رحله من بانكوك الي شينغ ماي بالقطار

man-34 · 12-08-2004, 03:28 AM

يسعد ايامكم جميعا

هذي مقالتي كتبتها بمنتدي ثاني ولكن لقلة عدد الرواد هناك حبيت اني اعيد نشرها لكم لزيادة الاستفادة لرواد منتدانا

حبيت اشاركم سفرتي الي شينغ ماي المره الاولي اللي اروحها من بعد سفرات عديده بدات سنة 88 وانتهت السنه الماضيه وانشالله السنه الحالية بروح بعد ...

لا تستغربون هالبلد اللي يزوره مره مثل العطشان يشرب ماي وانا رحت شينغ ماي
بعد ما وصلنا بانكوك رحنا فندق الشياب فندقنا برنس هذا فندق معقول للي يحب الهدوء مع التوفير والامان والسعر الثابت 660 بات الليله .. فندق غريس حلو بموقعه وقرب كل شي عربي واسلامي حوله لكن نوعيات الناس اللي فيه والازعاج اللي موجود لو ب 100 بات ما سكنته الصراحه ومستغرب علي بعض العوايل يسكنون هالفندق

اسف شطيت عن الموضوع قلت حق صاحبي شرايك انا بخاطري اركب قطار... امنيتي من وانا صغير كل ما اشوف مسلسل مستر ويست ... قالي ابشر فوقه هذا اللي يعجبني بصاحب السفر اذا قلت له شرايك قالك فوقه غيره لا تختارون صاحب ....سافرو بروحكم ابرك
حجزنا من الفندق ب 720 بات الشخص درجه اولي قطار مكيف مع سرير وساعة الحركه 8 مساء سوينا شيك اوت وحطينا شناطنا بالفندق امانات ورحنا نفتر بمجمع طوكيو ..

ردينا الفندق واخذنا تاكسي مو ذاكر بجم اعتقد 100 بات الصراحة ما توقعتها جذي المحطة كلها اجانب غير طبعا التايلندين قاعد اقول حق صاحبي واحنا كله نبي الفخفخه ما نجرب مثل الاجانب طالع شكثرهم وجناطهم علي الظهر ويقعدون باللي نصرفه بسبوعين شهر ونص ويردون معاهم باقي بعد . لاحظت وانا احوس بالمحطة مسجد ومكتوب عليه بالعربي هناك بمنطقة القطارات مسلمين وايد والصراحة خفت ادش المسيد اطلع ارهابي

نادوا علي رقم رحلتنا رحنا للقطار ودخلنا والا كراسي مثل باصات لندن لكن كل اثنين مقابل بعض ويتحولون الي سراير متي ما حبيت عاد انا ركبت القطار وصرت مثل اليهال مو مصدق احوس رايح جاي صاحبي يقوللي يبيلك حبل نربطك فيه قلت له لا تلومني ياخي امنية الطفوله ... عاد يوم حرك القطار مر علينا المحصل واخذ طلباتنا للعشا وشيك علي التذاكر وكله تمام ملاحظه لا تنسون تشترون لكم اي شي للطريق بعد العشاا ماكو شي ينوكل احنا ما شبعنا طالبين عيش وخضروات لازم تشترون بسكوت صمون كاكاو وعللك علشان توزعون علي الركاب اللي راح تتعرفون عليهم حركااااااااات هاا
نكمل بالجزء الثاني

__________________

البحث عن مواضيع لنفس العضو

man-34 · 12-08-2004, 03:36 AM

حرك القطار ويوقف من وقت لي وقت في محطات صغيرة علي الخط حتي يمسك خطه ويبدي يقول يا هادي ......تراا الرحلة 16 ساعه يبيلك قلب ما يتعب

بعد العشا قاموا ينزلون السراير لنا اجباري صاحبي فوق وانا تحت شغل نضيف صراحة صج دوله سياحيه بس عاد وين اللي يقدر ينام سهير الليل

عاد لبست هدومي ورحت اطلع من كبينه الي كبينه ثانيه حتي لقيت روحي دخلت المطبخ دخلت وياهم وقمت اسولف باللي اقدر عليه شغل انكليزي علي حجي طرمان المهم بالموضوع الابتسامه موجوده الكل يحبك

ورديت بالعكس .. طبعا الاجانب اللي طايح يمين و اللي نازله ريوله تحت واللي طايحتله بوس مالها شغل باحد وهناك اللي صاحبنا قاعد يلكه خمر اعتقد الصراحه اللي قطعت لنا التذاكر خوش وحده ..اللي معنا محد فيهم يحوس حتي سيجاره ما يشربون ....عديت الكابينه مالتنا ووصلت الي كباين السوبر هذي ما درينا عنها الا يوم شفتها نفس افلام جيمس بو ند

عاد بالغصب قدرت انام لاني كنت يوعان وصاحبي خو عنده القولون صار ما يحتاج ..المهم نمنا وقعدنا قريب الفجر مر علينا المحصل ها شتبون ريوق بيض جبن مربي حسافه مافي باجه

علي ما خلص الريوق الا احنا كنا قريبين من شينغ ماي جذي مسافة ساعه ويشق علينا النور ويا سلالالالالالالالالالالالام من منظر تشوفه وهوا عليل تشمه ينسيك طول الطريق الخضار والزهور علي مد النظر حتي مراات تحن انك تشوف شوية رمل

عاد علي ما وصل القطار كنت انا تعرفت علي انكليزيات ثنتين وتايلندي مسؤل تسويق والماني وياه بنته الحليوه طلعت بعدين صاحبته وانقص ويهي يوم سالته عنها اللقافه بعيد عنكم

نزلنا ويا تكسي علي فندقنا خدنا ..نسيت اقولكم احنا حجزنا من الفندق عطينا اللي عندج علي مستوي اللي احنا ساكنين فيه عطتنا هذا الفندق ستار نجمتين
بس اقولكم يابته صح علي المزاج نضيييف وهاادي ينفع حق عوايل مافيه بار ولا مرقص لا خوش ويوم سوق الليل كلش خطوات قليلات
الليله فيه 950 بات غرفة مزدوجه ... في فندق ثاني كبير ومستواه وايد احسن من فندقنا اسمه فون فين ب 1000 بات بس عاد اذا ما عندك حجز خصوصا ايام العطل مالك امل تلقي فيه غرفه فاضيه الصراحه حق المره اليايه بروح اسكن فيه

