|
|||||||
| التسجيل | الرئيسية | معرض الصور | المنتدى | إشارة الأقسام مقروءة | التصنيفات |
| بوابة السفر الى مملكة البحرين Bahrain تعنى هذه البوابة بتزويد المستخدمين بجميع المعلومات المتنوعة الخاصة بالسفر الى مملكة البحرين. |
 |
|
|
أدوات الموضوع | طريقة العرض |
19-04-2008, 09:34 AM
|
#1 (permalink) |
|
خبيرة سفر ماليزيا
 تاريخ التسجيل: Aug 2007
المكان: الرياض << لاتلمني في هواها
مشاركات: 3,286
|
Elite Resort& Spa
صباح الخير/مساء الخير جميعا..
الاسبوع الماضي في اجازة نصف الترم..حبينا نغير جو  (او خلوني اكون صريحه.. اهلي حبوا يغيرون جو وانا لصقت معهم)  فأخترنا البحرين حبيبة القلب..وسكنا فندق عجبني.. فصورت لكم كذا كم صورة وحبيت اخذكم فيه لفه واعطيكم ارائي فيه  (يعني بالعربي اباتفلسف شوي.. اللي راسه مصدع ينفذ بجلده من اوله)  Elite Resort & Spa نبي نبدا من اول دخلتنا الفندق..  هذا اللوبي..عن يميني وانا اصور صاير الرسبشن.. (بس مالي داعي اصورهم.. باكون مضطره استاذن علشان يكدون شعورهم.. والصراحه مالي خلق اذب وجهي معليش.. ) وعن اليسار حاطين عصير وبقلاوه وبتي فور مجاني ..يم يم يعني مثل ماتوقعتوا.. يوم كنت اصور هنا كنت مسنتره آكل وفالته عالاخر تلاحظون قدام.. فيه جهازين للي يبون انترنت وماجابوا معهم لاب توباتهم.. والساعه بدينارين والنص ساعه بدينار ..<<==غالي صح؟ وللاسف مافيه وايرلس مجاني باللوبي مثل باقي الفنادق  ويمكن هذا هو الشي الوحيد اللي ماعجبني بالفندق   جانب اخر من اللوبي.. (مسويه دقيقه واوريكم اياه من جميع الجوانب)  هنا منطقة المسابح.. طبعا ماشاء الله مايفضى. بس الشي الحلو فيه.. انه مافيه الا ربعنا يعني مافيه مناظر ناس (لابسين من غير هدوم)  المسبح من زاويه ثانيه.. قلت لكم مسويه دقيقه علشانكم بس ماصدقتون  ليه بس يااليت ريزورت اند سبا.. تونا مادحينك وقايلين انك مؤدبين وعيال اجواد.. هنا محل بيع الدخان والشسمه والعياذ بالله <<==دام انه والعياذ بالله طال عمرتس ليش مصورته<<==والله مدري  هنا الشرفه (يمديكم على الكلمه) اللي تطل على البحر.. وهنا تلاحظون على اليمين الدانه نوفوتيل.. الله يستر بس مايشكوننا على الشرطه يقولون عيالكم يقزون محارمنا  هنا اللي بايعها ويبي يقز حقين الدانه نوفوتيل وماهمه احد.. يجلس هنا.. تحسون ناقص شيشه ووزره ويكمل اللوك اخذنا شقتين.. كل شقه فيها غرفتين..وصاله وطاولة اكل ومطبخ و3 حمامات تكرمون  الحين بوريكم الشقه.. بس قبل خلون اوريكم وش شفت على الطريق..  هذولا جيراننا.. ملحسين صحونهم تلحيس(ماشاء الله تبارك الله) بس الملاعق نظيفه وشلون جت ذي.. مااااااادري  هذي الغرفه الاساسيه.. لعبت على خواتي واخذته يمديكم بس على مهارات السيطره وتوفيرا للجهد والوقت لاخواتي القارئات.. الشنطه موب ماركه.. مايحتاج تسوون زوم  السرير حق الغرفه الاساسيه....  صورة ليلية للغرفه.. وهنا شاريه ساعات علشان ادخل نت (نفس الشي موب مجاني)  كلاكيت مره ثانيه السرير.. بس بوريكم اياه بالليل.. علشان هو يتغير مع ضوء القمر <<==عاش مصرف  (ايقونة متورطه بصورها وبتحطهم كلهم تغثكم به)  حمام الغرفه الاساسيه (تكرمون) وتلاحظون فيه (جاكوزي)<<===اللي صاير مسمار جحا  جانب اخر من حمام جحا..  هنا راميه خواتي اللي اصغر مني.. علشان بس تعرفون اني مجرمه  هذي اطلالة السويت.. الصراحه شي  هذي الصاله.. <<==احلفي نحسبه غرفة الغسيل  هذا المطبخ.. فيه غسالة ملابس.. وغسالة صحون ومايكرويف وثلاجه ومواعين كامله (ايقونة متحمسه تعدد باصابعه..)  