 |
 |
 |
||
|
|
|
||
 |
|
 |
|
|||||||
| بوابة السفر إلى أسبانيا Spain ستجد في هذا المنتدى نخبة المواضيع المميزة في البوابة الإسبانية كما انه يمكنك اضافة الردود على المواضيع. |
 |
|
|
أدوات الموضوع | انواع عرض الموضوع |
|
|
30-01-2008, 07:19 AM
|
#1 (permalink) |
|
مسافر متميز
تاريخ التسجيل: May 2007
رقم العضوية :133438
المشاركات: 475
|
رحلتي إلى اسبانيا..الجزء الاول
بسم الله الرحمن الرحيم.،
بـ التحديد كان ثاني يـوم لنا في مـدريد  ..،بـ رأيي أجمل عاصمة في العالم...ولو فيه تصنيفات لـ المدن فـ هي بلا شـك مـدينة 5نجوم.، التاريخ كان بـ التحديـد 26 أوغست يوم الاحـد.، صـحينا الصباح مثل الشطار  ..وفـطرنا بـ مطعم الفندق..وعلينا بـ العافية..ولا يـتصل عليّ أهلاوي عـرعر ...جزاه الله خـير...شـرح لي أمور كـثيرة من ناحية المواصلات والاماكن السياحية في مدريـد...واقـترح عليّ إني أزور الـبرنابيو .،هي بـ صراحة كانت من مخططاتي زيارة الملعب..وكان ممـكن بـ أي لحظة ألغيها بـ ما أن الوقت المحدد لي في مدريـد قـصير جـدا...وأنا جاي فيها مدة قـصيرة بـس.، أنا اسـتغربت أن أهلاوي حبيب المدريـديين يـقترح عليّ مثل هـ الزيارة  .،أنا كنت خايف يـتهمني بـ الخيانة..ولا يـشكك بـ إيماني في انتمائي..لكن قلت دام أهلاوي اقـترح الزيارة وشوله ماأروح لـ التور.؟ نـزلت اللوبـي..وموظفة الـرسيبشن ماقـصّرت معي..وضّحت لـي مكان الملعب بـ الخريطة..وعنوان مـحطة المترو اللي انزل منها واللي اسمها "Santiago Bernabثu"على اسم الملعب...،   وصلنا بـ حمد الله ورعايته..لـ العنوان الصحيح..ومـن حسن الحظ أن الملعب بـ جانب مخرج السب واي..بـ صراحة كان المنظر خيالي ..والجو لا يعلى عـليه!  صفـينّا سـرى مـع العالم..، واستغلينا الوقـت لـ تصفح جريدة الاس ..طبعا افتتاحيتها كانت صبيحة مباراة ديربي مـدريـداللي انتهى 2-1 لـ الريال.، المباراة مانقلوها  ..لكن الاخبار ماقـصّرت بـ ملخص المباراة والاهداف.،التلفزيون كان يـعيدون كل مرة ردة فـعل رئيس اتليتكو على هـدف فورلان التسلل ..استقعدوا لـه.، شـرينا التذاكـر..، وكنا أربـعة..تذاكر التور لـ الكبار بـ 15 يـورو..ولـ الصغار10 يـورو.، ولـ أعضاء الـنادي مجانا.، طـبعا التذكـرة اللي واضح فيـها غـير اصبع عـزوز الدبّي صـورة راوول ..وعبارة اكتشف القلب الابيـض..وقتها كانت حملة "Get Out"اللي كانت بـ قيادة نـور18 .، مشينا مسافة قـصيرة لـ البوابة المطلوبة..وكانت بـوابة رقم20.، قصينا التذاكر وطلعنا المصعد...والحمدلله مانتظرنا كثير..أول مصعد جا...طلعنا فـيه.، كان معنا كـتيب صـغير أعطونا اياه مع التذاكر..عن مراحل التور اللي بـ نمشية فـيه.، الكتيب يدعم الاسبانية والانجليزية...هـ اللغة اللي شفتها أخيرا بعد طلوعي من المطار .،Panoramic View   مااعتقد رح تحس بـ جمال الملعب..وهيبته الا من ذا المكان.، هـذه كانت أول محطة فـي التور! من أعلى نقطة في ملعب البرنابيو...بـ صراحة احساس خاقـوقي..اضافـة لـ الجو البراد اللي على أول الصباح..بـ صراحة اعتبرها من أجمل اللحظات فـي التريب! صـورنا بعض في ذا المكان لـين قلنا بـس ..اللي سـاعدنا أكثر..أن التور في ذا المكان ماكان زحمة أبـد...اخترنا أفضل مكان نصور فيه بـ راحتنا بـدون زحمة ولا انتظار مثل اللي صـار في تور الكامب نـو.، صـورة مقربة عـ المنصة.، المنصة بـ هـ الوقت عدد الزوار اللي عـندها قـليل..