طبعا عطيناها دوش واطلع للمكتب السياحي اضبط لنا رحلات سياحيه حق باجر بس هم ما ضيعت اليوم طلعنا رحنا نفتر بموقع سوق الليل اهو السوق الرئيسي ورخيص كثير ولقينا بضاعه ارخص من بانكوك وكلها شطارة مفاصل بالسعر. يبدي من الساعه 6 مساء الي 2 فجرا وكل مافي خاطرك موجود وانا اقول شينغ ماي منطقه عائليه اكثر من رائعه ابدا ما راح تخسر اذا زرتها انت وافراد اسرتك
ما راح تتعبون من ناحية الاكل مطاعم المسلمين كثيرة جدا وهذي تعتبر منطقتهم ويا كثرهم بس حطوا بالكم تراا للاسف النصب ما يطلع الا منهم الا ما رحم ربي عاد الحذر زين انا اكلتها بكيلو بخور و8 تولات دهن عود اخخخخخ لو اصيده بوعلي راعي البخور بس وين بيروح انا جايله بس تهقون اقدر اسويله شي هععععععع والله ما ادري اقولكم اذا شفته <--

اول رحله اخذناها اهي التريكنك عبور الغابه بالافيال بس تعال انت اخذ طبيعه خلابه بهذي المنطقه ومافيها زحمة بانكوك والجو برااد يا عيني بس يبيله شاي مخدر علي الفحم وشيشه

__________________

البحث عن مواضيع لنفس العضو

man-34 · 12-08-2004, 03:53 AM

نكمل معاكم الجزء الثالث

قعدونا من النوم الساعه 6.30 علي ما قعدنا ونزلنا وتريقنا بوفيه طبعا مو مثل مطعم مركز سلطان بنادي اليخوت ولا الشيراتون ..توست وكرواسون و و واذا تبي الصراحة نفسهم بس الفرق ان هذي المطاعم شغل فخفخه زايده وصحون تلمع وواحد يقولوك اهلا يابيه وهني كل شي موجود ما عدا الفول

وصل الباص الساعه 7.15 ركبا الباص والا معانا عرايس امارتين صغار حلوين الله يحفظهم ما يدلون شي بتايلند طبعا اخوكم اشتغل عليهم هذره ودلهم اللي يعرفه واللي ما يعرفه واثنين شباب بحرينين بوعباس وبومهدي ياجماعه اللي يحصلهم تكفون يفشش تواير سيارتهم علي ما اوصل لهم اخخخخخخخخخخ منكم يا حلوين وين صورناااااااا صورونا وقالولنا بندزهم بالايميل وهذا وجه الضيف ووين بتروحون البحرين صغيرونه وجم واحد اسمه بومهدي وبوعباس .....لا يبه عليكم بالعافيه بس ابي صورتي وانا ازلق تحت الشلال عن الفضايح يعني

وصلنا مكان الفياله تدرون طول الطريق واحنا نطالع الجبال والخضره ومبطلين الدريشه والهواا يكفخ بالويه بغيت انام مره ثانيه الضاهر كثرت بيض وكرواسون
المهم نزلنا من الباص والفيال تحوس ويا مدربينهم قاعدين يغسلونهم بالماي ويلعبون معاهم تقول اوادم مو فياله
الكل ركب صاير كرسي فوق ظهر الفيل والمدرب راكب علي رقبة الفيل وتحرك بسمالله ..
شعور غريب وانت راكب دبابه ربانيه وشعر الفيل غريب مثل الابره اذا حاشك عاد خوش موقف صار فينا واحنا ساهين ... اللتفت علي صاحبي واذا شي اخضر علي قميصه اللي لونه مثل حديقة زهور والا سحليه لونها خضر اقفزت من الشجر علي قميص صاحبي اللي بغي يقلبنا من علي الفيل يوم شاف السحليه ..طبعا سبب هروب السحليه ؟!!من بياضي الناصع... ضربت الشمس علي انكسرت عيون السحليه قامت قطت روحها علي شجره ثانيه خمسه وخميسه مشالله قولوو مشالله

لاحضنا شي غريب علي الفيل اللي احنا علي ظهرها كانت انثي وسبحان اللي عطي احساس الامومه والمشاعر لكل انثي كان ولدها يلعب باخر القطيع كانت كل شوي توقف وتلتفت علي ولدها وتشوفه زين وما يحركها الا زجر المدرب ومرات بالدبوس ينقزها علشان تتحرك

بعد ما خلصنا جولة الفيال بالغابه صعودا ونزولا ذهبنا بنفس المكان الي قبيله تايلنديه يشبهون قبايل الازتك يبيعون مشغولاتهم اليدويه جميله بس مبالغ بالسعر كالعاده تحتاج الي فصال .
وبعدها تركب كل مجموعه علي عربات خشبيه نفس اللي يركبها الكابوي يقودها ثيران وسائق العربه شايب بس زكرتي حاط عالكمان ويدندن قمنا اخذنا لجام الثران وسقنا العربه واهو قاعد يغني واخذ تشفط احنا نهوس علي الثيران وتقحص وتقرقع وصاحبنا الشايب يدندن زوود ويقول انتو تمام الظاهر ما تدور عندهم الجيتي ( الطابوقه علي قولة اهل عمان)

خلصنا من دورة الثيران ذهبوا فينا الي عبور الطوافات بامبو مرصوصين ومربوطين بحبال وتركب عليهم وتجديف بالعصي وطبعا خذ قصص كذب للضحك علينا ؟! انه في تماسيح بالنهر فاخذوا الحذر يا ساااااتر انا صرت دوامه كل شوي افتر مكان نشفوا دمي يغربلهم ... لكن مناظر الطبيعه اللي حواليك تخليك من غير ما تحس بعالم ثاني من الهدوء والسكينة الي ان يهزك صاحبك مثل ما هزني صاحبي طلعت عيوني حسبالي تمساح ؟!! جان يقولي عطني سيجاره ........ مو مال اقطه بالنهر

وصلنا بالسلامه للضفه الثانيه وحان وقت الغداء اللي اهو محسوب عليك من ضمن الرحلة وخذونا بالباص لمطعم تحت الجبل صاير وطبعا طلبنا ماكولات بحريه وسلطات والحلو كان رقي (بطيخ) لكن اللتفت حواليك بساط اخضر تحت رجولك ممتد ما عرفت اقعد خلصت اكلي وقمت استكشف المنطقه ويا سلام اللي علي لقيته ..

