 |
 |
 |
||
|
|
|
||
 |
|
 |
|
|||||||
| بوابـــة السفر إلى تايلاند Thailand : في هذا المنتدى يتم تزويد المستخدم بالتقارير المصورة الخاصة بتايلاند بالإضافة الى مكتبة صور خاصة. |
 |
|
|
أدوات الموضوع | انواع عرض الموضوع |
02-01-2008, 01:14 PM
|
#1 (permalink) |
|
مسافر خبير
تاريخ التسجيل: Apr 2007
الدولة: هو فيه احلى من (الخـــــــــبر)؟؟
رقم العضوية :129539
المشاركات: 6,275
|
تأرير( سارووونه) وصل .....(فوكيت+ بانكوك)
 بداية ....أعتذر عن التأخير في طرح هذا التقرير ....وذلك بسبب انشغالي بتقريري عن ماليزيا  مع اني ماخلصت منه الى الان.....لكن قلت انزل تقريري عن تايلند قبل لاانسى الأحداث  < أخبر العجيز ماتنسى شي  وأحب اشكر جميع أعضاء هذا المنتدى ....الي ماقصرو معي بتاتا البته فلكم كل الشكر  وطبعا من باب رد الجميل لهالمنتدى ....قررت أكتب لكم هالتقرير البسيط ...والخفيف .... والي مدري وش يبي بعد وان شاء الله ينال اعجابكم يارب  كنا مخططين للرحله من الصيف الي راح ....لكن الله ماكتبها لنا الا بشهر فبراير2007  وكنا مقررين اذا الله كتبلنا سفرة ماليزيا بنزور تايلند معها ....يعني نضرب عصفورين بحجر وطبعا الي قرأ تقريري عن ماليزيا ....راح يعرف ضروف السفره المباغته والمفاجئه لسارووونه  وبعد قضاء اسبوعين في ربوع ماليزيا .....قررنا أنا وأبو الشباب  قضاء اسبوعين في تايلند أيضا ولكن بقدرة قادر تحولت الأسبوعين ألى أسبوع واحد فقط ....وراح تعرفون السبب بالتقرير  سفرتنا لتايلند كان الغرض منها العلاج بالدرجه الأولى ....ومن ثم السياحه(متعوب عليها من ثم)  وبخصوص الفيزا زوجي مطلعها من سفارة تايلند بالرياض من الصيفيه الي راحت  نبدأ الان رحلتنا في ربوووووووع الاراضي التايلنديه بدأت رحلتنا في الاراضي التايلنديه من مدينة (ستون )التايلنديه  أكيد بتستغربون ليش ستون...؟؟ لاننا كنا بلنكاوي الماليزيه ....والطريقه الوحيده للوصول الي فوكيت .... هو الذهاب الي ستون التايلنديه بالفيري ومنها الى فوكيت  فذهب زوجي لمحطة الفيري بلنكاوي وحجزنا لستون بقيمة 54 رنقت لشخصين ( يابلاش) كان موعد الرحله الساعه8 صباحا ....توجهنا للمحطه ...وماشاء الله كانت فل عالاخر ...  ورحنا للكاونتر الخاص برحلتنا ....ختمنا جوازاتنا بكل يسر وسهوله ....ورحنا للفيري حقنا وهذي بعض الصور قبل انطلاقنا لستون   في الطريق الي الفيري  صوره للفيري من الداخل  بصراحه الفيري كان وصخ بالمره ..... بعكس الفيري حق لنكاوي انطلقنا بالموعد المحدد واستغرقت الرحله حوالي 40 دقيقه .....وكنا العرب الوحيدين بالرحله  فكنت ملفته بعبائتي السودا الي اخافتهم كثير ..... بصراحه أنحرجت بالبدايه من ردة افعالهم لكن كل شوي اقولهم ( جهنم وبئس المصير) .....والله يعز الاسلام والمسلمينبالفيري شغلو لنا فيلم لتمضية الوقت ....والحمد لله وصلنا بسرعه.....وعلى طول كل واحد ياخذ قشه وبرا وهذي صوره لمحطة الفيري بستون التايلنديه  أول ماوصلنا المحطه ....وزعو علينا كرت الدخول لتايلند....وحاولت اصوره لكم .... وهذي صورته بس مو واضحه مره   بعد ماعبيناه....صفينا طابور...وكانت الاجراءات سهله وسريعه أول ماطلعنا لقينا اصحاب مكاتب يعرضون علينا خدماتهم ....واتفقنا مع واحد اسمه(عبدون)صاحب مكتب سياحي بالمحطه .....وطلبنا منه يحجز لنا بالطايره لفوكيت .....قالنا بدري ومالقينا حجز كله فل قالنا مالكم الا الباص ...قلنا مايخالف بس كم ساعه قالنا 5 ساعات ...وافقنا وحنا متشققين من الوناسه  سألناه عن سعر التذكره قالنا بـ800 بات للشخص ؟؟؟