 |
 |
 |
||
|
|
|
||
 |
|
 |
|
|||||||
| الدول العربية والإسلامية تعنى هذه البوابة بتزويد المستخدمين بجميع المعلومات المتنوعة الخاصة بالكويت. |
 |
|
|
أدوات الموضوع | انواع عرض الموضوع |
13-02-2008, 07:17 PM
|
#1 (permalink) |
|
مسافر متميز
تاريخ التسجيل: Jun 2006
رقم العضوية :83550
المشاركات: 255
|
الكويت... حلمي القديم يتحقق
 السلام عليكم ورحمة الله وبركاتهبعد ما قريت ردودكم الحلوه على موضوعي وطلبكم تقرير عن الرحله قررت اني اكتب تقرير صغير عن الرحلة كانت رحلتنا يوم 3 من فبراير على القطريه وكانت التذاكر ب 1400 للكبار و 1050 للصغار تقريبا للأسف كانت اسوأ رحلة لي بالطياره وهذا بسبب المطبات الهوائيه واللي حسيت ان الطياره بتطيح منها بس المشكله ان مااحد حاس بالمطبات الا انا !! واللي ضحكني ان اول مااقلعت الطيارة بدووا المضيفين يقدمون الوجبات الا الكابتن يعلن بدأ الهبوط !! مسكينه المضيفه قامت توزع الوجبات بالأربع والا الخمس مره وحده !! رجعت بعد خمس دقايق الا هي تقول : Are you done? الله يرحم اخر رحله لمانشيستر قضينا فيها 8 ساعات !! المهم وصلنا الكويت بحمد الله الساعه 3 العصر وكان الجو حليييو .. طحنا في موقف مو حلو .. احنا كنا رايحين جماعه مع بعض ولا حجزنا قبلها في فندق ويوم وصلنا لشقق سارة بلازا قال لنا ب60 دينار عاد احنا طمعنا وقلنا لااااا غالي وطلعنا ورحنا الفندق اللي بجنبه اسمه الفندق الدولي وقال لنا 35 دينار قلت حق زوجي الأثاث ما يشجع وبعدها رحنا للمارينا رويال ويوم شافنا ما شا الله واجد قال: ماتقعدون مع بعض لازم تاخذون شقتين المهم ان احتدينا وطالت السالفه قلت حق زوجي ناخذ وامرنا لله !!  اللي يشفع لشقق الرويال انها قريبه من المارينا مول وبعض المطاعم اللي قدامه وبقاله اللي يشتغل فيها نفسه خااااااااااااايسه من ندخل عنده ماسك التلفون ولا معطينا وجه وهذي بعض المناظر من الشقه  وهذا المارينا مول  وهذي الابراج  بصراحه يا جماعه اعذروني على قلة الصور لأن تعرفون معضمها عائليه غير اني ماقدرت اصور احتراما لخصوصية الناس عامة طبعا من اول يوم رحنا المارينا مول وتسوقنا فيه وتعشبنا ورجعنا الشقه يعني مافيه شي غريب او شي اليوم الثاني : طلعنا على المحلات اللي ورا المارينا مول بصراحه انا تعجبني المحلات الشعبيه الهادية ودرنا فيه شوي طلعنا نتغدى في مطعم من اقتراحي على زوجي  وحصلت مدح عليه  وهو : فرييييييييييييييييييييييييييج صويلح !! بعض الصور هذي سلطة فتوش !! شوفوا البريسنتيشن عجييييييييييييييب  وهذي شوربة دجاج بالذره يمممممممممممم يمممممممممممممممم  بصراحه عجبنا المطعم والحلو فيه كباين وخصوصيه والاكل رااااائع اول مره جربت الاكل الشامي وبالمره الثانيه تذكرت وحده بالمنتدى مااذكر مين بالضبط مدحت القبوط قلت اجربه والله طلع حلوو ( كنت مفكره القبوط نوع من انواع السمك  )رحنا بعدها الفنار وانصدمنا صدمة العمر !!!!!!!!!!!!!!!!!!!!!!!!!!!! المحلات مسكره !!!! لييييييييييييييييييييييييييييشششششششششششششش؟ والله انصدمنا احنا بقطر المحلات اللي بالمجمعات ماتسكر ليل ونهار اي وقت الواحد متملل يروح المجمع يلقاه فاتح !! المهم درت شوي على المحلات من برا وتضايقت وطلعت قلنا وين نروح بهالحزه ؟؟؟ مافيه الا الابراج طبعا اخترب الجدول كله !! ركبنا تاكسي وقلنا ياللا على الابراج يوم وصلنا عطونا تذكره ومعاها مشروب او وجبه خفيفه من الابراج مجانا !! بصراحه لما الواحد يفكر هالابراج من كم سنه مبنيه يتعجب صراحه عمررررااااان وتحفه وبصراحه جمييييييييييل ركبنا وشفنا صور التخريب ايام الغزو بصراحه تذكرت الايام هذي وقلبت الصور المواجع ركينا للمطعم وشريت تحف تذكاريه واخذت بعض الصور بس للأسف فيديو وماقدرت احمل الصور على المنتدى فاسمحوا لي بعدها رحنا سوق شرق والله حلو وقعدنا فيه الين العشاء تعشينا وطلعنا والاطفال لعبوا الين مااشبعوا اليوم الثالث بعد ماتخربط الجدول قررنا ان نروح المركز العلمي مركز راااااااائع بمعنى الكلمه بس تذاكره شوي غاليه يعني احنا اربعه طفلين واب وام ودخلنا بس الاكتشاف والاكواريوم ب 14 دينار غاااااااالي صراحه بس يستاهل وحتى فكرت ان اخذ بنات من المدرسه ونسوي لهم رحله للمركز بصراحه راااااائع دخلنا الاكواريوم وكان محيط زوجي اللي ذااااااااااب فيه انجن على الهوامير وانبهر بكل انواع السمك اللي هناك وفاجئتنا هذي السيدة  انبهروا فيها اطفالي الا يدخلوون عندها !!! بصراحه كان الاكواريوم روعه بس اللي ضايقني فيه موقف شفناه كان فيه مدرسه لذوي الاحتياجات الخاصه يعني مساكين اطفال مرضى ومايشوفون وكذا والمدرسات مافيه الا صراخ عليهم وشد فيهم انا بصراحه لو شفت هالشي بقطر والله مااخليها بس قلت بخاطري يا غريب كن اديب طلعنا من المركز ورحنا نتغدى ( مااذكر وين بالضبط ) ورحنا بعدها الافنيوز يعني اللي عجبني فيه التنزيلات والا الماركات كلها موجوده عندنا بس فيه شي دووووووووخني محل شوكلت بار امممممممممممممممممممممممم ترجيت اللي يشتغل هناك يكلم المدير يفتح فرع بقطر !!! وعجبني محل الاطفال Baroue اظن اسمه كذا رووووعه الاطفال يلعبون والواحد يتسوق على راحته ................. اليوم الرابع : مجمع العربيد طحححت على جلابيات من كثر ماعجبوني طلعت ماخذيت الا وحده ! وبعدها طلعت لمجمع دسمان ( الله يوفق اللي قالوا لي عن هالمجمعين وين ماكانوا ) بس طبعا اختنقنا من الريحه ياجماااعه سووا لكم حل مع المجاري الله يخليكم بعدها رجعنا مره ثانيه للسالميه وماخليت بخاطري رحت للشارع اللي ورا المارينا مول وفريج صويلح  عجبنا الدييكور اليوم الخامس: بعد ما تسوقنا شوي بالمارينا مول رحنا للأهل بفحيحيل وقضينا اليوم كله هناك لحد الساعه 12 ونص اليوم السادس : يوم الرجوع بعد ماسوينا التيشك اوت من الشقه رحنا المارينا مول ( وقت صلاة بس كان ملياااان ؟؟؟)) بعد ماتغدينا سلمت على الشوكليت بار لآخر مره واحتفلت بتشوكليت فوندو و مولتن بالحليب بس كانت حااااااااااليه موووت ماعجبتني بس كلييييتها في طريقنا للمطار مرينا على سوق الخميس والجمعه لان زوجي يبي خيام ومرينا مرور بالسيارة ولكم هذي الصوره من السياره  غادرنا الكويت وانا كلي شوق لزيارتها مره ثانيه اسمحول لي على القصور وبصراحه اكتب بعجله بس علشانكم والا كان مانزلت التقرير اشكر كل من ساهم وشاركتني بمواضيعي وعساكم على القوه |
|
|
13-02-2008, 08:28 PM
|
#2 (permalink) |
|
مشرف الكويت
تاريخ التسجيل: Aug 2005
الدولة: Kuwait, Salwa
رقم العضوية :44446
المشاركات: 1,862
|
السلام عليكم...!