شاليهات تحت الجبل للايجار غرفتين وصاله ومطبخ وحمامين فقط ب 1000 بات الليله انا مفكر اذا رجعت مع العايله بسكن لي ليلتين بهذا الشاليه شنو مناظر حواليك يكفي عيالك يركضون ويركضون وما يخلص الخضار والجو بديع تراا راحة النفس والقعده هناك تخليك مبسوط مثل الاهبل ابياااااااااااااااااااااااااض اتغشمر صراحه راحة نفس تلقاها من اللي حواليك.

بعدها حرك فينا الباص الي مصنع الجلود تدخل المصنع تشوف الطريقه ومن وين ياخذون جلودهم تماسيح فيله اقوي جلد ما تتوقعونه ..من اللخمه ما اعرف اسمها بالعربي اسمحولي اهي السمكه اللي مثل الخفاش ولها ذنب تلسع فيه .. طبعا وجودكم بالمصنع مو غرضه فقط التثقيف للسياح لا هذي بلد تجاري تدخل المصنع وتخلص الجوله عند المعرض الكبير وشوف الملبوسات والشنط ووو كل ما يخطر علي بالك علشان تشترون منهم انا شفت الاسعار غاليه لكن اللي يعجبه شي لا يخلي بنفسه خصوصا اذا زوجته معاها مو مخسرنا غير الحريم

وبعد هذي الجوله اللي تبدي من الصباح الي الساعه 5 مساء تقريبا توصل الفندق ..انت وطاقتك ! في ناس تنام لثاني يوم وجوله جديده وناس من نوعياتنا نعطيها دوش علي السريع وادخل علي سوق الليل ..

سوق الليل البيع فيه علي الجانبين محلات وعربات بيع متحركه فيها كل ما تحب وما تتوقعه غير الامور السيئه في بانكوك ما تلقاها في شينغ ماي بوضوح انا حسيت بالجو العائلي كثير هناك والبهارات يا سلام شي غريب انا دورت علي بهارت مجبوس دجاج مالقيت قالولي روح لامك يا حسون تعملك شي تمرية

في مجسمات علي شكل البهارات الحقيقيه لكنها مجففه وعاملينها منظر وايد حلوه شرينا شنط نسائيه عاملينها من ثمرة جوز الهند ما شفنا منها في بانكوك وفي امور من صنع القبايل الجبليه راح تشوفونهم من مشغولات الفضه جميلة جدا لكن خلك شاطر بالفصال حتي لا يغلبونك بالسعر وكذللك ملبوساتهم الجبليه حلوه كثيررر
وبعد عندهم خلطات الاعشاب مشهورة من نوعية بونمر ودهان الفكس بس تحس ان النمر قاعد علي ظهرك من كثر ماهو حار وفعال انصحكم بشراءها من هناك
الاكل ما راح تتعبون فيه المطاعم الاسلاميه كثيره واذا ما تطمئن ووسواسي روح اكل شغلات بحريه او مطاعم مثل بيتزا هوت او ماكدونالدز عندهم وجبات النباتين والسمك اختار عاد يا تصير قطو وتاكل سمك او تصير ارنب وتاكل خضروات
طبعا السوق فاتح للساعه 2 صباحا واللي يحب السوق هذا مكان لا يمكن انت تشبع منه في يوم واحد خصوصا انه فيه ازقه صغيره استكشفها بنفسك والامان جمال هذي البلاد

__________________

البحث عن مواضيع لنفس العضو

albahrain · 14-08-2004, 03:55 AM

السلام عليكم .....حقيقة انه هذا الموضوع فرحني وايد ....و احب اقوللك ان ابو عباس ما نساكم ...او صاحبنا اسمة بوعلي مو بو مهدي....الشي الثاني انة ايميلك كان فل لما ردينا و حاوانة انطرش الصوووور ...على العمووووووم انت تامر امر ....سلامي حق بوراشد

__________________

البحث عن مواضيع لنفس العضو

للصبر حدود · 14-08-2004, 11:40 AM

مشكووووووووووور يا الحبيب ويعطيك الف عافية على هالاطراء الجميل والبهارات اللي حاطها, ولو تكرمت تشرح لي عن اهم المناطق او الاماكن اللي الواحد يقدر يروح لها بشنجماي ومشكووووووووووور مسبقاَ

__________________

البحث عن مواضيع لنفس العضو

KABAYAN · 14-08-2004, 02:18 PM

تقرير ولا أروع ،،،

وياليت حطيت أرقام المكاتب اللي تعاملت معهم،،،

__________________

البحث عن مواضيع لنفس العضو

panadol · 14-08-2004, 07:38 PM

الف شكر اخوي وصراحة رحلة جدا مميزة ....

__________________

البحث عن مواضيع لنفس العضو

albahrain · 14-08-2004, 07:40 PM

السلام عليكم .....حقيقة انه هذا الموضوع فرحني وايد ....و احب اقوللك ان آنا بو عباس وصدقني لمن اقول لك اني مانسيتكم ...او صاحبي اسمة بوعلي مو بو مهدي ....الشي الثاني اني حاولت اطرش لك على ايميلك اللي عطيتني اياه لكنه كان فل لما ردينا و حاولنه انطرش الصوووور اكثر من مرة وخاصة الصورة اللي تزلق فيها ... وحتى إني جزئت ملف الصور إلى خمسة أجزاء عشان اطرشهم على ملفات صغيرة بس بعد مانجح معاي ...على العمووووووم انت تامر امر ....ولا تنسى تبلغ سلامي حق بوراشد .. وبعد تقدر تراسلني على الخاص وتعطيني ايميلك من جديد بس هاه هالمرة عطني ايميل شغال وفي سعة زينة واللي يرحم والديك وخذ نصيحتي اللي قلتها لك في شننجماي وافتح لك ايميل على جواب ..والصور موجودة وانا حاضر اطرشهم مرة وثنتين وثلاث..

تحياتي .