زوجي استغرب لانه سأل بلنكاوي وقالوله بـ400 بات  شفتو الحرامي يبي يسرقنا ويلعب علينا ... بس على مين هاوشه زوجي وأنا تدخلت بالموضوع وقلتله يارجال ترى حنا بتايلند ...تعرف وشهي تايلند  ألحين هالرجال بيجيب شلته والله يستر علينا ركد زوجي وقاله مانيب دافع الا 400 بات للشخصقاله اسعار التذاكر ترتفع مع قرب موعد الرحله ؟؟؟؟ وقتها ضحكنا أنا وزوجي عليه ... وقلتله الباص الي معك ينقلب طياره بنص الطريق والا وش سالفته ..... قعد يرقع الرجال وتخيلووو عطانا سعر التذكره بـ400 بات مع التوصيل بعد لمحطة الباصات أخذنا قشنا وركبنا سياره من نوع هايلوكس أبو غمارتين (حبيب الشعب)وكان معنا شلة بنات دبيات من ايرلندا ....أنا شفتهم وقلت لزوجي هونا مانبي نروح لفوكيت ديرتنا مافي أزين منها ....طبعا محاولتي لتغير السياره مانفعت وركبنا معهم غصبن عني بس والله طلعو مرجج ......وانبسطنا معهم ... بعد مرور ربع ساعه وصلنا لمحطة الباصات وبصراحه شدني شكل الباص ....بنااااااااااتي محطة الباصات  لحظة وصولنا للمحطه  وهذي صورة الباص من الخارج   ومثل ماشفتوو ....الباص يتكون من طابقين ...الطابق السفلي للمتجهين الي فوكيت والطابق العلوي للمتجهين الي كرابي ....بصراحه كان ودنا نركب فوق بس خيرها بغيرها وهذي صور للباص من الداخل   انطلقنا من ستون وكانت الاجواء مشمسه ومغيمه وممطره بعد يتقلب الجو عندهم بدقيقه؟؟لحظة الانطلاق  وهالصور اخذتها لكم من شوارع ستون        كان يعيب الباص كثرة توقفاته ....كل عشر دقايق يوقف ...يحمل ركاب وينزل ركابويعيبه بعد اصوات الأغاني العاليه ....الي أزعجت جميع الركاب .... فطلبنا من مساعد الباص اطفائه أو تخفيف الصوت ....لكن الاخ مفهي ومايفهم انقليش  وبدال مايطفي الاغاني طفى التلفزيون ( مسوي فاهم)فجن جنون الدبيات الانفات الذكر .... وكلمو وحده تايلنديه تفهم عليهم وكلمت السواق...ويالله فهمالمهم مرة الساعات علينا وحنا نقول ألحين بنوصل ....وتمر الخمس ساعات والست والسبع وماوصلنا الا بعد ثمان ساعات  من الساعه 12 الظهر الى الساعه 8 بالليل (تخيلو) ....وصلنا وحنا بقمة التعب ....لا وبعد مو حاجزين فنادق ولاهم يحزنون وين اقامت سارووونه بفوكيت ..... هذا ماسوف تعرفونه بالحلقه المقبله ؟؟؟(اسلوب تشويق) وبكذا تنتهي حلقتنا الاولى .... ان شاء الله تعجبكم يارب .....تابعونا ترى الجااااااااي احلى  |
|
|
|
02-01-2008, 02:35 PM
|
#2 (permalink) |
|
مسافر متالق
تاريخ التسجيل: Jan 2007
الدولة: المنطقة الغربية / السعودية
رقم العضوية :120730
المشاركات: 997
|
سارووونه
سجليني متابع ومشارك بالردود ومعلق >> معلق رسمي بصراحه قمتوا برحلة صعبة ومهلكة مايقوم فيها الا الخواجات >> انا متأكد انها بتبقى ذكرى عزيزة لكماسلوبك جدا حلو ومشوق من البداية تابعي وحنا بنتابع |
|
|
|
|
02-01-2008, 03:55 PM
|
#3 (permalink) |
|
مسافر متميز
تاريخ التسجيل: Jun 2006
الدولة: الرياض
رقم العضوية :95450
المشاركات: 157
|
بسم الله الرحمن الرحيم
السلام عليكم ورحمة الله وبركاته ما شاء الله عليك تقرير رائع وبداية مشوقه كما هو الحال في تقرير ماليزيا ولا زلنا ننتظر الكثير من التميز سجليني من المتابعين لهذا التقرير دمتي سالمه مع احترامي وتقديري |
|
|
|
|
02-01-2008, 04:20 PM
|
#4 (permalink) |
|
مسافر خبير
تاريخ التسجيل: Jul 2007
الدولة: { KiNgDoM Of BaHrAin }
رقم العضوية :147116
المشاركات: 1,127
|
مرحبا
يعطيج العافيه على هالتقرير الرائع ماشاءالله عليج مبين عليه تقرير مشوووق جدا اذا هذي البدايه شوقتيني للباقي سجليني من متابعينج ولاطولين علينه  تحياتي لج أم حناين |
|
|
|
|
02-01-2008, 04:50 PM
|
#6 (permalink) |
|
مسافر خبير
تاريخ التسجيل: Nov 2005
الدولة: الكويت
رقم العضوية :52090
المشاركات: 1,221
|
وآآخييييرااااااااااااااااااااااااااااااااااان ياسارونه بديتي سرد تفاصيل رحلتج بمقدمه اكثر من رائعه ووالله مو مجامله ولكن فعلا بدأتي بطريقه غير تقليديه في دخول تايلند عن طريق المنفذ البحري بصراحه احس الرحله كلها تشويق في تشويق مع شوية بهذله ووناسه لاكن اكيد راح نشوف تقرير مميز من شخصكم الكريم كل التقدير والاحترام ومتابعين معاج حتى تصلين باب بيتكم  |
|
|
|
|
02-01-2008, 09:01 PM
|
#9 (permalink) | |
|
مسافر خبير
تاريخ التسجيل: Apr 2007
الدولة: هو فيه احلى من (الخـــــــــبر)؟؟
رقم العضوية :129539
المشاركات: 6,275
|
اقتباس:
ياهلا وغلا باخوي ( واخاسيدي) أشوى كتبتها صح مسجلتك بالصف الاول ولاتزعل بس أهم شي الله الله بالتعليقات الساخنه أنا قلت من تشوف الصور بتقول هذي من الستينات ....بس الله ستر .والرحله شاقه حبيتن بس والله ممتعه والحمد لله بداية التقرير أعجبتك ......وان شاء الله الجاي أحلى |
|
|
|
|
|
02-01-2008, 09:04 PM
|
#10 (permalink) | |
|
مسافر خبير
تاريخ التسجيل: Apr 2007
الدولة: هو فيه احلى من (الخـــــــــبر)؟؟
رقم العضوية :129539
المشاركات: 6,275
|
اقتباس:
وعليك السلام ورحمة الله وبركاته الحمد لله التقرير اعجبكم .....والله اثلجتو صدري بردودكم الطيبه ....وان شاء الله الجاي يسركم جميع ألف شكر عالتااااااااااااااااابعه .....تحياتي لك |
|
|
|
|
|
02-01-2008, 09:55 PM
|
#11 (permalink) |
|
مسافر خبير
تاريخ التسجيل: Mar 2006
الدولة: السعوديه(,بلاد الحرمين,,,)
رقم العضوية :66566
المشاركات: 3,048
|
والله ......سويتيه يعنى ......هماني متفقتن معتس لقضى تقرير ماليزيا
تحطين تقرير تايلند ..... والله قلبي ناغزن من قلتى الحلقة السادسه بالطريق اى طريق حرااااااااام عليتس  لكن بصراحه وناااااااااااااااسه بداية الرحلة لتايلند .......وكنت بتهاوش معتس بس بعدين يومن شفت حلاة التقرير والهرج اللى يجنن......والرحلة المشوقه ....والدبياااااااات ...والباص البناتى ....هونت ...وقلت مالى الا اقولتس عساتس على القوة ياعسل .......متابعتس هناك وهناااااااا... موفقه ان شاء الله |
|
|
|
|
02-01-2008, 10:40 PM
|
#13 (permalink) | |
|
مسافر خبير
تاريخ التسجيل: Apr 2007
الدولة: هو فيه احلى من (الخـــــــــبر)؟؟
رقم العضوية :129539
المشاركات: 6,275
|
اقتباس:
مرحبيتن بالغاليه ( أم حناين) وكل عام وانتي بخير ياقلبي الحمد لله التقرير اعجبك ..... وخلاص سجلتك ومقعدك محجوز بالصفوف الاولى ألف شكر عالمتاااااااااااابعه يالغلا |
|
|
|
|
|
02-01-2008, 10:43 PM
|
#14 (permalink) | |
|
مسافر خبير
تاريخ التسجيل: Apr 2007
الدولة: هو فيه احلى من (الخـــــــــبر)؟؟
رقم العضوية :129539
المشاركات: 6,275
|
اقتباس:
ياهلا وغلا باخوي سيف 22 .....بشر ان شاء الله بداية التقرير أعجبتك ؟ أما رحلة الباص لاتذكرني ألف شكر عالمرور والمتابعه |
|
|
|
|
|
02-01-2008, 10:47 PM
|
#15 (permalink) | |
|
مسافر خبير
تاريخ التسجيل: Apr 2007
الدولة: هو فيه احلى من (الخـــــــــبر)؟؟
رقم العضوية :129539
المشاركات: 6,275
|
اقتباس:
ألف ألف شكر على هالاطراء .....والحمد لله البدايه أعجبتكم جميع وان شاء الله الباقي ينال أعجابكم بعد .... لك كل الشكر على الدعم والتشجيع أخووووووووي |
|
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 04:06 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||