 |
 |
 |
||
|
|
|
||
 |
|
 |
|
|||||||
| دول جنوب و شرق آسيـــا تعنى هذه البوابة بتزويد المستخدمين بجميع المعلومات المتنوعة الخاصة بالسفر الى الهند وسيريلانكا. |
 |
|
|
أدوات الموضوع | انواع عرض الموضوع |
|
|
23-12-2007, 08:47 PM
|
#1 (permalink) |
 
تاريخ التسجيل: Aug 2007
الدولة: قلب دبي النابض
رقم العضوية :152356
المشاركات: 2,229
|
تقرير رحلتي الى بنجلوور
السلام عليكم كيف الحال يا اخواني عساكم بخير انا الحين في بنجلور وحبيت اوفيكم بتقرير عن رحلتي القصيره المكونه من 10 ايام يوم المغادره من دبي الاربعاء الساعة 12 بتوقيت الامارات الموافق 19-12-2008 اول ايام عيد الاضحى طبعاً سافرنا على خطوط طيران الامارات زمن الرحله 3 ساعات و20 دقيقه وصلنا مطار بنجلور الساعه 4 تقريباً,,,, ماتوقعت جي مطار بنجلور معاملت الموظفين مب حلوه ابد اول ماوصلنا هزئنا الضابط هناك وبعد تأخرت الشنط وايد وضاعت وحده من الشنط المهم استلمونا الحماليه لين الباص ولا بعد واحد منهم يقول عطوني فلوس بالدولار!! كان في استقبالنا شخص من بنجلور صديق العائله وزوجته رحبو فيها ووصلونا الين السكن الجو كان ممطر وبررررد ودرجة الحراره كانت 12 سكنا في Brigade Residences يعني المكان حلو ونظيف نوعاً ما وهذا موقعهم Brigade Enterprises: Apartments Bangalore, Real Estate Bangalore, Property Developers Bangalore and Mysore also Luxury Apartments, Software Facilities, Enclaves and Commercial Properties. في اليوم الاول كنا تعبانين ونمنا من وقت,,, اليوم الثاني ,,, الخميس 20 -12-2007 صحينا الصبح ورحنا سوبرماركت قريب من رسول ماركت وتشرينا اغراض للبيت والعصر سرنا مركز تسوق حلو وتشرينا بنجابي وقمصان وهالسوالف ورجعنا البيت الساعة 6 ونص المغرب ,,, وطبعنا بسرعه وتعشينا قبل الساعه 8 وصمنا عشان اليوم الثاني الصبح كان عندنا موعد في المستشفى.. وعشانا يعنا وايد رقدنا من وقت. اليوم الثالث... يوم الجمعه 21-12-2007  صحينا من النووم الفجر الساعه 6 وتلبسنا ونزلنا تحت لقينا الباص ينتظرنا و انطلقنا الى المستشفى وهو كولومبيا اسيا وهذا موقعهم عالنت Columbia Asia سوينا تحاليل وكشوفات وشيك اب كامل ما شاء الله كنا 13 شخص وما خلصنا الا الساعه 5 العصر تقريباً. ورجعنا الشقة وما طلعنا ,, ووصلت الشنطه اللي ضاعت في المطار ويابوها لين السكن. اليوم الرابع,,, السبت 22-12 اليوم العصر طلعنا لاحد مراكز التسوق وكان المركز كبير وخذنا عندهم بنجابي وقمصان طوال وكرمتو نعول حلوه وخذنا عشا من ماكدونالدز ورجعنا الشقه اليوم الخامس,,, الاحد 23-12  اليوم طلعنا من العصر ورحنا اول شي لمحل اقمشه اعراس اسمه samyakk والاهل خلصوا الاقمشه اللي في المحل ماشاء الله,, وبعدها سرنا فندق ليلى بلس فيه مركز تسوق راقي واشترينا هدايا للاهل وتعشينا في مطعم راقي هذا الجزء الاول وانشاء الله راح اوفيكم بالجزء الثاني مع الصور والقاكم على خير |
|
|
|
26-12-2007, 03:19 PM
|
#3 (permalink) | |
|
تاريخ التسجيل: Aug 2007
الدولة: قلب دبي النابض
رقم العضوية :152356
المشاركات: 2,229
|
اقتباس:
وانته بخير وبصحه وسلامه الف شكر لك على الرد الجميل وانتظر القادم |
|
|
|
|
|
26-12-2007, 03:22 PM
|
#5 (permalink) | |
|
تاريخ التسجيل: Aug 2007
الدولة: قلب دبي النابض
رقم العضوية :152356
المشاركات: 2,229
|
اقتباس:
والحمد لله ان بخير والله المستشفى وايد حلو ونظييف وايد انا اقارنه بمستشفى الامريكي في دبي واسعارهم رخيصه وايد البلد انا عاجبتني بس عيبها ان الجو مغبر ,,, واهم شي فيها مراكز تسوق وان شاء الله نزورها مره ثانيه والف شكر لك على الرد |
|
|
|
|
|
29-12-2007, 09:53 PM
|
#7 (permalink) | |
|
تاريخ التسجيل: Aug 2007
الدولة: قلب دبي النابض
رقم العضوية :152356
المشاركات: 2,229
|
اقتباس:
والله بس موظفين المطار هم الغلسين لكن التعامل مع النس العادين وايد اوكي وهم شعب طيب وفقير الف شكر لك على الرد |
|
|
|
|
|
28-12-2007, 10:48 PM
|
#10 (permalink) |
|
عمدة اوزنقول
 
تاريخ التسجيل: May 2004
الدولة: جده ام الرخا والشدة
رقم العضوية :2696
المشاركات: 5,186
|
هلا طال عمركم وكل عام وانتم بخير وعيدكم مبارك .
