 |
 |
 |
||
|
|
|
||
 |
|
 |
|
|||||||
| بوابـــة السفر إلى تايلاند Thailand : في هذا المنتدى يتم تزويد المستخدم بالتقارير المصورة الخاصة بتايلاند بالإضافة الى مكتبة صور خاصة. |
 |
|
|
أدوات الموضوع | انواع عرض الموضوع |
|
|
25-01-2008, 12:18 AM
|
#1 (permalink) |
|
مسافر خبير
تاريخ التسجيل: Dec 2005
الدولة: السعودية - الرياض
رقم العضوية :53369
المشاركات: 1,178
|
Ξ҈Ξ»ـ.¸¸.Ϡ₡(تقريري عن فوكيـت الساحـره)Ϡ₡.¸¸.ـ«Ξ҈Ξ
بسم الله الرحمن الرحيمـ السلام عليكم ورحمة الله وبركاته ,, . .  اخيرا وبعد مازالت الظروف ولله الحمد كتبت التقرير و ان شاء الله بيعجبكمـ ,,  . . اليوم الاول وصلنا لفوكيت بعد رحلة ممتعة على الطيران التايلندي تقريبا ساعة ونصف واخذنا حقائبنا من المطار وكان المطار صغير بس حلو و استقبلنا شخص من مكتب المهاجرون هناك و اوصلنا للسيارة و كانت باص جميل للغاية مع سواق دلخ  كنت انا و ابو سلطان نسولف معه بالعربي وهو بس يضحك خخخخ نقول مثلا انقلع يضحك نقوله كيف الحا بس يضحك , تكلمنا معه بالانجليزي برضه يضحك  ..            مرينا ع الطريق المرشد السياحي ( موا ) دب و رهيب مره و نااااعم  يتكلم انجليزي بطلاقة و بصراحه ريحنا و تعرفنا عليه و تعرف علينا و الحمد لله ان مكتب المهاجرون معطينه خبر انه يهتم فينا و يودينا لكل شيء من طقطق إلى سلامو عليكوووم المهم قال بوديكمـ فندق حلو والله نسيت اسمه !! وصلنا للفندق بصراحه حلو بس مشكلته انه صغير ولا يطل على المسبح – لأن المسبح يقع في وسط الفندق – وقلنا لـ ( موا ) نبغى غيره ووافق و طلعنا نشوف فندق آخـر ,, كانت شوارع فوكيت حلوه مره و التقطنا كم صوره و احنا بالطريق .        وصلنا لفندق ( رويال بردايس ) بكل أمانة فندق روووعة و اعجبنا و عطونا سعر مرتفع الا وهو ( 3500 بات ) و قلنا لهم بنقعد اسبوع بكمـ و تفاوضنا معهم بالآخير نزلوا لنا 1000 بات ووافقنا , غرفتنا كانت مطلة على المسبح وكانت ناااااايس بالمررره ,,  ,,بعدها قلت لـ ابو سلطان روح خذ الشناط مع العامل و روح ارتاح بالغرفة و انا بكون مع ( موا ) قال اوكي حبيبي ابو سلطان ,, قعدت مع ( موا ) في اللبي عشان نتفاهم انا وياه على الرحلات السياحية و اي شيء ابغى استفسر عنه والله ماقصر معاي و عطاني فكرة مره حلوه عن فوكيت و من هالكلام وبعدين بدينا نتفاهم على الرحلات السياحية كل يوم وين بنروح فيه واتفقنا اول شيء على انه بكره نروح لجزيرة ( بي بي ايلاند ) و راح ( موا ) و اتفقنا يكون بينا اتصال . ابو سلطان راح يصرف فلوس و انا انتظره في الغرفة و كنت ارتب ملابسي و اراجع الامور والترتيبات ,, ابو سلطان رجع و معه الفلوس بس كان وجهه يخوف  دار هذا الحوار بينا : ابو نورة : صرفت الفلوس ؟ ابو سلطان : تنهيده , ايه صرفت . ابو نورة : طيب عسى ماشر وشفيك كذا مرتاع ؟ ابو سلطان : ياخي الطريق اللي رحت معه يخوف !! ابو نورة وهو خايف : ليـه وش صار ؟! ابو سلطان : ماصار شيء بس .. ابو نورة : بس وشو يااااااخي ؟! ابو سلطان : طيب اصبر وشفيك مستعجل خلني اخذ نفس ابو نورة : يخوي هذا مو وقته تكفى قلي وش السالفة ؟! ابو سلطان : فيه كم واحد يناظر فيني و انا اصرف و اشكالهم تخوف مره !! ابو نورة : يعني الطريق اللي رحت معه مافيه الا هم او كيف ؟! ابو سلطان : لااا فيه ناس كثير بس انا خفت !! ابو نورة : يـاخي حرام عليك احسب فيه شيء او احد تعرضلك !! ابو سلطان : لا محد قالي شيء بس الطريق يخوف ! ابو نورة : يارجال ماعليك الديرة على كلامهم امان ولا تخاف ابو سلطان : الله يكتب اللي فيه خير !!                  