هذا بابهم من جوا.. مسوي بربري على غفله  قمت الصبح من بكره.. واحاول اقوم فيهم بس محد راضي يقوم  اضطريت انزل كعادتي الملكيه كأني موسوسه .. وافطرت بلحالي..  هنا السيب (المؤدي) للمقلط حقهم.. ولاحظوا الشيف هنا بينحاش وقاعد يضغط الاسانسير.. بس على مين يابابا.. اول مايشوفونن بيرجعونه غصب (يؤدي) فروض الولاء والطاعه...  هنا جلست اتفرج على الرايح والجاي اكسر الخاطر.. كلن معه اهله وخواته ويسولفون.. الا انا كأن علي حجر صحي بلحالي محد يحاكيني  هذا افطار البؤسااااء حطوا بالكم للتوست المحروق.. الصراحه طباخه ماهره انا.. وقعدت ساعه كامله افطر واتفرج على الرايح والراد.. وتاليته ارقى فوق القى التالي 7 7 7 7  ماقاموا  لاحول ولاقوة الا بالله.. وش ممكن اسوي؟ وش ممكن اشغل روحي فيه؟ وانزل تحت استكشف النادي الصحي.. فيه نادي صحي عام.. وماقدرت اصوره.. لانه مليان ناس.. وفيه قسم خاص صغير للنساء..قدرت اصوره لكم.. لانه فاضي  هذي غرفة السونا الخاصه بالنساء.. من جوا مابان التصوير.. بس حسيت كانها كراسي الصاروخ تشالنجر طيب لو اقلع.. من بيتورط بعيالي  هنا حاطين غرف صغيره لتغيير الملابس.. قدام الساونا.. ((ياحظكم شفتوا عباتي))  هذا الجاكوزي.. بس جاكوزي من نوع خاص.. موب اي جاكوزي.. خاص لقوارب عيالكم الورقيه لانه خربان مايشتغل فاصل ونعود..
آخر تعديل عبدالعزيز يوم 22-04-2008 في 12:24 AM. السبب: تم تعديل الصور |
|
|
|
19-04-2008, 10:32 AM
|
#3 (permalink) |
|
خبيرة سفر ماليزيا
تاريخ التسجيل: Aug 2007
المكان: الرياض << لاتلمني في هواها
مشاركات: 3,286
|
الجزء الثاني..
حنا قلنا اسم الفندق elite resort and SPA طيب انا وريتكم الفندق.. وين الــ(سبا)؟ لقيت له دعايه بالغرفه..شهتني مره.. وهذي هي..  خلوني افتح واشوف وش عندهم..  صراحه الاسعار ماتشهي بتاتا البته اجل 34 و42 دينار؟ بس يلا.. وش ورانا.. دائما وابدا .. شعارنا===>>اذا مادلعت روحك محد مدلعك.. رحت استكشفه لكم من بكره بالفتره الصباحيه اللي كلن خام فيه مخدته وانا ادور لحالي كأني البؤساء,, (ايقونة فيكتور هيوجو معصب ويقول تراك طولتيه يابنت..حلي عن روايتي)  هذا الرسبشن.. والعالم مسوين زحمه جالسين يحجزون.. لايفوتكم الاخ اللي اقصى اليمين.. متحمسين يشرحون له انواع المساج.. فيه بالانيز.. وفيه سويدي وفيه..الخ وبالاخير يسال.. طيب فيه تهميز رجلين؟؟ (هنا انا انحشت لايحسبوني تبعه اتورط)  بقالة الكريمات اللي عند السربشن.. دورت نيفيا مالقيت ودورت شاني مالقيت بعد  كرسي المانيكيز والباديكير للي يقرر يبعزق زياده فلوس عندهم..  مدخل السبا.. قسم النساء.. ((طبعا كل هالتصوير بالسرقه.. اخاف يقولون لا))  مدخل جزء تغيير الملابس قبل المساج..  هنا للي يبي يتمضمض والا شي كذا  كل واحد يعطونه دولاب خاص فيه يحط فيه ملابسه.. ويسكر عليه بمفتاح ويبلعه.. (منيب قايله لوكر.. احس حرام ينقال عليها لوكر)  بعدين يدخلونكم غرف صغيره.. فيها روب وسلبرز..علشان تلبسونه (اشوى نحسبه علشان تنوكل) حسيت اني الجارية بدر الزمان ابنت السلطان اسد بن الرمان.. وزوجة الوالي مروان ابن مرجان على غفله..  واللي بعده ماقدرت والله اصوره لكم.. لانه لاصقه فيني الاخت (الماسيور).. بس الصراحه مساجهم رائع.. ودلع ويستاهل قيمته.. ولاتفوتونه.. ساعه وربع... و34 دينار.. انصحكم بالبلانيز.. هذا مافي جعبتي.. اتمنى اني افدتكم.. واسفه على الاطاله.. اختكم فاعلة خير.. مسافره مختبه
آخر تعديل عبدالعزيز يوم 22-04-2008 في 12:19 AM. السبب: تم تعديل الصور |
