|
|||||||
| التسجيل | الرئيسية | معرض الصور | المنتدى | إشارة الأقسام مقروءة | التصنيفات |
| بوابة السفر إلى مصر Egypt تعنى هذه البوابة بتزويد المستخدمين بجميع المعلومات المتنوعة الخاصة بالسفر الى دولة مصر. |
 |
|
|
أدوات الموضوع | طريقة العرض |
10-04-2008, 04:04 PM
|
#1 (permalink) |
|
مسافر خبير
تاريخ التسجيل: Jul 2007
المكان: ام الدنــ مصر ـيا
مشاركات: 3,465
|
رحلة الأحلام والسحر والنيل إلى أسوان وكوم أمبو وإدفو والأقصر 2008
رحلة الأحلام والسحر والنيل إلى أسوان وكوم أمبو وإدفو والأقصر 2008
معلومات الرحلة ( أسوان وكوم أمبو وإدفو والأقصر ) طريقة الذهاب :سكك حديد مصر(القطار الاسباني:درجة اولي مكيفة)من القاهرة الي اسوان (قطار) والعودة : سكك حديد مصر(القطار الاسباني:درجة اولي مكيفة)من الاقصر الي القاهرة(قطار) تاريخ الذهاب : الخميس ( 3 / 4 / 2008 ) والعودة : الثلاثاء ( 8 / 4 / 2008 ) مدة الرحلة بالايام : }6 ايام{ الاقامة : في الفندق العائم (Nile Cruise : Nile Delta M/S (Hapi 05)) , نجوم 5 } اقامة كاملة { حابي 5 ,,, خمس نجوم كان معانا احنا الاثنين مرشد سياحي وعربية خاصة فينا تبع المكتب السياحي لتنقلنا في الاماكن السياحية سواء في اسوان او الاقصر الاماكن التي تم زيارتها والرحلات في المدينتين ( اسوان والاقصر ) : اليوم الاول : بدء رحلة الذهاب من القاهرة الي اسوان عبر القطار اليوم الثاني : 1- الوصول الي اسوان 2- زيارة السد العالي 3- زيارة زهرة اللوتس 4- زيارة المسلة الناقصة في اسوان 5- ركوب الفلوكة 6- ركوب الكارتا ( الحنطور ) في جولة في اسوان ليلا وطبعا كل الوجبات في الفندق اليوم الثالث : 1- تحرك الفندق العائم الي مدينة كوم امبو والوصول اليها 2- زيارة معبد كوم امبو 3- تحرك الفندق العائم الي مدينة ادفو والوصول اليها 4- النزول من المركب وركوب الحنطور 5- زيارة معبد ادفو 6- مرور الفندق العائم من مرسي الهويس اللي هوه منسوب مياة اعلي من الاخر وطبعا كل الوجبات في الفندق اليوم الرابع : 1- وصول الفندق العائم الي الاقصر 2- زيارة وادي الملوك ومقبرة توت عنخ امون 3- زيارة مقبرة حتشبسوت 4- زيارة معبد الكرنك جزء اول 5- زيارة معبد الاقصر وطبعا كل الوجبات في الفندق اليوم الخامس : 1- ركوب الكارتا ( الحطنور في جولة في الاقصر ) 2- زيارة متحف التحنيط 3- زيارة متحف الاقصر 4- الغداء في ماكدونالدز 5- زيارة معبد الكرنك جزء ثاني 6- جولة علي الاقدام في شارع كورنيش الاقصر 7- التوجة الي محطة القطار وبدء الرحلة من الاقصر الي القاهرة اليوم السادس : 1- وصول القطار القاهرة المرافقين : صديقي واحد فقط نوع كاميرات التصوير في الرحلة : كاميرة موبيل (Nokia {N93i} ) تكلفة الرحلة بالدولار الامريكي : ( 650 ) للفردين وبالجنية المصري : ( 3500 ) للفردين لمحة عند الموضوع اولا عدد الصور حوالي بالضبط بعد الاحصاء طلع 1360 صورة والحقيقه الصور حسب الايام يعني مثلن اليوم كان صور قليلة ولكن في ايام الصور تكون اعداد كبيرة انطباعي ان اسميها رحلة الاحلام ده شي حقيقي والصراحة