الموضوع: استفسار عن فنادق في ديرة (دبي)

الســلام عليكم ورحمة الله وبركاته

أود الاستفسار عن فنادق في منطقة ديرة دبي في مربع الفنادق
ما بين شارع المكتوم والرقة أو الرقة والمرقبات

طبعا الفندق كامل الخدمات أو أغلبها أربع أو خمس نجوم السعر معقول شبابي
موقف للسيارة ومقاهي لاستقبال ضيوف عمل انترنت وغيرها
تم الترتيب بالنسبة للطيران وايجار السيارة فقط باقي الفندق
طبعا السكن لشخص في أول شهر مارس القادم العرض من الزيارة حضور مؤتمر في مركز التجارة العالمي والسياحة

أتمنى ممن لديه أي معلومة أو اقتراح لفندق يزودنا بالأسعار والصور أو الموقع الالكتروني


وشكرا لكم

أفضل فندق موجود في هالمربع هو فندق تاج بالاس، يعتبر عائلي لأن مافيه خمر ولا نادي ليلي ولا شيشة.
اللي بعده فندق متروبوليتان بالاس، فيه مقهى في اللوبي.
هذيله 5 نجوم

والباقيين 4 نجوم بس مستواهم وايد تعبان
مثل أفاري ودلمون وصن آند ساندز و K-port ورمال روتانا ومتروبوليتان ديرة وأسماء كثيرة جدا

بس اذا ميزانيتك تسمح الأفضل تسكن في أحد الفندقين الأوائل

عزيزي افضل فندق في هذه المنطقه هو تاج بالاس وهو رائع ونظيف وغرف الفندق من اكبر غرف الفنادق في دبي وهو خمس نجوم وموقعه The Taj Palace: 5 Star Luxury Hotel in Dubai

هلا اخوي
دامك راح تحضر مؤتمر في المركز التجاري ليش ماتنزل في فندقIbis World Trade Centre مجاور للمركز التجاري واحسن لك عن الزحمه وموقعه في شارع الشيخ زايد ..
موقعهم Hotel Ibis World Trade Centre Dubai: book your Ibis hotel in DUBAI

يعطيكم العافية اخواني على الاجابة

اعرف فندق التاج وهو جيد جدا لكن الفندق عائلي وانا احترم خصوصية العوائل
لا يفسر من كلامي شئ ثاني احب الهدوء
ما نبي نضايقهم على العموم اقترحو منظمو المؤتمر فنادق عدة منها Ibis & Novotel

وشكرا على وضع رابط فندق الايبس بس الفندق ثلاث نجوم حسب تصنيفه
والنوفوتل اربع نجوم اتوقع راح يكون الخيار للنوفوتيل في حالة عدم توفر المطلوب

شكرا لكم

للعلم
أنا جربت النوفوتيل
نظيف وحلو .. بس فيه عيب
السرير يعور الظهر
ما اعرف اذا هالشي انا بس اللي حسيت فيه
بس فعلا شي غريب السرير عندهم
انا قعدت فيه ليلتين وظهري تكسر من السرير
ولما اشتكيت قالولي كل الغرف نفس نوعية السرير

يمكن مايصير معاك هالشي
بس انا حبيت اقولك

حياك أخوي ..

زي ما ذكروا الأخوان Ibis & Novotel وأشوف إن Ibis أكثر ملائمة..
وإذا تبي جهة الديرة بالمنطقة اللي ذكرت فأنصحك وبقووووة بفندق تريدرز ..(على مسئوليتي هالفندق)..

مشكورين على المعلومات والله يوفقكم

مع التحية Ibis فندق 3 نجوم ما ادري كيف مستواه؟

الظاهر حتى ما تم التوصل في الوقت الحالي مع النوفوتل بأن الحجوزات في قائمة الانتظار حتى تتاكد

البحث ما زال جاري والتريدرز بابحث عنه

عندك موقع

Travel Reservations Center

ابحث على كيفك وشف الصور واقر المعلومات