المهم اخذنا شور و لبسنا و طلعنا في الليل , طبعا كنا تعبانين مرررره مرينا من عند الطريق اللي يقول عنه ابو سلطان (( اللي يخوف )) وبعدها طبعا نمر على شارع (( البنقلا رود )) اكيد الكل يعرفه , و صار هالحوار : ابو نورة : وين الطريق اللي تقول عنه ؟! ابو سلطان : اللي قبل شوي ورانا عند الفندق ابونورة يلتفت ورى ويناظر : هذاك اللي هناك !! ابو سلطان : ايه هناك ابو نورة : من جدكـ تتكلمـ ؟! ابو سلطان : اي والله ابو نورة : ياشيخ وخر عني بس بالله هذا يخوف !! ابو سلطان : ياخي كان فيه كم واحد يروعون ابو نورة : يعني عشان كم واحد خلااااص صار الوضع يخوف ! ابو سلطان : ايه ياخي حنا برى السعودية ابو نورة : اقول انطم بس ابو سلطان : انطم انت يادووووب المهم مشينا كثير و احنا ندور على مطعم عربي نبغى نتعشى وبعدها شيشة طبعا كنا سائلين عن هالمطاعم و علمونا وينها فيه ..        تعبت انا و ابو سلطان و قلت لأبو سطان خلنا ناخذ ( توك توك ) قال اوكي وصلنا عند واحد من هالتايلنديين و قلنا له مطعم عربي قال اوكي و يا الله اركبوا طبعا لأول مره في حياتنا نركبه و كنا مبسوطين ع الآخـر ,, المهم ماكملنا دقيقة و نص الا وحنا واصلين انا انقهرت لأنه استغلنا الحقير نزلنا وصار هالحوار : ابو نورة : كم يا الحبيب ؟! الحقير : 100 بات !! ابو نورة منقهر ويقول : ويييييين .. NO NO  الحقير ينزل من سيارته وينفخ علي بكل قوة و يقول بالانجليزي : بتعطيني ولا لا ؟! ابو نورة خاف ويقول : كثير مررره  الحقير : موب مشكلتي وبتعطيني الفلوس غصب !! ابو نورة مقهور ويناظر بنت تايلندية بالمطعم تأشر بيدها وتقول عطه الفلوس  ابو نورة يطلع الفلوس وهو مغبون ويقول في نفسه : الله لايوفقك ياكلب !! واعطيه الفلوس وياخذها مني بقوة و يتكلم تايلندي مدري وش يقول بس اكيد انه يسبني الحقير !! طبعا المطعم هو ( مطعم الشرق ) بصراحه هالمطعم حبيته انا و ابو سلطان اكلهم مره روووعة و عندهم شيشة بعد ,, .. العمال حقين الشيشة والله انهم مصرقعين و مهبل مصريين بطعا ,, طلبنا الآكل وقعدت معنا البنت التايلندية وقالت لنا : ان هالتايلنديين اللي معهم ( توك توك ) اغلبهم يشتغلون مثل العصابات !! وسئلتنا و قالت انتم اتفقتوا معهم على سعر قلنا لا .. قالت هذا غلطكم لأنه مهما كان المشوار وطلب اي مبلغ بدون مفاوضة لازم تعطيه , فأنتبهوا منهم ولا تركبون الا وانتم متفقين معهم , وهدتنا و قالت ترى الوضع امان ولا عليك من هالتايلندي الحقير . انا بكل امانة لازال الخوف فيني و ضاق صدري من هالموقف .. المهم كان طلبنا عبارة عن صحن رز باللحم و حمص و سلطة وبيبسي وكاااان لذيذ و شغلهم نظيف للامانة . بعدها شيشنا شيشة ولا احلى خخخخخخ و سوالف مع المصريين و ضحك ووناسه وطلعنا من المطعم تقريبا على الساعه 12 بالليل و رجعنا للفندق ونوووم لأنه من بكره عندنا رحلة لـ ( بي بي ايلاند ) . وش تتوقعون بكره وش بيصير  .. ؟! |
|
|
|