كلنا كنا نشوف صور ولكن الحقيقه احلي بكتير جدا اما عن اعداد الاجانب في المدنتين بالملايين وللاسف لم اراء الا 6 عرب فقط ومن تونس والبقية دولة اجنبية هبدء معاكم من الاول وطبعا الرحلة اكيد سأقسمها الي عدة حلقات ولو المكان كبيرة هقسم الحلقة الي عدة اقسام هنا ابدء معاكم باليوم الاول رحلة القطار واليوم الثاني وسبق وذكرت زيارات اليوم الثاني في الاعلي والحقيقه صورهم ما كنتش كتيرة لاني كنت متعب ولكن بقية الايام الصور هتغرق الموضوع بأذن الله هبدء من الالف الي الياء بحيث يكون عندكم موضوع كامل حتي موجود فيه الاسعار عشان يكون لكل سؤال عندكم الجواب حاضر ده وصولات دفع الرحلة وديه ورقة من المكتب ببرنامج الايام وكان في ورقة تاكيد الحجز بس الريسشن اخدها مني  طبعا انا مغطي علي ااسمي ههههههه طبعا للاسف قبل السفر بثلاث ساعات تبلغت ان لا يوجد اماكن علي قطار النوم اللي هوه الغرف وسبحان الله من قبل السفر بيوم كان قلبي حاسس ان في مشكلة هتحصل بس ماكنتش عارف اية هيا وعرفت وقتها ان المكتب اتصل بيا قالي لا تقلق القطار الاسباني درجة اولي يعتبر سرير والحق يقال الكرسي كبير جدا ولكن في الاخر ده كرسي مش سرير مهما كان مريح ولكن ماكنش عندي غير اني اقولها طيب اوكية احجزي مش معقول الغي الرحلة علي اخر ساعتين ووصلت قبل القطار بدقيقه واحدة واحنا في التاكسي كنت بقول مية بالمية مش هنلحق القطار ودية صورة للمحطة بسرعه ليلا  واحنا بنجري وانا قولت اصور كام صورة وانا بجري ههههههه عشان يكون الموضوع كامل طبعا ده مش القطار بتعنا ولكن قولت اصور صورة دلوقتي عشان اقفل الكام عشان الشحن يكفيني لغايت ما اوصل اسوان واقدر اصور هناك  وطبعا عرفت بعدها ان تذكرة القطار الاسباني 155 جنية ولكن المكتب حاجزها 109 جنية لانهم عندهم واسطة مستشار بيعملهم تخفيض  معاكو تذاكر ولا انزلكو انتوا من القطار ؟؟؟ يلا كل الاعضاء يطلعو تذاكر عشان الاحراج يلا احسن ازعل منكو صورة بداخل القطار  شوفو بقي الصورة ديه ديه وحدة اجنبية ركبت من محطة الجيزة بجد كانت مضايقاني جدا ههههههه اقولكم لية اول ما طلعت ... طلعت التريكوه وقعدت تشتغل وشوية وطلعت الوسادة و نظارة قماش ونامت وصحيت قبل ما ننزل من القطار بحوالي 10 دقايق وانا عمال احسدها انها نايمية ههههههه لاني 13 ساعه ما نمتش الا 15 دقيقة  يلا ربنا يسامحها ههههههههههههههههههههههه طبعا الرحلة كانت بليل وذلك ما قدرتش اصور اكثر من كده ولكن اول ما طلع الصبح واقتربنا من اسوان اخدت صورة كتيرة وهتركمم مع ابداع الخالق سبحان الله علي الطبيعة كل الصور ديه من شباك القطار             وصلنا والصورة دية لما نزلنا من القطار يلا جهزوا شنطكوا عشان نركب التاكسي يلا  قولت اخد صورة للمحطة من الداخل وديه صورة ليها  الصورتين الجايين دول لاول ما طلعنا من المحطة  اول ما طلعنا لقينا تاكسي علي طول وقولنا لية عاوزين نروح مرسي الشيراتون صديقي مع سواق التاكسي  صور واحنا في التاكسي   وحاسبنا التاكسي ونزلنا
|
|
|
|
10-04-2008, 04:24 PM
|
#2 (permalink) |
|
مسافر خبير
تاريخ التسجيل: Mar 2006