والظاهر أننا كنا ثاني أو ثالث قـروب في التور  خيّال أصـر الا يـصور ذا الـسبوت بـ الذات.،  اللوحـة الالكـترونية لـ الملعب.،  بـعد ماخلصنا تـصوير في ذا المكان الجميل  مشينا لـ المحطة اللي بـعدها...وهو متحف الـريال..لـ عرض كؤوس وانجازات النادي واللاعبين.، The Trophy Exhibition في الممرات وحنا ماشين لـ المتحف..كان فيه بـعض البوسترات الكبيرة..وقفنا نصـور عندها  أكثر شي لفت نظرنا ذا أبو شنب .،حتى الشعار اللي لابسه مختلف عن البقية   شـعار النادي..وبـوستر فـريق الـقرن.، دخلنا المتحف وأول ماجذبني فيه...الترتيب والتنظيم فـيه..، متحف رائع بـ معنى الكلمة...الاضاءة والتهوية كانت فيه ممتازة...اضافة على تركيز مقتنيات المتحف وبوستراته على الفريق بعد الالفية..يعني على الماضي القريب! اضافة على لقطات الفريق في كل الشاشات على آخر ثلاث ألقاب تشامبيونز  ..من الاهداف والاحتفالات...ولا انسى طبعا..هدف زيدان الاسطوري على مرمى ليفركوزن.، بطاقات أو كارنيهات اللعيبة.، بطاقة كاسياس في عام 2001..يعني يوم كان عمره 17 أو 18 سـنة تقريبا.،الولد فطفوط في هـ الصورة .، فخر لـ البطاقة شايلة صـورتك واسمك .، الكاس اللي ضـيعناه ..، منصة كؤوس التشامـب  لـوحة الـشرف بـ أسماء اللعيبة الفايزين بـ جوايز الفيفا والفرانس..والحذاء الذهبي..، مـع جوائزهم...على حسب خـبري كل لعيبة الريال حطوا جوائزهم هـنا.، بـعد ماخلصنا مـن المتحف..طلعنا عـ المدرجات..، التور كان منظم جـدا جدا..ولا تشيل هم إنك تـضيّع ابـدا فـيه A Walk Through The Football Pitch Of Your Dreams  هـذه مدرجات تصادفك..تجلس فيها شـوي اذا تبي..ومنها..تاخذ دربك لـ النزول لـ أرض الملعب...ولا تلاحظون فوق...البانورامك فـيو..اللي كنا فـيه أول! عـ العموم كانت أول مرة نجلس فيها في التور..ولازم نستريح شوي.. ..واللي ساعدناأن فيه كافيتيريا فاتح قبل لا تدخل المدرج..يعني خذ لك موية ولا كولا واسترح هناك.، كنا مقابلين لـ المنصة تماما! ويلاحظ أنهم بـدوا بـ رش الملعب...والعمليات على قدم وساق لـ تنظيف المدرجات.،   صـورنا كـذا صـورة..مفاجيع..ماخلينا شي .،وبعد مالفحتنا الشمس بـ اشعتها ..قررنا نمشي..ونكمل وننزل لـ الملعب..،  أجمل ما فـي التور..السماح بـ السياح لـ النزول لـ أرض الملعب..والدوران حول العشب ..الاخضر..استغليناها..وهاتك يـ فلاشات .،طبعا..ممـنوع لمس العشب ..عزّوز لمس العشب..وجلس السكيورتي يطالع بـ نص عين.،صاد عـزّوز ماصاد غـيره  .، تلك الشمس التي شوتنا .،مشينا حول الفيلد الاخـضر لـين طلعنا لـ المنصة.، وهنا كانت المحطة President Box منصة الرؤساء وكـبار الشخصيات والضـيوف..، المنصة كانت مفتوحة بـ الكامل..بـ استثناء الصف الاول..اللي اللي يجلس فيه رؤساء الناديـ المضيف والضيف!  تـقول مقاعد لكزس ..جلسنا وتبطّحنا.،ومثل ماقلت الجلوس مسموح في منصة الضيوف ماعـدا الصف الاول..اللي ممنوع تقرب منه أو حتى تجلس عـ البنش اللي قدامه..والله يـ السكيورتي صفر على بنت تكّت عـ البنش بس .،فجع العالم كله  .،بـعد المنصة..نزلنا لـ أرض الملعب مرة ثانية..، لكن هـ المرة لـ دكة الاحتياط The Show About To Begin نزلنا لـ الدكة..وصـورنا فيها..نسيت أصـور الدكة وهي فاضية  .،هنا صـورنا وجلسنا بـ راحتنا..وكـ أن الملعب لـ جدي الـثامن عشر..، مافيه لا زحمة ولا انتظار ولا هم يـحزنون .