 |
 |
 |
||
|
|
|
||
 |
|
 |
|
|||||||
| بوابة السفر إلى أسبانيا Spain يعنى هذا المنتدى بطرح جميع الإستفسارات السياحية المتعلقة بأسبانيا وذلك في مواضيع مستقلة. |
 |
|
|
أدوات الموضوع | انواع عرض الموضوع |
22-11-2007, 04:32 AM
|
#1 (permalink) |
|
مسافرجديد
تاريخ التسجيل: Feb 2005
الدولة: أسبانيا
رقم العضوية :18374
المشاركات: 26
|
°• ҳ̸Ҳ̸ҳ •° تفاصيل إكمال إجراءات البعثه Ҳ أسبانيا °• ҳ̸Ҳ̸ҳ •°
:
°• ҳ̸Ҳ̸ҳ •° °• ҳ̸Ҳ̸ҳ •°°• ҳ̸Ҳ̸ҳ •°°• ҳ̸Ҳ̸ҳ •° Ҳ السلام عليكم ورحمة الله وبركاتة Ҳ أول شي أحب أهني جميع المقبولين الـ 6547 في برنامج خادم الحرمين الشرفين للإبتعاث الخارجي وأتمنى كل التوفيق للمستبعدين من البرنامج وأخص بالذكر المبتعثين والمبتعثات لـ دولة أسبانيا وإللي يعتبرون أول دفعة تدخل ضمن برنامج خادم الحرمين الشريفين فـ حياكم الله في أسبانيا , وأتمنى إن الديره تعجبكم , وأكيد راح تعجبكم إن شاء الله وتقضون مرحلة دراسية مليئه بالمتعه والفائده , وترجعون بـ أعلى الشهادات مع الإعلان عن الأسماء لاحظت كثرة الإسئلة عن الخطوة التالية ما بعد القبول النهائي, منهم موضوع الأخت قموره وكون إضافة دولة أسبانيا للدول الموجه لها الإبتعاث يظهر لأول مره في هالمرحله , فـ في هالموضوع راح أوضح الخطوات اللي يتوجب ع المبتعث القيام بها إبتداء من السعودية , و وصولاََ لأسبانيا سبق وشرحتها في ردي عالموضوع , ولكن اكتشفت اني نسيت بعض الأمور الي قد تكون مهمه الذاكرهـ وعمايلها الأمور راح تكون أبسط مما تتخيلون إن شاء الله , والإجراءات اللي يتوجب عليكم تسوونها بسيطه Ҳ بسم الله Ҳ °• ҳ̸Ҳ̸ҳ •° °• ҳ̸Ҳ̸ҳ •°°• ҳ̸Ҳ̸ҳ •°°• ҳ̸Ҳ̸ҳ •° : |
|
|
|
22-11-2007, 04:33 AM
|
#2 (permalink) |
|
مسافرجديد
تاريخ التسجيل: Feb 2005
الدولة: أسبانيا
رقم العضوية :18374
المشاركات: 26
|
: °• ҳ̸Ҳ̸ҳ •° °• ҳ̸Ҳ̸ҳ •°°• ҳ̸Ҳ̸ҳ •°°• ҳ̸Ҳ̸ҳ •° Ҳ السعودية Ҳ بعد صدور الموافقة النهائية , الوزارة راح تسلمكم ( قرار الإبتعاث ) موضح فيه الدولة والتخصص ومدة الدراسة على ضوء القرار هذا , راح تستلمون ( خطاب السفاره ) عشان إستخراج الفيزا خطاب السفاره , يكون موضح فيه إن الطالب فلان بن فلان مبتعث من قبل وزارة التعليم العالي , وإن الوزارة متكفلة بالأمور المادية بيكون بالإنجليزي طبعاََ فـ لو تقدرون تترجمونه للإسباني عند أي مكتب ترجمة معتمد يكون أفضل لأنكم راح تحتاجونه في الأيام الأولى إذا وصلتم على ما يجيكم الضمان المالي من الملحقية إذا ما تقدرون مو مشكله , الإنجليزي يمشي واذا إستلمتم هالخطاب , تأكدوا إن الراتب الشهري موضح فيه , لأن السفاره تطلب إنها تعرف كم راح يكون دخلك الشهري - ذيك السنه رجعوني عشان أضيفه  -تتوجه بهالخطاب للسفاره , بالإضافة إلى باقي الأوراق إللي المطلوبه وهي غالباََ غير معقده ( جواز السفر , صور شخصية , صوره من الخطاب , قبول الجامعه في أسبانيا , حجز السكن , كشف طبي , إجراء البصمات في الأدله الجنائيه ) وتقدرون تتأكدون منها عن طريق الإتصال بالسفاره , أو تروحون لهم وتاخذون الأبليكيشن و ورقة الطلبات , وتعبونها على رواق , وتجهزون ملفكم. إحتمال يعطونكم موعد لـ مقابلة شخصية , وهذي ما كانت فيه سابقاََ , لكن اعتقد أنها صارت موضه في كل السفارات بس إن شاء الله إنها بسيطه , كم سؤال , وتضرب الباب , وما راح يكون الموعد بعيد , مجرد أيام فترة إستخراج الفيزا , من 3 أسابيع إلى شهر كحد أقصى إذا الوضع سليم والأوراق كامله بعد إستلام الفيزا , تتوجهون للوزارة لتحديد موعد الرحلة وإستلام التذكرهـ وبكذا تكونون إنتهيتم من مسألة السفاره والفيزا وأمور وزارة التعليم العالي °• ҳ̸Ҳ̸ҳ •° فيه مسأله مهمه , إللي هي ترجمة الوثائق. لـ حاملي البكالوريوس / - ترجمة وثيقة التخرج للغة الأسبانية. - ترجمة السجل الأكاديمي للغة الاسبانية. - ورقة تاخذها من عميد الكلية, موضح فيها إن البكالوريوس اللي معك يؤهلك لدراسة الماجستير في بلدك. ووترجمها للأسباني برضو. عاد الله يعينكم على إقناع الربع بهالورقه , بس حاولوا توضحون لهم ان الجامعات هنا تطلبها , وانكم توعدونهم بعدم استخدامها داخل البلد  .بعد ما تترجمونها وتنتهون تبدأ رحلة الختوم والتواقيع 1- بداية من العمادة , بحيث تختم على الترجمة انها مطابقة للأصل, بحيث تصير وثيقة رسمية. 2- وعلى ضوء هالختم, تروحون لوزارة الخارجية , ويختمون عليها ختم الخارجية. ( خمس دقايق ) 3- وعلى ضوء ختم الخارجية, تروحون للسفارة الاسبانية , ويختمون عليها هم من جهتهم. 4- بكذا تصيرون Ok , وإذا جيتم هنا , لأسبانيا , تمرون وزارة الخارجية, وعلى ضوء ختم السفاره الاسبانية , يختمون ختم الخارجية الأسبانية. ( ولا وصلتم هنا نسوي رحلة مع بعض لوزراة الخارجية  )أما بالنسبة لخريجي الثانوية / فـ ما ادري بالضبط وش الأوراق المطلوبه بصراحه. لكن على أي حال , ترجموا أي وثيقه رسمية تحتاجونها للتسجيل في الجامعه, شهادة التخرج مثلاََ. وإحتمال يكون ختمها عند وزارة التربية والتعليم, ما ادري بالضبط. واتبعوا نفس الآلية في الختوم. وبكذا تنتهون من أي شي متعلق بالـ سعودية °• ҳ̸Ҳ̸ҳ •° °• ҳ̸Ҳ̸ҳ •°°• ҳ̸Ҳ̸ҳ •°°• ҳ̸Ҳ̸ҳ •° : |
|
|
|
|
22-11-2007, 04:35 AM
|
#3 (permalink) |
|
مسافرجديد
تاريخ التسجيل: Feb 2005
الدولة: أسبانيا
رقم العضوية :18374
المشاركات: 26
|
