 |
 |
 |
||
|
|
|
||
 |
|
 |
|
|||||||
| بوابة السفر إلى بريطانيا UK وإيرلندا Ireland في هذا المنتدى يتم تزويد المستخدم بالتقارير المصورة الخاصة ببريطانيا وإيرلندا بالإضافة الى مكتبة صور خاصة. |
| Tags: انجلترا, day trip, durham, england, درم, دورام, kuwaiti londoner |
 |
|
|
أدوات الموضوع | انواع عرض الموضوع |
|
|
06-03-2008, 09:17 PM
|
#1 (permalink) |
|
مسافر متالق
تاريخ التسجيل: Mar 2006
الدولة: Edinburgh. Scotland
رقم العضوية :66368
المشاركات: 610
|
DURHAM .. day trip
اليوم الـday trip لمدينة durham ،،
و هي مدينة تقع في شمال انجلترا ،، و تبعد 75 ميل شمال يورك ،، و 268 شمال لندن ،، الذهاب كان بالقطار من مدينة يورك بما اني وقتها كنت في يورك للدراسة ،،  الرحلة تستغرق من 40 الى 50 دقيقة بالقطار ،،، يومها كان يوم احد ،، و كان اول اسبوع لي في يورك ،، و بما انه weekend فقررت اني ازور لي مدينة ،،، نبدأ الرحلة ......  هذي durham cathedral   و هالمنظر قريب من محطة القطار ،، و انا طبعا ما استخدمت باص في المدينة و كان استكشاف المدينة سيرا على الاقدام   و بدينا نقرب من الكاثيدرائية  لكن قبل ما اروح للكنيسة صادفت السوق  لو تدققون ،، مطعم بيتزاهت بالطرف تحت ،،، بعدها كملت مشي ،، الى ان صادفت square بصراحة مادري شسمه ،، عموما هذي كاثيدرائية موجودة فيه ،، لكنها مو durham cathedral   و ايضا نصب تذكاري  و اخيرا وصلت الى الكاثيدرائية ،، و على فكرة كنت بدون خريطة ،، لكن ابراج الكنيسة عالية ،، و مكن الوصول لها بسهولة    لكن للاسف تفاجئت انه كان في قداس او تنصيب بعض رجال الدين عندهم ،،، المهم مو ذاكر بالضبط ،، لكن كانت الكنيسة مترووووووسة كلها ،، و كان وقتها التجول داخل ممنوع ،، الا للي يبي يتابع المراسم اللي كانوا يقيمونها ،، انا دخلت شوي اتفرج ،،لكن قررت بعدها اني اروح و ارجع مرة ثانية ،، و هذي كانت نصيحة احد الموظفين هناك ،، علشان اقدر اصور ،، و على فكرة الجو العام في الكنايس عندهم وااايد friendly ،، و الناس هناك تبتسم بويهك ،، موعندنا مكشرين  عقب ما طلعت قررت اني امر على durham castle ،، و هي قريبة جدا من الكاثيدرائية ،، لكنها ليست قلعة بمعنى الكلمة ،، لأ ،، مبناها عيد جدا و هي حاليا تبع جامعة دورام ،، و فيه احد المباني على ما اعتقد فندق ،، و انا كان بخاطري اني ادخلها ،، لكن كان الدخول فقط بالـguided tours ،، و كان فيه جولتين باليوم فقط ،، و اوقاتهم ماكانت تناسبني ،، علشان جذي غيرت رايي و ما دخلتها  و هذي بعض الصور للقلعة ،،      و بعد خيبة الامل الثانية على التوالي ،،، مالقيت شي اسوية غير اني اتمشى في المدينة ،، علشان اضيع وقت و بعدها ارد للكنيسة ،، و هذي صور من شوارع المدينة الجميلة ،،، المشي هناك متعة   بعدها لقيت النهر صدفة ،،، و هو مكان رااااائع جدا لمحبي المشي   على هالصور كأنه في الامازون مو بريطانيا ثم يأتي دور المشي بالاسفل عند ضفاف النهر >> ترى تعبان على ضفاف    هذا و الله مادري شنو ،، بس جنه ضريح "قبر" ؟؟؟    الطبيعة خيااااالية على النهر انا بصراحة ابد ما توقعت هالشي ،، لانها مو من المدن المشهورة بالطبيعة ،، لكن ،، توقع الغير متوقع  لو تلاحظون الممشى بين الاعشاب ،، علشان تحسون كأنكم بالفعل في غابة !!! لكن طبعا بدون حيوانات لكن شي مهم ان ما يكون فيه مطر ،،،، لان راح تواجهون مشكلة بالطين و الـmud اللي راح يكون موجود  الشي الغريب ان النهر لونه بني   احد الجسور  لكن بالطبع المدينة ابد مو مناسبة لعايلة مع اطفال يستخدمون العربانة !!!      