اخيتي هل تستحق بنجلوور جولة سياحية اود القدوم الى الهند بعد اسبوعين ان شاء الله . تقرير بسيط وجميل وممتع بارك الرحمن فيكم . |
|
|
|
|
29-12-2007, 09:40 PM
|
#11 (permalink) |
|
تاريخ التسجيل: Aug 2007
الدولة: قلب دبي النابض
رقم العضوية :152356
المشاركات: 2,229
|
اليوم السادس 24-12
اليوم نص الاهل سارو المستشفى الصبح الساعه 8 يشوفون نتايج التحاليل والكشوفات وما رجعوا الا الساعه 4 العصر خذو ريست وجذي على الساعه 5 العصر رحنا السوق اسمه KEMP KIDS نشتري هدايا لليهال والمغرب رحنا فندق ليلى بلس وهو مقابل هالمحل وتعشينا في BARISTA COFFEE والساعه 9 ونص رجعنا السكن. اليوم السابع 25-12 اليوم العصر طلعنا من البيت ورحنا محل اقمشه واشترينا من عندهم وبعدها رحنا مركز تسوق قريب من المحل وكان وايد زحمه علشان اليوم عندهم كريسماس,, اكثر شي عندهم حلو هو البنجابي ولكن في الزحمه انصرق موبايل بنت عمي ما عرفنا منو السارق وطلعنا من المركز والساعه 9 ونص رجعنا السكن وطلبنا عشا من المطعم. اليوم الثامن 26 -12 صحينا من الصبح 9 ونص ورحنا فندق ليلى بلس نعمل مساج وسبا في the spa لين الظهر ورجعنا البيت وتغدينا والمغرب رحنا مركز تسوق اسمه بنجلور سنتر فيه ملابس شيك استانسنا بس وناستنا ماكملت لان سرعان ما انسرقت خالتي وخذو المحفظة باللي فيها من الاف الدراهم وبطايق الفيزا. وردنا السكن مقهورين وزعلانين وما باليد حيله. اليوم التاسع 27-12 الساعه 4 العصر بعد الغداء سرنا M.G rood هالشارع كله محلات وتشرينا منه وخلصنا العشا ردينا البيت و كنا بنطلع نتعشا بس خبرونا ان بناظير بوتو قتلوها والاهل في الامارات كلمونا وقالو لا تطلعون وتعشينا في البيت... بس الحلو في هاليوم اتصل واحد هندي سائق اوتو او تك تك بخالتي يخبرها ان حصل محفضه طايحه في سيارته ورجعها لها بس بدون فلوس وخالتي سبحان الله كانت كاتبه رقمها مال الهند في المحفظه  اليوم العاشر 28 -12 صحينا من الصبح نحضر اغراضنا وشنطنا وطلعنا نشتري هدايا للاطفال من السوق اللي تحت فندقنا وتقريباً على الساعه 2 ونص انطلقنا الى المطار وانصدمنا مره ثانيه من حركات الموظفين هناك من تأخير وتغليس ساعتين عند وزن الشنط وبعدها يلسنا في صالت المسافرين لين ما طرنا الساعه 6 ونص بتوقيت بنجلور وو صلنا مطار دبي الساعه 9 بتوقيت دبي. والحين اتركم مع الصور  المكان اللي سكنا فيه  في محل الاقمشه  في محل الاقمشه  موقف الدراجات في احدى المراكز   الديكور في السبا  ديكور الحمام في السبا  وايد عجبني طريقة الديكور في السبا  الممر في السبا  الجاكوزي في السبا   ليلى بلس في النهار  بهو فندق ليلى بلس  باقة الورد عن قرب انطباعي عن الرحلة والمدينة بشكل عام الرحلة ممتعه والمدينة تستحق الزيارة بغض النظر عن بعض السلبيات من معاملة موظفي المطار والسرقات هالاشياء تحصل في كل مكان. والعلاج ممتاز عندهم وادويتهم فيها فائدة ومحلاتهم حلوه. |
|
|
|
|
29-12-2007, 10:13 PM
|
#12 (permalink) | |
|
تاريخ التسجيل: Aug 2007
الدولة: قلب دبي النابض
رقم العضوية :152356
المشاركات: 2,229
|
اقتباس:
وانتو بخير وبصحه وبسلامه يارب هي تستحق الزياره وبنجلور فيها معالم سياحيه وايد والحين الجو فيها جميل |
|
|
|
|
|
11-06-2008, 09:09 PM
|
#15 (permalink) | |
|
تاريخ التسجيل: Aug 2007
الدولة: قلب دبي النابض
رقم العضوية :152356
المشاركات: 2,229
|
اقتباس:
المعاملة السيئة والسرقه في كل مكااااااان ,,, وهم شعب فقيييير اذا شافو عرب ولا شنط ماركات وموبايلات اخر موديل كيف ما تبغيهم يسرقون!! انا هذا تفسيري والحذر واجب انا وايد كنت انبههم يمشون في السوق سط الزحمه وشنطهم مفتوحه .. بالنسبه لنا كنا مقيدين بأيام معدوده وكان هدف السفر الاساسي للعلاج والتسوق ,, بغينا نسير اماكن سياحيه مثل ميسور واوتي بس عمي كان تعبان وريال صاحب سكر وجلطه ومايتحمل الطرق والمسافات البعيده.. ان شاء الله نعوضها بسفره ثانيه |
|
|
|
|
|
«
بنتوتة السريلانكية .. كما لم ترها من قبل .. ومقلب مطعم البيك ..!!
|
رحلتي إلى ஹ مومبي ஹ لأيام معدودة 1/7/2007
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 02:11 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||