: °• ҳ̸Ҳ̸ҳ •° °• ҳ̸Ҳ̸ҳ •°°• ҳ̸Ҳ̸ҳ •°°• ҳ̸Ҳ̸ҳ •° Ҳ أسبانيا Ҳ بعد الوصول لمطار ( باراخس ) في مدريد , أو أي وجه كانت. أول شي تحطونه في بالكم هو ( مراسلة الملحقية الثقافية في باريس ) لأن أسبانيا تابعه لملحقية باريس ومالها ملحقية مستقله وإن شاء الله على يدكم , وبعد كثرة الطلبة السعوديين يفتحون لنا فرع طبعاََ عشان تراسلونهم وتمشي اموركم سريعه , لازم تسوون كم إجراء بسيط قبل , ماياخذ منكم يوم واحد بخطاب الوزارة ( الموجه للسفاره ) + جواز السفر , تروحون أي بنك , وتفتحون حساب بنكي البنوك اللي انصح فيها ( BBVA أو Santander ) + تطلعون شريحة جوال وأنصح بـ ( Movistar أو Vodafon ) : بعد كذا , تجهزون الملف اللي راح ترسلونه للملحقية لإعتماد البعثه, ويشمل / صورة جواز السفر + صورة الصفحة اللي إنوضع عليها ختم الدخول إلى أسبانيا والموضح فيه تاريخي الدخول + صورة بطاقة الهوية الوطنية أو بطاقة العائله + صورة قرار الإبتعاث + المعلومات البنكية - البنك راح يعطيكم مجموعة أوراق , في الصفحه الأولى موضح فيها كل تفاصيل الحساب , أو إنكم تصورون الدفتر إللي بيعطونكم هو , الصفحه الأولى منه , وضروري يكون موضح فيه ( رقم الـ IBAN ) - + العنوان الدائم في أسبانيا وأرقام الهواتف طبعاََ هذي ترسلونها بالفاكس عالرقم اللي بوضحه بعد شوي أمر ثاني متعلق بهالموضوع ونصيحه بنفس الوقت مهما كان مستواك في اللغه الأسبانية , لا تفوت ( سنة اللغه ) لأنها من ( حقك ) حاولوا تشوفون معهد تابع لجامعة , مو معهد تجاري ويفضل يكون المعهد التابع للجامعة اللي بتدرسون فيها بحيث تكون إجراءاتكم مع الملحقية سهله , وبرضو تقدرون تطلعون البطاقية الجامعية اللي بتستمر معكم طول فترة دراستكم وبالتالي تستفيدون من العرض والخصومات اللي تقدمها عموماََ إذا كان عندكم معهد تعليم لغة في بالكم , وأخذتوا منه قبول في دراسة سنه لغه , إرفقوه مع الأوراق أو قبل ما ترسلون اللسته إللي فوق , تروحون للمعهد إللي بتدرسون فيه , وعلى ضوء ( خطاب الوزارة الموجه للسفاره ) تفهمونهم إنكم مبتعثين من الدولة , وتبون تسجلون في كورس اللغه لـ فترة سنه , وإن التكاليف الملحقية بتدفعها , بس كونها في باريس فلازم ارسل الأوراق وهم يحولون لكم المبلغ وهم من ناحيتهم يعطونكم ( قبول موضح فيه فترة الكورس ونوع الدراسه ) + ( فاتورة مالية بتكاليف الكورس موضح فيها أرقام حسابات المعهد ) أو يطلبونكم أرقام الملحقيه وهم يتفاهمون مع بعض ترفقون هالورقتين مع الأوراق اللي ذكرتها , وترسلونها فاكس وبعدين تصورون الفاتوره وتحتفظون بكم صوره منها وتاخذون الصور اللي ذكرتها + ( الفاتورة الأصلية ) وترسلونها ( بالبريد ) عـ الملحقية °• ҳ̸Ҳ̸ҳ •° و بس الملحقية راح تخلص إجراءات إعتماد البعثه , وراح ترسلكم ( الضمان المالي ) على عنوان السكن وهالضمان ضروري جداََ , ولازم كل سنه تطلبون تجديده وبرضو راح ترسلكم ( مبلغ مالي ) عن طريق شيك