعا
مواعيد الطيران من كوالا إلى لنكاوي ما هي عندي بالضبط لكن إذا رحت رح على الافق لأنها ما تفرق على السياحية إلا 50 ريال تقريباً. عن السعر الله العالم إنها ب 150 اما في كاميرون هايلاندز فيمدحون الليك هاوس موقعه قدام البحيرة وقريب من مزارع الشاهي. |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 02:11 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||