المكان: ارض الله الواسعة
مشاركات: 1,241
|
السلام عليكم
رحلة ممتازة امتنى انى اعمل وحدة متلها بس ليش انت رحت ورجعت بالقطار على حد علمى وحدة بالقطار متلا العودة والدهاب يكون بالسفينة والله اعلم وهل السعر ده معقول يعنى شفت مكاتب تانية وهل كان فى فرق بالسعر
|
|
|
|
|
10-04-2008, 07:53 PM
|
#8 (permalink) |
|
مسافر خبير
تاريخ التسجيل: Jul 2007
المكان: ام الدنــ مصر ـيا
مشاركات: 3,465
|
اهلا وسهلا بكم في الجزء الثاني من الحلقة الاولي
وده مرسى الشيراتون مخصص لمراكب الشيراتون  اول ما دخلنا كلمني الامن انتوا مين وجايين هنا لية ؟ استغربت قولناله احنا جايين سياحة وعندنا حجز في حابي 5 قالنا انتوا مرشدين سياحيين ؟ قلناله لاءة استغرب جدا انتابني احساس ان مفيش مصريين ابدا بيجوا الاقصر واسوان كسوائح في مراكب نيلية ؟ شي غريب ولا عرب حتي وبعدين مشينا صورت الصورة دية واستغربت من شي اخر  المركب حابي 5 مجاورة للمركب اللي ظاهرة في الصورة انا قولت ازاي غريبة نروحلها ازاي بس قولت نقترب من المركب اللي عالمرسي ونسألهم  اقرتبنا وسألناهم قالو لنا من هنا قولت من هنا غريبة الحقيقه عرفتها بعدين ان المراكب متصله ببعضها في المرسي ودية صورة لمدخل المركب اللي ترتيبها الاول  المهم دخلت جوة ووصلت لحابي 5 ودخلت الريسبشن وقولتلهم عندي حجز مدفوع وكده اخذو الورقة وباين انهم كانو حاسين ان متعب جدا قالو لي اتفضل من غير ما يسئلوني علي اي حاجة هههههههه بعدين قعدت طبعا كانت الساعه تسعه ونص قالو لي متاسفين هنتظر شوية لانك وصلت بدري 3 ساعات عن ميعاد الشيك ان واللي في الغرفة هيغادرو الان يعني انتظر شوية عشان ينظفو الغرفة ودية صورة وانا قاعد في الريسبشن   ودخلنا الغرفة ودية صور للغرفة     ده الحمام وعلي اليمين مكان غرفة الدوش انا صورت لكم الغرفة عشان تشوفو النظافة والصراحة المركب تستحق اكثر من 5 نجوم ديلوكس يعني لو في 8 نجوم اعطوها وده رقم الغرفة في المفتاح    وبعدين جة وقت الغداء في المطعم تحت وقولنا ناخد كام صورة كده للفندق وهنا ممر الغرف  صورة للمكتبة  صورة للنت كافي  قولنا قبل الغدا برضو نطلع فوق علي سطح المركب ناخد شوية صور ديه صور للمركب المجاور    ودية صورة لطبيعة اسوان  ودية صورة لظهر المركب اللي قدمنا   صورة من سطح مركبنا علي الشارع وصور لسطح مركبنا   وهنا نزلنا وقولنا نتجة الي الغداء  دية مش صالة الغداء دية صالة الحفلات  صديقي كان نسي موبيلة في الغرفة رجعنا قبل الغدا للغرفة عشان ناخده وديه صورة لباب الغرفة  موقع الغرفة بالنسبة للفندق  ارشادات امن  وهنا تغدينا وخلصنا وبعدها اتجهنا للدور الاول واحنا طلعين لاقينا محل لبيع الملابس جنب المطعم  وطلعنا الريسبشن قالنا المرشد السياحي الخاص بكو راح يصلي وراجع وانتظرناها في الريسبشن وجه المرشد وهنا اتجهنا لاول جولة في اسوان وهي السد العالي وبقية الجولة مذكورة فوق في جدول الزيارات صورة للمرسى  وهنا صورة من السيارة واحنا متجهين الي السد العالي وخزان اسوان   وصلنا   صور للسد من الجانبين    وهنا توجهنا الي