 |
 |
 |
||
|
|
|
||
 |
|
 |
|
|||||||
| بوابة السفر إلى ماليزيا Malaysia في هذا القسم يتم تزويد المستخدم بالتقارير المصورة الخاصة بماليزيا. |
 |
|
|
أدوات الموضوع | انواع عرض الموضوع |
02-05-2008, 07:56 AM
|
#181 (permalink) |
|
مسافر خبير
تاريخ التسجيل: Feb 2006
الدولة: الريـــــــ K S A ــــــاض
رقم العضوية :59234
المشاركات: 3,049
|
عــ ـ ـُ ـ ـ ـ ـ ـ ـ ـ ــد نــ ـ ـ ـ ـ ـ ـ ـ ـ ـ ـ ـ ــا  الـحـلـقــ 4 ــــة 4/4/2008 = 27/3/1429هـ يوم الجمعة قمنا من النوم  وصلينا وافطرنا  وطلعنا لسوق لو يات واشتريت بطارية اضافيه لكاميرا التصوير بـ(200) وهذا السوق يقع خلف البي بي بلازا وهو متخصص للأجهزة الألكترونية بجيمع انواعها وهذه صورة لمدخل السوق  ثم رجعنا للفندق وعملت تشيك اوت بكل يسر وسهوله وثم ريحنا شوي في اللوبي وكلمت سواق التاكسي سعيد يوصلنا لمنتجع صن واي لاقون لأني كنت متفق معه يوم يودينا للحدائق وجانا الساعة ثنعش الظهر ووصلنا بـ(25) ومشوار الطريق اخذ نصف ساعة الحمد لله وصلنا للمنتجع وهنا كم صوره لمداخل المنتجع لا إله الا الله .. محمد الرسول الله هذا المدخل الرئيسي من الشارع العام  وهنا امامكم المحلات المقابله للفندق ويصير المدخل الرئيسي على اليسار وعلى اليمين الفندق صن واي لاقون الرئيسي والصوره التقطت من الدور 20 من فندق البراميد  وهنا على اليمين الفندق صن واي لاقون الرئيسي  وهنا امامكم المحلات الي المقابله للبراميد صن واي لاقون الرئيسي  وهنا صور لمدخل فندق صن واي لاقون الرئيسي المميز بهذه الفيله      وبهذه الغزلان     وهذا لوبي فندق صن واي لاقون الرئيسي        وهذه الالعاب المائية مطله من اللوبي  ما شاء الله تبارك الله .. لا تنسونا من صالح دعاؤكم بعدين رحت للاستقبال  واعطيتهم فوتشر الدخول لفيلا صن واي لاقونوطقطقت هالصينية على الجهاز وقالت ما فيه لك حجز  قلت ما يصير تأكدي يمين يسارقالت برضوا ما فيه شي  وكلم الي حجزت منهمقلت لا كلموا انتم وكيلكم هنا لأن حجزي سليم واعطيتها حجزي لليوم الثاني في فندق البراميد تاور تشيك عليه معها لا يكون فيه بعد مشكله قالت استرح شوي في اللوبي وارتكزت فوق راسها وعطتنا عصير وثم عملت اتصالاتها  ثم جتنا طاقة الابتسامة وقالت حجزكم او كي  قلت تعالي وش المشكله  فقالت احنا غلطنا وحطينا حجزك في الشهر الجاي  قلت في نفسي حلو ما راح افوتها لهم  وخذ شب  فيهم وتشرط  وقلت عوضوني قالت زوجتك  تحب كيك الشوكولاه قلت ايه قالت بنعطيكم وحده هديه (تبي تسكتني) وبنجيب لكم بعد ورد قلت في نفسي هذي ما فيها طقت عصا جايبينها جايبينهاقلت ما يكيفي هذا عطونا مساج مجاني قالت المساج تابع لشركه ما لنا دخل فيها قلت ما علي منكم  عطوني أي شي وانا شاب فيهمقالت ما فيه مشكلة ريح شوي واشرب عصيرك ويصير خير ثم رجعت وقالت خلاص بكره (يعني غداُ) راح نعطيك اب قريد في فندق البراميد تاور من سوبيريور إلى سويت روم  قلت الحين مضبوط بس بلغو الاستقبال في البراميد قالت اوكيلا حول ولا قوة إلا بالله وهذا هو الاكشن الي صار لي وتذكرون ذاك اليوم لما كنت في ماليزيا وكتب لكم هذا الكلام التالي (عند دخولي للسكن في هذا المكان صار شوي اكشن عند التشك ان قالوا لي ما لك حجزك قلت بدينا فيها إلا هذا المكان وانا واثق ان شاء الله ان فيه بس قلت خل نشوف وش اخرتها معهم .. قلت لهم وش السالف شيكو يمين يسار اتصلوا على الوكيل ومن هنا وهناك قامت موظفة الاستقبال بعمل الاتصالات ( تشنغ وانق ينج مس سامي تشنغ ) مسويه ذكيه تكلم بالصيني ما تبغاني افهم .. المهم بالأخير جت طاقه الابتسامه وقالت ما عليش حجزك