__________________

البحث عن مواضيع لنفس العضو

man-34 · 15-08-2004, 01:52 AM

albahrain

هلالالالالالا والف هلالالالالا شالصدفه العجيبه يا سبحان الله اللي جمعني فيكم مره ثانيه يا بوعياس

اشوه اني ما عطيتكم الحامي بالمقاله والا جان حرقتوا صوري وراحوا علي

سلامي لك ولبوعلي وانشالله يوصل السلام حق بوراشد ربي يحفظكم وراح ادز لك ايميلي بالياهو فاضي وبانتظار صورنا
وما يامر عليك عدو حبيبي ...انشالله شهر يناير بنروح شينغماي مره ثانيه اذا لكم نية تراا يشرفنا حقيقه شوفتكم هناك بس معانا كاميرات هالمره

تحياتي القلبيه

__________________

البحث عن مواضيع لنفس العضو

man-34 · 15-08-2004, 02:08 AM

panadol : يا هلا اخوي يسعدني استمتاعك بالمقاله وبالخدمه

للصبر حدود : هلا فيك اخوي والامكان اللي زرتها مثل ما قريت بالرحله كانت بتجهيز من المكتب السياحي

KABAYAN هلا وغلا ومشكور علي التشريف يقولون اذا حضر الماء بطل التيمم ....شلون نعطي دروس خصوصيه وحضرة الناظر موجود

اقولك الصراحه انا تعلمت من المنتدي اني اكون دقيق واحنفظ بالروشورات والتلفونات وكل معلومه مكتوبه ليس كالسابق اعتمادي علي الذاكرة ويا كثر ما تعطيني خارج منطقة الارسال

تحياتي وشكرا علي المرور

__________________

البحث عن مواضيع لنفس العضو

hallal · 15-08-2004, 09:01 AM

مشكور اخوي جدا هل ممكن ان تساعدني في اين مكان الذي قلته
شاليهات تحت الجبل للايجار غرفتين وصاله ومطبخ وحمامين فقط ب 1000 بات الليله
ارجو ان ترد علي بأسرع وقت

__________________

البحث عن مواضيع لنفس العضو

albahrain · 15-08-2004, 09:11 AM

هلا فيك اخوي .. وفعلاً صدفة غريبة عجيبة ولوا مقالك هذا والشرح المفصل فيه ماعرفتك وكان يشرفني اني اسافر معاكم مرة ثانية بس مع الاسف مانقدر ناخذ اجازتنا في اول السنة .. خبرك الشغل مقطع بعضه واللا كان بودنا ويشرفنا .. ترى سفرتنا وياكم ذيك المرة كانت واجد حلوة .. والحمد لله انا التقينا اخيراً بعد صراحة يأست .

عموماً ولا يهمك عزيزي ايميلك عندي وراح ادزهم لك ان شاء الله خلال هاليومين بعد ما اعيد ترتيبهم لأني حافظهم في cd واشوه اني ماخليتهم في الكمبيوتر لأن الهاردديسك احترق وكان باحترق معاه لو راحو الصور بس الحمد لله ان الله ستر.. ومع انك رايح تعور قلبي بالنظر الى الصور مرة ثانية وتعيد لي الذكريات الحلوة .. يعني يمكن اتدق في راسي وروح يوم ثاني .. بس على العموم ولا ايهمك ان شاء الله خلال هاليومين .

وينك يابوراشد وانته تلعب في الماي تحت الشلال .. الله .. والله كانت لحظات حلوة .

تحياتي .

__________________

البحث عن مواضيع لنفس العضو

looola · 15-08-2004, 10:12 AM

السلالام عليكم

بصرااحه شوقتني وايد اني اروح لها وانا كان ودي اروح لها طياره وقلت للسفريات وقالولي ماحصلنا حجز لج بهالتواريخ

ولكن القطااااار ياعيني ولا اروح انزيين اذا رحت لها بالقطار متتى نوصل هناك ؟؟ ونقدر نقعد ليله وحده فيها ونرد ثاني يوم؟؟؟

لان حجزي للفنادق اوكيه فاذا بروح بطوف ليله من بانكوك يالله مو حسافه على شنغ ماي شرايك نقدر ولا صععبه؟

__________________

البحث عن مواضيع لنفس العضو

hallal · 15-08-2004, 10:21 PM

اعتقد انني ضعت بينكم الله يخليكم اذا ممكن ان تساعدني اخوي مان
اين مكان الذي قلته
شاليهات تحت الجبل للايجار غرفتين وصاله ومطبخ وحمامين فقط ب 1000 بات الليله

__________________

البحث عن مواضيع لنفس العضو

man-34 · 16-08-2004, 01:06 AM

albahrain
تسلم يا بوعباس وانشالله لنا شوفه بالبحرين اذا مو بتايلند :*)

looola
هلا اختي .. بالطيارة تحصلين حجز بسهاله كل ساعه في رحله 4200 بات قيمة التذكره وبالفطار 16 ساعه واذا بتروحين يوم ما راح تكفيج

hallal
هلا اخوي يا مرحبا بك مكان الشاليهات وانت نازل من المعبد الذهبي doi suthep راح يودونك المطعم تتغدي تحت الجبل راح تلقاهم هناك