، الزحمة والانتظار صـارت هـنا ..،هـذا الدرب المؤدي لـ غرفة الملابس..لكن شفنا طقم انجليزي قبلنا..يطلعون من الدرج متهأين كنهم لعيبة وخـذ لك تماريـن الاطالة وتحية الجمهور بـعد الطلوع.،قلنا يـ ولد تراها مرة وحدة بـ العمر..عـزوز جا يقلد اللي قبله .،بعد ماصورت..بـ أتهيأ مثلهم..ولا فيه سياح عجبتهم الحركة...وكل شوي ناس طالعة ونازلة راحـت عليّ خلاص....وخذ لك ضحك وهـسترة ..فاصلين وقسم!Dressing Room نزلنا من الممر لـ غرفة الملابس..طبعا بعد اخذ الاذن من الناس اللي عجبتهم السالفة..واللي تصور نجوم الغفلة اللي تطلع وتنزل من ذا الممر .، الجاكوزي.،  غرفة العلاج الطبيعي.، باقي المحطة الاخـيرة Press Room مسموح بـ التصويـر..والجلوس في مقاعد الصحفيين..، وأكثر من كذا الجلوس مكان المدربـين ...اعتذر عن عدم وجود صـور يالله صافية..وغـير جاهزة .،وكانت هـذه المحطة الاخـيرة قبل السـتور..، صارت لنا حادثة طريفة فـي الستور..، بعد ماخلصنا التصوير..جيت أدور على شنطة الكاميرا مالقيت.. .،أسأل خيّال شنطة الكامـيرا وينها..يقوللي ماأدري .،وش تسوي ووش ماتسوي ..مو حلوة يتخبص عليك التور في الاخير.،قلت مافيه إلا أسال السكيورتي خارج الستور-بـ ما أننا طلعنا بـرا-..، خيّال قاللي لا تسأل ..يالله يعرف انجليزي..واعطيك مية يـورو اذا فهم عليك.،قلت له :اذا فهم عليّ.؟ قمط خيّال وقال..لا أبد..اذا لقيت الشنطة .،اروح لـ أقـرب سكيورتي.. أقوله o you speak english?يقوللي : ليييثل وشي لييثل ذي يـ عالم ..بيني وبينكم خوينا السكيورتي يفجع..مثل خوينا ذاك راعي الشنب..اللهم شنبه واصل لأذانيه..وانا ماأبالغ .،ركبتها في راسي...وشي ليثل..وشي ليثل..طلعت little .،المهم بـ كلمته بـ الانقلش مافهم..وريته الكتيب اللي معه..وأفهمه أن الشنطة ضيعتها..، يـ في دكة الاحتياط..أو في المنصة! كلم بـ اللاسلكي..وهرج لي كذا كلمة اسباني وأشّر لي ارجع اعكس مسار التور.، طبعا عـند كل محطة في سكيورتي يمنع بـ أي حالمن الاحوال الرجوع لـ اي محطة قبل..، الدرب رايح بس.، وقفني سيكيورتي الستور..وتكلم ..ومشاني..ووعديت غرفة الصحافة...والاشارة خضرا ..،لين وصلت غرفة الملابس..وطلعت منها لـ دكة الاحتياط..، وقتها ناداني سكيورتي يـوم طلعت..وتكلم معي بـ الانقلش .،سألني كذا سؤال<---يختبرني ..عن الشنطة وش فيها ومافيها..،وبعد ماتأكد إني أنا راعييها..عطاني اياها..وكانت معلقة على ماسورة ..في العشب الاخضر.،ليومكم ذا أدور على الماسورة ذي ولا لقيتها في التلفزيون .،ولـ يومكم ذا منتظر الـ 100 يـورو مـن خيّال  ,تم بـ حمدالله |
|
|
|
01-02-2008, 11:22 PM
|
#6 (permalink) | |
|
مسافر متميز
تاريخ التسجيل: May 2007
رقم العضوية :133438
المشاركات: 475
|
اقتباس:
الاماكن التي ذهبت اليها في مدريد اشوفها حلوة..مع أن الوقت اللي جلست فيه في هذه المدينة يومان فقط..، بـ اذن الله سـ أكتب تقرير عن الكامب نو...ثم سـ أبدا تقرير رحلتي الى اسبانيا من جديد تـحياتي لك.، |
|
|
|
|
|
01-02-2008, 11:24 PM
|
#8 (permalink) | |
|
مسافر متميز
تاريخ التسجيل: May 2007
رقم العضوية :133438
المشاركات: 475
|
اقتباس:
بـ اذن الله سـاضع تقرير اخر عن الكامب نو..ثم تقرير رحلتي كاملا في اسبانيا ..ادعي بس يارب تحياتي |
|
|
|
|
|
01-02-2008, 11:29 PM
|
#9 (permalink) |
|
مسافر خبير
تاريخ التسجيل: Aug 2007
الدولة: السعـوديهـ ..!!