احلى شي في المدن التاريخية   و عدنا من حيث بدأنا هذا نفس الجسر اللي بديت منه المشي بالمدينة ،، لكن احنا بنكمل جولتنا على النهر    اهني بدا شوي يطق مطر   و نبعد عن وسط المدينة ،، و المطر مستمر ،، لكنه ماكان وايد قوي  نبعد اكثر  و بعد اكثر هني ممكن تلاحظون الطين عقب ما طق المطرعاد و انا امشي زلقت و شوي و اطيح ،، لكن الحمد لله ما طحت ولا جان علووم   خصوصا اني كنت شايل الكاميرا معاي ،، لكن الله ستر و انا امشي ،، ما قدرت اني ابقى امشي على حافة النهر ،، لان ماكان فيه ممشي ،، على فكرة للي يبي يمشي الجهة المقابلة للنهر كان فيه ممشى اطول ،، لكن عموما ،، كنت ماشي على الله و ما اشوف النهر ،، لكن كنت ادري انه على يميني ،، فكثر ما قدرت كنت احاول اني اقرب منه ،، على فكرة احسن شي بالمشي بقرب النهر هو انك راح تضمن 100% انك ماراح تضيع لان بكل بساطة تقدر ترجع مكان ما ييت   و المشي مستمر ،،  ولقينا النهر مرة ثانية  بس شفيه صاحبنا كش جذي ؟؟ هذا تفرع صغير من النهر ،، و انا عقب ما عبرت الجسر ،، دورت شوي لكن ،، ما حبيت اني ابعد وايد ،، و غير جذي الوقت بدا يطوف بسرعة ،، فقررت اني ارجع   و هذي المدينة من جديد   و بجذي طلعنا من النهر ،، و ردينا مرة ثانية لوسط المدينة ،، و كعادتي المفضلة اخترت هالطريق للعودة  احلى شي في المدن اهو هذا بالنسبة لي متعة بلا حدود  و هذي الكاثيدرائية ،،، و عاد بدون خريطة الواحد يمشي على الله ،، لكن المدينة صغيرة و ما تضيع ابد |
|
|
|
06-03-2008, 09:19 PM
|
#2 (permalink) |
|
مسافر متالق
تاريخ التسجيل: Mar 2006
الدولة: Edinburgh. Scotland
رقم العضوية :66368
المشاركات: 610
|
لكن بالطريج و بالقرب من الكنيسة فيه متحف و قررت اني ادخله ،، للاسف مو متذكر اسمه
عموما هذي شوية صور منه :        هذي منحوتة في المتحف ،، لكن معروضة بالهواء الطلق  و بعد ما خلصت من المتحف توجهت مرة ثانية للكاثيدرائية ،،     للاسف بعد ما دخلت الكاثيدرائية ،، انصدمت بأن برج الكنيسة مغلق يوم الاحد احبااااط و انا ما عندي صور من داخل الكنيسة >> اكيد ممنوع ولا جان انا مصور و بعد الشي حبطني لاني كنت رايح علشان اصور بعد ما تجولت في الكنيسة ،، و للامانة بدون صور ما اقدر اتذكر اي شي داخلها حاليا بعدها تمشيت ،،، و صادفت هالـcemetery   هالصليب يسمى celtic cross على ما اعتقد ،،،        و تدروون شلوون خل نرد نتمشى على النهر مرة ثانية و نزور الاماكن اللي ما زرناها قبل ؟!!   شلال صغيّر             المنظر بعدها رحت السنتر ،، و هناك مريت على الـinformation centre ،، و سألتهم عن الـbotanic gardens ،، و عطوني خريطة و انا حاولت اني اروح هناك ،، لكن للاسف كنت مصر على الذهاب هناك مشي و ما قدرت اني القاه ،، علشان جذي رديت مرة ثانية ،، و لان بعد ماكان يمدي اني ارد مرة ثانية و اسألهم عن الوصول اليه بالباص لان كان بـ يسكر ،، ماكان في وقت و بس ،،، جان اروح ماكدونالدز ،، لكن عقب ما خلصت و شوي و ابي اطلع الا الجوو ينعفس و ينقلب فووق تحت المطر كاااان قوووووووووووووووي وااااااااااااااااايد ،، كأنه عاصفة مو مطر عاادي انا بالبداية قلت خل انطر لان ماا كااان فيه ولا احد يمشي ،،، بعدها بشوي جان اشوف وايد يمشي مع ان المشي مستحييل ،، جان اقوول حق نفسي فوووووووووقه روح دربك حمر جاان اقوم و امشي تحت المطر ،،عاد مناك مطرهم ما ينفع فيه شمسية ما شمسية ،،، بدون كوت المطر ما يمشي الحال ،،، و طبعا انا هدومي غرقوا مااي للاسف ما صورت ،، كنت خاايف على الكاميرا بس نصيحة مرة ثانية اذا طق مطر واااااايد قوي ،، هالشي معناته انه ماراح يطول 10 دقايق بالكثير و خلص و تطلع شمس و بالفعل هذا اللي صار و توجهت لـ محطة القطار مع ان الوقت كان شوية مبجر لكن بعد الساعة 6 كل شي تقريبا يسكر "الاماكن السياحية" ،، و في طريق العودة ،، ودعني قوس قزح   |
|
|
|
|
07-03-2008, 01:51 AM
|