اوكي وسكتتنا بكاس عصير قلت ما راح افوتها لهم .. قلت تعالي وش الي صار بالضبط اين يقع مكمن الخلل من وكيلي بالسعوديه ولا الي هنا الماليزي قالت لا المشكله عندنا حاطين حجزك في الشهر الجاي قلت حلو حلو .. واستلمهم بأنواع التشرط واشب فيهم جيبوا لي وحطو لي واقلقتهم بالاتصالات وش سوو لي ووش حطو لي .. خليكم معنا فاصل ونواصل في الجزء الثالث .. لجيتكم بهالجزء الثالث.. صاير مثل القنوات الفضائية الحلقة يمسمسونها وانواع الاعلانات) هـ آآآ تذكرتوا وبعدين قالت روحوا اركبو في السيارة الصفرا توصلكم للفيلا وهذه نبذه مختصره الفلل حسب رأيي الشخصي ( فلل صن واي لاقون – Sunway Resort Hotel & Spa The Villas )  فيلا ممتازه بمعنى الكلمه اثاث فخم ونظيف توفر جميع الخدمات في الفيلا انترنت مجاني الافطار ممتاز خصوصية تامه وهدوء ورمانسية ومناظر خلابة في وسط الحدائق تعامل الموظفين ممتاز موقعه في المنتجع بعيد شوي عن السوق التجاري لا يتم السماح بدخول الاطفال حسب معلوماتي لأن الفيلا مخصصه للهوني مون السعر غالي جدا وهنا صور للفيلا ومش حتـئـدر تغمض عينيك اللهم اني اسألك علما نافعا ورزقا طيبا وعملا متقبلا .. امين يارب  الطريق لمنطقة الفلل     وصلنا إلى استقبال الفلل بهذه السيارة الصفرا      وهنا اللوبي ومكان الافطار           خلصنا اجراءات الدخول للفله بكل يسر وسهوله واخذوا علي تأمين كاش ثلاثمائة رنقت وركبنا السياره الصفرا ثانيه توصلنا للفله وطبعا قريب ممكن مشي رجليه بس بعض الفلل تكون شوي بعيده وهنا الطريق ولاحظوا الفلل تكون موزعه يمين ويسار وفوق       سبحان الله وبحمده عدد خلقة ورضا نفسه وزنة عرشه ومداد كلماته وصلنا لفلتنا ومن حسن حظي انها اول وحده في الطريق والي سكن جنبي زميلي بالعمل المعرس وتذكرون ذاك اليوم لما قلت لكم اني شفته يسوي اجراءات الدخول وتفاجأت انه سكن جنبي   وانواع الاحراج وما عاد تترقع وصار ونعم الرجلوهذه فلتي   والحين تفضلوا نكتشف وش في الفله بسم الله الذي لا يضر مع اسمه شيء في الأرض ولا في السماء وهو السميع العليم   الفله عباره عن جزئين جزء خارجي وجزء داخلي وهنا الجزء الخارجي الملاحق والاسوار والمسبح والمطبخ الملاحق والمسبح      وشوفوا كثافة الاشجار الساتره    المطبخ خلف باب الفله         يتبع يتبع يتبع |
|
|
|
02-05-2008, 07:58 AM
|
#182 (permalink) |
|
مسافر خبير
تاريخ التسجيل: Feb 2006
الدولة: الريـــــــ K S A ــــــاض
رقم العضوية :59234
المشاركات: 3,049
|
وهنا على اليمين الجزء الداخلي ومكون من الصالة (المكتب) والدوالايب ودورة المياه (اعزكم الله) وغرفة النوم والبلكونه هذه البابين واحد يفتح من غرفة النوم وواحد يفتح من الصالة  المدخل  الصالة عبارة عن موزع فيه المكتب وفاصل بين دورة المياه غرفة النوم  وهذا الصندوق الي فوق المكتب شوفو وش فيه  ومن هنا مدخل الدوره والدوالايب وشوفو المرايا عاكسه المدخل الي يطلع للاسوار الخارجية  وهذا مدخل الدوره والدوالايب                       لا إله الا الله وحده لا شريك له الملك وله الحمد وهو على كل شيء قدير بعدين نطلع ونروح لغرفة النوم والبلكونه  وهنا الغرفه لها مدخلين من الستارتين البيضا يمين مقابل الدوره ويسار مقابل المدخل             امطار غزيره       يتبع يبتع يبتع |
|
|
|
|
02-05-2008, 07:58 AM
|
#183 (permalink) |
|
مسافر خبير
تاريخ التسجيل: Feb 2006
الدولة: الريـــــــ K S A ــــــاض
رقم العضوية :59234
المشاركات: 3,049
|
