 |
 |
 |
||
|
|
|
||
 |
|
 |
|
|||||||
| دول جنوب و شرق آسيـــا تعنى هذه البوابة بتزويد المستخدمين بجميع المعلومات المتنوعة الخاصة بالسفر الى ماليزيا. |
 |
|
|
أدوات الموضوع | انواع عرض الموضوع |
13-01-2008, 08:47 PM
|
#1 (permalink) |
|
مسافر خبير
تاريخ التسجيل: May 2004
الدولة: السعوديـــــــــــــــــة
رقم العضوية :5363
المشاركات: 2,234
|
ماليزيــــــ 2007 بعدستي ــــــاااااا
 من فتره طويله وكنت أفكر في زيارة ماليزيــا خصوصاً انها صارت مقصد سياحي لكثير من الناس من الدول العربيه وكذلك الأجنبية.. السفره بصراحه كانت فجائيـــة مو مخطط لها من قبل كنت قاعد أفكر بيني وبين نفسي خلال زيارتي للصين بأنه وجب التغيير خصوصاُ انه كنا في مدينة تكتض بالأسواق والمصانع ونشاطها تجاري بالدرجه الأولى.. وقد تكاد تكون خاليه من الترفيه على حد علمي واقترحت على صديقي بأنه نطلع على أي دوله ثانيه غير الصين.. فكرنا وفكرنا وكل واحد يقترح على الثاني.. المالديف ولا اندونيسيا ولا الفلبين أو تايلند ولا ماليزيــا.. كان القرار الأخير انه تكون وجهة السفر الى ماليزيــــــا خصوصأ بأنها تعتبر الزيارة الأولى لي ولصديقي لماليزيا.. خط الرحله قوانزو ----> كوالالمبور تكلفة التذاكر لشخصين على CHINA SOUTHERN AIRLINES 4696 رمبي مسار واحد فقط..  وهذا موقعهم CHINA SOUTHERN AIRLINES Co.,Ltd || VER 2007 صور من مطار قوانزو والمطار بصراحه كبير ونظيف ومرتب..      بعد الانتهاء من الجمارك والتختيم وعند وصولنــا لاخر نقطة تفتيش بالمطار كنت أحمل حقيبتين واحده فيها جهاز اللابتوب والثانيه فيها لوشن وعطور لاستخدامي الشخصي وكانت صغيرة الحجم.. أشارت الي الموظفه وكانت لاتجيد الانجليزية كثيراً بأن شنطة اللوشن والعطور ممنوع تطلع الطيارة قلت لها طيب هذي عطور سعرها غالي..مقدر اتركها .. قالت طيب تقدر ترجع مره ثانيه للشحن وتشحنها وسمحت لي بالعوده للشحن وكانت متفهمه.. المهم اني رجعت مره ثانيه للشحن وغلفتها وشحنتها وكنت مره خايف على عطوري.. لانه في المسارات الثانيه ماسمحوا لكثير بحمل العطور معهم ورموها في الزباله قدام عيني.. انا قعدت احمد ربي ان الموظفه فهمت وضعي وسمحتلي بشحنها.. هذي نقطة حبيت أوضحها عشان محد يصير له نفس الموقف.. يعني حمل العطورات وأي لوشن على متن الطائرة ممنوع.. استمرت الرحله 3 ساعات و 40 دقيقه تقريباً.. عند وصولنــــا لمطار كوالالمبور كانت الاجواء رائـــعة خصوصاً أن الجو كان ممطر.. وعند نزولنـــا في صالة الاستقبال كانت عادية جداً بعكس ماسمعته عن مطار ماليزيــــــا وانه من أجمل المطارات.. بنظري أشوف مطار هونج كونج ومطار قوانزوا اكبر وأجمل وارتب بكثير من مطار كوالالمبور.. بعد استلام الشنط والانتهاء من تختيم الجوازات شاورت صديقي في طريقة حجز الفندق خصوصاً انه رحلتنا كانت فجائية وماعندي فكره عن افضل الفنادق والمنطقة