يـُـرسل لمقر السكن , أو عن طريق حواله بنكيه وهالمبلغ هو للفتره من تاريخ الوصول اللي موجود عالجواز إلى أقرب 25 وبعد كذا , راح ينزل الراتب مباشرة عالحساب كل 25 من الشهر الهجري ( يتأخر يوم يومين أحياناََ بس مو قضيه ) °• ҳ̸Ҳ̸ҳ •° طبعاََ لا يغركم كثر الحكي اللي انا كاتبه لو جيتم للتطبيق , ترى ما تاخذ منكم ( يوم واحد ) الصباح الساعه 9 تمرون المعهد وتخلصون أموره , وتطلعون منه على اقرب بنك , 10 دقايق وانتم فاتحين حساب , وبعدين تمرون أي محل إتصالات وتطلعون شريحة في 3 دقايق , وبعدها أقرب كابينة تلفون وترسلون فاكس ماتاخذ 5 دقايق , وعالبريد ترسلون الأوراق في 10 دقايق وتكون جات الساعه 12 الظهر لاجد , الأمور جداََ سهله °• ҳ̸Ҳ̸ҳ •° هالأمور عندكم كلها وعلى كل الأحول , أول ما توصلون دقوا عالملحقية وتأكدوا من كل شي قبل ما تسوون أي شي °• ҳ̸Ҳ̸ҳ •° عنوان الملحقية الثقافية في باريس / 54, Avenue Hoche 5 ème étage Paris 75008 France Tel 0033 1 56 60 50 00 Fax 0033 1 56 60 55 27 وهنا باقي الأرقام الخاصه / الشؤون الدراسية : عبدالمحسن السويلم - 0033156605339 الشؤون المالية : عبدالعزيز الرشيد - 0033156605145 الشؤون الثقافية : يحيى سبعي - 0033156605263 الشؤون المعلوماتية : عبدالله البخيت - 0033156605249 وهذا موقعهم عالإنترنت / Press °• ҳ̸Ҳ̸ҳ •° °• ҳ̸Ҳ̸ҳ •°°• ҳ̸Ҳ̸ҳ •°°• ҳ̸Ҳ̸ҳ •° : |
|
|
|
|
22-11-2007, 04:36 AM
|
#4 (permalink) |
|
مسافرجديد
تاريخ التسجيل: Feb 2005
الدولة: أسبانيا
رقم العضوية :18374
المشاركات: 26
|
: °• ҳ̸Ҳ̸ҳ •° °• ҳ̸Ҳ̸ҳ •°°• ҳ̸Ҳ̸ҳ •°°• ҳ̸Ҳ̸ҳ •° مسأله أخرى مـُـهمه جداََ الفيزا اللي بتستلمونها راح تكون لمدة 6 أشهر وعشان تكونون نظاميين في البلد بعد إنتهاء الفيزا , لازم تستخرجون ( بطاقة إقامة طالب - Tarjeta de residencia ) كيف تستخرجونها ؟ أنا أقولكم إذا وصلتم , وبعد ما تخلصون من مراسلة الملحقية , وفي يوم صباحي تكونون فاضيين فيه , تسألون عن أقرب مركز شرطة لكم وبالتحديد , اسمه ( كوميساريا , Comesaria ) تروحون لهم , وتقولون ( نبي موعد لإستخراج بطاقة الإقامه ) راح يعطونكم موعد , وبالعاده هالموعد يعتمد على المدينه اللي انت فيها, وبيكون بالشهور , فلا تنصدمون , لأن حتى لو انتهت الفيزا , الورقه اللي عليها الموعد تكفي راح يعطونكم نموذج تعبونه و مختوم عليه فوق الموعد + لستت طلبات طبعاََ قولولهم إنكم مبتعثيين , عشان يحددون الأشياء اللي يبونها ويلغون اللي ما تنطبق على وضعكم الطلبات اللي راح يطلبونها / الإستماره معبأه ( أصل + صورة ) + جواز السفر ( اصل + صوره ) + ورقة الضمان المالي ( اصل + صوره ) + ورقة من السكن ( اصل + صوره ) - إذا كنت ساكن في سكن طلاب , أطلبها