|
|||||||
| التسجيل | الرئيسية | معرض الصور | المنتدى | إشارة الأقسام مقروءة | التصنيفات |
| بوابة السفر الى دولة قطـــــر Qatar تعنى هذه البوابة بتزويد المستخدمين بجميع المعلومات المتنوعة الخاصة بالسفر الى دولة قطر. |
 |
|
|
أدوات الموضوع | طريقة العرض |
10-03-2008, 09:38 PM
|
#1 (permalink) |
|
مسافر خبير
تاريخ التسجيل: Feb 2005
المكان: دار زايد
مشاركات: 1,656
|
تقرير ... زيارة سريعة لقطر
زيارة سريعة لقطر
الجزء الأول من فترة و أنا أدور لي خوي يروح وياي قطر ... كان هدفي أزور بعض أصدقاء الدراسة في أمريكا و كذلك أشوف التطور اللي حصل في قطر من بعد اخر زيارة و اللي كانت سنة 2002 ... أخيرا احد الأصدقاء اقتنع يوم الاربعاء و كان الاتفاق على انه السفر يكون في الويكند ... يعني عندي ليلة أضبط فيها الحجوزات !!!!! الحجوزات دخلت بوابة قطر و اشكركم على كل المعلومات اللي موجودة هنيه و مشاركتي هاذي رد لجميلكم و لتعم الاستفادة على الجميع .. نصيحة ما اقدر ااخرها ... احجز قبل لا تسافر قطر بفترة طويلة لانه كل الفنادق مليانه .. مهرجانات و بطولات ما تخلص في قطر .. في وقت زيارتي كان مهرجان الدوحة الثقافي و بعد كان بطولة الدراجات موتر جي بي .. اتصلت على .. فورسيزون - ريتز - ريدجز - الانتر - الشيراتون - ماريوت ها الفنادق كلها ما حصلت فيها حجز .. ولما سألت عن اسعار بعضهم 2000 ريال وفوق بعدها كان مصير الرحلة الالغاء ... حتى كان الانقاذ من فندق و ابراج موفنبيك .. اتصلت عليهم و حصلت غرفة ب 1450 شاملة الضرايب .. بس لما حجزت اخذ اسمي و بس .. انا شكيت في الموضوع . قلت خلني ادخل على موقعهم دخلت خصلت غرف موجودة بسعر 1250 شاملة الضرايب .. قلت اجرب احجز معهم اونلاين بس ما عندي فيزا .. بس فيزا الكترون .. جرب ياعمي و احط لهم الرقم و يمشي الحجز ووصلني رقم تأكيد الحجز على الايميل .. يعني اللي يبغي يسكن عندهم يحجز من الموقع اسعاره اقل .. انطلاق الرحلة مكان انطلاق الرحلة : أبوظبي تاريح الانطلاق : 6 - 3- 2008 وقت الانطلاق : 11:30 صباحا المسافة الى مركز حدود الغويفات : 350 كم حط في بالك 3 ساعات .. و عن السرعة  اجراءات مركز الغويفات و مركز البطحاء كانت سريعة جدا لانه ما صادفنا زحمه .. التأمين لمدة اسبوع . السفر كان باستخدام بطاقة الهوية الجديدة و دخلنابها السعودية و قطر .. بعد مركز البطحاء أول محطة بترول ساسكو أستراحة .. و بترول و ياعيني على الاسعار .. الله يديمها عليكم و يصبرنا على الاسعار عندنا .. بس اكل المطعم ما عجبني مع انه له ذكريات قديمة في كل سفراتي لازم امر عليه .. المسافة من البطحاء الى مركز سلوى 150 كم .. (المسافات شوي تقريبية مش بالضبط !) بعد الاجراءات هنيه و في مركز بوسمرة كانت سريعة .. الخروج من مركز بوسمرة الساعة 4:15 بتوقيت الامارات .. 3:15 بتوقيت قطر .. اللوحة على الشارع تقول الدوحة 90 كم ... يعني أقل من ساعة (المنطق) الواقع ... التحويلات كانت من بوسمرة الى تقاطع الصناعية الجسر الجديد يعني تقريبا كل الطريق الى الدوحة تحويلات .. الحذر الحذر لانه فيه تحويلات خطرة وشفنا حادث على الطريق .. الحذر بعد من الرادارات الكثيرة على ها الطريق و في كل قطر .. أقولكم بس كتابة .. انتظر ردودكم عشان نكمل بقية التقرير اقول للاعضاء اللي ينتظرون صور يعذروني .. ما ركزت على التصوير بس بعد فيه صور لكم في الجزء القادم
|
|
|
|
11-03-2008, 02:12 AM
|
#2 (permalink) |
|
مميز البوابة الماليزية
 تاريخ التسجيل: Jul 2005
المكان: قـطـرالعــز/الريـان
مشاركات: 4,226
|
مرحبا فيك اخوي في الدووحه
حي الله أهـل دار زايـد نورتونا بهالطلـة وبداية مشجعـة وفعلا كلامك صحيح بالنسبة للحجوزات لازم تكون بدري شـوية ودائمـاً وأبـداً نـقـول الحجز عبر النت افضل وأن شـاء الله من المتابعين معك ولو في صور افضل (طلب وليس امر) فالك طيب
|
|
|
|
|
11-03-2008, 08:39 AM
|
#7 (permalink) |
|
مسافر متالق
تاريخ التسجيل: May 2005
مشاركات: 741
|
مرحبااااااااااااا الساع في ذمتيه
مرحبااا ملايين ولا يسدن وان جان سدن فلا باس <<<<<<<<<< نط العرج ههههههه حيييهم حييهم حييي عيال ابويه المرحووم بوخليفة (( الله يغمد روحه الجنه )) حي الله من جانا من دار خليفه و بوخالد تقريرك مبين عليه حلوو وسجلني راكب ثالث في السيارة ومتابع التقرير وفي انتظار باقي التقرير  اخوك القـــطـــــــري
|
|
|
|
|
11-03-2008, 06:20 PM
|
#10 (permalink) | |
|
مسافر خبير
تاريخ التسجيل: Feb 2005
المكان: دار زايد
مشاركات: 1,656
|
اقتباس:
هلا والله باخوي الرايق و الله انه الدار منوره باهلها اللي ما قصروا ويانا .. عندي شوية صور بس بحطهم لك ولا يهمك خلك من المتابعين
|
|
|
|
|
|
11-03-2008, 06:59 PM
|
#14 (permalink) | |
|
مسافر خبير
تاريخ التسجيل: Feb 2005
المكان: دار زايد
مشاركات: 1,656
|
اقتباس:
الله يحييك ويبجيك .. و النعم فيك و في هل قطر .. اشهد انهم ما قصروا حياك و يانا في السيارة ..  بس ترانا ما نسرع
|
|
|
|
|
|
| زوار هذا الموضوع الآن : 1 (0 عضو و 1 ضيف) | |
| أدوات الموضوع | |
| طريقة العرض | |
عادي
|
|
التوقيت حسب جرينتش +3. الساعة الآن 08:27 AM.
العاب - العاب بنات - الفراشة - عالم حواء - الحياة الزوجية - منتديات - كورة - ابراج – حظك اليوم - اخبار - كليبات - العاب فلاش