المكان المحبوب للصور وهو جهة السد الافضل          وانا كنت اركب السيارة اخدت اخر صورة وهنا تنتهي الحلقة الاولي والحلقة الثانية مليئة بالاثارة في زهرة اللوتس المسلة الناقصة في اسوان الفلوكة ودية احسن حاجة عجبتني جدا وصورها مش هتصدقوها ابدا ابدا ابدا وبرنامجنا ملئة بالامكان والصراحة اول يوم كان اقلهم اطلعو شوفو البرنامج لان اكيد كل واحد عاوز يتعرف علي المكان اللي يحبه وانتظروني وانا ارشحله كل شي فيه بأذن الله لما يجي علية الدور
|
|
|
|
|
11-04-2008, 12:56 AM
|
#9 (permalink) | |
|
خبير القاهرة
 
تاريخ التسجيل: Jul 2007
مشاركات: 418
|
شكله كذا ومن اولها هالتقرير حيكون من اقوى التقارير لهذه السنة 2008 ما شاء الله عليك بصراحة سحر وجمال لا يصدق اقتباس:
وعلى طول تذكرت كلام مهند عن صفاء وروعة النيل في جنوب مصر ابدعت يا حبيب الكل وحبيبنا بحب السفر وفي انتظار تكملت بقية الحلقات مودتي واحترامي
|
|
|
|
|
|
11-04-2008, 12:43 PM
|
#12 (permalink) |
|
مسافر خبير
تاريخ التسجيل: Jul 2007
المكان: ام الدنــ مصر ـيا
مشاركات: 3,465
|
اهلا وسهلا بكم في الحلقة الثانية
موعدنا في هذه الحلقة مع زهرة اللوتس و المسلة الناقصة و الفلوكة نبدء طبعا بعد ما خلصنا السد العالي اتجهنا سريعا الي زهرة اللوتس التي اهديت الي جمال عبد الناصر      سقف الزهرة  وهنا خلصنا الزهرة واخدنا السيارة مع المرشد السياحي التي مخصصه لنا وهنا بوابة المسلة الناقصة  وقطعنا التذكرة  اقطعلكم تذاكر ؟ ولا تتفرج ببلاش ؟ ههههههه سأتركم مع جمال المكان       المسلة اهيه صور ليها من الجهة الشمال        وهنا نهاية المسلة وشوية محلات  وهذه بوابة الخروج  وهنا موعدنا مع الاثارة والمتعة والجمال الفلوكة           شوفو سبحان الله الصخرة عملة شكل فيل وكل شي من خلق الله طبيعي في طبيعي        فندق كتراكت الذي سكن به مشاهير العالم       فندق كتاركت عن قرب شديد  شوفو الصورة دية وادعولي       شوفو جمال المراكب       وديه باخرة تسمي السودان وكل شي فيها من السودان      ورجعنا بقي خلاص كده الرحلة خلصت بتاعت اول يوم والي اللقاء في الحلقة القادمة الحلقة الثالثة والحلقة القادمة كلها اثارة في الليل من شباك غرفتي الابرز وبقية الحلقات
|
|
|
|
|
11-04-2008, 01:04 PM
|
#13 (permalink) | |
|
مسافر خبير
تاريخ التسجيل: Mar 2006
المكان: ارض الله الواسعة
مشاركات: 1,241
|
اقتباس:
طب شوف انا اول واحد رديت عليك وسألتك سؤال وماجاوبتنى؟؟؟؟؟؟؟؟
|
|
|
|
|
|
11-04-2008, 02:13 PM
|
#14 (permalink) |
|
مشرف مصر
تاريخ التسجيل: Jun 2005
المكان: القاهرة
مشاركات: 9,973
|
رحلة رائعة يا بحب السفر
موضوع يبدو من أوله إنه قوي وكلنا متابعين معك بالنسبة للتفاعل فلا تشغل نفسك ولا يؤثر على مستوى التقرير أهم شيء حاول يكون الموضوع مرجع للرحلات النيلية .. بحيث يكون واضح وبه معلومات كافية ووقتها ستستمر فائدته في البوابة لشهور عديدة والأعضاء كلها تستفيد منه وليس مجرد تفاعل لحظي ينتهي بانتهاء الموضوع كلنا متابعين يا بحب السفر
|
|
|
|