الي راح ننزل فيهــا.. قلت ياولد مالها الا نشوف مكتب سياحي من المطار وهو اكيد راح يدلنـــا على شي زين.. مريت على مكتب سياحي وسألته قبل خروجي من صالة القدوم قالي انت وش اسمك قلتله عدنــان قلي لحظة .. وراح ماسك التلفون واتصل في واحد وقله فيه واحد الحين يجيك اسمه عدنــان يبي فندق وشوف له حجز.. المهم بعد ماطلعنا من صالة القدوم الا وفيه واحد كان في استقبالنـــا ماسك ورقه وكاتب عليــــها Mr. Adnan على طول رحت له ورديت عليه السلام وقلتله انا عدنــان.. رحب فيني واخذ شنطتي ووداني على مكتب اسمه Thirty Holidays  وبعدين قعد يسألني يقولي انت من وين جاي ؟؟ قلت له من السعوديه.. قالي غريبه مافي رحلات جايه من السعوديه الحين انتم على أي رحله جيتوا؟؟ قلت له جايين من الصين.. قالي اهاااا.. قلت في بالي والله شكله هذا صادنــا .. وراه سالفه.. المهم بدا يكلمني ويقلي انا اعرف جده والسعوديه ناسها كويسين ومن هالكلام ويمدح ويمدح.. قلت في بالي يالله خلصنــا.. قلي وين تبون تسكنون؟؟ قلت أبي اكون في منطقه قريبـــه من الأسواق وفيها مطاعم عربيـــة بعد.. طلع لي دفتر كبيــــر فيه اسماء الفنادق وصور عنها.. المهم قلي أنـــا راح أسكنك في فندق جداً رائــع.. وسعره حلو. قلتله أبي خمس نجوم وراقي.. قالي ماعليك هذا من أفضل الفنادق وكل السعوديين يسكنون فيـــه وفي منطقه حلوة وراقيه بالمنطقة المركزيــه. وطلع لي اسم الفندق بس والله ناسي اسمه وطلع صور عنه وكانت حلوه قلت له أوك نبي يومين فيه وفي بالي يمكن مانرتاح فيه وقتــها نقدر نغير فندق ثاني.. المهم كلم الفندق وعمل حجز.. الليله 280 رنقت قالي طيب الحين أبي 120 رنقت رسوم تأكيد حجز.. قلتله طيب وهذا 120 رنقت.. وعطاني الفوتشر بداخل ظرف قلي اول ماتروح الفندق تعطيهم الظرف ذا.. قال تبون سيارة توصلكم للفندق؟؟ قلت أكيد. قالي طيب هات 180 رنقت حق السيارة.. قلتله ليش كذا السعر غالي؟ قال لا مو غالي وأصلا انا معطيك سعر مره حلو ورخيص.. قلت ياولد يالله مشي خلنا نمشي بس ونروح نرتاح.. جاب لنا السيارة وعطاني رقمه وقلي أي خدمه وأي شي تبيه دق علي.. الشخص على ماعتقد كان اسمه فضل الرحمن مو متاكد من الاسم.. يلبس نظارات وصوته مبحوح وكبير بالسن. وحنــا ماشيين في شوارع كوالالمبور كان الجو ممطر.. ولما بدينــا ندخل في وسط المدينــه فجأة توقف سائق السياره عند فندق شكله غريـــب.. ومظلم.. قلت هذا واقف هني ليش؟؟ الا الأخ يقول يالله وصلنا الفندق !!! قلتله انت متأكد من العنوان ؟؟ قال ايه هذا هو الفندق.. طالع فيني صديقي وكنا مستغربين .. حسيـــت وقتــها ان احساسي كان في محله وانه انضحك علينــا.. نزلنا الشنط وجاء واحد الله يكرمكم ريحته خايسه وشكله من الهندوس شال الشناط.. دخلنـــا الفندق وقسم بالله أقل مايقال عنه انه مزبله.. على طول رحت للريسبشن وعطيته الورقه قلتله قبل لاتطلع الشناط ممكن أشوف الغرفه.. قالي ممكن ليش لا. انا طول ماني ماشي معه الى لحظة وصولنــا للمصعد كنت في حالة غضب.. أول ماطلعنا المصعد كان متهالك وريحته غريبه.. وصلنــا للغرفه ولما شفناها كان مستواها أقل من مستوى شقه مفروشه جار عليها الزمن.. ريحتها عفنه وأثاثها قديم وعلى يقين تام بـأنه قاطني الفندق من الجاليه الهندوسيه.. قلتله اسف انا مابي أسكن في الفندق ذا.. وصور الفندق الي شفته بالمكتب مو هذا الفندق فندق خمس نجوم وشكله راقي.. قالي عادي مافي أي مشكله ممكن تسترجع فلوسك من نفس المكتب السياحي بالمطار لما تجي تسافر.. طلعنـــا وقتـــها ندور فندق ثاني وعلى طول رحت لكروان بلازا قالولي اسفين فل.. بعدهــا طلعت على فندق نوفيتيل 4 نجوم وهو تابع لمجموعة أكور العالميــة.. أخذنـــا غرفه بسريرين منفصلين ب 449 رنقت شامله الافطار والخدمـــه.. وكنــا موفقين في الاختيار لان الفندق يتميز بموقعه بوسط المنطقة المركزيه وقريب من Petronas Twin Towers وأمام مجمع PAVILION مستوى الفندق كان جداً طيب.. بس للأسف ماصورت الغرفه وماتذكرت الا بعد مارجعت للسعوديه.. أول مانزلنـــا الفندق على طول نمنـــا لانه كان وقت وصولنــا الفندق الساعه 2 صباحاً.. اطلالة من غرفة الفندق على كوالالمبور..    ثاني يوم لنــا في ماليزيــــا نزلنـــــا نمشي لانه كنا قريبين جداً من Twin Towers       نزلنــا في مجمع KLCC SURIA وكان مجمع رائـــع بصراحه..  وهذا موقعهم على النت Welcome to Suria KLCC تسوقنـــا فيه حتى وقت الغداء وتغدينــا في نفس المجمع في بيتزا هت وكان أكلهم جداً لذيذ.. بعدين قلنـــا مابدهاش لازم نقعد في مكان رايق ونشرب كوفي ووقع الاختيار على ستار بكس ومكانه خارج المجمع أمام حديقه كبيره وقتــــها الجو كان خيالي وكان هتان يتساقط مع نسمة هواء عليله..    بعدين مشيــــنا في الحديقة وكانت رائـــعه ومرتبـــه..                        بعد قضــــاء وقت طويل هناك رجعنـــا الفندق لاخذ قسط من الراحه وتبديل ملابسنــا بعد ماتسخت من الأمطار.. بعد نزولنا من الفندق لاحظت ان هناك كثير يتصيدون عند البوابه وخصوصاً أصحاب الليموزينات.. اوقفنا احدهم وقلنا له نبي نطلع مجمع يكون فيه مطاعم وكافيهات .. قال اوكي راح اوصلكم أحلى مجمــــــع .. طيب بكم المشوار؟؟ قال بــ 25 رنقت.. قلت له يارجل لالالا 15 رنقت. قال خلاص 20 رنقت ولا شوفوا واحد ثاني غيري.. قلت يالله شكله مسكين وأكيد المشوار بعيــد.. طلعنا معه ونفس الموال!!! انتم من الخليج؟؟ قلت له ايه من السعوديـــه.. المهم تجاهلته وماحبيت اتكلم معه زياده لانهم يحاولون يحتكون فينا بأي طريقه.. لف فينــا لفه ماخذت 5 دقايق على بعض.. ونزلنــا في مجمع تجاري.. قلت له المشوار شكله مره قريب قالي لا بعيد بس انت تحسه قريب.. حاسبناه ومشينــا وبعدين تفجأت بأنه نحن في المجمع المقابل للفندق الي حنــا فيه بس وصلنــا لبوابه ثانيه من الخلف.. والمجمع هو PAVILION قلت حسبي الله عليه.. أدركت وقتــها بأن اللصوص منتشرين وبكثره في ماليزيـــا ويتربصون بالخليجيين في كل مكان.. لحظة وصولنـــا لماليزيا كانت النصبه الأولى في المطار وثاني يوم كان لنـــا موعد مع النصبه الثانية مع الليموزين.. تسوقنـــــا وقضينـــا باقي اليوم في نفس المركز بس ماصورت لكم شي من هناك في هذا اليوم لانه شحن الكاميرا خلص.. انتظروني في تكملة اليــــوم الثالث.. عدنــــان |
|
|
علشان يكون عندك فكره عن ماليزيا واسعار الفنادق هنااك
|
14-01-2008, 10:03 PM
|
#4 (permalink) |
|
مسافر متالق
تاريخ التسجيل: Aug 2007
رقم العضوية :151604
المشاركات: 814
|
الله يعينك انا اعرف وحده صار لها موقف
اخذوا فندق من الرياض عن طريق الوصف والمدح********>>>الله اكبر المهم يوم وصلوا تفاجوا بالواقع كله حشرات وطلع عكس الوصف جلسوا فية يوم واحد تصبيرة بعدين غيروه اهم شي انك استانست بالسفرة والصورررر رائعة اختك s.s.m |
|
|
|
15-01-2008, 11:33 AM
|
#6 (permalink) | |
|
مسافر خبير
تاريخ التسجيل: May 2004
الدولة: السعوديـــــــــــــــــة
رقم العضوية :5363
المشاركات: 2,234
|
اقتباس:
والأفضل فعلا انه الواحد يحجز الفندق مسبقاً عشان مايتعب بالبحث.. عموماً شكراً لمرورك وردك. |
|
|
|
|
|
15-01-2008, 11:36 AM
|
#7 (permalink) | |
|
مسافر خبير
تاريخ التسجيل: May 2004
الدولة: السعوديـــــــــــــــــة
رقم العضوية :5363
المشاركات: 2,234
|
اقتباس:
أفضل شي الحجز عن طريق النت.. والمكاتب السياحيه همهم الاول والأخير الدراهم.. تسلمين على ردك ومرورك.. |
|
|
|
|
|
15-01-2008, 11:42 AM
|
#8 (permalink) |
|
مسافر خبير
تاريخ التسجيل: May 2004
الدولة: السعوديـــــــــــــــــة
رقم العضوية :5363
المشاركات: 2,234
|
ثـــالث يوم لنـــا في ماليزيــــا قررنا الذهاب الى جنتنج.. سألنا عن كيفية الوصول للمنطقة قالوا لنــا فيع باصات توصل لجنتنج.. فكرنا نتفق مع ليموزين يوصلنــا للمنطقة ويبقى معنــا اليوم كله هناك.. اوقفنــا احد أصحاب الليموزينات وتفاوضنــا معه بالسعر يودينــا ويرجعنا وقالنا اوكي 240 رنقت.. قلنـــا يمكن يكون السعر مناسب خصوصاً بأنه المنطقه قالوا تبعد ساعه ونص بالسيــــارة.. وصاحب الليموزين راح يبقى معنــا اليوم كله.. تحركنــا من الفندق الساعه 1 ظهراً.. وهذي صور وحنــا في طريقنــا لجنتنج والجو كان رائـــــع..      وصلنــــا جنتنج حدود الساعه 2 وربع تقريباً طبعاً حسيت ان المسافه ماكانت مره طويلة بس صاحب الليموزين كان ماشي بسرعه بطيئة شوي يبي يحسسنــا ان المشوار بعيد.. وكان الجــــو بارد وممطر.. المهم خذينـــا تذاكر التلفريك مسارين ب 6 رنقت لشخصين..  منـــــــــــــــــــاظر روووعه من التلفريــك..                      طبعاً المنطقة كلها فنادق ومطاعم ومحلات تسوق ومدينة ترفيهيه كبيره.. وفيهـــا أكبر فندق في العالم Hotel First World    وهذ ملاهي كبيره ناسي اسمهــا بس يوم جينــا ندخل كان وقتها مطر وضباب.. قالوا لنــا الدخول بمبلغ 50 رنقت للشخص بس ماراح تشتغل كل الالعاب بسبب الجو والمطر.. بطلنـــا ندخلها وصورت لكم كم صورة منهــــا..            بصراحه المنطقة كانت رائــــعه وقضينـــا فيها اليوم كاملاً حتى الساعه 10 مســـــــاءً.. أحسسنــــا بارهاق وتعب خصوصاً ان الجو كان بارد وماكنا لا بسين شتوي.. وقررنــا العوده للفندق لنرتاح ونستعد لليوم الرابـــع.. راجعيـــــن.. |
|
|
|
|
22-01-2008, 11:53 AM
|
#10 (permalink) | |
|
مسافر خبير
تاريخ التسجيل: May 2004
الدولة: السعوديـــــــــــــــــة
رقم العضوية :5363
المشاركات: 2,234
|
اقتباس:
حنا طلعنــا جنتنج بتاكسي ورجعنــــا بنفس التاكسي وكان الاتفاق بمبلغ 240 رنقت.. طبعا المبلغ أكيد انه كثير بس هي تجربه وكنا متوقعين انه جنتنج بعيده مره.. عمومـــا شكراً لمتابعتك.. |
|
|
|
|
|
22-01-2008, 11:58 AM
|
#11 (permalink) |
|
مسافر خبير
تاريخ التسجيل: May 2004
الدولة: السعوديـــــــــــــــــة
رقم العضوية :5363
المشاركات: 2,234
|
رابــع يوم في ماليزيـــا.. طلعنــا من الفندق تمام الساعه 4 مســــاءً.. وقلنا نبي نقضي اليوم كامل في التسوق.. وقع الاختيــــار على مجمع بافيليون.. المركز فيه محلات ملابس وساعات ومجوهرات وأحذيه طبعا ماركات عالميــة ومجمع مطاعم كبير بالدور الأرضي من نفس المركز.. بالاضافـــه لوجود مقاهي وجلسات رائعه خارج المركز.. هذي صور متفرقه من المركز وأكثرها مصورها بالليل.. وعلى فكره فيه محلات كثيرة لم يتم افتتاحها بنفس المركز..                    بعد ماقضينــــا كامل اليـــوم في نفس المركز تجولنـــــا في الشوارع القريبه من المنطقة المركزيــة..       بعدهــا حسينــا بارهاق ورجعنـــا الفندق نرتاح استعداداً لمغادرة ماليزيــــا والعوده للوطن.. انتهى اليوم الرابع والأخير لنـــا في ماليزيــا.. الرحله كانت حلوه بس بصراحه مازرنـــا أماكن كثيرة.. النيـــة موجوده لتكرار الزيارة ولأماكن أخرى في ماليزيــــا.. اعذروني التقرير جداً بسيط .. وانتظروني في تقارير أخرى.. أخوكم عدنــان |
|
|
|
|
22-01-2008, 02:07 PM
|
#13 (permalink) | |
|
مسافر خبير
تاريخ التسجيل: May 2004
الدولة: السعوديـــــــــــــــــة
رقم العضوية :5363
المشاركات: 2,234
|
اقتباس:
الله يعافيكي اختي مزون بالنسبـــه للمجمع مره كبييير قضينـــا اليوم كامل فيه وماحسينــا بالوقت.. موقعه أمام فندق النوفيتيل وقريب من فندق كراون بلازا للأســـف ماني عارف اسم الشارع عدل.. وقريب من المطاعم العربيه وعلى مأظن المنطقه يسمونها المنطقة المركزيــة.. |
|
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 09:30 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||