من إدارة السكن , وإذا كنت ساكن مع عائله إطلب من العائله صورة العقد وورقه منهم تثبت انك ساكن معهم , وإذا كنت ساكن بشقه , خذ العقد ورح لمكتب البلديه وطلع شهادة سكن , وما تاخذ 5 دقايق - + قبول المعهد أو الجامعه ( أصل + صوره ) + تأمين طبي ( لو تقدرون , سووه من السعودية , بحيث يكون دولي, وبيكون أرخص من هنا ) + صورتين شخصية ( أصل + صوره ) + الكشف الطبي المترجم اللي سويتوه عشان السفاره ( أصل + صوره ) + كشف البصمات المترجم اللي سويتوه عشان السفاره ( أصل + صوره ) - الطلبين الأخيره ياليت تركزون عليها , لأن اول العام تورطت لأني ما أخذتها من السفاره , واضطريت اكلمهم عشان يرسلونها لي , وما قصروا فـ اذا رحتم وقدمتم عالفيزا وضحولهم هالأمر , وانكم تحتاجونها عشان بطاقة الإقامه , وخلوا المترجم اللي في السفاره يترجمها ويدبسها مع الأصل العربي , وجيبوها معكم. أعتقد هذي هي بس , وعلى أي حال , بتعرفون كل شي من الورقه اللي بيعطونكم هي إذا جاء الموعد , ورحتم , وسلمتم كل الأشياء هذي , بيعطونكم موعد ثاني لإجراء البصمات تجون , خمس دقايق , تبصمون , ويقولونلكم الأسبوع الجاي تستلمون البطاقه تروحون تستلمونها وبكذا تصيرون مقيمين رسميين , وتعاملون معاملة الأوروبيين من حيث التنقل بين الدول الأوربية بدون فيزا وتقدرون تشترون سياره وتستفيدون من أنظمة الاقساط و و و و و . . الخ. البطاقة اللي بيعطونكم هي مدتها تنتهي بإنتهاء فترة الدراسه , على ضوء القبول اللي جايبينه فـ اذا قبول على سنة لغه , بتكون مدتها سنه وحده وراعوا مسألة المواعيد وتأخرها يعني قبل ما ينتهي تاريخ البطاقه بكم شهر , مروا عالشرطه , وخذوا موعد تجديد بحيث اذا انتهت تروحون تجددونها على طول وما تتأخرون °• ҳ̸Ҳ̸ҳ •° °• ҳ̸Ҳ̸ҳ •°°• ҳ̸Ҳ̸ҳ •°°• ҳ̸Ҳ̸ҳ •° : |
|
|
|
|
22-11-2007, 04:37 AM
|
#5 (permalink) |
|
مسافرجديد
تاريخ التسجيل: Feb 2005
الدولة: أسبانيا
رقم العضوية :18374
المشاركات: 26
|
: °• ҳ̸Ҳ̸ҳ •° °• ҳ̸Ҳ̸ҳ •°°• ҳ̸Ҳ̸ҳ •°°• ҳ̸Ҳ̸ҳ •° وبالتوفيق إن شاء الله للجميع - وأي إستفسار ثاني أنا حاضر - °• ҳ̸Ҳ̸ҳ •° °• ҳ̸Ҳ̸ҳ •°°• ҳ̸Ҳ̸ҳ •°°• ҳ̸Ҳ̸ҳ •° ما كـُـتب أعلاه, صادر من تجربه شخصيه فـ في حال انه تم إلغاء أو تيسير أو تعقيد أي خطوهـ ذكرتها, نرجو المعذرهـ فـ النظام و الموظف هما المسؤولان. °• ҳ̸Ҳ̸ҳ •° حسين - اسبانيا - مدريد - الكلا دى نارس ماجستير / التواصل بين الثقافات والترجمة الشفوية والتحريرية في المراكز العامه. °• ҳ̸Ҳ̸ҳ •° °• ҳ̸Ҳ̸ҳ •°°• ҳ̸Ҳ̸ҳ •°°• ҳ̸Ҳ̸ҳ •° : |
|
|
|
|
24-11-2007, 06:47 PM
|
#8 (permalink) |
|
مسافرجديد
تاريخ التسجيل: Nov 2007
رقم العضوية :163956
المشاركات: 3
|
حسين الف الف الف شكر على المجهود الكبير..
