 |
 |
 |
||
|
|
|
||
 |
|
 |
|
|||||||
| بوابة السفر الى الولايات المتحدة الامريكية U.S.A في هذا المنتدى يتم تزويد المستخدم بالتقارير المصورة الخاصة بالولايات المتحدة الأمريكية. |
 |
|
|
أدوات الموضوع | انواع عرض الموضوع |
05-04-2009, 04:32 PM
|
#228 (permalink) |
|
مشرفة بوابة تعليم اللغات العالمية
تاريخ التسجيل: Feb 2008
الدولة: السعودية
رقم العضوية :171988
المشاركات: 3,169
|
تسلم على هذا الكم من المعلومات المفيده,
هل أتلانتك سيتي وأقصد فيها جهة الفنادق مصممه حتى تكون مصغره للاس فيغاس ولا بس هي اساساً بهذا الشكل مشكور وبالتوفيق |
|
|
|
07-04-2009, 04:23 AM
|
#229 (permalink) |
|
نجم البوابة الإمريكية
 
تاريخ التسجيل: Jun 2004
الدولة: Saudi Arabia
رقم العضوية :6556
المشاركات: 2,152
|
هلا والله امباك انت النجم والقمر والشمس وكل شي في المنتدى ...
ان شاء الله كل ما فضيت حطيت مدينه من الي زرتها .. أم فارس عفوا ...وان شاء الله الموضوع كان مفيد لك .. هلا والله ارابين بولد ديرتي  .. "تراني عنصري" الله يعافيك حبيبي .. هلا هدى .. بالنسبة للفنادق ما اعتقد انهم يحالون انهم يقلدون لاس فيجاس .. تصدقين احس ان اتلانتك سيتي اقدم من لاس فيجاس من ناحية الكازيونات و الفنادق لانها شوي قديمة .. وشكرا على تعليقك .. |
|
|
|
|
20-04-2009, 10:47 AM
|
#230 (permalink) |
|
عضوة العرب المسافرون المُبدعة
تاريخ التسجيل: Aug 2004
رقم العضوية :14138
المشاركات: 4,701
|
يعطيـك ألف عـافيـة على التقرير .... فعلاً معلومات قيمـة ... مشكـور و ما قصـرت
حبيت أسألك عن ميامي ؟ لاحظت في أحـد التقارير كاتب إنـك تحـب ميامي ... أكيـدة رايح لهـا و دال المكـان عـدل ! ... إحنـا إحتمـال نروح لهـا هالسنـة ... لما سويت بحث لقيت وايـد فنـادق و كذا منطقـة يعنـي مثلاً south Dade - south beach - north beach miami beach - coconut grove ... أي منطقـة أفضل من ناحيـة الآمـان و المسـتـوى و اللويـــه .... يعنـي فيها حيـاة و تمشي مع العلم إنـ معانـا 4 أطفـال الله يحفظهم ... يعنـي نبي مكـان وسيع يكفينـا أنـا عاجبنـي فنـدق في coconut grove بس ما أدري عن المنطقـة ... جـان زيـن لو تفيـدنـا و أشكرك مقدما ً |
|
|
|
|
27-04-2009, 06:52 AM
|
#232 (permalink) | |
|
نجم البوابة الإمريكية
تاريخ التسجيل: Jun 2004
الدولة: Saudi Arabia
رقم العضوية :6556
المشاركات: 2,152
|
اقتباس:
بالنسبة للمنطقة بصراحه ما انصح فيها coconut grove  افضل شي الساوث بيتش .. و بعدها ميامي بيتش شمال الساوث بيتش و بعدين المنطقة الي حددتها وميزتها ان فيها فنادق و قريبه من الساوث بيتش .. المواقف في ميامي ازمه .. و بعضها يكون غالي .. بس وش نسوي .. الواحد بيروح لها مره ولا مرتين بالعمر. |
|
|
|
|
|
27-04-2009, 08:31 AM
|
#233 (permalink) |
|
نجم البوابة الإمريكية
تاريخ التسجيل: Jun 2004
الدولة: Saudi Arabia
رقم العضوية :6556
المشاركات: 2,152
|
ميامي ..
