 |
 |
 |
||
|
|
|
||
 |
|
 |
|
|||||||
| بوابة السفر إلى بريطانيا UK وإيرلندا Ireland في هذا المنتدى يتم تزويد المستخدم بالتقارير المصورة الخاصة ببريطانيا وإيرلندا بالإضافة الى مكتبة صور خاصة. |
 |
|
|
أدوات الموضوع | انواع عرض الموضوع |
|
|
13-04-2008, 03:58 AM
|
#1 (permalink) |
|
مسافر فعال
تاريخ التسجيل: Sep 2007
الدولة: Russell Square, London
رقم العضوية :157579
المشاركات: 141
|
رحلة يوم واحد من لندن الى اكسفورد!
السلام عليكم لاحظت في المنتدى مواضيع كثيره عن لندن ومعالم لندن ومعظمها على قولتهم اشبعت نقاشا! رغم ان موضوعي يمكن البعض يعتبره ماله اي علاقه بلندن بس انا اشوف اللي رايح لندن ممكن يفكر يستمتع بلندن ويستمتع بضواحيها بعد...ليش لا موضوعي هو عباره عن رحله يوم واحد من لندن الى مدينة اكسفورد العريقه مع مجموعه من الزملاء وحبيت اشارككم فيها ! طبعا الوقت هذا في بريطانيا يوافق اجازة الايستر وبعض الطلبه عنده الى حد شهر اجازه للتحضير للاختبارات! مع الضغط والاختبارات فكرنا برحله يوم واحد نطلع فيها كل الضغط النفسي ونرفه عن انفسنا! انا كنت العربي الوحيد وباقي المجموعه من اسبانيا,المكسيك,فرنسا,بلغاريا,تشيلي,هندوراس,الدنما رك,امريكا..  مدري اذا نسيت احدعالعموم كنا حوالي 17 شخص ...وصعبه نتفق على مكان معين....الخيارات هنا في بريطانيا كثيره وكلها حلوه.....بعد مشاورات طويله  انحصرت الخيارات في اوكسفورد باث سيتي وبورنموث!والتصويت في النهايه استقر على اوكسفورد ...وانا من اللي صوتو لاوكسفورد ليش لا وهي موطن اشهر جامعه في العالم! قبل مااعطي لمحات عن الرحله حبيت اعطي نقاط سريعه عن اوكسفورد! مدينة اوكسفورد من اكثر المدن شهره وعراقه في بريطانيا ...والمدينة كلها بنيت حول جامعة اكسفورد اللي تأسست قبل الف سنه...ويعتبرها الكثير اول جامعة في العالم...وهي مصنفه من الجامعات العشر الاولى في العالم حاليا من ناحية نوعية وجودة التدريس والابحاث ...وتعتبر موطن العباقره في بريطانيا ...كما ان الجامعة تقوم بمنح عدد من الطلاب الموهوبين بالعالم منح دراسية شامله عن طريق برنامج Rhodes Scholarship ....في القرن الثاني عشر الميلادي صار خلاف في الجامعه شمل اعضاء التدريس والطلاب واتجه بعضهم الى كامبردج وأسسوا جامعة كامبردج ...والى اليوم يوجد تنافس حامي بين الجامعتين! المدينه تقع شمال غرب لندن ..وتطل ايضا على نهر الثيمس ....وهي على مسافه ساعه بالقطار وساعتين بالباص الصورتين هذولا مو لي بس حبيت اوضح المدينه   حنا قررنا نخليها باص ...قلنا وناسه......وغيره رخيص (5 باوند).....عن طريق الميقابص MegaBus تحجز عن طريق النت ..وتنطلق من محطة فكتوريا طلعنا من السكن حوالي الساعه 8 الصباح ... وكان الجو روعه...شمس ودافي...يعني رايق للرحله   توجهنا لمحطة فكتوريا  ...ومااخذنا 5 دقايق الا وحنا في الباص...صراحه انا يوم قالو لي 5 باوند قلت شكله باص رايح فيها...بس الحق والله الباص روعه ومريح جدا جدا طبعا ماكان في الباص الى حنا يعني اخذنا راحتنا على الاخر  الرحلة تقريبا ساعتين ...بس صراحه ماحسينا فيها ...لانا كنا مجموعه كبيرة ...وضحك ووناسة ومناظر تفتح النفس من جد  وصلنا اوكسفورد تقريبا الساعه 11 والجو كان مطر خفيف   طبعا المدينة مثل ماتوقعنا مليانه طلبة لانها بالاساس تتمركز حول الجامعه...كل الناس اللي شفناهم في الشارع مابين 20-30 سنه ...