والله يبارك فيك (مبتعث ماستر كمبيوتر) وصدع راسي من الكلام المكتوب فوق شكلي بهون.. عندي ماهو سؤال..الا اسأله بس مدري شلون ابدى فيهم.. السؤال الاهم.. يمديني اتعلم لغه اسبانيه بسنه وحده؟ انا متخوف من موضوع اللغه الشي الثاني الدراسه صعبه باسبانيا ، يعني معقده ولا كيف.. الشي الثالث "- ورقة تاخذها من عميد الكلية, موضح فيها إن البكالوريوس اللي معك يؤهلك لدراسة الماجستير في بلدك. ووترجمها للأسباني برضو" هذي مافهمتها وياليت نتواصل انا ويآك لان يخطر ببالي 60000 مليون سؤال بالدقيقه ومليون شكر اخوي |
|
|
|
|
16-01-2008, 07:42 PM
|
#9 (permalink) |
|
مسافرجديد
تاريخ التسجيل: Jul 2006
رقم العضوية :103847
المشاركات: 3
|
اخوي اسبانيول ماقصرت في طرحك وتفسيرك
بس اللي ابي اعرفه البعثاات لأسبانيا قفلت ؟! وهل بأمكاني التقديم في الوقت الحالي ؟ واذا ماكان بأمكااني الآن متى ؟ وهل طريقه التقديم على بعثه لأسبانيا واجهت فيها بعض المصاعب ؟ وشكر |
|
|
|
|
24-01-2008, 06:48 AM
|
#10 (permalink) | |
|
مسافرجديد
تاريخ التسجيل: Feb 2005
الدولة: أسبانيا
رقم العضوية :18374
المشاركات: 26
|
اقتباس:
أهلين " البرواز " تشكر عالرد , والإطراء حبيبي ويعطيك ربي الله الف عافيه |
|
|
|
|
|
24-01-2008, 07:16 AM
|
#12 (permalink) | |
|
مسافرجديد
تاريخ التسجيل: Feb 2005
الدولة: أسبانيا
رقم العضوية :18374
المشاركات: 26
|
اقتباس:
آسف جداََ عالتأخر في الرد ظروف , ولا قدرت أدخل أشيك 1 // موضوع اللغة مو مشكلة كبيرة, السنة اللي راح تدرسها في إسبانيا راح تفيدك كثير وبتتطور لغتك بسرعه لا تنسى إنك بتعيش داخل اللغه بكل استعمالاتها وبكل أبعادها وتفاصيلها وبتكون 24/24 إسباني × إسباني على أقل تقدير , بتخلص السنه ومستوى الإستماع والفهم يوصل للـ 70% , ويمكن يتعداه وبكذا راح تبدأ الدراسة الفعليه وانت قادر تفهم وش يدور في المحاضره وطبيعي إنك ما بتكون مسيطر على كل شي , لكن الجزء اللي ما تفهمه , راح تستنبطه من مضمون النص كامل , أو تطلب الإعاده , والأساتذه ما راح يترددون في شرح الجزئية اللي مافهمتها بالنسبة للكلام والكتابة , فهذي إنت وشطارتك, ومدى استفادتك من هالسنه في الاندماج مع المجتمع, والتعارف , وممارسة اللغه , والسؤال , والقراءة إذا قدرت إنك تطلق لسانك , وتتكلم وتخطي وتصحح , اتوقع ما راح تواجه أي مشكلة مع بداية السنة الثانية 2 // صعوبة الدراسه مافي شي بيجي بسهوله , وأتوقع إنك ما طلبت تكملة الدراسة والإبتعاث للخارج إلا وإنت مستعد لهالخطوهـ إنسى نظام التعليم السعودي , والجامعات في السعودية ولا تحطها في مقارنة مع جامعات أسبانيا أبداََ هنا , على قد ما تعطي , على قد ما تاخذ على قد ما تجتهد , على قد ما توصل للي تبيه ( يعني شغل / أعرف واحد في جمارك المطار , ما يمشي عندهم أبد  )ومو معناته انها صعبه صعبه صعبه تقدر تقول , امممممم ( ممتعه ) وتحسسك انك فعلا ( طالب ) ( طالب بحقوق , مش طالب أبو من غير حقوق  )3 // الورقة اللي اقصدها اعتقد طلبوها منكم الوزارة في الملتقى اللي سووه , وقالوا جيبوها عشان يجيبون لكم القبول وهذا الكلام اللي كنت اقوله ورقه من الكلية , يشيرون فيها إن الطالب فلان بن فلان خريج بكالوريوس في تخصص كذا وكذا , وإنه بشهادته هذي يقدر يواصل دراسته العليا ( الماجستير و الدكتوراه ) داخل السعودية وانت صيغها براحتك بأه وهم بكذا يقبلونك عالدراسات العليا على ضوء هالورقة لأن بعض الأنظمة في بعض الدول ما تتيح لحامل ( البكالوريوس ) انه يكمل ماجستير , لأن نظام البكالوريوس وساعاته ما تأهله , ولازم ياخذ دبلوم عالي أو أو أو . . الخ بسيطه مو مشكله هذي فهمهم وقول الوزارة طلبوها , وبيعطونك هي والله يوفقك إن شاء الله |
|
|
|
|
|
24-01-2008, 07:28 AM
|
#13 (permalink) | |
|
مسافرجديد
تاريخ التسجيل: Feb 2005
الدولة: أسبانيا
رقم العضوية :18374
المشاركات: 26
|
اقتباس:
أهلين OLee ( على هاليوزر , ضروري تجي لأسبانيا  )1 & 2 // والله ماعندي أي فكرة عن البعثات , أو متى تفتح ومتى تقفل بس شيك على موقع الوزارة , وشوف أخبارهم , أو اتصل عليهم واسأل وهم يعطونك العلم , أزين مني 3 // أنا وضعي كان غير عن اللي صاير الآن برنامج خادم الحرمين الشرفين للإبتعاث الخارجي هذي أو سنة يفتح فيها الإبتعاث لدولة أسبانيا أو أسبانيا غير مدرجة ضمن دول الإبتعاث وكانوا الطلاب عادة ما يكونون مبتعثين من جهات عملهم ( وزارة الخارجية , المعهد الدبلوماسي , معيدي الجامعات , آرامكو . . . الخ ) طريقة تقديمي للبعثه كان عن طريق خطاب طلب إبتعاث مرفق بقبول الجامعة في أسبانيا بالإضافة لشهادة البكالوريوس في " اللغات والترجمة , لغة أسبانية " ولقاء مع وكيل الوزارة للشؤون الأكاديمية السابق , الدكتور المعجل درسوا الطلب , وبعدها وافقولي عالبعثه , بشرط عدم دراسة سنة لغة , بحكم اني خريج لغة أسبانية وبس فما أدري عن النظام الحين , بحكم كون أسبانيا صارت من دول الإبتعاث الرسمية ( تحس إني ما جاوبتك ولا على سؤال صح ! ) بالتوفيق |
|
|
|
|
|
25-01-2008, 08:42 PM
|
#14 (permalink) | |
|
مسافرجديد
تاريخ التسجيل: Oct 2007
الدولة: *,* السـ ع ـودية *,*
رقم العضوية :159789
المشاركات: 44
|
حسين وراك وراك وين ماتروح .. كفشتك وش فيك نسيتنا هناك <<< مادري عرفتني او لا بس من اسم المدعضويتي يمكن بتعرفني اقتباس:
حسين ياليت تمر علينا هناك .. انا مستعجل لكن ودي اشوفك ع الايميل محتاجك  |
|
|
|
|
|
10-02-2008, 01:06 PM
|
#15 (permalink) | |
|
مسافر فعال
تاريخ التسجيل: Oct 2005
رقم العضوية :50860
المشاركات: 88
|
اقتباس:
خصوصاً انك لم تستلم بعد قبول بعثة من الوزارة |
|
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 06:33 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||