---------------- هلا و سهلا فيج أختي نابليونية...! و الحمدلله على السلامة و ألف شكر على التقرير السريع... معقولة محلات الفنارة تسكر ؟؟؟؟؟  (على فكرة من تم بيع المجمع على شخصية كبيرة و هو فيه خلل يمكن)مع انها من عمر ماتسكر ... ! لكن الشارع اللي يقع فيه هو شارع سالم المبارك مليان بالمجمعات كبيرة المستوى و اللي تفتح على مدار اليوم,,, و باقي المجمعات الكبيرة مثل الأفنيوز-المارينا-الكوت-المنشر-ليلى جاليري-سوق شرق-البستان عمرها ما سكرت الظهر و العصر...! و بالنسبة للإفنيوز تراه ما فتح كامل و فيه جزء كبير جدا يتم إنشاءه...! و كذلك المركز العلمي, بالعكس تذكرة الأكواريوم و الديسكوفري تعتبر رخــــيـــصة جداً بالنسبة لأي أكواريوم زرته من قبل "استراليا(جولد كوست و سيدني)-سنغافورة"...بس هي أسعار الأكواريوم بهذه الحدود دائما...! و ما اتفق معاج بإنها غالية أبدا أبدا...! ---------- و كذلك الفندق الدولي...؟؟ هذا فندق للي لا يمتلك (متواضع) لأنه فندق نجمتين و نفس الحال مع مارينا رويال...! توقعتكم سكنتوا بالريتز... و الله عانكم عالمجاري,,, لأن يتم حالياً تغييرها من جذورها في دسمان... --------------- تقبلي تحياتي و شكري على الموضوع. |
|
|
|
13-02-2008, 08:40 PM
|
#3 (permalink) |
 تاريخ التسجيل: Apr 2007
الدولة: الكويت
رقم العضوية :128557
المشاركات: 2,263
|
الحمدالله على السلامة
اول مره اسمع ان الفنار مسكر :s الماركات اللي فيه تسكر العصر من 2 الى 4 بس اغلب المحلات الباجي فاتحة اعتقد اهم شي بالرحلة كان جوكلت بار  لوووووووول والله انا استمتع فيه خصوصا الفوندو بس اهم شي انكم استانستو واتمنى تشرفونا مره ثانية  |
|
|
|
14-02-2008, 10:38 AM
|
#9 (permalink) |
|
مسافر خبير
تاريخ التسجيل: Apr 2007
الدولة: دولـة الكـويـت
رقم العضوية :128460
المشاركات: 3,088
|
اللـــه يعطيــج ألــف عافيـــه أختــي نـابلــونيــة
عالتقريــر الســريع و الخفيـــف ضيــقتــي خلقــي علــى مـدرســة الاحتيــاجات الخاصــه  اللــه اكــون بالعــون أتمنى انكــم استــانســتو بالكويــــت و ننطـــر ردتــج لنـــا مــرة ثانيــه  |
|
|
|
14-02-2008, 10:50 AM
|
#10 (permalink) |
|
مسافر خبير
تاريخ التسجيل: Jul 2004
الدولة: الكـــــويـــــــــــت
رقم العضوية :9279
المشاركات: 4,065
|
حياج الله اختي نابليونيه وحياله اهل قطر بين اهلهم واخوانهم اشكرج على التقرير الجميل لكن لاصور ماشاء الله كبيره وماخذه الصفحه كلها
تقريرج جميل والسلبيات اللي ذكرتيها معقوله اولا اسعار المركز العلمي طبيعيه جدا بالمقارنه مع اسعاره في دول العالم الفنار مغلق شي مو طبيعي واول مره اسمع هالشي بس الظاهر حظكم مو حلو هاليوم بالذات الاطفال ذور الاحتياجات الخاصه المفروض يكون لهم تعامل خاص وانتي مو غريبه والمفروض انج تزفين المعلمات او المرافقين لهم الريحه اللي في دسمان صار لها مده خصوصا انهم يغيرون الشوارع كلها وريحه المجاري شايله الدنيا الله يعين اللي يشتغل هناك اتمنى انكم استنانستو بالكويت والحمدلله على سلامتكم ونورتونا بجيتكم وبتقريركم الرائع |
|
|
|
14-02-2008, 03:12 PM
|
#11 (permalink) | |
|
مسافر متميز
تاريخ التسجيل: Jun 2006
رقم العضوية :83550
المشاركات: 255
|
اقتباس:
فعلا الفنار وجميع المحلات اللي بالشارع كانت مسكره ..سألنا التكاسي اللي ركبنا معاها وكلهم قالوالنا نفس الكلام المجمعات تسكر من 1 الى 4ونص او خمس وهذا شي استغربت منه فعلا الافنيوز حلو بس ماادري ماشفت فيه شي غريب يعني عادي  بس هو بالحجم كبير هذا الشي اللي مميزه عن التذكره والله ماادري يمكن لأني حسبتها بالريال استغليتها ( يعني 150 ريال ) ؟؟ ماادري المفروض اقل شوي يعني تخيل لو واحد ومعاه عايله من 6 او7 شلون بيكون بالنسبه لهم ؟؟ بس بصراحه يستاهل والله كانت الخطه والحجز على الريتز بس قلنا نجرب الشقق لأن احنا عايله بس بعد اوكي كان حلو الله يخلصكم من هالمجاري صراحه مأأأأأسااااااااااااااااااااه |
|
|
|
|
14-02-2008, 03:15 PM
|
#12 (permalink) | |
|
مسافر متميز
تاريخ التسجيل: Jun 2006
رقم العضوية :83550
المشاركات: 255
|
اقتباس:
والله هذا اللي حصل قمت اسوي ( window shopping ) على قولة الاجانب مافيه الا الكافي اللي تحت فاتح والباقي أغلبه مسكر يعني اللي فاتحين يمكن 3 او اربع محلات امممممممممممممممممم اي والله اخخخخخخخ على الفوندو الحمد لله استانسنا وان شا الله الجايات اكثر |
|
|
|
|
14-02-2008, 03:22 PM
|
#15 (permalink) | |
|
مسافر متميز
تاريخ التسجيل: Jun 2006
رقم العضوية :83550
المشاركات: 255
|
اقتباس:
العفو اختي مسافره والله يعافيج وان شا الله لي رجعه للكويت للحين ماشبعت منها |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 10:49 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||