|
|
|
|
19-04-2008, 10:34 AM
|
#4 (permalink) | |
|
خبيرة سفر ماليزيا
تاريخ التسجيل: Aug 2007
المكان: الرياض << لاتلمني في هواها
مشاركات: 3,286
|
اقتباس:
مبروك عليك جائزة اول رد.. (ايقونة عصير الربيع برتقال ابو ريال) شكرا على ردك وتقييمك
|
|
|
|
|
|
19-04-2008, 11:43 AM
|
#6 (permalink) |
|
مسافر متميز
تاريخ التسجيل: Nov 2006
مشاركات: 227
|
مشكوووورة على التقرير الرااائع مع التعليقات اللطيفة
بعض الصور للأسف ما طلعت عندي بس بسيطة يكفينا الوصف ما قلتيلنا عن سعره بكم الليلة وهل تنصحين فيه (باين من بعض الصور فخامته) واضح فعلا إنك مختبة العالم نايمين وأنتي بس تحوسين بالفندق ( أمزح) ( أيقونة استحى وحمرن خدوده )
|
|
|
|
|
19-04-2008, 11:59 AM
|
#7 (permalink) | |
|
خبيرة سفر ماليزيا
تاريخ التسجيل: Aug 2007
المكان: الرياض << لاتلمني في هواها
مشاركات: 3,286
|
اقتباس:
خلاص ثاني مره اروح فيها البحرين بنتواعد هناك ان شاء الله <<===ليه بيتكم السبا لازم تصيرين موجوده؟ شكرا مزون على الرد
|
|
|
|
|
|
19-04-2008, 12:30 PM
|
#8 (permalink) | |
|
خبيرة سفر ماليزيا
تاريخ التسجيل: Aug 2007
المكان: الرياض << لاتلمني في هواها
مشاركات: 3,286
|
اقتباس:
معليش بس اسمك ذا مايصلح بعز الظهر وحنا متورطين بالدوام (بؤؤؤؤساء)<<===ماسكه معي بؤساء اليوم مالي شغل غريبه الصور ماطلعت.. لو ترعص بالماوس الايمن على مكان الصوره الفاضيه وتحط (اظهار الصوره) او (show picture) <<==يعنني اعرف اترجم.. بتطلع الصوره عندكم ان شاء الله بالنسبه لسعره.. شقه ام غرفتين=125 دينار وشقه ام غرفه=75 دينار.. ونعم انصح فيه.. تحياتي لك
|
|
|
|
|
|
19-04-2008, 01:03 PM
|
#9 (permalink) |
|
مشرفة البحرين
تاريخ التسجيل: Jul 2007
المكان: البحرين الغالية
مشاركات: 1,523
|
هلا بك اختي مسافرة مخبتة .... ويعطيك الف عافية على الموضوع والصور والجهد والمشاركة عيوني ...
بس للأسف الكثير من الصور مش طالعة  .... ياريت تعيدين تحميلهم على سيرفر الموقع حبيبتي ... وإذا تحتاجين اي مساعدة لا يهمك ... ولا يردك شي ... حاضرة لك حبيبتي ...وشكرا لك مرة اخرى
|
|
|
|
|
19-04-2008, 01:22 PM
|
#11 (permalink) |
|
مشرف السعودية
تاريخ التسجيل: Jan 2006
المكان: الرياض
مشاركات: 8,425
|
ما شاء الله عليك خالتنا مختبة لا سويتي تقرير أفضتي وأسرفتي بالقرق والخروج عن النص  لين الواحد ينسى وش أصل الموضوع عنه وينسجم مع سوالفك وأيقوناتك عاد الله يعينك تعيدين رفع الصور اللي ما طلعت نبي نشوف كل شي
|
|
|
|
|
19-04-2008, 10:26 PM
|
#13 (permalink) | |
|
مسافر متميز
تاريخ التسجيل: Jul 2007
مشاركات: 233
|
اقتباس:
امممممممممم كذا كم!!والله احسه بتطلع شي كثير وين تهقين تنصرف؟؟وبعدين خير يابدر الضبان يامره السلطان هاكتن على البنات ومعطيتهن السرر المكحوته الكئيبه وانتي حاجزه السرير الي عليه مخده اسطوانيه وستان وحركات!!! مالتس داعي ,,اشوى اني ماجيت معكم اجليعطيك العافيه خالتو >تسمع الناس ومع الخيل ياشقرا
|
|
|
|
|
|
22-04-2008, 12:27 AM
|
#15 (permalink) |
|
الـمـديـر الـــعــام
تاريخ التسجيل: Mar 2003
المكان: في قلب احبتي
مشاركات: 6,660
|
السلام عليكم ورحمة الله
هلا والله اختى العزيزة ... مسافرة مختبه ... مشاء الله ايش هذا التقرير صحيح مشكلة ان الواحد يقوم من الصبح والناس راقدين والاصح انه لما تطلع العيون من تعديل الصور  نترقب الباقي دمتي بخير
|
|
|
عادي