مع بعض السياح....المدينه من اول مانزلنا حسنا ان لها نكهه خاصه ..صراحه مااقدر اوصفها...يمكن لانها تحكي عن تاريخ عريق...!   طبعا ول شيء سألنا عنه ....وين جامعة اكسفورد؟!تفاجأنا ان الجامعه عباره عن كليات متفرقة في كل انحاء المدينة...ومافيه شي اسمه جامعه اكسفورد في مبنى واحد...قلنا يالله نخليه فرفره في المدينة  ...خصوصا انها نوعا ما صغيرهاول شي مرينا عليه كان السوق المغطى (للاسف ماصورته)....هو سوق قديم يمكن له 200 سنه ويبيعون فيه لحوم وخضار وفيه محلات كثيره للهدايا... اوكسفورد مليانه مباني عريقة ..ومن جد ابداع هندسي...بس المشكله ان غالبيتها كنائس  ...عالعموم قلت مايمنع امشي واشوف واصور ....!وحنا نفرفر لقينا المكان اللي صورو فيه هاري بوتر   بس حظنا كان شين ذاك اليوم  ... هاري بوتر ماكان موجود...مع ان واحد نصاب معنا يقول انه شافه يطير بمكنسته فوق المباني قويه شوي    هذي صور متفرقه من المدينه  يمدحون الخريطة في الحاله هذي                              المدينة فيها بعد شارع تسوق جدا ممتاز ....للي يفكر يخليها تمشيه وتسوق مااطول عليكم باقي الرحله لايذكر جلسنا يمكن للساعه 10 بالليل ورجعنا للندن تقريبا الساعه 12 ونص وغط الجميع في سبات عميق بعد يوم طويل بس في نفس الوقت مليان متعه لاتنسى انصح اي شخص عنده نيه يطول في لندن انه يزور اكسفورد تحياتي للجميع التعديل الأخير تم بواسطة د.تعبان ; 13-04-2008 الساعة 03:59 AM سبب آخر: اخطاء املائيه...لول |
|
|
|
13-04-2008, 08:36 PM
|
#4 (permalink) |
|
عاشقة لندن
تاريخ التسجيل: Jun 2004
الدولة: جدة
رقم العضوية :7061
المشاركات: 6,156
|
رووعة اخوي ودكتورنا تعبان ..
ماقصرت يااخوي على هذه الصور الرائعة لمدينة اكسفورد الجميلة العريقة بكل شيء .. وتستاااهل والله الذهاب إليها ..وبعد إذنك يااخوي تم نقل الموضوع هنا في العام فهو مناسب  ..يعطيك ربي كل عافية على الموضوع الحلو .. وماننحرم من جديدك والذي دائما مميز ..تحيااتي لك .. |
|
|
|
|
29-03-2009, 09:16 PM
|
#8 (permalink) |
|
مسافرجديد
تاريخ التسجيل: Oct 2008
رقم العضوية :224956
المشاركات: 42
|
لو سمحت اخوي تعبان.. يعني انا لو بزور هالمدينه وين اروح فيها
لاني ان شالله رايحه لندن بعد كم يوم ونفسي ازور المدن المجاوره مثل اكسفورد الي انت رحتها يعني كيف اتمشى فيها وهل تحتاج تاكسي لتجول ولا ايش؟؟ وين اروح انت ايش الاماكن الي زرتها علما بأني ما ابي انا م فيها لاااا فقط زيارة يوم وبرجع بنفس اليوم الى لندن |
|
|
|
|
07-05-2009, 03:58 AM
|
#13 (permalink) |
|
مسافر متميز
تاريخ التسجيل: May 2007
رقم العضوية :135418
المشاركات: 255
|
الله على ايامج يا اوكسفورد
كنا رايحين مع الاهل علاج وخذينالنا بيت اجار في شارع كاولي رود هذا شارع معروف بالجاليه الباكستانيه وشارع متكاااااامل من تيسكو الى انترنت كافيه الى جزار الى مطاعم وكل شي وسكنا بأوكسفورد بسنه من السنوات بمنطقة هيدينغتون والحلو فيها ان فيها حديثه كبييييييييييييييييييييييييره وحلوه وفيها بعد كل شي وكان السنتر يبعد بالباص 10 دقايق تقريبا والسنتر فيه اسواق وكل شي ,, وتقريبا قريب من الأمور الأثريه والمباني القديمه الممتعه |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 01:53 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||