تحياتي للجميع

__________________

البحث عن مواضيع لنفس العضو

12-08-2004, 03:28 AM	#1 (permalink)
man-34 مسافر فعال تاريخ التسجيل: May 2004 الدولة: الكويت رقم العضوية :3012 المشاركات: 88	رحله من بانكوك الي شينغ ماي بالقطار يسعد ايامكم جميعا هذي مقالتي كتبتها بمنتدي ثاني ولكن لقلة عدد الرواد هناك حبيت اني اعيد نشرها لكم لزيادة الاستفادة لرواد منتدانا حبيت اشاركم سفرتي الي شينغ ماي المره الاولي اللي اروحها من بعد سفرات عديده بدات سنة 88 وانتهت السنه الماضيه وانشالله السنه الحالية بروح بعد ... لا تستغربون هالبلد اللي يزوره مره مثل العطشان يشرب ماي وانا رحت شينغ ماي بعد ما وصلنا بانكوك رحنا فندق الشياب فندقنا برنس هذا فندق معقول للي يحب الهدوء مع التوفير والامان والسعر الثابت 660 بات الليله .. فندق غريس حلو بموقعه وقرب كل شي عربي واسلامي حوله لكن نوعيات الناس اللي فيه والازعاج اللي موجود لو ب 100 بات ما سكنته الصراحه ومستغرب علي بعض العوايل يسكنون هالفندق اسف شطيت عن الموضوع قلت حق صاحبي شرايك انا بخاطري اركب قطار... امنيتي من وانا صغير كل ما اشوف مسلسل مستر ويست ... قالي ابشر فوقه هذا اللي يعجبني بصاحب السفر اذا قلت له شرايك قالك فوقه غيره لا تختارون صاحب ....سافرو بروحكم ابرك حجزنا من الفندق ب 720 بات الشخص درجه اولي قطار مكيف مع سرير وساعة الحركه 8 مساء سوينا شيك اوت وحطينا شناطنا بالفندق امانات ورحنا نفتر بمجمع طوكيو .. ردينا الفندق واخذنا تاكسي مو ذاكر بجم اعتقد 100 بات الصراحة ما توقعتها جذي المحطة كلها اجانب غير طبعا التايلندين قاعد اقول حق صاحبي واحنا كله نبي الفخفخه ما نجرب مثل الاجانب طالع شكثرهم وجناطهم علي الظهر ويقعدون باللي نصرفه بسبوعين شهر ونص ويردون معاهم باقي بعد . لاحظت وانا احوس بالمحطة مسجد ومكتوب عليه بالعربي هناك بمنطقة القطارات مسلمين وايد والصراحة خفت ادش المسيد اطلع ارهابي نادوا علي رقم رحلتنا رحنا للقطار ودخلنا والا كراسي مثل باصات لندن لكن كل اثنين مقابل بعض ويتحولون الي سراير متي ما حبيت عاد انا ركبت القطار وصرت مثل اليهال مو مصدق احوس رايح جاي صاحبي يقوللي يبيلك حبل نربطك فيه قلت له لا تلومني ياخي امنية الطفوله ... عاد يوم حرك القطار مر علينا المحصل واخذ طلباتنا للعشا وشيك علي التذاكر وكله تمام ملاحظه لا تنسون تشترون لكم اي شي للطريق بعد العشاا ماكو شي ينوكل احنا ما شبعنا طالبين عيش وخضروات لازم تشترون بسكوت صمون كاكاو وعللك علشان توزعون علي الركاب اللي راح تتعرفون عليهم حركااااااااات هاا نكمل بالجزء الثاني __________________ البحث عن مواضيع لنفس العضو

12-08-2004, 03:36 AM	#2 (permalink)
man-34 مسافر فعال تاريخ التسجيل: May 2004 الدولة: الكويت رقم العضوية :3012 المشاركات: 88	رد: من بانكوك الي شينغ ماي بالقطار حرك القطار ويوقف من وقت لي وقت في محطات صغيرة علي الخط حتي يمسك خطه ويبدي يقول يا هادي ......تراا الرحلة 16 ساعه يبيلك قلب ما يتعب بعد العشا قاموا ينزلون السراير لنا اجباري صاحبي فوق وانا تحت شغل نضيف صراحة صج دوله سياحيه بس عاد وين اللي يقدر ينام سهير الليل عاد لبست هدومي ورحت اطلع من كبينه الي كبينه ثانيه حتي لقيت روحي دخلت المطبخ دخلت وياهم وقمت اسولف باللي اقدر عليه شغل انكليزي علي حجي طرمان المهم بالموضوع الابتسامه موجوده الكل يحبك ورديت بالعكس .. طبعا الاجانب اللي طايح يمين و اللي نازله ريوله تحت واللي طايحتله بوس مالها شغل باحد وهناك اللي صاحبنا قاعد يلكه خمر اعتقد الصراحه اللي قطعت لنا التذاكر خوش وحده ..اللي معنا محد فيهم يحوس حتي سيجاره ما يشربون ....عديت الكابينه مالتنا ووصلت الي كباين السوبر هذي ما درينا عنها الا يوم شفتها نفس افلام جيمس بو ند عاد بالغصب قدرت انام لاني كنت يوعان وصاحبي خو عنده القولون صار ما يحتاج ..المهم نمنا وقعدنا قريب الفجر مر علينا المحصل ها شتبون ريوق بيض جبن مربي حسافه مافي باجه علي ما خلص الريوق الا احنا كنا قريبين من شينغ ماي جذي مسافة ساعه ويشق علينا النور ويا سلالالالالالالالالالالالام من منظر تشوفه وهوا عليل تشمه ينسيك طول الطريق الخضار والزهور علي مد النظر حتي مراات تحن انك تشوف شوية رمل عاد علي ما وصل القطار كنت انا تعرفت علي انكليزيات ثنتين وتايلندي مسؤل تسويق والماني وياه بنته الحليوه طلعت بعدين صاحبته وانقص ويهي يوم سالته عنها اللقافه بعيد عنكم نزلنا ويا تكسي علي فندقنا خدنا ..نسيت اقولكم احنا حجزنا من الفندق عطينا اللي عندج علي مستوي اللي احنا ساكنين فيه عطتنا هذا الفندق ستار نجمتين بس اقولكم يابته صح علي المزاج نضيييف وهاادي ينفع حق عوايل مافيه بار ولا مرقص لا خوش ويوم سوق الليل كلش خطوات قليلات الليله فيه 950 بات غرفة مزدوجه ... في فندق ثاني كبير ومستواه وايد احسن من فندقنا اسمه فون فين ب 1000 بات بس عاد اذا ما عندك حجز خصوصا ايام العطل مالك امل تلقي فيه غرفه فاضيه الصراحه حق المره اليايه بروح اسكن فيه طبعا عطيناها دوش واطلع للمكتب السياحي اضبط لنا رحلات سياحيه حق باجر بس هم ما ضيعت اليوم طلعنا رحنا نفتر بموقع سوق الليل اهو السوق الرئيسي ورخيص كثير ولقينا بضاعه ارخص من بانكوك وكلها شطارة مفاصل بالسعر. يبدي من الساعه 6 مساء الي 2 فجرا وكل مافي خاطرك موجود وانا اقول شينغ ماي منطقه عائليه اكثر من رائعه ابدا ما راح تخسر اذا زرتها انت وافراد اسرتك ما راح تتعبون من ناحية الاكل مطاعم المسلمين كثيرة جدا وهذي تعتبر منطقتهم ويا كثرهم بس حطوا بالكم تراا للاسف النصب ما يطلع الا منهم الا ما رحم ربي عاد الحذر زين انا اكلتها بكيلو بخور و8 تولات دهن عود اخخخخخ لو اصيده بوعلي راعي البخور بس وين بيروح انا جايله بس تهقون اقدر اسويله شي هععععععع والله ما ادري اقولكم اذا شفته <-- اول رحله اخذناها اهي التريكنك عبور الغابه بالافيال بس تعال انت اخذ طبيعه خلابه بهذي المنطقه ومافيها زحمة بانكوك والجو برااد يا عيني بس يبيله شاي مخدر علي الفحم وشيشه __________________ البحث عن مواضيع لنفس العضو