Miami من احلى المدن في امريكا و احلى الشواطئ الي شفتها في امريكا .. فيها بحر غير طبيعي .. دافي و نظيف و صافي.. حلوه للي يحب البحر والتسوق والسهر .. ميزتها انك تحس انك مو كانك في امريكا كل شي يقفل الساعه عشر بالليل .. الناس سهرانه و مطاعم مفتوحه الى بعد نص الليل.. ماربيا امريكا بس ماربيا احلى .. والناس الي فيها احلى ميامي مليانه من الاتينووو و يمكن يمكن راح تسمع اللغه الاسبانيه اكثر من الانجليزي .. في الاسواق والمجمعات والمحطات والمحلات اكثرهم يتكلمون اسباني. احلى ما في ميامي منطقة الساوث بيتش .. South beach  و الي يحب الشاطيء بينسبط فيه الشاطيء مرتب ونظيف وزحمه ولا احد يمل منه تقريبا يوميا تتمنى تسبح فيه. ولكن بحكم ان الاجواء بفلوريدا متقلبه يخرب اليوم لو الجو كان ممطر ..  ما راح تستمتع بالبحر. و في نفس المنطقة شارع من اهم شوارع ميامي وهو .. ocean dr   فيه مجموعه من الفنادق الصغيره و بعضها حلوو و سويتات ولكن عيبها اسماء غير معروفه و الي يزور ميامي اول مره يخاف يسكن فيها لانه ما يدري وش نظامهم ..  هذا المبنى رهيب تصميمه بس دايم مقفل   بالاضافه للفنادق في مجموعه مطاعم تفتح الى وقت متاخر منها اكل بحري او فاست فود .. مطاعم امريكية مثل فرايديز .  ومن الشوارع المهمه .. والحلوه في للتمشية خصوصا بالليل .. وفيها مطعم عربي و قهوه معسل .. Lincoln road mall هذا شارع مخصص للمشاة فيه مطاعم و محلات .. حلووو للتمشية. خصوصا لمن يكون الجو حلو ومافيه رطوبة. لان الجلسات خارجية.   الشارع حلو بس مالقيت له صور .. هذولي اهم شارعين في الساوث بيتش .. و المنطقة بصفه عامه مليانه محلات و ناس. اما للي يحب التسوق في اكثر من مجمع تجاري في ميامي اهمها : Bal Harbour Shops Homepage هذا للي يبي الماركات و الاشياء الغالية ..  Aventura Mall Miami Malls, Miami Florida Shopping | Aventura Mall Miami - Home من اكبر المجمعات في ميامي .. فيه اكثر من 250 محل. Dolphin Mall Dolphin Mall بعيد شوي عن الساوث بيتش بس الي يحب التسوق يمكن يعجبه كل جزء في المجمع له تصميم يختلف عن الثاني .. او الاولوان تختلف. ناسي Bayside Marketplace www.baysidemarketplace.com المجمع اشوف انه عادي جدا جدا جدا ولكن ازين ما فيه موقعه و لانه يطل على البحر .. بس لو في وقت مروه .. في مجموعه محلات ومطاعم ولكن ما رحت لها .. اسم المنطقة : Miracle Mile موجوده في Coral Gables جنوب ميامي شوي .. في مجمعات ثانية ولكن هذي يمكن ازينها .. Downtown Miami ما اذكر فيها شي مميز و سمعت انها خطره في الليل.. انا تمشيت فيها بالسياره .. بالنسبة للاطفال يمكن تعجبهم Parrot Jungle Island Jungle Island: Family Fun | Tourist Attractions Miami | South Florida  فيها مجموعه من الحيوانات .. انا ما رحت لها. متحف ميامي للاطفال  Welcome to the Miami Children's Museum Miami Duck Tours للي يحب يركب البطه و يتمشى فيها في ميامي ..  هذي خريطة البطة http://thedestinationcenter.com/imag...1205388895.jpg هذا الي اذكره الحين .. و اكيد لمن تروحون بتشوفون اشياء يمكن ماذكرتها .. خلال زيارتي الى ميامي رحت .. الى هوليووود فلوريدا و fort lauderdale ميامي للي يحب ٤ ايام تكفيها وتعتبر مناسبة. |
|
|
|
|
27-04-2009, 02:15 PM
|
#234 (permalink) |
|
عضوة العرب المسافرون المُبدعة
تاريخ التسجيل: Aug 2004
رقم العضوية :14138
المشاركات: 4,701
|
أولا ً شي الله يـوفقك و يسهـل عليك ... و يسر لك أمـورك وتصيـــر الإمتحـانـات مـــــــــــــــاي حدهـا سهلـة
و ثانيـا ً مشكــور وايـــــــــــــد و ما قصـرت على هالإجـابـة النموذجيـــــــــة .... في بعض الأمـور كنت شاكـة فيهـا بس إنت الحيـن أكـدتهـا لـي ..... أنا من النـوع ما أحب أسكـن بأي مكـان مو معروف أو فنـدق 3 نجـوم ... و للاسف معظم الفنـادق المعروفـة غاليـة اذا بناخذ غـرفتيـن ... باليـوم 140 دينـار .. ما تسـوى . أنـا قررت أمس إن من الأفضل إن نـزور ميامي يــوم بدون ما ننــام هنـاك و نـرجع الليل .... خاصـة إن ما في أماكن وايـدة لليهال و الفنـادق الغاليـة بس اسم الواحـد زار ( ميامي ) و نتمشى Lincoln road .... و نـدور لنـا Beach قريب من أورلانـدو و بنفس الوقت عائلـي .... يعنـي فيه أجنحـة بو غرفتين نـوم و بسعر معقـول .... إشـرايـك بالــراي ؟ بس رجـاء !! لاتـرد علي إلا لمـا تخلص دراسـة ... بعـد ما نبـي نصيـر لك سبه |
|
|
|
|
28-04-2009, 12:07 AM
|
#235 (permalink) |
|
مسافر متميز
تاريخ التسجيل: Jul 2006
رقم العضوية :102065
المشاركات: 246
|
travel luxury
الفنادق في ميامي اسعارها ناااار لكن سلسله فنادق ماريوت ماتقصر معانا لووووول فندق ماريوت دورال نظام فلل بغرفتين و سعرها بحدود 150 دولار للغرفتين السعر بصراحه ممتاز بس الموقع يبعد عن الساوث بيتش بحدود الثلث ساعه Marriott's Villas at Doral: For a memorable vacation in Miami |
|
|
|
|
28-04-2009, 01:06 AM
|
#236 (permalink) |
|
مشرف الولايات المتحدة الامريكية
تاريخ التسجيل: Jan 2007
الدولة: Dreeming in my Planet Impact !!
