الموضوع: استفسار عن دراسه الطب في المانيا

السلام عليكم ورحمه الله وبركاته
ارجو من الاخوان افادتي اي المدن الامانيه تدرس قسم الجراحه في المانيا

اخوي العمودي هلا وغلا فيك

النظام الطبي والتعليم الطبي في المانيا متطور جدا ..

واغلب المدن الالمانيه فيها مستشفيات جامعيه تمنح درجة الاختصاص الطبي في التخصص المراد فيه " الفاخ ارتست "

مادري هل كان استفسارك عن مرحلة البكالريوس او الاختصاص الطبي ..

ولا اعلم ان كنت تقصد تخصص الجراحه العامه او تخصصات الجراحه الاخرى مثل المسالك البوليه وجراحة الاطفال وجراحة المخ والاعصاب والجراحه التجميليه وخلافه ..

اي استفسار تفضل وانا راح اجيبك من واقع خبره في هالمجال

وحياك وبياك

شكرا اخيboby
اللي اقصده انا ان شاء الله بااخذ البكلوريوس من جده وبكمل الماستر والدكتروراه هناك في المانيا قسم الجراحه العامه
اذا تسمح تفصلي شوي

هلا وسهلا فيك اخوي العمودي

اول شي حبيت اسال .. كم بقي لك وتنهي دراستك الطبيه الجامعيه ؟

نرجع لموضوعنا

في المانيا هناك درجه اسمها الفاخ ارتست.. وتترجم بمسمى التخصص الطبي

وهي درجه تعتبر بمعايير المعادله بين الشهادات العليا اعلى بقليل من شهادات البورد .. سواء كندي او عربي او امريكي او سعودي ..
ليه ؟
لان مدة الدراسه في المانيا بالضبط خمس سنوات مفرغه تماما للتخصص الطبي .. يعني جراحه عامه بس .. من دون باطنه او اطفال او غيرها
بعكس نظام البوردات اللي نظامهم اربع سنوات .. والسنه الاولى غالبا لاتكون في نفس التخصص .. يعني تخصصك يكون تدرسه ثلاث سنوات

وهنا الفرق بين خمس سنوات وثلاث سنوات في التخصص .. وهذا ماجعل شهادة الفاخ ارتست .. يتم معادلتهافي اغلب دول العالم بشهادة الـ Phd او مانسميها بالدكتوراه ..

تقديرا ..لسياسة المنتدى المانعه لوضع اي روابط ..

راجع الخاص عندك راح اعطيك موقع متخصص للاطباء السعوديين في المانيا .. راح يفيدك كثير

بالتوفيق اخوي الغالي

المشكله ... ما اقدر ارسل لك رساله خاصه

؟؟؟

انت رافض الاتصال باي شخص

والله ياليت تشرحلي كيف اجعل الاخرين الاتصال بي
هذي مشكله من زمان ماني عارف لها حل

شف يالطيب

اختر لوحة تحكم العضو من فوق يمين في خيارات المنتدى

ومنها اختر الاعدادات الشخصيه ..

ومن ضمن الخيارات تحصل الخيار التالي وبجمبه مربع :
تنشيط الرسائل الخاصة

اضغط على المربع بعدين في اسفل الصفحه اختر حفظ الاعدادات الجديده

وبكذا تقدر تستقبل من اي شخص

اخي مشرف المانيا الفاضل .

هل يوجد شخص او مكتب في المانيا يساعد ابنة اخي لدراسة طب الاسنان ماجستير ودكتوراة حيث انه لديها منحة من الدولة .

معها زوجها وطفلها ستة اشهر .

على فكرة اذا احتجت تصديق العمدة في تركيا تحت امرك ( يا بخت من نفع واستنفع ) ههههههه .

مجهود رائع تبذلونه يا اهل الاشراف رعاكم الرحمن وبارك فيكم .

اخي العمده :)

حياك وبياك على مرورك الجميل

اذا انت خليجي .. الافضل والاسهل ان تتصل بالملحقيه الثقافيه الخاصه ببلدك وتتواصل معهم وراح يطلبوا منك كل الاوراق المطلوبه .. وهم يبحثوا لك عن قبول في احد الجامعات .. وينسقوا لك التسجيل والدراسه في معهد لغه قبل مواصلة الدراسات العليا

بالتوفيق لك ولابنة اخيك

هلا بالعزيز الغالي اكيد خليجي وكمان سعودي اجل كيف صرت عمدة .

اخي الفاضل الملحقية فين واحنا فين في ناس احضروا القبول بنفسهم واكملوا الاجراءات .

واحنا ننتظر فرج الرحمن . اذا تعرف احد هناك او مكتب نتصل عليه ونتعامل معه .

اكون لكم من الشاكرين وانا من الآن اقول بارك الله فيكم ونور دربكم .