12-08-2004, 03:53 AM	#3 (permalink)
man-34 مسافر فعال تاريخ التسجيل: May 2004 الدولة: الكويت رقم العضوية :3012 المشاركات: 88	رد: من بانكوك الي شينغ ماي بالقطار نكمل معاكم الجزء الثالث قعدونا من النوم الساعه 6.30 علي ما قعدنا ونزلنا وتريقنا بوفيه طبعا مو مثل مطعم مركز سلطان بنادي اليخوت ولا الشيراتون ..توست وكرواسون و و واذا تبي الصراحة نفسهم بس الفرق ان هذي المطاعم شغل فخفخه زايده وصحون تلمع وواحد يقولوك اهلا يابيه وهني كل شي موجود ما عدا الفول وصل الباص الساعه 7.15 ركبا الباص والا معانا عرايس امارتين صغار حلوين الله يحفظهم ما يدلون شي بتايلند طبعا اخوكم اشتغل عليهم هذره ودلهم اللي يعرفه واللي ما يعرفه واثنين شباب بحرينين بوعباس وبومهدي ياجماعه اللي يحصلهم تكفون يفشش تواير سيارتهم علي ما اوصل لهم اخخخخخخخخخخ منكم يا حلوين وين صورناااااااا صورونا وقالولنا بندزهم بالايميل وهذا وجه الضيف ووين بتروحون البحرين صغيرونه وجم واحد اسمه بومهدي وبوعباس .....لا يبه عليكم بالعافيه بس ابي صورتي وانا ازلق تحت الشلال عن الفضايح يعني وصلنا مكان الفياله تدرون طول الطريق واحنا نطالع الجبال والخضره ومبطلين الدريشه والهواا يكفخ بالويه بغيت انام مره ثانيه الضاهر كثرت بيض وكرواسون المهم نزلنا من الباص والفيال تحوس ويا مدربينهم قاعدين يغسلونهم بالماي ويلعبون معاهم تقول اوادم مو فياله الكل ركب صاير كرسي فوق ظهر الفيل والمدرب راكب علي رقبة الفيل وتحرك بسمالله .. شعور غريب وانت راكب دبابه ربانيه وشعر الفيل غريب مثل الابره اذا حاشك عاد خوش موقف صار فينا واحنا ساهين ... اللتفت علي صاحبي واذا شي اخضر علي قميصه اللي لونه مثل حديقة زهور والا سحليه لونها خضر اقفزت من الشجر علي قميص صاحبي اللي بغي يقلبنا من علي الفيل يوم شاف السحليه ..طبعا سبب هروب السحليه ؟!!من بياضي الناصع... ضربت الشمس علي انكسرت عيون السحليه قامت قطت روحها علي شجره ثانيه خمسه وخميسه مشالله قولوو مشالله لاحضنا شي غريب علي الفيل اللي احنا علي ظهرها كانت انثي وسبحان اللي عطي احساس الامومه والمشاعر لكل انثي كان ولدها يلعب باخر القطيع كانت كل شوي توقف وتلتفت علي ولدها وتشوفه زين وما يحركها الا زجر المدرب ومرات بالدبوس ينقزها علشان تتحرك بعد ما خلصنا جولة الفيال بالغابه صعودا ونزولا ذهبنا بنفس المكان الي قبيله تايلنديه يشبهون قبايل الازتك يبيعون مشغولاتهم اليدويه جميله بس مبالغ بالسعر كالعاده تحتاج الي فصال . وبعدها تركب كل مجموعه علي عربات خشبيه نفس اللي يركبها الكابوي يقودها ثيران وسائق العربه شايب بس زكرتي حاط عالكمان ويدندن قمنا اخذنا لجام الثران وسقنا العربه واهو قاعد يغني واخذ تشفط احنا نهوس علي الثيران وتقحص وتقرقع وصاحبنا الشايب يدندن زوود ويقول انتو تمام الظاهر ما تدور عندهم الجيتي ( الطابوقه علي قولة اهل عمان) خلصنا من دورة الثيران ذهبوا فينا الي عبور الطوافات بامبو مرصوصين ومربوطين بحبال وتركب عليهم وتجديف بالعصي وطبعا خذ قصص كذب للضحك علينا ؟! انه في تماسيح بالنهر فاخذوا الحذر يا ساااااتر انا صرت دوامه كل شوي افتر مكان نشفوا دمي يغربلهم ... لكن مناظر الطبيعه اللي حواليك تخليك من غير ما تحس بعالم ثاني من الهدوء والسكينة الي ان يهزك صاحبك مثل ما هزني صاحبي طلعت عيوني حسبالي تمساح ؟!! جان يقولي عطني سيجاره ........ مو مال اقطه بالنهر وصلنا بالسلامه للضفه الثانيه وحان وقت الغداء اللي اهو محسوب عليك من ضمن الرحلة وخذونا بالباص لمطعم تحت الجبل صاير وطبعا طلبنا ماكولات بحريه وسلطات والحلو كان رقي (بطيخ) لكن اللتفت حواليك بساط اخضر تحت رجولك ممتد ما عرفت اقعد خلصت اكلي وقمت استكشف المنطقه ويا سلام اللي علي لقيته .. شاليهات تحت الجبل للايجار غرفتين وصاله ومطبخ وحمامين فقط ب 1000 بات الليله انا مفكر اذا رجعت مع العايله بسكن لي ليلتين بهذا الشاليه شنو مناظر حواليك يكفي عيالك يركضون ويركضون وما يخلص الخضار والجو بديع تراا راحة النفس والقعده هناك تخليك مبسوط مثل الاهبل ابياااااااااااااااااااااااااض اتغشمر صراحه راحة نفس تلقاها من اللي حواليك. بعدها حرك فينا الباص الي مصنع الجلود تدخل المصنع تشوف الطريقه ومن وين ياخذون جلودهم تماسيح فيله اقوي جلد ما تتوقعونه ..من اللخمه ما اعرف اسمها بالعربي اسمحولي اهي السمكه اللي مثل الخفاش ولها ذنب تلسع فيه .. طبعا وجودكم بالمصنع مو غرضه فقط التثقيف للسياح لا هذي بلد تجاري تدخل المصنع وتخلص الجوله عند المعرض الكبير وشوف الملبوسات والشنط ووو كل ما يخطر علي بالك علشان تشترون منهم انا شفت الاسعار غاليه لكن اللي يعجبه شي لا يخلي بنفسه خصوصا اذا زوجته معاها مو مخسرنا غير الحريم وبعد هذي الجوله اللي تبدي من الصباح الي الساعه 5 مساء تقريبا توصل الفندق ..انت وطاقتك ! في ناس تنام لثاني يوم وجوله جديده وناس من نوعياتنا نعطيها دوش علي السريع وادخل علي سوق الليل .. سوق الليل البيع فيه علي الجانبين محلات وعربات بيع متحركه فيها كل ما تحب وما تتوقعه غير الامور السيئه في بانكوك ما تلقاها في شينغ ماي بوضوح انا حسيت بالجو العائلي كثير هناك والبهارات يا سلام شي غريب انا دورت علي بهارت مجبوس دجاج مالقيت قالولي روح لامك يا حسون تعملك شي تمرية في مجسمات علي شكل البهارات الحقيقيه لكنها مجففه وعاملينها منظر وايد حلوه شرينا شنط نسائيه عاملينها من ثمرة جوز الهند ما شفنا منها في بانكوك وفي امور من صنع القبايل الجبليه راح تشوفونهم من مشغولات الفضه جميلة جدا لكن خلك شاطر بالفصال حتي لا يغلبونك بالسعر وكذللك ملبوساتهم الجبليه حلوه كثيررر وبعد عندهم خلطات الاعشاب مشهورة من نوعية بونمر ودهان الفكس بس تحس ان النمر قاعد علي ظهرك من كثر ماهو حار وفعال انصحكم بشراءها من هناك الاكل ما راح تتعبون فيه المطاعم الاسلاميه كثيره واذا ما تطمئن ووسواسي روح اكل شغلات بحريه او مطاعم مثل بيتزا هوت او ماكدونالدز عندهم وجبات النباتين والسمك اختار عاد يا تصير قطو وتاكل سمك او تصير ارنب وتاكل خضروات طبعا السوق فاتح للساعه 2 صباحا واللي يحب السوق هذا مكان لا يمكن انت تشبع منه في يوم واحد خصوصا انه فيه ازقه صغيره استكشفها بنفسك والامان جمال هذي البلاد __________________ البحث عن مواضيع لنفس العضو