رقم العضوية :119956
المشاركات: 13,744
|
اااااااااااه على
Miami وعلى الساوث بيتش وعلى اللنكولن رود وعلى الاوشن درايف ذكرتني بذكريات ما تتنسي ابداً تصدق بالصدفة قاعد انزل صور ميامي للسنة الماضية على الــ Flickr حقي !! وشفت صورة لـ Lincoln Road في نفس المكان الي انا مصور فيه لكن ماراح انزل الصورة لان عليها توقيعي الخاص على فكرة انا سكنت بالضبط على الاوشن درايف في احد الفلل الصغيرة الي قلبوها فنادق والي قلت الواحد يخافي سكن فيها لانها غير معروفة ! في فندق :   Penguin Hotel Miami Beach الفندق مش بطال وموقعه خطيييييييييييير وسعره 140$ لليلة تحياتي يغالي |
|
|
|
|
28-04-2009, 01:20 AM
|
#237 (permalink) | |
|
عضوة العرب المسافرون المُبدعة
تاريخ التسجيل: Aug 2004
رقم العضوية :14138
المشاركات: 4,701
|
اقتباس:
هـلا والله صحيح أحلى ما في الماريـوت ... الفنـادق العائليـة ...و أنـا مجربتهم في كذا مكـان و أسعـارهم معقولة و مساحتهم كبيـرة ... بس هذا الفنـدق الي حطيتي موقعـه ... بعيــــــــــــــــــــــــــــــــــــد عن السوث بيـج و مو صـوب البحـر .... و إحنـا نبي فنـدق مقابل المحيط بالضبط .... عشـان نسبح فيـه و يلعبـون فيه اليهـال و الفنـادق صـوب الساوث بيـج غلي !!! نقـدر بس أشـوف ماله داعـي و في شغلات أولى نقط عليها هالمبلغ ... و بعـديـن في شـي ثـانـي ... تـونـي تذكرتـه ... في فنـادق و منتجعـات على البحـر في فلوريـدا ( مو شـرط ميامي ) ... و داخلهم مدينـة مائيـة لليهـال + البحـر + جنـاح غرفتين نـوم و مطيخ كـامـل و غرفـة غسيل .... و بعدين كـل عايلة لهـا متطلبتها ... في حالتـي نبي فنادق عائلية أو child freindley .. لو أزواج و مــو مرتبطين بأطفـال مثل مشرفنـا  إمباكت فحلو يسكن في أحـد الفنـادق الي ذكـره . |
|
|
|
|
|
23-05-2009, 09:17 PM
|
#238 (permalink) |
|
مسافر متالق
تاريخ التسجيل: Mar 2006
الدولة: جدة أم الرخاء والشدة
رقم العضوية :65865
المشاركات: 1,027
|
ماشاء الله موسوعة معلومات الله يعطيك العافية..
بالنسبة ل هوليووود فلوريدا و fort lauderdale هي عبارة عن شو؟؟ هل هي بيوت الفنانين والمشاهير؟؟واذا لا كيف تكون الزيارد لدي البيوت؟؟ |
|
|
|
|
25-05-2009, 11:50 PM
|
#239 (permalink) | |
|
نجم البوابة الإمريكية
تاريخ التسجيل: Jun 2004
الدولة: Saudi Arabia
رقم العضوية :6556
المشاركات: 2,152
|
اقتباس:
|
|
|
|
|
|
25-05-2009, 11:51 PM
|
#240 (permalink) | |
|
نجم البوابة الإمريكية
تاريخ التسجيل: Jun 2004
الدولة: Saudi Arabia
رقم العضوية :6556
المشاركات: 2,152
|
اقتباس:
|
|
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 10:02 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||