26-01-2008, 08:01 PM
|
#3 (permalink) | |
|
مسافر خبير
تاريخ التسجيل: Dec 2005
الدولة: السعودية - الرياض
رقم العضوية :53369
المشاركات: 1,178
|
اقتباس:
ياهلا والله بـ [ الشايب المزيون ]  انا اتفق معك بأن البنت صادقة ولكن انا ماتوقعت انه بيعاملني كذا ابدا ولايخطر ببالي نهائيا هالمعاهمله  عموما اشكر مروركـ الجميل يا الطيب ,,  |
|
|
|
|
|
25-01-2008, 03:23 AM
|
#4 (permalink) |
|
مسافر متالق
تاريخ التسجيل: Mar 2005
الدولة: بالقرب من قلب الحبيب
رقم العضوية :19976
المشاركات: 829
|
ياسلاااااااام عليك يالقيصر ,, اقصد الموسيقاااااار  ابدعت يالغالي في الوصف , وتفننت بالصور , والحمدلله على سلامتك وعودتك للكتابة  الغريب أننا لم نشاهد اكواع في هذا الجزء كما يفعل تفاريس وابو نوره في شانق ماي وفندق رويال بارادايز رووووووعه كما تبين لي من الصور وتبقى (( ابو نورة : ياشيخ وخر عني بس )) عبارة جميلة لاتفارق لسان ابو نوره وأحب أن أشيد بإقلاعك انت وابو سلطان الخوّاف بإذن الله راح اكون في بوكيت بعد اسبوعين من الان وياليت تكتب التقرير بسرعه عشان اقدر استفيد منه طيب ماقلت لي , كيف المعسل عند المصاريه  ؟ زوين ؟  وبعدين ياليت انك تذكر لنا الاسعار في وقتها مثل ماتفضلت بخصوص سعر رويال بارادايز ,, أرى بأنك لو تذكر السعر في وقت الحدث يكون افضل <<<<<< وجهة نظر بإنتظار الجزء القاااااااااادم ,, ولاتتأخر علينا يابطل |
|
|
|
25-01-2008, 07:35 AM
|
#5 (permalink) |
|
مسافر متالق
تاريخ التسجيل: Feb 2006
رقم العضوية :59566
المشاركات: 1,023
|
اخوي القيصر كاظم
بداية مشوقة من انسان مبدع اكمل فنحن في انتظارك بس عندي استفسار انا ان شاء الله راح ازور تايلند ولأول مرة في شهر خمسة مايو راح اكسر الخوف من سالفة المنع كيف راح يكون الجو امطار والا عادي وراح يكون هاي سيزون والا عادي تحياتي |
|
|
|
|
25-01-2008, 01:20 PM
|
#6 (permalink) |
|
مسافر خبير
تاريخ التسجيل: Apr 2007
الدولة: هو فيه احلى من (الخـــــــــبر)؟؟
رقم العضوية :129539
المشاركات: 6,275
|
ماشاء الله تبارك الله ,,,,,,,,,بدايه ولا أرووووووع أخوي القيصر,,,,
 والحمد لله على سلامتك ,,,, أحلى شي عجبني عنوان تقريريك ,,,, فوكيت الساااااااااااااحره ,,,, بانتظااااااار رحلة في في أو بي بي لاند ,,,,لاني مارحلت لها ,,, |
|
|
|
|
26-01-2008, 08:29 PM
|
#7 (permalink) | |
|
مسافر خبير
تاريخ التسجيل: Dec 2005
الدولة: السعودية - الرياض
رقم العضوية :53369
المشاركات: 1,178
|
اقتباس:
هـلاااا والله وغـلاااا بأختنا [ سارووونه ] الله يسلمـ عمركـ ,, و ان شاء الله التقرير بعد يعجبك مثل عنوان الموضوع ,, والله حرام عليك توصلين لحد فوكيت ولا تروحين لـ جزيرة الـ بي بي ايلاند ,, عموما اشكرك على مروركـ الجميل ياسيدتي ,, |
|
|
|
|
|
26-01-2008, 08:23 PM
|
#8 (permalink) | |
|
مسافر خبير
تاريخ التسجيل: Dec 2005
الدولة: السعودية - الرياض
رقم العضوية :53369
المشاركات: 1,178
|
اقتباس:
ياهلا وسهلا بـ [ فارس أحلام ] بالنسبة للجو بيكون حلو وتقريبا بداية اللو سيزون و الشباب هنا ماراح يقصرون بالنسبة لتساؤلك و اشكرك على مرورك العطر ياالطيب ,, |
|
|
|
|
|
26-01-2008, 08:18 PM