14-08-2004, 03:55 AM	#4 (permalink)
albahrain مسافرجديد تاريخ التسجيل: Jul 2004 رقم العضوية :10549 المشاركات: 23	رد: من بانكوك الي شينغ ماي بالقطار السلام عليكم .....حقيقة انه هذا الموضوع فرحني وايد ....و احب اقوللك ان ابو عباس ما نساكم ...او صاحبنا اسمة بوعلي مو بو مهدي....الشي الثاني انة ايميلك كان فل لما ردينا و حاوانة انطرش الصوووور ...على العمووووووم انت تامر امر ....سلامي حق بوراشد __________________ البحث عن مواضيع لنفس العضو

14-08-2004, 11:40 AM	#5 (permalink)
للصبر حدود مسافر فعال تاريخ التسجيل: Jul 2004 رقم العضوية :12172 المشاركات: 103	رد: من بانكوك الي شينغ ماي بالقطار مشكووووووووووور يا الحبيب ويعطيك الف عافية على هالاطراء الجميل والبهارات اللي حاطها, ولو تكرمت تشرح لي عن اهم المناطق او الاماكن اللي الواحد يقدر يروح لها بشنجماي ومشكووووووووووور مسبقاَ __________________ البحث عن مواضيع لنفس العضو

14-08-2004, 02:18 PM	#6 (permalink)
KABAYAN مسافر خبير تاريخ التسجيل: Sep 2003 رقم العضوية :1175 المشاركات: 4,477	رد: من بانكوك الي شينغ ماي بالقطار تقرير ولا أروع ،،، وياليت حطيت أرقام المكاتب اللي تعاملت معهم،،، __________________ البحث عن مواضيع لنفس العضو التوقيع : كـ ـبـ ـيـ ـا ن الفايروسات المنبوذة ،،، حكاية من التراث الكبياني رحلة كبيان الى أرض الصومال رحلة المغامرة الكبيانية في الأراضي الأثيوبية رحلتي العجيبة الى الجزائر- بالصور والمشاهد الحية رحلتي الى بلاد ماوراء النهر - كازاخستان Kazakstan

14-08-2004, 07:38 PM	#7 (permalink)
panadol مسافر فعال تاريخ التسجيل: Jun 2003 الدولة: الخبر رقم العضوية :464 المشاركات: 87	رد: من بانكوك الي شينغ ماي بالقطار الف شكر اخوي وصراحة رحلة جدا مميزة .... __________________ البحث عن مواضيع لنفس العضو

14-08-2004, 07:40 PM	#8 (permalink)
albahrain مسافرجديد تاريخ التسجيل: Jul 2004 رقم العضوية :10549 المشاركات: 23	رد: من بانكوك الي شينغ ماي بالقطار السلام عليكم .....حقيقة انه هذا الموضوع فرحني وايد ....و احب اقوللك ان آنا بو عباس وصدقني لمن اقول لك اني مانسيتكم ...او صاحبي اسمة بوعلي مو بو مهدي ....الشي الثاني اني حاولت اطرش لك على ايميلك اللي عطيتني اياه لكنه كان فل لما ردينا و حاولنه انطرش الصوووور اكثر من مرة وخاصة الصورة اللي تزلق فيها ... وحتى إني جزئت ملف الصور إلى خمسة أجزاء عشان اطرشهم على ملفات صغيرة بس بعد مانجح معاي ...على العمووووووم انت تامر امر ....ولا تنسى تبلغ سلامي حق بوراشد .. وبعد تقدر تراسلني على الخاص وتعطيني ايميلك من جديد بس هاه هالمرة عطني ايميل شغال وفي سعة زينة واللي يرحم والديك وخذ نصيحتي اللي قلتها لك في شننجماي وافتح لك ايميل على جواب ..والصور موجودة وانا حاضر اطرشهم مرة وثنتين وثلاث.. تحياتي . __________________ البحث عن مواضيع لنفس العضو

