بسم الله الرحمن الرحيم

حطيت هذا التقرير

ابي اللي يروح ما يتوهق ويستفيد من بعض المعلومات عن الهند .. وابي الكل يستفيد


........
النيه الي جنوب الفريقيا

كنت ناوي اصلا اساافر الي بلاد بردها مو قااارس ... في مثل شهر 1 .. وكنا منقسمين .. انا اقول استراليا

ورفيجي يقول نيولاندا .. واحد يقووول جنوب افريقيا .. لان اجواء هذي البلدان عكس جونا

يعني حنا برد عندهم حر والعكس صحيح ..

المهم قررنا نروووووووح جنوب افريقيا ...


السفر الي جنوب افريقيا بس يومين فقط :


سعر التذكره خمسه الالاف ريال قطري

مده السفر .. 8 ساعاااات

علي القطريه ..

الوصول الي جنوب افريقيا :

المهم يوم شفنا الاجواء هنااااااك تخرع .. تخيلوا بعض الفنادق يقولون ( اعلان بان لايوجد عندهم اي مريض بايدز)) تخيلوا

وتشوفهم بالشارع .. وكل ما نمشي يقول لنا المرشد .. شفت هذا .. تراه فيه الايدز .. قلت الطقيق يا خويلد

نبي ننحااااش يا ولد ... قال خويلد .. يا ولد .. تونا جايين ... قلت الفلوس تروح .وتجي

بكره بنصير مثل ريزيدل ايفل خخخخخ


تخيلوا نسبه كبيره ..فوق 60% مصابين بالايدز ..

المهم اخترب المزاج .. وين بنروح .. اتفقنا .. الي الهند ...




ونسيت الكامرا في المطار

وصورنا من جوال رفيجي واعذرونا



الكميرا :- 2 megapixel


تغير الوجهه الي الهند :


ع الخطوط الهنديه ايرويس .. ومحطات السفر هي .. بومباي والبقاء لمده 6 ساعات . طرانزيت الي بنقلور ..

والعوده.. الي بلادي قطر .. هي .. كالتالي ..

بنقلور طرانزيت البحرين .. البقاء 3 ساعات او اكثر ثم قطر ...

والسبب اختياري للخطوط ..

اخترت ابي الراحه .. فبعض الخطوط .. عندها ترانزيت لمده 9 ساعات او اكثر

عاد انت رتب معها . ولا تختار الرحله المتعبه للك ..



بدايه السفره الي الهند :

ركبنا الطائره الهنديه ..

والله يجيركم .. من بدينا لين ما وصلنا .. وحنا فوق .. ومره تحت .. كله بسبت المطبات الهوائيه .. ورفيجي

يخرعني يقول .. شفت جناح الطائره قاعد يرزف .. تخيل وانت تشوفه .. منكسر ..

يا ربي عليه خرعني وقلت له : يا زين من علقك علي ذيل الطايره وانت ترفرف مثل العلم

قسم بالله .. اكثر من مره تشهدت <<< يا رجال انت موسوس


الوصول الي بومباي :


المهم وصلنا.. ولازم وان تدخل الهند تعبي الباقه اللي يعطونك اياها .. لاتنسي .. ولا ترجع تمسك دور من جديد.. ما عندهم يا مه ارحميني


تمنيت تشوفون ظباط الهند كل واحد يقول الجذله اللماعيه عندي

المهم نقعنا بمطار بومباي لمده اكثر 6 ساعات وبعدها

ركبنا الطائره الي بنقلور


السفر الي منطقه بنقلور .. :



وعلي طول عطونا الفلفل الحار كضيافه وفطور .. وانشب في فلفل اخضر .قلب عندي الكلر واللون عندي احمر .. اشوف كلهم حمر . ووكل دقيقه انادي السستر

اقول بني بني يعني ماي .. وشوي بتقولي السستر يا زين حذفتك من الدريشه


الوصول الي بنقلور


لاحظنا الشمس حاره لان بنقلور منطقه مرتفعه .. وهذا سر لونهم الاسمر ..

اتفقت مع رفيجي .. نروح .. محل للسفرياااات نرتب عنده رحلتنا ..

ملاحظه .. اول مره ارتب مع سفريات .. لاني دايم معتمد علي نفسي عن طريق منتدي العرب المسافرون المميز ..

والصراحه ..

يوم رحنا للسفرياااات ارتحنا .. وااايد ..

المهم

الجدول السياحي هو كالتالي

من بنقلور الي ميسور ..والمكوث فيها لمده .يوم واحد

ومن ميسور الي (( اتوتي )) مده السفره 4 ساعات ..

ومن اوتي3 ايام ثم السفر الي كنور مده السفره 4 ساعات

ومن كنور الي كودي كنال ..

وبعدها الي بنقلور ولاستعداد للعوده


سعر راعي السفريات :

راعي السفريات خيرنا .. بين باص مع قروب .. ولا سياره خاصه ..

اخترنا قروب عشان نتعرف عليهم .. ونكون مع لمه الناس ..حلوة

السعر = 15الف روبيه .. يعني قطري الف ريال بس

طبعا مع السكن بالفنادق 3 نجوم وبعضها 4 نجوم ..ومع التذاكر للدخول الاماكن السياحه ..

بلاش والله

ويوم فكرنا فيها اصلا .. كنا نقعد بالفندق يوم او يومين .. واغلبها سفر من منطقه الي اخري


وانشالله اجهز الصور .. والفيديووو ..

وصورتي مع اطول رجل في الهند .. ومغامراتي ..

بس لاسف الصور كبيره .. اذا نزلتها .. المهم ..


بحاول فيها باقرب وقت وابشروا بالصور ..

أسجل نفسي متابعة مع ركب المتابعين للموضوع ..

بإنتظار البقية ..

تحياتي ..