طبعا مشى الباص عنا وظلينا نفكر ايش نعمل في اخر يوم في ماربيا , ففكرنا نطلع على منطقة ثانية ؟؟؟
بس للأسف مالقينا إلا فنخيرولا .
كانت انسب شي من حيث الوقت و المسافة .

فا ماصدقنا على طول صعدنا الباص و دفعنا تذاكر جديدة . بس من جد حرتنا تذاكر غرناطة كثير راحت علينا ,ولا رضيوا يبدلوها لنا.خبرونا لازم نشتري تذاكر جديدة فسلمنا امرنا لله . و اخذنا التذاكر الجديدة و توكلنا على الله .

وصلنا الى فنخيرولا بعد تقريبا ساعة او حتى اقل ماني فاكرة بس كانت المسافة قريبة .وصلنا الباص عند محطة الباصات . فرحنا نتمشى عشان نشوف معالم المدينة بس تمشينا و تمشينا وما لقينا الا المباني ولا شفنا شي غير المباني و المنازل , فرحنا نسال و نبحث عن اي شي حلو بالمنطقة قابلنا عائلة مغربية فا على طول ماصدقنا سألناهم فاخبرونا انه لا يوجد الا الشاطئ . فوصفوا لنا الطريق و رحنا على طول .
وصلنا الشاطئ فكان غير المتوقع . كان الشاطئ يفتقر الى النظافة و الجمال . فكان خالي من القوارب .وكان لايوجد هنالك شي يستحق الزيارة .







بس عشان ماتضيع جيتنا , تمشينا شوي و استمعنا الى فرقة وحيدة كانت هناك هي فرقة الهنود الحمر و كان العزف رائع جدا . وكانوا ايضا يبيعون بعض الاشياء مثل القلائد المعظمه و بعض السيديات من تسجيلهم . ولكن للاسف تندمت اني ماشريت . اكتفينا بالاستماع لهم و من ثم رجعنا الى المحطة و انتظرنا الباص ورجعنا مكان ماجينا .









اخذنا باص ثاني من و سط المدينة و رحنا للبورت بانوس و استمتعنا قدر الامكان بهذا المكان الرائع حيث كانت اخر ساعات نقضيها في ماربيا . و اختتمنا اليوم في مطعم بكاسيو اللذيذ لأخر مرة . وهذي لحظات البؤس و الحزن لاخر الساعات . كما هو واضح في الصور .










البورت بانوس . الساعة 11 مساءا.




عدنا الى فندقنا العزيز , استعدادا" للرحيل الى برشلونة الساحرة .في اليوم التالي .

اليوم التالي .اخر اللحظات في الفندق.