الموضوع: ما المطلوب لتجديد الجواز ؟

كما هو في العنوان

وأتمنى أن لا يطالبوا باستخراج الهوية الوطنية لأني بعيد عن الدمام ونزولي لها راح يكون صعب إذا طلبوا ذلك

تحياتي والشكر والتقدير

هلا اخوي الجبل الأشم
انا على مااذكر اني في تجديد الجواز تعبي نموذج وتدفع مبلغ 300 ريال وان مايكون عليك مخالفات مروريه

أخوي الجبل الأشم

الهويه الوطنيه تطلب حالة الجواز بدل الفاقد أو إستخراج الجواز الجديد فقط..........

على حسب علمي اذا الواحد يبغى يطلع جواز لاول مره ( لازم الهويه الجديده )
واذا الواحد عنده جواز ومنتهى يبغى يجدد ( مو لازم الهويه الجديده .. الهويه اللي عندك كافيه بشرط تكون صورتك في الهويه مطابقه لصورتك الحاليه تقريبا )
( هذا كلام واحد من زملائي راح جدد جوازه قبل اسبوع ويقول ما طلبوا مني الهويه الجديده ،، وطلبوها من ناس يبغون يستخرجون جواز جديد لاول مره )

اما الشروط فهي كالتالي:

1) الجواز السابق ،، مع صوره منه. ( مو كل الجواز ،، صفحات معينه تصورها ،، اعتقد انها اول صفحه !)
2) صوره من الهويه ،، مع الاصل للمطابقه.
3) 4 صور مقاس6 4x بشرط ان تكون الخلفيه بيضاء
4) تسديد الرسوم 300 ريال ، ولو عندك مخالفات تسددها عند مكاتب التسديد ،، وترفق الايصال مع المعامله.
5) تعبئيه نموذج الجواز .... (اعتقد انه لو اخذت النموذج اول شي وتعبيه في البيت يكون افضل وتجيبهم يوم ثاني )
6) مايحتاج ملف ،، بس تدبس الاوراق مع بعض وخلاص ( النموذج اول شي وبعدها صوره الجواز وبعدها صوره الهويه وبعدها ايصال التسديد ) وبالنسبه للصور الشخصيه : تلصق صوره وحده في خانه الصوره في اعلى النموذج جهه اليسار ، و تدبس الثلاث الصور الباقيه مع بعض في اعلى النموذج جهه اليمين وبشرط تكون مقلوبه ( يعني راسك تحت ) علشان مايكون الدبوس عند راسك ( احسن شي لا تدبسها خليهم هم يدبسونها ) ويكون معك بيدك ( الجواز الاصل - الهويه - 3 صور شخصيه في حاله انك مادبستها)

وتسلمها للموظف ،،، وبيعطوك ورقه مراجعه ،،،،،، وتراجعم بعدين حسب الموعد وتستلم جوازك ،،،،،، وبعدها تسافر باذن الله

اذا كنت تقصد انه ليس لديك هوية وطنية بتاتاً فبالتأكيد لازم تستخرج هوية قبل استخراج الجواز...

واحد يبي يضيق صدوركم :
طيب واللي راح تايلند هل يسألونه ؟

أشكركم جميعاً

خاصة الأخ الصقر

وإن شاء الله بطاقة الأحوال تمشي الحال

أهم شيء مافيه ملف أخضر ..

وبالتوفيق أخوي الجبل الأشم

واهم شيء سدد + ماعليك مخالفات

المشاركة الأصلية كتبت بواسطة الجبل الأشم

أشكركم جميعاً

خاصة الأخ الصقر

وإن شاء الله بطاقة الأحوال تمشي الحال

العفوو ياغالي
مثل ما علمتك بطاقه الاحوال تمشي في حالة انك تبغى تجدد جواز ( عن تجربه زميل لي قريبا ) وان شاء الله الامور تتيسر معك.
بس لا تنسى تعلمنا ايش صار معك علشان الناس من بعدك يستفيدون من تجربتك.

اخوك الصقر18
:101:

أخي معن الصالح

الله يذكر الملف الأخضر بالخير ! أيام

بالمناسبة

توقيعك رائع ،،، أعجبني كثيراً ، وتأملت فيه أكثر

أشكرك

أخي الصقر

غداً إن شاء الله ناوي أسافر الدمام لأجل ذلك ، وسأوافيكم بالخبر ،،،

تحياتي