#3 (permalink) |
|
مسافر خبير
تاريخ التسجيل: Jul 2004
الدولة: الــدوحــه - قــطــر
رقم العضوية :12810
المشاركات: 7,636
|
السلام عليكم ورحمة الله وبركاته
هلا وغلا الغالي أشهد أنك قلبت المواجع أذكر ركبنا القارب وتمشينا في النهر .. وأذكر فيها كنيسه داخل وقدامها تمثال حق واحد راكب حصان .. وفيه فندق الماريوت هناك مكانه بعد ماأتعدي الجسر على طول .. أذكر اني كتبت عنها ونزل لها صور بس أحنا كنا في نيوكاسل وجينا درم وأخذنا فيها لفه مع الغدا وأحنا راجعين نيوكاسل .. تسلم الغالي ولاتحرمنا من مواضيعك الرووووعه .. في حفظ الله الغالي .. |
|
|
|
|
07-03-2008, 02:42 AM
|
#4 (permalink) |
|
عاشقة لندن
تاريخ التسجيل: Jun 2004
الدولة: جدة
رقم العضوية :7061
المشاركات: 6,156
|
لا تعلم يااخوي كم توقفت كثيرا لأرى الصور الجميلة
 ..ماشاء الله تبارك الله ، مدينة جميلة للغاية وهادئة وبسيطة وحلوة  ..زيارتك لهذه المدينة لن تنسى ولن ننساها نحن ايضاً  ..والله أني شعرت بأننا تجولنا معك في هذه المدينة من خلال صورك  يعطيك ربي كل العافية يااخوي ، ويسعدك ويوفقك ربي دنيا وآخرة .. لاتحرمنا من جديدك المميز أبداً .. ألـــف شــكر لك وبارك الله فيك .. |
|
|
|
|
07-03-2008, 10:12 AM
|
#5 (permalink) | |
|
مسافر متالق
تاريخ التسجيل: Mar 2006
الدولة: Edinburgh. Scotland
رقم العضوية :66368
المشاركات: 610
|
اقتباس:
بالفعل المدينة وااايد هادية ،،، و ان شاء الله اواصل بالتقارير قدر الامكان ،،، |
|
|
|
|
|
07-03-2008, 09:58 AM
|
#6 (permalink) | |
|
مسافر متالق
تاريخ التسجيل: Mar 2006
الدولة: Edinburgh. Scotland
رقم العضوية :66368
المشاركات: 610
|
اقتباس:
عاد القوارب والله كان خاطري فيهم ،، لكن المشكلة كانت بالمطر و الله يسلمك اخوي ،،، و مشكور على مرورك |
|
|
|
|
|
07-03-2008, 10:53 AM
|
#7 (permalink) | |
|
خبير فنادق لندن
تاريخ التسجيل: Mar 2006
الدولة: k.s.a
رقم العضوية :66684
المشاركات: 4,548
|
اقتباس:
تقرير رائع وصور اكثر من رائعة كما هى عاداتك صور متميزة وعدسة تدور بحرفية رائعة ,سلمت يداك اخى كويتى وعندى سؤال: كم كيلومتر مشيت ذاك اليوم ؟ |
|
|
|
|
|
07-03-2008, 03:55 PM
|
#8 (permalink) | |
|
مسافر متالق
تاريخ التسجيل: Mar 2006
الدولة: Edinburgh. Scotland
رقم العضوية :66368
المشاركات: 610
|
اقتباس:
فقط ان عندنا في دولنا ماكو هالاشياء ،،، و الممرات الضيقة غالبا ما تكون هااااااادية و ما فيها احد كلش ،، علشان جذي هذي من اسكتلندا  وهذي من اسبانيا  و بالنسبة للمشي ،، والله مشييييت وااااايد وااااايد ،، كان طول اليوم مشي ،،، عاد ما اقدر اعد جم كيلو و الله يسلمك اخوي سعيد |
|
|
|
|
|
08-03-2008, 05:25 PM
|
#9 (permalink) |
|
مسافر فعال
تاريخ التسجيل: Dec 2007
الدولة: الكويت
رقم العضوية :166381
المشاركات: 87
|
الله عليك يا كويتي والله تقرير رائع  والأجمل ما في التقرير إنك خذيت الديرة مشي  متعتي بالسفر المشي في شوارعهم اما بالديرة لا يحوشك  والأحلى ما في الداي تريب الصور والله الصور جميلة ونحن بإنتظار تكملة تقرير يورك |
|
|
|
|
10-03-2008, 03:41 PM
|
#10 (permalink) | |
|
مسافر متالق
تاريخ التسجيل: Mar 2006
الدولة: Edinburgh. Scotland
رقم العضوية :66368
المشاركات: 610
|
اقتباس:
و يعطيك العافية على ردك ،، |
|
|
|
|
|
14-03-2008, 07:22 AM
|
#15 (permalink) | |
|
مسافر متالق
تاريخ التسجيل: Mar 2006
الدولة: Edinburgh. Scotland
رقم العضوية :66368
المشاركات: 610
|
اقتباس:
و العفوو اختي ،، و شكرا على مرورج |
|
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 06:59 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||