وهنا صور ليليه للفله واجواء هادئه ورومانسية                 وهذا جهاز التليفون وفوقه جهاز للتحكم بالأضاءه والتكييف  وانترنت ببلاش بواسطة كيبل مجهز بالفله    رضيت بالله ربا وبالاسلام دينا وبمحمد صلى الله عليه وسلم نبيا وهذه كيكتنا  وهذا فطورهم متواضع وزين        بعد ما دخلنا الفيلا جا مطر خيالي  بشكل قوي جدا فريحنا شوي وتفرجنا على الفيلاوجلسنا ناكل المنجا الي شفتوا صورته في الحلقه الماضيه وبعدين خف المطر فرحنا على طول للمسبح  وهات يا سباحه طول وقت العصر الين صرنا وهنا صورتي من داخل المسبح  ثم رحنا لدورة المياه الي جوا الفيلا (الله يكرمكم) وعفسناها عفس صابون ورغوه و ورود داخل البانيو وهنا بعد صورتي من داخل البانيو وبكيفي ابي احلل القروش الي دفعتها  ما شاء الله تبارك الله وبعد ما خلصنا سباحه طقنا  الجوع فطلعنا بعد العشاء لسوق البراميد مول وهذا السوق فخم وكبير ويقلب الراس ومحلات اشكال وانواع وماركات ومطاعم وكافيات وتزلج والاسعار غالية ومتوسطه ورخيصه وهنا كم صوره للسوق     ورحنا لمطعم بيتزا هت واخذنا هذه الوجبه بـ(40)   اعوذ بكلمات الله التامات من شر ما خلق خلصنا واخذنا لفه ودخلنا محل هذه الحلويات    وشرينا حلاو بِـ(8) والزين في هذه المحل ان الذواقه بـ بلاش وعلى كيفك تمشي وتاكل ما هو زي الي عندنا مصكرين ومقفلين عليها في علب مثل الي في جيان ولكن في اخر المحل هذه الغرفه   مصكرين عليها واشوف هالناس يدخلون ويا خذون منها ويطلعون قلت خل اشوف وشذا الي فيها وبس انا دخلت وتصرعني  ذيك الريحه وصار سمك مجفف طلعنا من السوق ورجعنا للفيلا في اجواء هادية وحلوه وريحنا شوي ثم حلينا على كيكتهم هذه  ثم طقيناها  الساعه ثنعش سبحان الله والله اكبر والحمد لله والشكر لله ملاحظاتي وتوجيهاتي المتواضعه عند وجود أي ملاحظه على تعامل الفندق سوا في التشك ان او في أي امور اخرى لا تتهاونوا بحقكم وعليكم بهم وتشرطوا عليهم لأنهم ما يبغون تصيدون عليهم أي خطأ عند الاقامة في الفله عليكم بالاستمتاع بكل صغيره وكبيره في الفله ولا تطلعون منها حللوها لانها ما تتفوت مجموع المصروفات لهذا اليوم = 273 رنقت سبحان الله وبحمد سبحان الله العظيم اتمنى ان اكون وفقت في وصف فلل صن واي لاقون وان تنال اعجابكم وتعم الفائده على الجميع تحياتي للجميع وفاصل وحـ نواصل |
|
|
|
|
02-05-2008, 03:51 PM
|
#187 (permalink) |
|
مسافرجديد
تاريخ التسجيل: May 2006
رقم العضوية :78784
المشاركات: 3
|
الله عليك اخوي سامي تقرير رائع بروعتك وخصوصا الحلقة الرابعة مع هذي الفله الخيالية أنا إن شاء الله مسافر بشهر سبعه شهر عسل وكنت حاط يوم بهذي الفه ولكن بعد تقريرك أصبحت يومان سؤالي يا الغالي / هل هناك أنواع للفله ؟؟ وإذا كان كذالك . ما هو نوع فلتك ؟؟ والله يعطيك العافية |
|
|
|
|
02-05-2008, 10:31 PM
|
#190 (permalink) |
|
مسافرجديد
تاريخ التسجيل: Apr 2008
رقم العضوية :183305
المشاركات: 35
|
صراحة الفلة مرة روعة بس عشان تستمتع فيها يبغلك فيها أقل شي يومين وبعدي سعرها غالي مرة ( 2000) ريال أنا ما أيد السكن فيها لأنك ما راح تجيها إلا وقت النوم يعني صراحة غالية مرة . ( وجهة نظر لا أقل ولا أكثر ولا تقولوا قريطي )
|
|
|
|
|
03-05-2008, 03:46 PM
|
#195 (permalink) | |
|
مسافر خبير
تاريخ التسجيل: Feb 2006
الدولة: الريـــــــ K S A ــــــاض
رقم العضوية :59234
المشاركات: 3,049
|
اقتباس:
|
|
|
|
|
|
«
تقرير مصور عن الألعاب المتنوعة في مدينة الألعاب صنواي لاجون Sunway Lagoon Games
|
تقرير مصور عن متنزة الماينزوندرلاند Mines Wonderland
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 02:58 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||