رقم العضوية :150438
المشاركات: 1,452
|
ألله يعطيك العافيه أخوي ..!!
تقرير رااائع وبالنسبه لقلة الردود ترى حالي حالك ههههههه منزل تقرير في ساحة مصر والردود قليله .. واظاهر ان الشعب وراهم اختبارات وماااحد حولك ويعطيك العافيه مره ثانيه |
|
|
|
|
02-02-2008, 12:48 AM
|
#10 (permalink) | |
|
مسافر متميز
تاريخ التسجيل: May 2007
رقم العضوية :133438
المشاركات: 475
|
اقتباس:
هلا بك أخوي دموع الحزن..ومشكور عالاطراء..، والله الظاهر انها اختبارات العالم هي سبب ركود المنتدى  تحياتي لك...وان شالله لنا زيارة لتقريرك مشكوووووور |
|
|
|
|
|
02-02-2008, 06:10 PM
|
#12 (permalink) |
|
مسافر خبير
تاريخ التسجيل: Jun 2007
رقم العضوية :138705
المشاركات: 1,247
|
نـــــــــــزغرط .. ولا شوو
 أخيــــــــــرا بــاض الديـــك هـــلا بخــيال .. وأعذرني على التأخير بالرد .. منشغل بمشكلة رفع الصور لتقريري  مــاعلينا .. يأخي شووي شووي على التقرير .. على هالبــداية الحلــووة .. بدينا نحسدك ..  <<<<<< خاايف تغطي على تقريره تذاكر دخول البرنابيو .. تقريبا نفس سعر تذاكر دخول النوكامب وحــــــلووووووة صورة أبو شنب .. هذا يبيـــله صقر بيده .. وش جابه للريال وتعجبني بكلامك لزيــــــدان .. فعلا الكبير كبير .. والكبير الله وحلو أنهم سمحوا لكم النزوول للملعب .. مو مثل النوكامب وغرفة الجاكووزي والمسااااااج .. ليكون ماتبطحتوا فيهااا .. ترا لهاا طعم افااااااا ياخيال بس .. ياخي سدد الفلوووس للرجاااال .. لاتفشلنـــا هذا وهي جايتك 5 % بعد .. <<<<<<<< داااااااااج لا تحاااااااااول مامعاه ولا ريال |
|
|
|
|
03-02-2008, 01:11 PM
|
#13 (permalink) | |
|
مسافر متميز
تاريخ التسجيل: May 2007
رقم العضوية :133438
المشاركات: 475
|
اقتباس:
ههههههههههههههههههههه حيّا الله بيور لايف..كيف الحال ياوحش...والله ابطيت علينا مرة بتقريرك قلت ياولد مدامك فاضي..سوي تقريرك واخلص منه مرة وحدة هذا تقرير رياضي بس..بعدين ان شالله يجي التقرير المفصل الكامل بـ اذن الله يابيور لايف اتفق معاك على التور..مع اني برشلوني...لكن تور ملعب الريال أحلى...أقلها تقدر تلف الملعب  أما الكامب نو لا  سلم لي على ولد خالتك...وخليه يشوف التقرير اهم شي انبسطت من التقرير يابيور لايف..وتحياتي لك..منور الشاشة ياعم  |
|
|
|
|
|
«
إسبــــــــــانيـــــــــا التي رأيت (( تقرير رحلتي إلى الأراضي الإسبانية))
|
التفصيل الكامل في جزيرة مايوركا
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 04:26 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||