|
#9 (permalink) | |
|
مسافر خبير
تاريخ التسجيل: Dec 2005
الدولة: السعودية - الرياض
رقم العضوية :53369
المشاركات: 1,178
|
اقتباس:
هلاااا والله وغلااااا بـ [ امير االاحساس ] خلااااص عااااد مااافيه اكواع ,, المعسل يحبه قلبكـ .. بس مشكلته الجمر اخيس شيء في تايلند .. من ناحية الاسعار من عيوني والله ابشروا ولا يهمكمـ .. وتسلملي على مرورك العطر ياالغالي ,, |
|
|
|
|
|
25-01-2008, 01:26 PM
|
#10 (permalink) |
|
مسافر خبير
تاريخ التسجيل: Jul 2007
الدولة: { KiNgDoM Of BaHrAin }
رقم العضوية :147116
المشاركات: 1,127
|
يعطيك العافيه اخوي
على التقرير اللي بدايته حلوة وحمد الله على السلامة وصلت اخيرا الغنايم ههههههههههههههههههحمد الله ماخطفكم هالتايلندي ووداكم حق عصابته جان رحتو فيهه من الطق خخخخخ يعطيك الف عافيه وبانتظار البقيه لاتتاخر تحياتي لك أم حناين |
|
|
|
|
26-01-2008, 08:34 PM
|
#11 (permalink) | |
|
مسافر خبير
تاريخ التسجيل: Dec 2005
الدولة: السعودية - الرياض
رقم العضوية :53369
المشاركات: 1,178
|
اقتباس:
هـلااا والله وغـلاااا بأختـي [ أم حناين ] الله يسلمـ قلبكـ ,, هو صدق اخيرا وصلت الغنايم ,, لاتخااافين انا و ابو سلطان اقوياء حتى لو خطفنا ,, ان شاء الله ماراح اتأخر ,, و مشكورة على مرورك العطر ,, |
|
|
|
|
|
26-01-2008, 02:15 AM
|
#12 (permalink) |
|
مسافر متالق
تاريخ التسجيل: Jan 2007
الدولة: المنطقة الغربية / السعودية
رقم العضوية :120730
المشاركات: 997
|
يالله حيووووه
بدأ التقرير وبدأت رحلة جديدة معاك يامبدع تكفى خل هالتقرير متواصل لايتقطع ... فكنا من حرق الاعصاب  بعدين قلي وش سالفة هالصورة تراك ماتشرح شي عن اكثر الصور تقبل مني خالص تحياتي ياعسل ..... وسلم لي على ابوسلطان |
|
|
|
|
26-01-2008, 05:25 AM
|
#13 (permalink) |
|
مشرف بوابة اندونيسيا
تاريخ التسجيل: Feb 2006
الدولة: JAWA BARAT--Bali
رقم العضوية :61396
المشاركات: 3,571
|
[QUOTE=واخاسيدي;1799091]يالله حيووووه
بدأ التقرير وبدأت رحلة جديدة معاك يامبدع تكفى خل هالتقرير متواصل لايتقطع ... فكنا من حرق الاعصاب بعدين قلي وش سالفة هالصورة تراك ماتشرح شي عن اكثر الصور تقبل مني خالص تحياتي ياعسل ..... وسلم لي على ابوسلطان[/QUOTE شكلها غرفة المساج .. ممكن |
|
|
|
|
26-01-2008, 08:42 PM
|
#14 (permalink) | |
|
مسافر خبير
تاريخ التسجيل: Dec 2005
الدولة: السعودية - الرياض
رقم العضوية :53369
المشاركات: 1,178
|
اقتباس:
هلااااا والله وغلااااا بـ [ واخاسيدي ] ابشر ان شاء الله قد ما اقدر بخليه متواصل ,, الصوره ياطويل العمر هذي داخل الغرفة نفسها سرير صغير يمكن هذا للاطفال بس وبيني وبينك هو مريح مره و حلو ,, و ابشر بشرح تحت الصور .. بس ياخي قبل شوي كنت بسوي تعديل عشان اشرح تحت الصور ماعندي خاصية التعديل ..  وسلااااااامكـ وصل ن شاء الله ,,  وتسلملي على مرورك العطر ياسيدي ,, |
|
|
|
|
|
«
₪Ξ_‗ـ▫♫‗=¨‾الرحله الفنيه الي المدن التايلنديه - باتايا - فوكت - شانغماي‾¨=‗
|
_…ـ-*™£بتايا + كوشانج 2007 £™*-ـ…_
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 01:14 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||