15-08-2004, 01:52 AM	#9 (permalink)
man-34 مسافر فعال تاريخ التسجيل: May 2004 الدولة: الكويت رقم العضوية :3012 المشاركات: 88	رد: من بانكوك الي شينغ ماي بالقطار albahrain هلالالالالالا والف هلالالالالا شالصدفه العجيبه يا سبحان الله اللي جمعني فيكم مره ثانيه يا بوعياس اشوه اني ما عطيتكم الحامي بالمقاله والا جان حرقتوا صوري وراحوا علي سلامي لك ولبوعلي وانشالله يوصل السلام حق بوراشد ربي يحفظكم وراح ادز لك ايميلي بالياهو فاضي وبانتظار صورنا وما يامر عليك عدو حبيبي ...انشالله شهر يناير بنروح شينغماي مره ثانيه اذا لكم نية تراا يشرفنا حقيقه شوفتكم هناك بس معانا كاميرات هالمره تحياتي القلبيه __________________ البحث عن مواضيع لنفس العضو

15-08-2004, 02:08 AM	#10 (permalink)
man-34 مسافر فعال تاريخ التسجيل: May 2004 الدولة: الكويت رقم العضوية :3012 المشاركات: 88	رد: من بانكوك الي شينغ ماي بالقطار panadol : يا هلا اخوي يسعدني استمتاعك بالمقاله وبالخدمه للصبر حدود : هلا فيك اخوي والامكان اللي زرتها مثل ما قريت بالرحله كانت بتجهيز من المكتب السياحي KABAYAN هلا وغلا ومشكور علي التشريف يقولون اذا حضر الماء بطل التيمم ....شلون نعطي دروس خصوصيه وحضرة الناظر موجود اقولك الصراحه انا تعلمت من المنتدي اني اكون دقيق واحنفظ بالروشورات والتلفونات وكل معلومه مكتوبه ليس كالسابق اعتمادي علي الذاكرة ويا كثر ما تعطيني خارج منطقة الارسال تحياتي وشكرا علي المرور __________________ البحث عن مواضيع لنفس العضو

15-08-2004, 09:01 AM	#11 (permalink)
hallal مسافرجديد تاريخ التسجيل: Jul 2004 رقم العضوية :9378 المشاركات: 40	رد: من بانكوك الي شينغ ماي بالقطار مشكور اخوي جدا هل ممكن ان تساعدني في اين مكان الذي قلته شاليهات تحت الجبل للايجار غرفتين وصاله ومطبخ وحمامين فقط ب 1000 بات الليله ارجو ان ترد علي بأسرع وقت __________________ البحث عن مواضيع لنفس العضو

15-08-2004, 09:11 AM	#12 (permalink)
albahrain مسافرجديد تاريخ التسجيل: Jul 2004 رقم العضوية :10549 المشاركات: 23	رد: من بانكوك الي شينغ ماي بالقطار هلا فيك اخوي .. وفعلاً صدفة غريبة عجيبة ولوا مقالك هذا والشرح المفصل فيه ماعرفتك وكان يشرفني اني اسافر معاكم مرة ثانية بس مع الاسف مانقدر ناخذ اجازتنا في اول السنة .. خبرك الشغل مقطع بعضه واللا كان بودنا ويشرفنا .. ترى سفرتنا وياكم ذيك المرة كانت واجد حلوة .. والحمد لله انا التقينا اخيراً بعد صراحة يأست . عموماً ولا يهمك عزيزي ايميلك عندي وراح ادزهم لك ان شاء الله خلال هاليومين بعد ما اعيد ترتيبهم لأني حافظهم في cd واشوه اني ماخليتهم في الكمبيوتر لأن الهاردديسك احترق وكان باحترق معاه لو راحو الصور بس الحمد لله ان الله ستر.. ومع انك رايح تعور قلبي بالنظر الى الصور مرة ثانية وتعيد لي الذكريات الحلوة .. يعني يمكن اتدق في راسي وروح يوم ثاني .. بس على العموم ولا ايهمك ان شاء الله خلال هاليومين . وينك يابوراشد وانته تلعب في الماي تحت الشلال .. الله .. والله كانت لحظات حلوة . تحياتي . __________________ البحث عن مواضيع لنفس العضو

15-08-2004, 10:12 AM	#13 (permalink)
looola مسافر فعال تاريخ التسجيل: May 2004 رقم العضوية :3644 المشاركات: 96	رد: من بانكوك الي شينغ ماي بالقطار السلالام عليكم بصرااحه شوقتني وايد اني اروح لها وانا كان ودي اروح لها طياره وقلت للسفريات وقالولي ماحصلنا حجز لج بهالتواريخ ولكن القطااااار ياعيني ولا اروح انزيين اذا رحت لها بالقطار متتى نوصل هناك ؟؟ ونقدر نقعد ليله وحده فيها ونرد ثاني يوم؟؟؟ لان حجزي للفنادق اوكيه فاذا بروح بطوف ليله من بانكوك يالله مو حسافه على شنغ ماي شرايك نقدر ولا صععبه؟ __________________ البحث عن مواضيع لنفس العضو

15-08-2004, 10:21 PM	#14 (permalink)
hallal مسافرجديد تاريخ التسجيل: Jul 2004 رقم العضوية :9378 المشاركات: 40	رد: من بانكوك الي شينغ ماي بالقطار اعتقد انني ضعت بينكم الله يخليكم اذا ممكن ان تساعدني اخوي مان اين مكان الذي قلته شاليهات تحت الجبل للايجار غرفتين وصاله ومطبخ وحمامين فقط ب 1000 بات الليله __________________ البحث عن مواضيع لنفس العضو

16-08-2004, 01:06 AM	#15 (permalink)
man-34 مسافر فعال تاريخ التسجيل: May 2004 الدولة: الكويت رقم العضوية :3012 المشاركات: 88	رد: من بانكوك الي شينغ ماي بالقطار albahrain تسلم يا بوعباس وانشالله لنا شوفه بالبحرين اذا مو بتايلند :*) looola هلا اختي .. بالطيارة تحصلين حجز بسهاله كل ساعه في رحله 4200 بات قيمة التذكره وبالفطار 16 ساعه واذا بتروحين يوم ما راح تكفيج hallal هلا اخوي يا مرحبا بك مكان الشاليهات وانت نازل من المعبد الذهبي doi suthep راح يودونك المطعم تتغدي تحت الجبل راح تلقاهم هناك تحياتي للجميع __________________ البحث عن مواضيع لنفس العضو

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري