المشاركة الأصلية كتبت بواسطة قطر9111

الى الاخت لوله مع التحيه انا الي كاتب الموضوع بس ما ادري ليش انقله الله ايهداه وغير اسمه
اولا بخصوص الاسعار بتلقين اسعار المجمعات التجارية ثابته في بعض المحلات يعني تقدرين اتكاسرين بشي بسط وما انصحج تشترين اي شي من بوكيت لانها غاليه بالنسبة لبضاعتهم لانها كلها جايه من بانكوك وانتي عارفة شحن وخلافة يعني بيضربون عليج وثاني شي اذا حبيتي تتسوقين في بانكوم فهذا هو المطلوب ولاكن تحملي ايقصون عليج بعلمج اشلون اذا جيتي مثلا يعني لمحل الساعات ويمكثرها في سوق بات بونج وهو السوق الليلي اذا شفتي شي واعجبج لا تسالين عن سعره يعني لو شفتي ساعه موعينه وخاطرج فيها وانتي اتشوفينها على طاولة العرض اسالي عن الساعه الي احذاها واسالي عن ساعه ثانيه بتلاحظين انه البائع عطاج اول ساعه بسعر غالي والثانيه ارخص وبعدين اساليه عن الساعه الي في خاطرج طبعا هذا كله عن طريق الكولكوليتر يعني هو يكتب وانتي اتشوفين لو شفتي مثلا ساعه وقالج قيمتها 5000 بات على طول اخذي الكولكليتر من يده واكتبيله 2000 بيقولج لا انا خسران عطيني ازياده قوليله هذا اخر شي اذا قالج لا معليج ردي الكولكليتر وامشي عنه بعد ثلاث خطوات بتسمعينه اينادي عليج وايقولج خلاص خلاص تعاتلي اخذيها بالسعر الي قلتيه وانصحج انج ادورين بالمحلات الي داخل السوق لانه المحلات الي برع على الشارع رافعين الاسعار لانه محلاتهم على الشارع وبخصوص امينه هذي محلها داخل السوق اسالي اي احد من محلات الشناط الي بتشوفينها داخل السوق وبيدلونج عليها ومواصفاتها كلاتي بيضة امحجبة دمها خفيف مسلمه كاسريها براحتج عادي يعيني بتقولج انا خسرانه تغشمري معاها واخذي الي تبينه وعندها احجابات وشالات حرير اتجنن واي سؤال اختي انا حاظر بس ما انصحج اتروحين السوق مع احد اصغير لانه السوق فيه استربتيزات وايد يعني امشي وعينج على المحلات بيصوتون عليج ناس ولا كانج اتشوفينهم ورحله اموفقه

المشاركة الأصلية كتبت بواسطة ام شواخي

شنو يعني استربتيزات لاني بودي بنتي معاي عمرها سنة وكم شهر ..............؟؟؟؟؟؟؟؟؟


وشكرا على الموضوع الجميل ياقطر9111